ഈ തണുത്ത വെളുപ്പാൻ കാലത്ത്

ഈ തണൂത്ത വെളുപ്പാൻ കാലത്ത്
സംവിധാനം	ജോഷി
കഥ	പി. പത്മരാജൻ
നിർമ്മാണം	ബാലകൃഷ്ണൻ നായർ
അഭിനേതാക്കൾ	മമ്മൂട്ടി, നെടുമുടി വേണു, ലാലു അലക്സ്, അസീസ്, പറവൂർ ഭരതൻ, മുരളി, സുമലത
ഛായാഗ്രഹണം	ജയാനൻ വിൻസന്റ്
ചിത്രസംയോജനം	കെ. ശങ്കുണ്ണി
സംഗീതം	ശ്യാം
വിതരണം	ഗാന്ധിമതി ഫിലിംസ്
റിലീസ് തീയതി	1990
രാജ്യം	ഭാരതം
ഭാഷ	മലയാളം
ബജറ്റ്	50 lakhs
ബോക്സ് ഓഫീസ്	5.7 crores

ജോഷി 1990 ൽ സംവിധാനം ചെയ്ത് മലയാള ചലചിത്രമാണ് ഈ തണുത്ത വെളുപ്പാൻ കാലത്ത്. പി. പത്മരാജൻ കഥയെഴുതിയിരിക്കുന്ന ഈ ചിത്രത്തിൽ മമ്മൂട്ടി, നെടുമുടി വേണു, ലാലു അലക്സ്, അസീസ്, പറവൂർ ഭരതൻ, മുരളി, സുമലത എന്നിവർ അഭിനയിച്ചിരിക്കുന്നു. ഉദ്വേഗജനകമായ ഒരു കുറ്റാന്വേഷണകഥയാണിത്. കുറ്റാന്വേഷകന്റെ വേഷമാണ് നായകനായ മമ്മൂട്ടി കൈകാര്യം ചെയ്യുന്നത്.

കഥാതന്തു

ഒരു കൊലപാതകത്തിന്റെ അന്വേഷണത്തിൽ മാറിമറയുന്ന സാദ്ധ്യതകളിൽ അവസാനം അപ്രതീക്ഷിതമായി കഥ മാറിമറയുന്നു. ജസ്റ്റിസ് വാസുദേവിന്റെ (ബാബു നമ്പൂതിരി) കൊലപാതകം അന്വേഷണം നടക്കുമ്പോൾത്തന്നെ അദ്ദേഹത്തിന്റെ കൂട്ടുകാരനായ കുവൈറ്റ് മണി (സോമൻ) കൊല്ലപ്പെടുന്നു. രണ്ട് കൊലപാതകത്തിലും വായിൽ തിരുകിയ ചകിരി തുരുമ്പാകുന്നു. ചകിരി ബന്ധം അന്വേഷിച്ചപ്പോൾ ഒരു വർഷം മുമ്പ് ബോംബയിൽ രൊസാരിയൊ ദേവൻ എന്നയാളൂടെ മരണത്തിലും ഈ ചകിരി ബന്ധം കാണുന്നു. അയാളൂം മലയാളീയാണെന്നറിയുമ്പോൾ അന്വേഷണ ഉദ്യോഗസ്ഥൻ ഹരിദാസ് (മമ്മൂട്ടി) അയാളുടെ കുടുംബബന്ധങ്ങളിൽ ഒരു സംശയം തോന്നുന്നു. ശ്രീദേവി റൊസാരിയൊ (ലക്ഷ്മി) എന്നപേരിൽ അസ്വാഭാവികത തോന്നുന്നു. കൂടുതൽ അന്വേഷിക്കുമ്പോൾ മകൻ ക്രിസ്റ്റഫർ (ക്രിസ്റ്റി (സുരേഷ് ഗോപി)) ഒരു പ്രശ്നക്കാരനായി അറിയുന്നു. ഇതിനിറ്റയിൽ അപ്രതീക്ഷിതമായി അതീന്ദ്രിയജ്ഞാനിയായ വാരിയരെ (നെടുമുടിവേണു) പരിചയപ്പെടുന്നു. അദ്ദേഹത്തിന്റെ വീട്ടിലും ഒരു ആക്രമണം നടക്കുന്നു. ക്രിസ്റ്റി മാനസികരോഗചികിത്സയിലാകുന്നു. വിദഗ്ദ്ധചികിത്സയിൽ അയാൾ രോഗമുക്തനാകുന്നു. ഉദ്വെഗജനകമായി അന്വേഷണം തുടരുന്നു

