വിപിൻ മോഹൻ

ഇംഗ്ലീഷ് വിലാസം

https://ml.wikipedia.org/wiki/Vipin_Mohan

വിപിൻ മോഹൻ
ഭവനം	കവടിയാർ, തിരുവനന്തപുരം
ദേശീയത	ഭാരതീയൻ
തൊഴിൽ	ചലച്ചിത്രഛായാഗ്രഹണം, ചലച്ചിത്രസംവിധാനം
പ്രശസ്തി	ചലച്ചിത്രഛായാഗ്രാഹകൻ, ചലച്ചിത്രസംവിധായകൻ
ജീവിത പങ്കാളി(കൾ)	ഗിരിജ
കുട്ടി(കൾ)	വിവേക്, മഞ്ജിമ

ഒരു ഇന്ത്യൻ ഛായാഗ്രാഹകനും സംവിധായകനുമാണ് വിപിൻ മോഹൻ. സ്വതന്ത്രഛായാഗ്രഹണം ആരംഭിച്ചത് കന്നഡ ചലച്ചിത്രങ്ങളിലൂടെയായിരുന്നു. സന്നാഹം എന്ന ചിത്രത്തിലൂടെ മലയാളത്തിൽ അരങ്ങേറി. അപർണ്ണ എന്ന ചിത്രത്തിലൂടെ മികച്ച ബ്ലാക്ക് ആൻഡ് വൈറ്റ് ഛായാഗ്രഹണത്തിനുള്ള 1981-ലെ സംസ്ഥാന അവാർഡ് നേടി. മലയാളത്തിൽ നൂറില്പരം ചിത്രങ്ങൾക്കായി ക്യാമറ ചലിപ്പിച്ചു. നാടോടിക്കാറ്റ് (1987), കാക്കോത്തിക്കാവിലെ അപ്പൂപ്പൻതാടികൾ (1988), വരവേൽപ്പ് (1989), തലയണമന്ത്രം(1990), സന്ദേശം(1991) തുടങ്ങിയവ ശ്രദ്ധിക്കപ്പെട്ട ചിത്രങ്ങളാണ്. പട്ടണത്തിൽ സുന്ദരൻ എന്ന ചിത്രത്തിലൂടെ സംവിധായകനായി.

നീലക്കുയിൽ(1954) എന്ന ചിത്രത്തിൽ ബാലതാരമായി അഭിനയിച്ചിരുന്നു. 2010-ൽ പുറത്തിറങ്ങിയ ബെസ്റ്റ് ആക്റ്റർ എന്ന ചിത്രത്തിൽ അതിഥിവേഷത്തിൽ ഒരു റിയാലിറ്റി ഷോയുടെ വിധികർത്താവായി അഭിനയിച്ചു.

1990-ൽ പുറത്തിറങ്ങിയ കനകച്ചിലങ്ക (1990 ചലച്ചിത്രം) എന്ന ചിത്രത്തിൽ സംഗീതസംവിധാനം നിർവഹിച്ചു.

കുടുംബം

വിപിൻ മോഹൻ ഇപ്പോൾ തിരുവനന്തപുരത്ത് കവടിയാറിൽ താമസിക്കുന്നു. ഞാറ്റടി (1979) എന്ന ചിത്രത്തിൽ നായികയായി അഭിനയിച്ച ഗിരിജയാണ് ഭാര്യ. മകൾ മഞ്ജിമയ്ക്ക് 'മധുരനൊമ്പരക്കാറ്റ്' എന്ന ചിത്രത്തിലെ അഭിനയത്തിന് ബാലതാരത്തിനുള്ള സംസ്ഥാന അവാർഡ് ലഭിച്ചു. മകൻ വിവേക്. മരുമകൾ നീരജ.

സംവിധാനം നിർവഹിച്ച ചിത്രങ്ങൾ

• പട്ടണത്തിൽ സുന്ദരൻ (2003)

പുറത്തേക്കുള്ള കണ്ണികൾ

• ഇന്റർനെറ്റ് മൂവി ഡാറ്റാബേസിൽ നിന്ന് വിപിൻ മോഹൻ