അർത്ഥം (ചലച്ചിത്രം)

ഇംഗ്ലീഷ് വിലാസം

https://ml.wikipedia.org/wiki/Artham

അർത്ഥം
സംവിധാനം	സത്യൻ അന്തിക്കാട്
കഥ	വേണു നാഗവള്ളി
തിരക്കഥ	വേണു നാഗവള്ളി
നിർമ്മാണം	സൂര്യ ചന്ദ്രലാൽ
അഭിനേതാക്കൾ	മമ്മുട്ടി പാർവ്വതി ജയറാം ശ്രീനിവാസൻ
ഛായാഗ്രഹണം	വിപിൻ മോഹൻ
ചിത്രസംയോജനം	കെ. രാജഗോപാൽ
സംഗീതം	ജോൺസൺ
നിർമ്മാണ കമ്പനി	ചന്തു ഫിലിംസ്
വിതരണം	മുദ്ര ആർട്ട്സ്
റിലീസ് തീയതി	28 July 1989 (1989-07-28)
ദൈർഘ്യം	135 മിനുട്ട്
രാജ്യം	ഭാരതം
ഭാഷ	മലയാളം

വേണു നാഗവള്ളിയുടെ രചനയിൽ സത്യൻ അന്തിക്കാട് സംവിധാനം ചെയ്ത 1989 ലെ ഒരു മലയാളം ക്രൈം ചിത്രമാണ് അർത്ഥം. മമ്മൂട്ടി, ശ്രീനിവാസൻ, മുരളി, ശരന്യ എന്നിവരോടൊപ്പം ജയറാം പാർവതി, മാമുക്കോയ, ഫിലോമിന, മോഹൻ രാജ്, തിക്കുറിശ്ശി സുകുമാരൻ നായർ, സുകുമാരി, ജഗന്നാഥ വർമ്മ, ഒടുവിൽ ഉണ്ണികൃഷ്ണൻ എന്നിവരും ഈ ചിത്രത്തിലെ പ്രധാന കഥാപാത്രങ്ങളെ അവതരിപ്പിച്ചു. ജോൺസൺ ആണ് ചിത്രത്തിലെ ഗാനങ്ങൾക്ക് സംഗീതം നൽകിയത്.

ഈ ചിത്രം സുബ (D Suresh & AN. Balakrishnan) എഴുതിയ "എഥിര് കത്രു" എന്ന തമിഴ് ഡിറ്റക്ടീവ് നോവലിൻറെ ഒരു സ്വതന്ത്രാഖ്യാനമാണ്. തന്റെ പ്രിയ സുഹൃത്ത് ജനാർദ്ദനനെ (ജയറാം) കൊലപ്പെടുത്തിയ ശക്തികൾക്കെതിരെ പ്രതികാരത്തിനൊരുമ്പെടുന്ന ഏകാകിയും അവാർഡ് നേടിയ നോവലിസ്റ്റുമായ ബെൻ നരേന്ദ്രനെ (മമ്മൂട്ടി) ചുറ്റിപ്പറ്റിയാണ് കഥ വികസിക്കുന്നത്. പത്രപ്രവർത്തകയായ മാനസ (ശരണ്യ), അഡ്വക്കേറ്റ് പി.എസ്. നെൻമാര (ശ്രീനിവാസൻ) എന്നിവരാണ് ഈ ഉദ്യമത്തിൽ നരേന്ദ്രന്റെ സഹായത്തിനായി ഒപ്പം ചേരുന്നത്. പിന്നീട് ഇത് തമിഴ് സിനിമയിലും ഇത്തിർ കാട്രു (1990) എന്ന പേരിൽ നിർമ്മിക്കപ്പെട്ടു.

കഥാസാരം

ഏകാകിയായ ബെൻ നരേന്ദ്രൻ ( മമ്മൂട്ടി ) ഒരു ആത്മഹത്യാക്കുറിപ്പ് എഴുതുന്നതോടെയാണ് സിനിമ ആരംഭിക്കുന്നത്. തന്റെ ജീവിതത്തിന് യാതൊരു അർത്ഥവുമില്ലാത്തിനാൽ താൻ ആത്മഹത്യ ചെയ്യുകയാണെന്ന് അദ്ദേഹം പരാമർശിക്കുന്നു. അഭിനയം നടത്താൻ അദ്ദേഹം ട്രെയിനിന് മുന്നിൽ ചാടുന്ന രീതി തിരഞ്ഞെടുക്കുന്നു. അദ്ദേഹം ട്രെയിനിനായി കാത്തിരിക്കുന്നു, എന്നാൽ അതേ ഉദ്ദേശ്യമുള്ള ജനാർദ്ദനൻ (ജയറാം) എന്ന മറ്റൊരു യുവാവിനെ ഈ വേളയിൽ രക്ഷിക്കുന്നു. നിരാശയോടെ ഒരു കൊലപാതകം നടത്തിയ ജനാർദ്ദനൻ, പ്രതികാരത്തെ ഭയപ്പെടുന്നു. നരേന്ദ്രൻ അദ്ദേഹത്തെ ആശ്വസിപ്പിക്കുകയും ജനാർദ്ദനന് സ്വതന്ത്രമായി ജീവിക്കാൻ വേണ്ടി കൊലപാതകത്തിന്റെ കുറ്റം സ്വയം ഏറ്റെടുക്കാമെന്ന് വാഗ്ദാനം നടത്തുകയും ചെയ്യുന്നു.

