തനിയാവർത്തനം
| തനിയാവർത്തനം | |
|---|---|
 വി.സി.ഡി. പുറംചട്ട | |
| സംവിധാനം | സിബി മലയിൽ |
| കഥ | ലോഹിതദാസ് |
| അഭിനേതാക്കൾ | മമ്മൂട്ടി മുകേഷ് തിലകൻ സരിത |
| ഛായാഗ്രഹണം | സാലു കെ. ജോർജ്ജ് |
| ചിത്രസംയോജനം | എൽ. ഭൂമിനാഥൻ |
| സംഗീതം | എം.ജി. രാധാകൃഷ്ണൻ[1] |
നിർമ്മാണ കമ്പനി | നന്ദന |
റിലീസ് തീയതി | 1987 ഓഗസ്റ്റ് 15 |
ദൈർഘ്യം | 119 മിനിറ്റ്[2] |
| രാജ്യം | ഇന്ത്യ |
| ഭാഷ | മലയാളം |
സിബി മലയിൽ സംവിധാനം ചെയ്ത് 1987-ൽ പുറത്തിറങ്ങിയ മലയാളചലച്ചിത്രമാണ് തനിയാവർത്തനം. ലോഹിതദാസ് ആദ്യമായി തിരക്കഥ രചിച്ചത് ഈ ചിത്രത്തിനുവേണ്ടിയാണ്. കുടുംബത്തിലെ പുരുഷന്മാർക്ക് പാരമ്പര്യമായി ലഭിക്കുന്ന ഭ്രാന്തിന്റെ വിഹ്വലതകളിൽപ്പെട്ടുഴലുന്ന ബാലൻമാഷ് എന്ന കഥാപാത്രത്തിന്റെ സങ്കീർണ്ണഭാവങ്ങളാണ് ചിത്രത്തിന്റെ പ്രമേയം. മമ്മൂട്ടി, മുകേഷ്, തിലകൻ, സരിത എന്നിവർ പ്രധാനവേഷങ്ങളിൽ അഭിനയിച്ചു.
അഭിനയിച്ചവർ
[തിരുത്തുക]- മമ്മൂട്ടി ... ബാല ഗോപാലൻ
- തിലകൻ... ഗോവിന്ദൻ
- സരിത.... ഇന്ദിര/ബാലൻ മാഷിൻറ്റെ ഭാര്യ
- മുകേഷ്...ഗോപിനാഥൻ
- ബാബു നമ്പൂതിരി
- ഇന്നസെന്റ്...ഹെഡ്മാസ്റ്റർ
- ഒടുവിൽ ഉണ്ണികൃഷ്ണൻ
- കവിയൂർ പൊന്നമ്മ
- ആശ ജയറാം...സുമിത്ര
- പ്രതാപ് കെ.ചന്ദ്രൻ...ദാമോദരൻ
- ബോബി കൊട്ടാരക്കര... ചായ കടക്കാരൻ
- ഫിലോമിന
കുറിപ്പ്
[തിരുത്തുക]തന്റെ ഒരു സുഹൃത്തിനെ അവിചാരിതമായി കണ്ടു മുട്ടുമ്പോൾ ആണ് തിരക്കഥാകൃത്ത് ലോഹിതദാസിന് ഈ ചിത്രത്തിന്റെ കഥ കിട്ടുന്നത്. സിബി മലയ്ക്ക് വേണ്ടി ഒരു കഥ അന്വേഷിച്ചു നടക്കുമ്പോൾ ആണ് ഈ സുഹൃത്തിനെ ലോഹിതദാസ് കാണുന്നത്. "എവിടെ പോവുകയാണ്" എന്നുള്ള ലോഹിയുടെ ചോദ്യത്തിന് സുഹൃത്ത്: "മനോരോഗിയായ തന്റെ അധ്യാപകനെ കാണാൻ ആശുപത്രിയിൽ പോവുകയാണ്" എന്നുള്ള മറുപടി ലോഹിയുടെ മനസ്സിനെ പിടിച്ചു കുലുക്കി. പാരമ്പര്യമായി ഭ്രാന്ത് വരുന്ന കുടുംബത്തിലെ ഒരു അംഗമായി പിന്നീട് ബാലൻ മാഷിനെ ലോഹി തൻറ്റെ തൂലികയിൽ സൃഷ്ടിച്ചു. ഇടയ്ക്കൊക്കെ ബാലൻ മാഷ് തൻറ്റെ സ്വപ്നങ്ങളിൽ വരാറുണ്ടെന്നും, തന്റെ വീടിന്റെ കതകിൽ മുട്ടി വിളിയ്ക്കാറുണ്ടെന്നും ലോഹിതദാസ് ഒരിക്കൽ പറയുകയുണ്ടായി.
ക്ലൈമാക്സ്
[തിരുത്തുക]വളരെ ഇമോഷണൽ ആയ ക്ലൈമാക്സ് ആണ് ഈ ചിത്രത്തിന്റെ മറ്റൊരു പ്രത്യേകത.തന്റെ മകനെ ഒരു ഭ്രാന്തൻ എന്ന് മുദ്ര കുത്തി സമൂഹം കളിയാക്കുന്നത് കാണാനാകാതെ ബാലൻ മാഷിറ്റെ അമ്മ ചോറിൽ വിഷം നൽകി മാഷിന് നൽകുമ്പോൾ, തീയേറ്റർ ,പ്രേക്ഷകർ എന്നീ പേരുകൾക്കപ്പുറം പച്ചയായ ജീവിത യാഥാർത്ഥ്യങ്ങൾ ഈ ചിത്രത്തിന്റെ ക്ലൈമാക്സ് നമ്മുക്ക് മുൻപിൽ വരച്ചിടുന്നു. മലയാളസിനിമയിലെ മികച്ച ഇമോഷണൽ ക്ലൈമാക്സിൽ ഏറ്റവും മുൻപന്തിയിൽ തന്നെയാണ് തനിയാവർത്തനം എന്ന ചിത്രത്തിന്റെ ക്ലൈമാക്സിൻറ്റെ സ്ഥാനവും.
പുരസ്കാരങ്ങൾ
[തിരുത്തുക]- മികച്ച തിരക്കഥയ്ക്കുള്ള സംസ്ഥാന അവാർഡ് – ലോഹിതദാസ്
- മികച്ച രണ്ടാമത്തെ നടനുള്ള സംസ്ഥാന അവാർഡ് – തിലകൻ
- മികച്ച രണ്ടാമത്തെ നടിക്കുള്ള സംസ്ഥാന അവാർഡ് – ഫിലോമിന
- മികച്ച നടനുള്ള ഫിലിം ക്രിട്ടിക്സ് പുരസ്കാരം – മമ്മൂട്ടി[3]
അവലംബം
[തിരുത്തുക]- ↑ "Thaniyavarthanam [1987]" (in ഇംഗ്ലീഷ്). MMDB. Archived from the original on 2011-03-05. Retrieved 2009-06-30.
- ↑ "Thaniyavarthanam" (in ഇംഗ്ലീഷ്). 2D Movie. Archived from the original on 2009-06-15. Retrieved 2009-06-30.
- ↑ "Awards for Thaniyavartanam" (in ഇംഗ്ലീഷ്). IMDB. Retrieved 2009-06-30.
പുറത്തേക്കുള്ള കണ്ണികൾ
[തിരുത്തുക]- തനിയാവർത്തനം ഇന്റർനെറ്റ് മൂവി ഡാറ്റാബേസിൽ
- തനിയാവർത്തനം Archived 2014-07-29 at the Wayback Machine – മലയാളസംഗീതം.ഇൻഫോ