ഉള്ളടക്കത്തിലേക്ക് പോവുക

കണ്ണൂർ

വിക്കിപീഡിയ, ഒരു സ്വതന്ത്ര വിജ്ഞാനകോശം.
(Cannanore എന്ന താളിൽ നിന്നും തിരിച്ചുവിട്ടതു പ്രകാരം)
കണ്ണൂർ
Cannanore
നഗരം
കണ്ണൂർ നഗരത്തിന്റെ ചക്രവാളദൃശ്യം
പയ്യാമ്പലം ബീച്ച്
കണ്ണൂർ അന്താരാഷ്ട്ര വിമാനത്താവളം
ഗാന്ധി സർക്കിൾ
കുപ്പം പാലം
[സെന്റ് ആഞ്ജലോ കോട്ട]]
പെരളശ്ശേരി ക്ഷേത്രക്കുളം
ഏഴിമല കുന്ന്
വിളിപ്പേര്(കൾ): 
Land of looms and loresഫലകം:Force singular
കണ്ണൂർ is located in Kerala
കണ്ണൂർ
കണ്ണൂർ
Kannur (Kerala)
കണ്ണൂർ is located in India
കണ്ണൂർ
കണ്ണൂർ
കണ്ണൂർ (India)
Coordinates: 11°52′28.2″N 75°22′13.4″E / 11.874500°N 75.370389°E / 11.874500; 75.370389
Country ഇന്ത്യ
Stateകേരളം
DistrictKannur
Talukകണ്ണൂർ
സർക്കാർ
 • തരംമുനിസിപ്പൽ കോർപ്പറേഷൻ
 • ഭരണസമിതികണ്ണൂർ മുനിസിപ്പൽ കോർപ്പറേഷൻ
 • മേയർപി. ഇന്ദിര (INC)[1]
 • Deputy mayorകെ.പി. താഹിർ (IUML)[1]
 • MLAsT.O Mohanan (Kannur) and K. V. Sumesh (Azhikode)
 • MPK. Sudhakaran (INC)
 • Commissioner of PoliceB.V. Vijaya Bharath Reddy IPS
വിസ്തീർണ്ണം
[2][3]
78.35 ച.കി.മീ. (30.25 ച മൈ)
 • Metro
1,003 ച.കി.മീ. (387 ച മൈ)
 • റാങ്ക്5
ഉയരം
38.78 മീ (127.23 അടി)
ജനസംഖ്യ
 (2011)[2][3]
2,32,486
 • റാങ്ക്6
 • ജനസാന്ദ്രത3,000/ച.കി.മീ. (7,700/ച മൈ)
 • മെട്രോപ്രദേശം
[4][5]
24,65,000
Demonymഫലകം:UBL
Languages
 • OfficialMalayalam, English
സമയമേഖലUTC+5:30 (IST)
PIN
670001
Telephone code+91497xxxxxxx
ISO 3166 കോഡ്IN-KL
വാഹന രജിസ്ട്രേഷൻKL-13
Sex ratio1000:1090 ♂/♀
Literacy rate96.23%
Lok Sabha constituencyKannur
Niyamasabha constituenciesKannur & Azhikode
International airportKannur International Airport
വെബ്സൈറ്റ്www.kannur.nic.in kannurcorporation.lsgkerala.gov.in
കണ്ണൂർ

