പാപ്പൻ
| പാപ്പൻ | |
|---|---|
| സംവിധാനം | ജോഷി |
| നിർമ്മാണം | ഗോകുലം ഗോപാലൻ ഡേവിഡ് കച്ചാപ്പള്ളി Raaffi Mathirra |
| സ്റ്റുഡിയോ | ശ്രീ ഗോകുലം മൂവീസ് David Kachappilly Productions Iffaar Media |
| വിതരണം | ഡ്രീം ബിഗ് ഫിലിംസ് (India) Phars Films (GCC) |
| ദൈർഘ്യം | 169 മിനിറ്റ് |
| രാജ്യം | ഇന്ത്യ |
| ഭാഷ | മലയാളം |
ആർ.ജെ ഷാൻ തിരക്കഥ എഴുതി ജോഷി സംവിധാനം ചെയ്ത് 2022-ൽ പുറത്തിറങ്ങിയ മലയാളം ക്രൈം ത്രില്ലർ ചലചിത്രമാണ് പാപ്പൻ.[1] ചിത്രത്തിൽ ടൈറ്റിൽ റോളിൽ സുരേഷ് ഗോപി അഭിനയിച്ചിരിക്കുന്നു. നീത പിള്ള, ഗോകുൽ സുരേഷ്, ആശാ ശരത്, നൈല ഉഷ, കനിഹ എന്നിവരാണ് മറ്റ് അഭിനേതാക്കൾ. ഗോകുലം ഗോപാലൻ, ഡേവിഡ് കാച്ചപ്പിള്ളി, റാഫി മാതിര എന്നിവർ ചേർന്നാണ് ചിത്രം നിർമ്മിച്ചിരിക്കുന്നത്. ഈ ചിത്രത്തിന്റെ സൗണ്ട് ട്രാക്ക് നിർവഹിച്ചിരിക്കുന്നത് ജേക്സ് ബിജോയ് ആണ്. 2022 ജൂലൈ 29ന് ലോകമെമ്പാടുമുള്ള തിയേറ്ററുകളിൽ ചിത്രം റിലീസ് ചെയ്തു.[2] നിരൂപകരിൽ നിന്ന് നല്ല അവലോകനങ്ങൾ നേടുകയും ഒരു ബ്ലോക്ക്ബസ്റ്റർ ചലച്ചിത്രമായി മാറുകയും ചെയ്തു. [3]
പരിസരം
[തിരുത്തുക]ദീർഘനാളായി തുടരുന്ന ഒരു കൊലപാതകക്കേസ് അന്വേഷിക്കുന്നതിനായി എത്തുന്ന കരസേനയിൽ നിന്ന് സ്വമേധയാ വിരമിച്ച ഉദ്യോഗസ്ഥനായ എബ്രഹാം മാത്യു മാത്തന്റെയും മകളുടെയും കഥയാണ് ചിത്രം പറയുന്നത്.
അഭിനേതാക്കൾ
[തിരുത്തുക]- സുരേഷ് ഗോപി - സിഐ എബ്രഹാം മാത്യു മാത്തൻ അഥവാ പാപ്പൻ
- നീത പിള്ള - ASP വിൻസി എബ്രഹാം - IPS
- ഗോകുൽ സുരേഷ് - മൈക്കിൾ
- ആശ ശരത് - ഡോ. ഷേർളി
- നൈല ഉഷ - നാൻസി എബ്രഹാം
- കനിഹ - സൂസൻ
- വിജയരാഘവൻ - എസ്പി ഭാസ്കർ ഷേണായി IPS
- ജനാർദനൻ - ഡോ. പട്ടാഭിരാമൻ
- നന്ദു - ASI രാഘവൻ
- ചന്ദുനാഥ് - സിദ്ധാർത്ഥൻ അഥവാ സിദ്ധൻ, വിൻസിയുടെ ഭർത്താവ്
- അജ്മൽ അമീർ - സൈമണും സോളമനും ആയി (ഇരട്ട വേഷം)
- അഭിഷേക് രവീന്ദ്രൻ - എസ്‌ഐ സാബു ആയി
- ടിനി ടോം - സിഐ സോമൻ നായർ
- ഷമ്മി തിലകൻ - ഇരുട്ടൻ ചാക്കോ
- ദയാന ഹമീദ് - ഋതുപർണ
- സാധിക വേണുഗോപാൽ - കോൺസ്റ്റബിൾ ഗിരിജ
- ബൈജു ജോസ് - ഫോറൻസിക് ഓഫീസർ നന്ദൻ
- ശ്രീജിത്ത് രവി - രാജൻ
- രാഹുൽ മാധവ് - സൂപ്പർ സ്റ്റാർ രവി വർമ്മൻ
- മാനസ രാധാകൃഷ്ണൻ - യംഗ് ബെന്നിറ്റ ഐസക്ക്
- ജുവൽ മേരി - ഡോ. പ്രിയ നളിനി / ദ്രൗപതി
- മാളവിക മേനോൻ - അനിത / ഐഷ ഫാത്തിമ / കന്യാസ്ത്രീ
- പ്രീത പ്രദീപ് - പോലീസ് ഓഫീസറുടെ ഭാര്യ
- ചാലി പാല - ASI സത്യനാഥ്