നടീനടന്മാർ

• മമ്മുട്ടി -എസ്പി ഹരിദാസ് ദാമോദരൻ ഐ. പി. എസ്
• സുമലത ഹരിയുടെ ഭാര്യ (ശബ്ദം ഭാഗ്യലക്ഷ്മി)
• നെടുമുടി വേണു -വാരിയർ
• എം.ജി. സോമൻ -കുവൈറ്റ് മണി
• ചിത്ര -പത്മം
• ബാബു നമ്പൂതിരി ജസ്റ്റിസ് വാസുദേവ്
• തൊടുപുഴ വാസന്തി- ജസ്റ്റിസിന്റെ ഭാര്യ
• കൊല്ലം തുളസി- ബാലൻ (ജസ്റ്റിസ് വാസുദേവിന്റെ അളിയൻ)
• സബിത ആനന്ദ്-ജസ്റ്റിസിന്റെ മകൾ
• ദേവൻ -റൊസാരിയോ ഫർണാണ്ടസ്
• ലക്ഷ്മി -ശ്രീദേവി രൊസാരിയോ
• സുരേഷ് ഗോപി -ക്രിസ്റ്റഫർ/ക്രിസ്റ്റി
• സുകുമാരി -സ്റ്റല്ലാന്റി(രോസാരിയോയുടെ വീട്ടുകാവൽ )
• കവിയൂർ പൊന്നമ്മ -നേഴ്സ് ലീലാദേവി
• പ്രതാപചന്ദ്രൻ ഗോപാലമേനോൻ (ശ്രീദേവിയുടെ അച്ഛൻ)
• ക്യാപ്റ്റൻ രാജു -ഡോ. ശബരീനാഥ്
• ജഗതി ശ്രീകുമാർ - ഡോ. പവിയാനോസ് വാനോനിക്കര
• മുരളി -ഫീലിപ് തെന്നലക്കൽ ജോർജ്ജ്
• ജഗന്നാഥ വർമ്മ -ഐ ജി
• ലാലു അലക്സ് -ജോയ് (സി ഐ. പോലീസ് ഓഫീസർ)
• കെ.പി.എ.സി. സണ്ണി-(ഡി. ഐ ജി.)
• അസീസ്-(എസ് ഐ പോലീസ് ഓഫീസർ)
• മുകേഷ്- ഹാസ്യപ്രത്യക്ഷം
• സൂര്യ- ഹാസ്യപ്രത്യക്ഷം
• വത്സല മേനോൻ-മിസിസ് ഡേവിഡ്

പുറം കണ്ണികൾ

• ഈ തണുത്ത വെളുപ്പാൻ കാലത്ത് ഇന്റർനെറ്റ് മൂവി ഡാറ്റാബേസിൽ

സിനിമ കാണുക

ഈ തണുത്ത വെളുപ്പാൻ കാലത്ത് 1990

അവലംബം

50ലക്ഷം മുടക്കിയെടുത്ത ഈ ചിത്രം ബോസ്‌ഓഫീസിൽ സൂപ്പര്ഹിറ് ആയിരുന്നു

പുറമെ നിന്നുള്ള കണ്ണികൾ

• ഈ തണുത്ത വെളുപ്പാൻ കാലത്ത് ഇന്റർനെറ്റ് മൂവി ഡാറ്റാബേസിൽ