കേരളത്തിലെ ഒരു തീരദേശ നഗരമാണ് കണ്ണൂർ. ഇത് ഒരു പുരാതന വ്യാപാര തുറമുഖമായിരുന്നു. 16-ാം നൂറ്റാണ്ടിലെ സെൻ്റ് ആഞ്ചലോ ഫോർട്ട് പോലെയുള്ള നിലനിൽക്കുന്ന സ്മാരകങ്ങൾ, ഒരിക്കൽ യൂറോപ്യൻ കൊളോണിയൽ ശക്തികൾ കൈവശപ്പെടുത്തിയിരുന്നു, സുഗന്ധവ്യഞ്ജന വ്യാപാരത്തിൽ നഗരത്തിൻ്റെ പ്രധാന പങ്ക് കാണിക്കുന്നു. മുൻ കൊട്ടാരത്തിൽ സ്ഥിതി ചെയ്യുന്ന അറക്കൽ മ്യൂസിയം കേരളത്തിലെ ഒരു മുസ്ലീം രാജകുടുംബത്തെ എടുത്തുകാണിക്കുന്നു. കണ്ണൂരിൻ്റെ പടിഞ്ഞാറൻ തീരത്ത് പയ്യാമ്പലം ബീച്ചിലെ ഈന്തപ്പനകൾ നിറഞ്ഞ മണൽ പരന്നുകിടക്കുന്നു.

ഗാന്ധി സെർക്കിൾകാൽടെക്സ്

പേരിന്റെ ഉൽഭവം

[തിരുത്തുക]

ഐതിഹ്യങ്ങൾ

[തിരുത്തുക]

ശ്രീകൃഷ്ണൻ (കണ്ണൻ) (ഊര്) എന്നർത്ഥമുള്ള മലയാള പദങ്ങളിൽ നിന്നാണ്‌ സ്ഥലനാമം ഉണ്ടായതെന്നാണ് ഒരു കഥ. കടലായി ശ്രീകൃഷ്ണ ക്ഷേത്രം പണ്ട്‌ കണ്ണൂർ പട്ടണത്തിലുള്ള കടലായി കോട്ടയിലാണ് സ്ഥിതി ചെയ്തിരുന്നത്‌.[6] ഏതായാലും 1796 മുതലുള്ള തലശ്ശേരി രേഖകളിൽ ഈ പട്ടണത്തെ വിളിച്ചിരുന്നത് കണ്ണനൂർ എന്നാണ് അറിയപ്പെട്ടു വരുന്നത്


മറ്റൊന്ന് ഇവിടത്തെ നഗരസഭയിൽ ഇന്നുമുള്ള കാനത്തൂർ‍ എന്ന പഴയ ഗ്രാമത്തിന്റെ പേരിൽനിന്നുമാണെന്നതാണ്.‌

ചരിത്രം

[തിരുത്തുക]

ഈ പ്രദേശത്തെ മനുഷ്യവാസത്തിന്റെ ആദ്യകാല തെളിവുകൾ ശിലാഗുഹകളും നവീന ശിലായുഗ കാലഘട്ടത്തിലെ മെഗാലിത്തിക് ശ്മശാനങ്ങളുമാണ്. തളിപ്പറമ്പ്-കണ്ണൂർ-തലശ്ശേരി പ്രദേശം പാറയിൽ കൊത്തിയ ഗുഹകൾ, തൊപ്പിക്കല്ലുകൾ, ശവകുടീരങ്ങൾ, ഒറ്റക്കൽസ്തംഭങ്ങൾ എന്നിവയാൽ സമ്പന്നവും ഇവയെല്ലാം മെഗാലിത്ത് (മഹാശില) കൊണ്ട് നിർമ്മിക്കപ്പെട്ടതുമാണ്. സംഘ കാലഘട്ടത്തിൽ (CE 1 മുതൽ 5 വരെ നൂറ്റാണ്ടുകൾ) കണ്ണൂർ ജില്ല ഏഴിമല ആസ്ഥാനമായുള്ള ശക്തമായ ഒരു രാജവംശത്തിന്റെ ആസ്ഥാനമായിരുന്നു. പെരിപ്ലസ് ഓഫ് എറിത്രിയൻ സീ എന്ന ഗ്രന്ഥത്തിൽ മുസിരിസിന് വടക്കുള്ള ഒരു പുരാതന തുറമുഖമായി പരാമർശിക്കപ്പെടുന്ന നൗറ കണ്ണൂരുമായി ബന്ധപ്പെട്ടിരിക്കുന്നു.[7] കെപ്രോബോട്ടോസിന്റെ (ചേര രാജവംശം) വടക്കുപടിഞ്ഞാറൻ അതിർത്തിയിലായിരുന്നു ടിൻഡിസ് തുറമുഖം സ്ഥിതി ചെയ്തിരുന്നതെന്ന് പ്ലിനി ദി എൽഡർ (ക്രി.വ. ഒന്നാം നൂറ്റാണ്ട്) പ്രസ്താവിക്കുന്നു.[8] ടിൻഡിസിലെ തുറമുഖത്തിന് വടക്ക് ഭാഗത്തായി സ്ഥിതി ചെയ്യുന്ന ഈ പ്രദേശം സംഘ കാലഘട്ടത്തിൽ ഏഴിമല രാജ്യത്തിന്റെ ഭരണത്തിൻ കീഴിലായിരുന്നു.[9]