നരേന്ദ്രന് ആജീവനാന്തം തടവ് ശിക്ഷ വിധിക്കപ്പെടുന്നു. ജയിലിൽ ആയിരിക്കുമ്പോൾ, "ബെൻ" എന്ന തൂലികാനാമത്തിൽ അദ്ദേഹം ശരണാലയം ഒരു പുസ്തകം എഴുതുന്നു, അത് വളരെയധികം പ്രചാരത്തിലാകുന്നു. അദ്ദേഹത്തിന് ഒരു സംസ്ഥാന അവാർഡ് ലഭിക്കുന്നുവെങ്കിലും, അദ്ദേഹത്തിന്റെ യഥാർത്ഥ വ്യക്തിത്വം ഒരിക്കലും വെളിപ്പെടുത്തപ്പെടുന്നില്ല. പത്രപ്രവർത്തകയായ മാനസ (ശരണ്യ) രചയിതാവ് പരോൾ നേടുന്നതിനായി കോടതിനടപടികൾക്കു പിന്നാലെയാണന്ന് കണ്ടെത്തുകയും അദ്ദേഹത്തിന് പരോൾ നേടാൻ ശ്രമിക്കുകയും ചെയ്യുന്നു. നരേന്ദ്രന് തുടക്കത്തിൽ ഇതിൽ താൽപ്പര്യം തോന്നുന്നില്ലെങ്കിലും, ഒടുവിൽ പരോളിന് അപേക്ഷിക്കുകയും വ്യക്തിപരമായി അവാർഡ് സ്വീകരിക്കാൻ 28 ദിവസത്തെ പരോൾ അനുവദിക്കുകയും ചെയ്യുന്നു.

ജയിലിൽ നിന്ന് പുറത്തുപോയപ്പോൾ, ജനാർദ്ദനൻ ദുരൂഹമായി മരിച്ചുവെന്നുള്ള സന്ദേശം നരേന്ദ്രന് ലഭിക്കുന്നു. കുറ്റവാളികളെ കണ്ടെത്താനും തന്റെ മരണത്തിന് കാരണമായവരെ നശിപ്പിക്കാനും അദ്ദേഹം ഒരു ദൗത്യം ആരംഭിക്കുന്നതിലൂടെ കഥ വികസിക്കുന്നു.

അഭിനേതാക്കൾ

ക്ര.നം.	താരം	വേഷം
1	മമ്മൂട്ടി	ബെൻ നരേന്ദ്രൻ
2	ശ്രീനിവാസൻ	അഡ്വ. പി എസ് നെന്മാറ
3	ശരണ്യ പൊൻവണ്ണൻ	മാനസ
4	ജയറാം	ജനാർദ്ദനൻ
5	പാർവതി	ഗീത
6	മുരളി	ആർ‌കെ നമ്പ്യാർ
7	കൊല്ലം തുളസി	ജലീം
8	മാമുക്കോയ	കുഞ്ഞിക്കണ്ണൻ
9	ഫിലോമിന	വീടിന്റെ ഉടമ
10	തിക്കുറിശ്ശി സുകുമാരൻ നായർ	ജനാർദ്ദനന്റെഅച്ഛൻ
11	സുകുമാരി	ജനാർദ്ദനന്റെ അമ്മ
12	മോഹൻ രാജ്	സ്റ്റാൻലി
13	ജഗന്നാഥ വർമ്മ	വാരിയർ
14	ഒടുവിൽ ഉണ്ണികൃഷ്ണൻ	അനന്തൻ
15	കരമന ജനാർദ്ദനൻ നായർ	ജോൺ സക്കറിയ
16	അസീസ്	ഡേവിഡ്
17	ജഗന്നാഥൻ	ബുക്ക് ഷോപ്പ് ഉടമ

ഗാനങ്ങൾ‌

• വരികൾ:കൈതപ്രം
• ഈണം: ജോൺസൺ

നമ്പർ.	പാട്ട്	പാട്ടുകാർ	രാഗം
1	ശ്യാമാംബരം നീളേ	കെ എസ് ചിത്ര
2	ശ്യാമാംബരം	കെ ജെ യേശുദാസ്

ബോക്സ് ഓഫീസ്

1989 ൽ ഏറ്റവും കൂടുതൽ കളക്ഷൻ നേടിയ ചിത്രങ്ങളിലൊന്നായി ഈ ചിത്രം മാറി.

ബാഹ്യ ലിങ്കുകൾ

• അർത്ഥം (1989) വിഡിയോ യൂട്യൂബിൽ
• അർത്ഥം ഇന്റർനെറ്റ് മൂവി ഡാറ്റാബേസിൽ