ലോക്പാൽ (ചലച്ചിത്രം)
| ലോക്പാൽ | |
|---|---|
.jpg) പോസ്റ്റർ | |
| സംവിധാനം | ജോഷി |
| നിർമ്മാണം |
|
| രചന | എസ്.എൻ. സ്വാമി |
| അഭിനേതാക്കൾ | |
| സംഗീതം | രതീഷ് വേഗ |
| ഗാനരചന | റഫീക്ക് അഹമ്മദ് |
| ഛായാഗ്രഹണം | പ്രദീപ് നായർ |
| ചിത്രസംയോജനം | ശ്യാം ശശിധരൻ |
| സ്റ്റുഡിയോ | ഹാപ്പി & റൂബി സിനിമാസ് |
| വിതരണം | ആശിർവാദ് റിലീസ് ത്രൂ മാക്സ്ലാബ് |
| റിലീസിങ് തീയതി | 2013 ജനുവരി 31 |
| രാജ്യം | ഇന്ത്യ |
| ഭാഷ | മലയാളം |
| സമയദൈർഘ്യം | 140 മിനിറ്റ് |
എസ്.എൻ. സ്വാമിയുടെ തിരക്കഥയിൽ ജോഷി സംവിധാനം ചെയ്ത് 2013-ൽ പുറത്തിറങ്ങിയ മലയാളചലച്ചിത്രമാണ് ലോക്പാൽ. മോഹൻലാൽ പ്രധാനവേഷത്തിൽ അഭിനയിച്ചിരിക്കുന്ന ഈ ചിത്രത്തിൽ കാവ്യ മാധവൻ, മീര നന്ദൻ, മനോജ് കെ. ജയൻ, തമ്പി രാമയ്യ, തലൈവാസൽ വിജയ്, സായികുമാർ തുടങ്ങിയവരാണ് സഹനടീനടന്മാർ.
അഭിനേതാക്കൾ
[തിരുത്തുക]- മോഹൻലാൽ – നന്ദഗോപാൽ/ലോക്പാൽ
- കാവ്യ മാധവൻ – ഗീത
- മീര നന്ദൻ – ജെയിൻ
- തമ്പി രാമയ്യ
- മനോജ് കെ. ജയൻ - എസ്.പി.വിജയൻ
- ഷഫ്ന
- തലൈവാസൽ വിജയ്
- സായികുമാർ - മാനുവൽ ഇട്ട്യേര
നിർമ്മാണം
[തിരുത്തുക]നാടുവാഴികൾ (1989) എന്ന ചിത്രം പുറത്തിറങ്ങിയ 23 വർഷങ്ങൾക്കു ശേഷം ജോഷി – എസ്.എൻ. സ്വാമി – മോഹൻലാൽ കൂട്ടുകെട്ട് ഒന്നിക്കുന്ന ചിത്രമാണ് ലോക്പാൽ. റൺ ബേബി റൺ (2012) എന്ന ചിത്രത്തിന്റെ വിജയത്തിനു ശേഷം ജോഷിയും മോഹൻലാലും ഒന്നിക്കുന്നു. ചിത്രത്തിന്റെ പേര് ലോക്പാൽ എന്നാണെങ്കിലും ചിത്രം അവതരിപ്പിക്കുന്ന പ്രധാനവിഷയം രാഷ്ട്രീയമല്ല.
ഹാപ്പി & റൂബി സിനിമാസിന്റെ ബാനറിൽ ബാലൻ വിജയൻ, എം. വിജയകുമാർ, എസ്.എൽ. വിമൽ കുമാർ എന്നിവർ ചേർന്നാണ് ചിത്രം നിർമ്മിച്ചിരിക്കുന്നത്. കൊച്ചിയിലെ ഹോളിഡേ ഇൻ ഹോട്ടലിൽ 2012 സെപ്റ്റംബർ 10-നാണ് ചിത്രത്തിന്റെ പൂജാ ചടങ്ങ് നടന്നത്.
സംഗീതം
[തിരുത്തുക]റഫീക്ക് അഹമ്മദ് എഴുതിയ ചിത്രത്തിലെ ഗാനങ്ങൾക്ക് രതീഷ് വേഗയാണ് സംഗീതം പകർന്നത്. ആറു ഗാനങ്ങളുള്ള ആൽബത്തിന്റെ വിപണനാവകാശം ഒന്നര കോടി രൂപയ്ക്ക് മനോരമ മ്യൂസിക്കാണ് സ്വന്തമാക്കിയത്. 2013 ജനുവരി 26-നു കൊച്ചിയിൽ വച്ച് ആൽബത്തിന്റെ പ്രകാശനം നടന്നു.
| ഗാനങ്ങൾ | ||||||||||
|---|---|---|---|---|---|---|---|---|---|---|
| # | ഗാനം | ഗായകർ | ദൈർഘ്യം | |||||||
| 1. | "മിഴിയിതളിൽ" | കാർത്തിക് | 3:49 | |||||||
| 2. | "അർജ്ജുനന്റെ" | സൂരജ് സന്തോഷ് | 4:25 | |||||||
| 3. | "കുഞ്ഞറിവുകൾ ഒന്നായ്" | അരുൺ എൽറ്റ | 4:20 | |||||||
| 4. | "മായം മായം" | സൂരജ് സന്തോഷ് | 4:20 | |||||||
| 5. | "ഹരിഗോവിന്ദ" | പ്രദീപ് ചന്ദ്രകുമാർ | 4:11 | |||||||
| 6. | "മായം മായം (റീമിക്സ്)" | സൂരജ് സന്തോഷ്, രതീഷ് വേഗ | 4:21 | |||||||
പുറത്തേക്കുള്ള കണ്ണികൾ
[തിരുത്തുക]- ലോക്പാൽ ഇന്റർനെറ്റ് മൂവി ഡാറ്റാബേസിൽ
- മലയാളസംഗീതം ഡാറ്റാബേസിൽ നിന്ന് ലോക്പാൽ