പെരിപ്ലസ് ഓഫ് എറിത്രിയൻ സീ എന്ന ഗ്രന്ഥത്തിൽ രേഖപ്പെടുത്തിയതു പ്രകാരം നൗറയിലും ടിൻഡീസിലും നിന്ന് ലിമിറൈക്ക് എന്നറിയപ്പെടുന്ന ഒരു പ്രദേശം ആരംഭിച്ചു. എന്നിരുന്നാലും ലിമിറൈക്കിൻ്റെ തുടക്കമായി ടോളമി ടിൻഡിസിനെ മാത്രമാണ് പരാമർശിക്കുന്നത്. ഈ മേഖല കന്യാകുമാരിയിൽ അവസാനിച്ചിരിക്കാം; അത് ഏകദേശം ഇന്നത്തെ മലബാർ തീരത്തോട് യോജിക്കുന്ന പ്രസ്താവനയാണ്. ഈ മേഖലയുമായുള്ള റോമിന്റെ വാർഷിക വ്യാപാരത്തിന്റെ മൂല്യം 50,000,000 സെസ്റ്റർസെസുകളായി (പുരാതന റോമൻ നാണയം) കണക്കാക്കപ്പെടുന്നു.[10] ലിമിറിക്ക് കടൽക്കൊള്ളക്കാരുടെ ആക്രമണത്തിന് ഇരയായിരുന്നുവെന്ന് പ്ലിനി ദി എൽഡർ പരാമർശിച്ചു.[11] ലിമിറൈക്ക് കുരുമുളകിന്റെ ഉറവിടമാണെന്ന് കോസ്മാസ് ഇൻഡികോപ്ലൂസ്റ്റസ് എന്ന ഈജിപ്ഷ്യൻ വ്യാപാരി പരാമർശിച്ചു..[12][13]

തീരദേശ പൂഴിനാട്, മലമ്പ്രദേശമായ കിഴക്കൻ കർക്കനാട് എന്നിങ്ങനെ ഏഴിമല രാജ്യത്തിന് രണ്ട് നാടുകളുടെ അധികാരപരിധിയാണുണ്ടായിരുന്നത് . സംഘകാല സാഹിത്യ കൃതികളിൽ രേഖപ്പെടുത്തിയിരിക്കുന്നതു പ്രകാരം പൂഴിനാട് മംഗലാപുരത്തിനും കോഴിക്കോടിനുമിടയിലുള്ള തീരദേശ മേഖലയുടെ ഭൂരിഭാഗവും ഉൾക്കൊള്ളുന്നതായിരുന്നു.[14] കുടകിന്റെ (കൂർഗ്) ചില ഭാഗങ്ങളുള്ള വയനാട്-ഗുഡലൂർ കുന്നിൻ പ്രദേശം ഉൾപ്പെടുന്നതായിരുന്നു കർക്കനാട്.[15] ഏഴിമല രാജവംശത്തിലെ ഏറ്റവും പ്രശസ്തനായ ഭരണാധികാരിയായിരുന്ന നന്നൻ, എ.ഡി. അഞ്ചാം നൂറ്റാണ്ടിൽ ചേരന്മാരോട് തോറ്റതിനുശേഷം ഒരു യുദ്ധത്തിൽ വധിക്കപ്പെടുന്നതിന് തൊട്ടുമുമ്പായി, വയനാടൻ കുന്നുകളിൽ അഭയം തേടിയിരുന്നതായി സംഘകാല കൃതികൾ പറയുന്നു.[16]

