വിജയരാഘവൻ
വിജയരാഘവൻ | |
|---|---|
 | |
| ജനനം | നാരായണപിള്ള വിജയരാഘവൻ 12 ജനുവരി 1950 വയസ്സ്) |
| തൊഴിൽ | അഭിനേതാവ് |
| സജീവ കാലം | 1973 |
| ജീവിതപങ്കാളി | സുമ |
| കുട്ടികൾ | ജിനദേവൻ, ദേവദേവൻ |
| Parent(s) | എൻ.എൻ. പിള്ള ചിന്നമ്മ പിള്ള |
മലയാളചലച്ചിത്ര, നാടക നാടകാചാര്യൻ എൻ.എൻ.പിള്ളയുടെ മകനും മലയാള സിനിമയിലെ നടനുമാണ് വിജയരാഘവൻ. ക്യാരക്ടർ കഥാപാത്രങ്ങളിലൂടെ അദ്ദേഹം ജനപ്രിയനാണ്.[1]
ജീവിത രേഖ
[തിരുത്തുക]കോട്ടയം ജില്ലയിലെ ഒളശ്ശയാണ് സ്വദേശം. നാടകാചാര്യൻ എൻ.എൻ. പിള്ളയുടെയും നാടകനടിയായിരുന്ന ചിന്നമ്മയുടെയും മകനായി 1950 ജനുവരി 12-ന് മലേഷ്യയിലെ ക്വാലാലമ്പൂരിൽ ജനിച്ചു.[2][3] എൻ.എൻ. പിള്ളയുടെ വിശ്വകേരളാ കലാസമിതിയിലൂടെ ബാല്യത്തിൽതന്നെ നാടകരംഗത്ത് സജീവമായി. സെന്റ് ബാഴ്സലിസ് കോളേജ്, SN കോളേജ് എന്നിവിടങ്ങളിൽ പഠിച്ചു ക്രോസ്ബെൽറ്റ് മണി കപലിക സിനിമയാക്കിയപ്പോൾ അതിൽ പോർട്ടർ കുഞ്ഞാലി എന്ന കഥാപാത്രത്തെ അവതരിപ്പിച്ചുകൊണ്ട് 22-വയസിൽ സിനിമയിൽ അരങ്ങേറ്റം കുറിച്ചു. 1982-ൽ എസ്. കൊന്നനാട്ട് സംവിധാനം ചെയ്ത സുറുമയിട്ട കണ്ണുകൾ എന്ന ചിത്രത്തിലൂടെ 31-ആം വയസിൽ നായകനായി. ഈ ചിത്രം വിജയിച്ചില്ല. തുടർന്ന് പി. ചന്ദ്രകുമാർ, വിശ്വംഭരൻ തുടങ്ങിയവരുടെ ചിത്രങ്ങളിൽ അഭിനയിച്ചു. നാടകത്തിലും സജീവമായി തുടർന്നു. കാപാലികയുടെ സഹസംവിധായകനായിരുന്ന ജോഷിയുമായുള്ള അടുപ്പം മൂലം അദ്ദേഹത്തിന്റെ ന്യൂഡൽഹി എന്ന ചിത്രത്തിൽ അവസരം ലഭിച്ചു. 1987-ൽ നാടക രംഗം പൂർണമായി ഉപേക്ഷിച്ചു.1993-ൽ ഷാജി കൈലാസ് സംവിധാനം ചെയ്ത ഏകലവ്യൻ എന്ന ചിത്രത്തിലൂടെ ഏറെ ശ്രദ്ധേയനായി. പിന്നീട് പുറത്തിറങ്ങിയ ദി കിങ് , ദി ക്രൈം ഫയൽ ശ്രദ്ധേയമായ ചിത്രങ്ങളായിരുന്നു. വിനയൻ സംവിധാനം ചെയ്ത ശിപായിലഹള എന്ന ചിത്രത്തിൽ വിജയരാഘവൻ ശ്രദ്ധേയമായ ഒരു വേഷം അവതരിപ്പിച്ചു. 2000-ത്തിനു ശേഷം വിജയരാഘവന് കൂടുതൽ അവസരങ്ങൾ ലഭിച്ചു. കോട്ടയം ശൈലിയിലുള്ള വേറിട്ട സംഭാഷണമാണ് ഈ നടന്റെ പ്രത്യേകതകളിലൊന്ന്.
കുടുംബം
[തിരുത്തുക]അകന്ന ബന്ധു കൂടിയായ സുമയാണ് വിജയരാഘവന്റെ ഭാര്യ. ഇവർക്ക് ജിനദേവൻ, ദേവദേവൻ എന്നിങ്ങനെ രണ്ട് മക്കളുണ്ട്. മൂത്ത മകനായ ജിനദേവൻ വിവാഹിതനും ഒരു കുട്ടിയുടെ അച്ഛനുമാണ്. ഇളയ മകൻ ദേവദേവൻ പവനായി 99.99 എന്ന ചിത്രത്തിൽ അഭിനയിച്ചിരുന്നു.
അവലംബം
[തിരുത്തുക]- ↑ "ആർക്കൈവ് പകർപ്പ്". Archived from the original on 2013-11-28. Retrieved 2019-06-25.
- ↑ "'As actors, we get to do things we'd never do in real life,' says actor Vijayaraghavan". ദ ന്യൂ ഇന്ത്യൻ എക്സ്പ്രസ്സ്. 2025-04-06. Retrieved 2025-08-02.
- ↑ വർമ തമ്പുരാൻ, ആത്മജ (2025-01-12). "കേറിവാടാ മക്കളേ, 75ലേക്ക്; നടൻ വിജയരാഘവന് ഇന്ന് 75 വയസ്സ്". മലയാള മനോരമ. Retrieved 2025-08-02.
പുറത്തേക്കുള്ള കണ്ണികൾ
[തിരുത്തുക]
 |
അഭിനേതാക്കളുമായി ബന്ധപ്പെട്ട ഈ ലേഖനം അപൂർണ്ണമാണ്. ഇതു വികസിപ്പിക്കുവാൻ സഹായിക്കുക. |