- നിർമ്മൽ പാലാഴി -ബെന്നിറ്റയുടെ പിതാവ്
- സജിത മടത്തിൽ - ബെന്നിറ്റയുടെ അമ്മ
- ശ്രീകാന്ത് മുരളി - പോലീസ് സർജൻ
- ബെൻസി മാത്യൂസ് - അഡ്വ. ജയശങ്കർ
- നന്ദു പൊതുവാൾ - രവി വർമ്മന്റെ പിഎ
- കോട്ടയം രമേശ് - ജഡ്ജി
- സിനോജ് വർഗീസ് - പൗലോസ്
- സാവിത്രി ശ്രീധരൻ - കുഞ്ഞമ്മയായി, ചാക്കോയുടെ അമ്മ
- സനൂജ സോമനാഥ് - ഫോറൻസിക് അസിസ്റ്റന്റ് അനുപമ
- പാർവ്വതി ടി. - രാധിക മേനോൻ
- റോസിൻ ജോളി - രവി വർമ്മന്റെ ഭാര്യ
- സാനിയ ബാബു - നിത്യ
- ജോർഡി പൂഞ്ഞാർ
- സുന്ദരപണിയൻ - പോലീസ് ഓഫീസർ
റിലീസ്
[തിരുത്തുക]തീയേറ്റർ
[തിരുത്തുക]2022 ജൂലൈ 29 ന് പാപ്പൻ തീയേറ്ററുകളിൽ റിലീസ് ചെയ്തു.
ഹോം മീഡിയ
[തിരുത്തുക]ചിത്രത്തിന്റെ ഡിജിറ്റൽ അവകാശം സീ5 ഏറ്റെടുക്കുകയും 2022 സെപ്റ്റംബർ 7 മുതൽ സ്ട്രീമിംഗ് ആരംഭിക്കുകയും ചെയ്തു. ചിത്രത്തിന്റെ സാറ്റലൈറ്റ് അവകാശം സീ കേരളം സ്വന്തമാക്കി.
ബോക്സ് ഓഫീസ്
[തിരുത്തുക]ആദ്യം കേരളത്തിൽ മാത്രം റിലീസ് ചെയ്ത ചിത്രം 20 ദിവസം കൊണ്ട് 50 കോടിയിലധികം കളക്ഷൻ നേടി.
ചിത്രീകരണം
[തിരുത്തുക]2021 ഫെബ്രുവരി 14 ന്, സുരേഷ് ഗോപി തന്റെ 252-ാമത്[4] സംരംഭത്തിനായി സംവിധായകൻ ജോഷിയുമായി കൈകോർക്കുമെന്ന് പ്രഖ്യാപിച്ചു. എഴുത്തുകാരൻ ആർജെ ഷാൻ, ഛായാഗ്രാഹകൻ അജയ് ഡേവിഡ് കാച്ചപ്പിള്ളി, സംഗീതസംവിധായകൻ ജേക്സ് ബിജോയ് എന്നിവരും ചിത്രത്തിന്റെ ഭാഗമാകുമെന്ന് റിപ്പോർട്ടുണ്ടായിരുന്നു.[5] പാപ്പൻ എന്ന ഔദ്യോഗിക തലക്കെട്ട് അടുത്ത ദിവസം പോസ്റ്ററോടെ പ്രഖ്യാപിച്ചു. ലേഖകൻ പറയുന്നതനുസരിച്ച് ഇതൊരു കുടുംബ പശ്ചാത്തലമുള്ള ചിത്രമാണ്. [6]
നൈല ഉഷയാണ് നായികയായി അഭിനയിച്ചത്. സണ്ണി വെയ്ൻ, നീത പിള്ള, ഗോകുൽ സുരേഷ്, കനിഹ, ആശാ ശരത് എന്നിവരും ചിത്രത്തിന്റെ ഭാഗമാകാൻ ഒപ്പുവച്ചു. സുരേഷ് ഗോപിയും മകൻ ഗോകുൽ സുരേഷും ആദ്യമായി ഒന്നിക്കുന്ന ചിത്രം കൂടിയാണിത്.[7] അഭിനേതാക്കളിൽ ചന്തുനാഥ്, വിജയരാഘവൻ, ടിനി ടോം, ഷമ്മി തിലകൻ എന്നിവരും ഉൾപ്പെടുന്നു.[6] ജുവൽ മേരി ചിത്രത്തിൽ അതിഥി വേഷത്തിൽ എത്തുമെന്ന് റിപ്പോർട്ടുകൾ ഉണ്ടായിരുന്നു. [8] ഈ ചിത്രത്തിൽ ഒരു സമകാലിക നർത്തകിയുടെ വേഷം താൻ അവതരിപ്പിക്കുന്നുവെന്ന് നടി ദയാന ഹമീദ് സ്ഥിരീകരിച്ചു.[9] ചിത്രത്തിൽ ഗോപിയുടെ സഹോദരിയായാണ് കനിഹ എത്തുന്നത്. [10]