പുരാതന മധ്യകാലഘട്ടം

[തിരുത്തുക]

കേരളത്തിലെ മുസ്ലീം പാരമ്പര്യപ്രകാരം, കണ്ണൂരും ചുറ്റുപാടുമുള്ള മാടായി, ധർമ്മടം എന്നിവിടവും ഇന്ത്യൻ ഉപഭൂഖണ്ഡത്തിലെ ഏറ്റവും പഴക്കം ചെന്ന മൂന്ന് പള്ളികളുടെ ആസ്ഥാനമായിരുന്നു. ചേരമാൻ പെരുമാളിന്റെ ഇതിഹാസമനുസരിച്ച്, മുഹമ്മദ് എന്ന പ്രവാചകന്റെ (ക്രി.വ. 570–632) ജീവിതകാലത്ത് ധർമ്മടത്തുനിന്ന് മക്കയിലേക്ക് പോയി ഇസ്ലാം മതം സ്വീകരിച്ച ചേരമാൻ പെരുമാൾ എന്ന അവസാന ഭരണാധികാരിയുടെ ഉത്തരവനുസരിച്ചാണ് എ.ഡി. 624-ൽ കൊടുങ്ങല്ലൂരിൽ ആദ്യത്തെ ഇന്ത്യൻ മുസ്ലിം ദേവാലയം നിർമ്മിക്കപ്പെട്ടത്.[17][18][19][20] ഒരു അറബി കയ്യെഴുത്തുപ്രതിയായ ക്വിസാത് ശകർവതി ഫർമദ് പറയുന്നതനുസരിച്ച്, കൊടുങ്ങല്ലൂർ, കൊല്ലം, മാടായി, ബാർക്കൂർ, മംഗലാപുരം, കാസർഗോഡ്, കണ്ണൂർ, ധർമ്മടം, പന്തലായനി, ചാലിയം എന്നിവിടങ്ങളിലെ പള്ളികൾ മാലിക് ദിനാറിൻ്റെ കാലഘട്ടത്തിൽ നിർമ്മിച്ച, ഇന്ത്യൻ ഉപഭൂഖണ്ഡത്തിലെ ഏറ്റവും പഴക്കം ചെന്ന മസ്ജിദുകളിൽ ഒന്നാണ്.[21] കാസർഗോഡ് പട്ടണത്തിലെ തളങ്കരയിൽ വെച്ചാണ് മാലിക് ദിനാർ മരിച്ചതെന്ന് വിശ്വസിക്കപ്പെടുന്നു.[22]

