കൂടെവിടെ

ഇംഗ്ലീഷ് വിലാസം

https://ml.wikipedia.org/wiki/Koodevide

കൂടെവിടെ
വി.സി.ഡി. പുറംചട്ട
സംവിധാനം	പി. പത്മരാജൻ
കഥ	പി. പത്മരാജൻ
നിർമ്മാണം	പ്രേം പ്രകാശ്
അഭിനേതാക്കൾ	മമ്മൂട്ടി സുഹാസിനി റഹ്‌മാൻ
ഛായാഗ്രഹണം	ഷാജി എൻ. കരുൺ
ചിത്രസംയോജനം	മധു കൈനകരി
സംഗീതം	ജോൺസൺ
നിർമ്മാണ കമ്പനി	പ്രകാശ് മൂവിടോൺ
റിലീസ് തീയതി	1983
ദൈർഘ്യം	150 മിനിറ്റ്
രാജ്യം	ഇന്ത്യ
ഭാഷ	മലയാളം

പി. പത്മരാജൻ രചനയും സംവിധാനവും നിർവ്വഹിച്ച് 1983-ൽ പുറത്തിറങ്ങിയ മലയാളചലച്ചിത്രമാണ് കൂടെവിടെ. മമ്മൂട്ടി, സുഹാസിനി, റഹ്‌മാൻ എന്നിവരാണ് പ്രധാനകഥാപാത്രങ്ങളെ അവതരിപ്പിച്ചിരിക്കുന്നത്. വാസന്തിയുടെ മൂൺഗിൽ പൂക്കൾ എന്ന തമിഴ് നോവലിനെ ആസ്പദമാക്കിയാണ് പത്മരാജൻ ഈ ചിത്രത്തിന്റെ തിരക്കഥ രചിച്ചത്. തെന്നിന്ത്യൻ ചലച്ചിത്രനടനായ റഹ്‌മാൻ അഭിനയിച്ച ആദ്യ ചലച്ചിത്രമാണിത്.

കഥാതന്തു

ഊട്ടിയിലെ ഒരു ബോർഡിംഗ് സ്കൂളിലെ അദ്ധ്യാപികയാണ് ആലീസ് (സുഹാസിനി). സേവ്യ പുത്തൂരാൻ (ജോസ് പ്രകാശ്) എന്ന പാർലമെന്റ് അംഗത്തിന്റെ അച്ചടക്കമില്ലാത്ത മകനായ രവി പുത്തൂരാൻ (റഹ്‌മാൻ) ആ സ്കൂളിൽ ചേരുന്നു. രവിയെ ഒരു നല്ല വിദ്യാർത്ഥിയായി മാറ്റിയെടുക്കുന്നതിൽ ആലീസ് വിജയിക്കുന്നു. രവിയുടെ മേൽ ആലീസ് വളരെയധികം ശ്രദ്ധ ചെലുത്തുന്നത് ആലീസിന്റെ കാമുകനായ ക്യാപ്റ്റൻ തോമസിനെ (മമ്മൂട്ടി) അസ്വസ്ഥനാക്കുന്നു. രവിയെ പിന്തുടരുന്നതിനിടയിൽ മനഃപൂർവമല്ലെങ്കിലും തോമസ്സിന്റെ ജീപ്പിടിച്ച് രവി കൊല്ലപ്പെടുന്നു. തോമസ് പിന്നീട് പോലീസിനു കീഴടങ്ങുകയും ചെയ്യുന്നതോടെ ആലീസ് ജീവിതത്തിൽ ഒറ്റപ്പെടുന്നു.

അഭിനേതാക്കൾ

• മമ്മൂട്ടി – ക്യാപ്റ്റൻ തോമസ്
• സുഹാസിനി – ആലീസ്
• റഹ്‌മാൻ – രവി പുത്തൂരാൻ
• ജോസ് പ്രകാശ് – സേവ്യർ പുത്തൂരാൻ
• മണിയൻപിള്ള രാജു – ശങ്കർ
• പ്രേം പ്രകാശ് – ക്യാപ്റ്റൻ ജോർജ്ജ്
• സുകുമാരി – സൂസൻ

സംഗീതം

All lyrics are written by ഒ.എൻ.വി. കുറുപ്പ്; all music is composed by ജോൺസൺ.

ഗാനങ്ങൾ

No.	Title	ഗായകർ	Length
1.	"ആടിവാ കാറ്റേ"	എസ്. ജാനകി	5:20
2.	"പൊന്നുരുകും പൂക്കാലം"	എസ്. ജാനകി	4:23

ചിത്രത്തിലെ ആടി വാ കാറ്റെ എന്ന ഗാനം വളരെയധികം പ്രേക്ഷക സ്വീകാര്യത നേടി.

പുറത്തേക്കുള്ള കണ്ണികൾ

• കൂടെവിടെ ഇന്റർനെറ്റ് മൂവി ഡാറ്റാബേസിൽ
• കൂടെവിടെ Archived 2013-08-25 at the Wayback Machine – മലയാളസംഗീതം.ഇൻഫോ

ചിത്രം കാണുവാൻ

കൂടെവിടെ (1983)