പ്രധാന ചിത്രീകരണം 2021 മാർച്ച് 5 ന് കാഞ്ഞിരപ്പള്ളിയിൽ ആരംഭിച്ചു.[11] അതേ ദിവസം തന്നെ സോൾട്ട് ആൻഡ് പെപ്പർ ലുക്കിലുള്ള തന്റെ കഥാപാത്രത്തിന്റെ ചിത്രം ഗോപി പങ്കുവച്ചു. 2021 മാർച്ച് 10 ന് ഷൂട്ടിംഗിനിടെ ന്യുമോണിയ ബാധിച്ച് ഗോപിയെ ആശുപത്രിയിൽ പ്രവേശിപ്പിച്ചു.[12] തുടർന്ന് ഡിസ്ചാർജ് ചെയ്തപ്പോൾ, 2021 ലെ കേരള നിയമസഭാ തിരഞ്ഞെടുപ്പിൽ തൃശ്ശൂരിൽ നിന്ന് എൻഡിഎ സ്ഥാനാർത്ഥിയായി മത്സരിക്കാൻ അദ്ദേഹത്തോട് ആവശ്യപ്പെടുകയും പ്രചാരണം ആരംഭിക്കുകയും ചെയ്തു.[13] തിരഞ്ഞെടുപ്പിന് ശേഷം അദ്ദേഹം സിനിമയുടെ സെറ്റിൽ വീണ്ടും ജോയിൻ ചെയ്തു.[14]
അവലംബങ്ങൾ
[തിരുത്തുക]- ↑ "Suresh Gopi to reunite with Joshiy for Paapan". The New Indian Express. Retrieved 2021-03-06.
- ↑ "Suresh Gopi's Paappan, Directed by Joshiy, Out in Theatres". News 18. Retrieved 2022-07-29.
- ↑ Nagarajan, Saraswathy (2022-07-30). "'Paappan' movie review: Suresh Gopi and Neeta Pillai shine in Joshiy's crime thriller". The Hindu (in Indian English). ISSN 0971-751X. Retrieved 2022-07-30.
- ↑ "Suresh Gopi, Kaniha start shooting for 'Paappan'". Mathrubhumi. Archived from the original on 2021-03-06. Retrieved 2021-03-06.
- ↑ "Joshiy to direct Suresh Gopi". Sify. Retrieved 2021-03-06.
- ↑ 6.0 6.1 "Suresh Gopi's 'Paappan,' helmed by Joshiy is a family-based movie, says RJ Shaan". The Times of India. Retrieved 2021-03-06.
- ↑ "Suresh Gopi plays Abraham Mathew Mathan in 'Paappan'; the Joshiy's directorial goes on floors!". The Times of India. Retrieved 2021-03-06.
- ↑ "Jewel Mary to do a cameo in 'Paappan'". The Times of India. Retrieved 2021-03-06.
- ↑ "Dayyana Hameed plays a dancer in Joshiy's 'Paappan'". The Times of India. Retrieved 2021-08-12.
- ↑ "Kaniha is paired with Suresh Gopi in Joshiy's Paappan, a decade after Christian Brothers". The Times of India. Retrieved 2021-03-09.
- ↑ "Suresh Gopi starrer 'Paappan' starts rolling". Sify. Retrieved 2021-03-06.
- ↑ "Suresh Gopi hospitalised due to pneumonia amidst candidate selection". Mathrubhumi. Retrieved 2021-04-07.
- ↑ "Suresh Gopito commencecampaign soon". The Times of India. Retrieved 2021-04-07.
- ↑ "Suresh Gopi is back in action as he starts shooting for 'Paappan'". The Times of India. Retrieved 2021-04-07.