തുളുനാട്ടിൽ നിന്നുള്ള തുളുവ ബ്രാഹ്മണരുടെ കുടിയേറ്റം കാരണമായിരിക്കാം മധ്യകാലഘട്ടത്തിൻ്റെ പ്രാരംഭത്തിൽ ഏഴിമല രാജ്യത്തിൻ്റെ പിൻഗാമിയായി മൂഷിക രാജവംശം വന്നത്. പതിനൊന്നാം നൂറ്റാണ്ടിൽ അതുലൻ രചിച്ച മൂഷിക-വംശ മഹാകാവ്യം, അതുവരെയുള്ള മൂഷിക രാജകുടുംബത്തിൻ്റെ രേഖപ്പെടുത്തപ്പെട്ട ഭൂതകാലത്തിലേക്ക് വെളിച്ചം വീശുന്നു.[23] ഇന്ത്യൻ നരവംശശാസ്ത്രജ്ഞനായിരുന്ന അയിനപ്പള്ളി അയ്യപ്പൻ, തുളുനാട്ടിലെ ബണ്ട് സമുദായത്തിലെ ശക്തരും രണോത്സുകരുമായ ഒരു വംശത്തെ കോലാ ബാരി എന്ന് വിളിച്ചിരുന്നുവെന്നും കോലത്തുനാട്ടിലെ കോലത്തിരി രാജാവ് ഈ രാജവംശത്തിൻ്റെ പിൻമുറക്കാരനാനായിരുന്നുവെന്നും പറയുന്നു.[24] മൂഷിക രാജവംശത്തിന്റെ പിൻഗാമികളായ കോലത്തുനാട് രാജ്യം, അതിന്റെ ശക്തിയുടെ ഉന്നതിയിൽ വടക്ക് നേത്രാവതി നദി (മംഗലാപുരം) മുതൽ[25] തെക്ക് കോരപ്പുഴ (കോഴിക്കോട്) വരെയും പടിഞ്ഞാറ് അറബിക്കടലും കിഴക്ക് അതിർത്തിയിൽ കുടക് കുന്നുകളും അറബിക്കടലിലെ ഒറ്റപ്പെട്ട ലക്ഷദ്വീപ് ദ്വീപുകളും ഉൾപ്പെടെ വ്യാപിച്ചുകിടന്നിരുന്നുവെന്ന് റിപ്പോർട്ടുണ്ട്.[26]

മംഗലാപുരത്തെ ആലുപ രാജവംശത്തിലെ ഭരണാധികാരിയായിരുന്ന കുന്ദ ആലുപ രാജാവിനെ പരാമർശിക്കുന്ന ഒരു പഴയ മലയാളം ലിഖിതം (രാമന്തളി ലിഖിതങ്ങൾ) 1075 CE-ൽ കണ്ണൂരിനടുത്ത് സ്ഥിതിചെയ്യുന്ന ഏഴിമലയിൽ കാണാം.[27] കണ്ണൂരിലെ മാടായി പള്ളിക്കുള്ളിലെ ഒരു ചെമ്പ് ഫലകത്തിലെ ഈ അറബി ഭാഷാ ലിഖിതം അതിന്റെ സ്ഥാപന വർഷം 1124 CE ആയി രേഖപ്പെടുത്തുന്നു.[28] 1290-കളുടെ മധ്യത്തിൽ മാർക്കോ പോളോ ഈ പ്രദേശത്തേക്കുള്ള തന്റെ സന്ദർശനത്തെക്കുറിച്ച് തന്റെ യാത്രകളെക്കുറിച്ചുള്ള പുസ്തകത്തിൽ (Il Milione) വിവരിക്കുന്നു. ബുദ്ധ തീർത്ഥാടകനായ ഫാക്സിയൻ, ടാൻജിയേഴ്സിലെ എഴുത്തുകാരനും ചരിത്രകാരനുമായ ഇബ്നു ബത്തൂത്ത എന്നിവരും സന്ദർശകരിൽ ഉൾപ്പെടുന്നു. മധ്യകാലഘട്ടത്തിൻ്റെ അവസാനത്തിൽ രാജവംശത്തിനുള്ളിലെ ആന്തരിക വിയോജിപ്പുകൾ കടത്തനാട് (വടകര), രണ്ടത്തറ അല്ലെങ്കിൽ പൊയനാട് (ധർമ്മടം), കോട്ടയം (തലശ്ശേരി), നീലേശ്വരം, ഇരുവഴിനാട് (പാനൂർ, കുറുമ്പ്രനാട് തുടങ്ങിയ വ്യത്യസ്‌ത രാജകീയ തലവന്മാരുടെ ഭരണത്തിൽ കോലത്തുനാട് സ്വതന്ത്രമായ 10 നാട്ടുരാജ്യങ്ങളായി ഉയർന്നുവരുന്നതിന് കാരണമായി.[29] കോലത്തിരി സാമ്രാജ്യത്തിന്റെ വടക്കേയറ്റത്തുള്ള നീലേശ്വരം രാജവംശം മധ്യകാലഘട്ടത്തിന്റെ തുടക്കത്തിൽ കോലത്തുനാടുമായും കോഴിക്കോട് സാമൂതിരിയുമായും ബന്ധുത്വമുള്ളവരായിരുന്നു.[30]

പന്ത്രണ്ടാം നൂറ്റാണ്ടിൽ ഒരു പ്രധാന വ്യാപാര കേന്ദ്രമായിരുന്ന കണ്ണൂരിന് പേർഷ്യയുമായും അറേബ്യയുമായും സജീവമായ വ്യാപാര ബന്ധങ്ങളുണ്ടായിരുന്നു. മധ്യകാല കേരള തീരത്ത് കോഴിക്കോട് തുറമുഖം മികച്ച സാമ്പത്തിക, രാഷ്ട്രീയ സ്ഥാനം വഹിച്ചിരുന്നപ്പോൾ, കണ്ണൂർ, കൊല്ലം, കൊച്ചി എന്നിവ വാണിജ്യപരമായി പ്രധാനപ്പെട്ട ദ്വിതീയ തുറമുഖങ്ങളായി ഉയർന്നുവരുകയും, ലോകത്തിന്റെ വിവിധ ഭാഗങ്ങളിൽ നിന്നുള്ള വ്യാപാരികൾ അവിടെ ഒത്തുകൂടുകയും ചെയ്തിരുന്നു.[31]

യൂറോപ്യൻ സ്വാധീനത്തിന്റെ കാലഘട്ടം

[തിരുത്തുക]

കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. കച്ചവടാവശ്യത്തിനായി കോഴിക്കോട് വന്ന വാസ്കോ ഡ ഗാമ 1498ൽ കണ്ണൂരിൽ വന്നു. അതിനു മുമ്പെ അറബികളുമായിട്ടായിരുന്നു പ്രധാന കച്ചവടങ്ങൾ നടന്നിരുന്നത്. അക്കാലത്ത് കോലത്തിരി രാജവംശമായിരുന്നു കണ്ണൂർ ഉൾപ്പെടുന്ന പ്രദേശങ്ങളിലെ ഭരണാധികാരികൾ. ക്രിസ്തുവർഷം 1500നുശേഷം‍ കണ്ണൂർ ഇംഗ്ലീഷുകാരുടെ കച്ചവട സങ്കേതമായി മാറി.[32] [33] 1887 വരെ ഇന്ത്യയുടെ പടിഞ്ഞാറൻ തീരത്ത് ഈസ്റ്റ് ഇന്ത്യാ കമ്പനിയുടെ സൈനിക ആസ്ഥാനമായിരുന്നു കണ്ണൂർ.[34] ആധുനിക പട്ടണത്തെ കണ്ണൂർ ടൗൺ എന്നാണ് വിളിക്കുന്നത്. ഒരു ജില്ല എന്ന നിലയിൽ കണ്ണൂരും പരിസര പ്രദേശങ്ങളും പ്രധാനമായും ഭരിച്ചത് പ്രശസ്തരായ കോലത്തിരി രാജാക്കന്മാരാണ്. കണ്ണൂരിൽ പ്രസിദ്ധം ആയ ഒരു സ്ഥലം ആണ് കണ്ണൂർ ഫോർട്ട് (സ്ഥാപിതം 1505). കേരള സംസ്ഥാനം രൂപീകൃതമായപ്പോൾ, ഭരണകാര്യാലയങ്ങൾ ഇവിടെ സ്ഥാപിതമായതിനാൽ ജില്ലയ്ക്ക് കണ്ണൂർ എന്ന പേര് ലഭിച്ചു. അതിനുമുമ്പ്, മദ്രാസ് പ്രസിഡൻസിയിലെ മലബാർ ജില്ലയിലെ ചിറക്കൽ താലൂക്കിന്റെ ആസ്ഥാനമായിരുന്നു കണ്ണൂർ. ഇന്ത്യയിൽ കമ്പനി ഭരണകാലത്ത്, ഈസ്റ്റ് ഇന്ത്യാ കമ്പനി അവരുടെ പ്രധാന കേന്ദ്രങ്ങളായി മദ്രാസും കൊച്ചിയും ഇഷ്ടപ്പെട്ടതോടെ കണ്ണൂരിന് പഴയ പ്രതാപം നഷ്ടപ്പെടാൻ തുടങ്ങി. കണ്ണൂരിലെ ജനങ്ങൾ ഇപ്പോഴും തങ്ങളുടെ പഴയ പ്രതാപം തിരിച്ചുപിടിക്കാൻ കാത്തിരിക്കുകയാണ്. സംസ്ഥാന ഭരണകൂടം സംസ്ഥാനത്തിന്റെ നേർ വിപരീത ദിശയിലായതിനാൽ തങ്ങൾ അവഗണിക്കപ്പെടുന്നതായി അവർക്ക് തോന്നുന്നു. അറക്കൽ എന്ന കേരളത്തിലെ ഏക മുസ്ലീം രാജവംശത്തിന്റെ കീഴിലായിരുന്ന കണ്ണൂർ നഗരത്തിന്റെ ഒരു ഭാഗം ഇപ്പോഴും നഗരം എന്നറിയപ്പെടുന്നു.

1498-ൽ കണ്ടെത്തൽ കാലഘട്ടത്തിൽ പോർച്ചുഗീസ് പര്യവേക്ഷകനായിരുന്ന വാസ്കോഡ ഗാമ കോഴിക്കോട് കാപ്പാട് എത്തിയതോടെ യൂറോപ്പിൽ നിന്ന് ദക്ഷിണേഷ്യയിലേക്ക് നേരിട്ടുള്ള കടൽ പാത തുറക്കപ്പെട്ടു.[35] 1501-ൽ പെഡ്രോ അൽവാറസ് കബ്രാൾ ഇവിടെ ഒരു പോർച്ചുഗീസ് ഫാക്ടറി സ്ഥാപിച്ചു, 1502-ൽ ഡ ഗാമ രാജാവുമായി ഒരു ഉടമ്പടി ഉണ്ടാക്കി.[36] കണ്ണൂരിലെ സെന്റ് ആഞ്ചലോ കോട്ട 1505-ൽ ഇന്ത്യയിലെ ആദ്യത്തെ പോർച്ചുഗീസ് വൈസ്രോയി ആയിരുന്ന ഡോം ഫ്രാൻസിസ്കോ ഡി അൽമേഡയാണ് സ്ഥാപിച്ചത്. 1663-ൽ ഡച്ചുകാർ പോർച്ചുഗീസുകാരിൽ നിന്ന് കോട്ട പിടിച്ചെടുത്തു. അവർ കോട്ട നവീകരിക്കുകയും ഹോളണ്ടിയ, സീലാൻഡിയ, ഫ്രീസ്‌ലാൻഡിയ എന്നീ കൊത്തളങ്ങൾ നിർമ്മിക്കുകയും ചെയ്തു. അവ ഇന്നത്തെ ഘടനയുടെ പ്രധാന സവിശേഷതകളാണ്. യഥാർത്ഥ പോർച്ചുഗീസ് കോട്ട പിന്നീട് പൊളിച്ചുമാറ്റി. ഈ കോട്ടയുടെ ഒരു പെയിന്റിംഗും അതിനു പിന്നിലുള്ള മീൻപിടുത്ത ബോട്ടുംകാണിക്കുന്ന ഒരു പെയിന്റിംഗ് ആംസ്റ്റർഡാമിലെ റിജക്സ്മ്യൂസിയത്തിൽ ഇന്നും കാണാം. 1772-ൽ ഡച്ചുകാർ ഈ കോട്ട അറയ്ക്കലിലെ രാജാവായ അലി രാജയ്ക്ക് വിറ്റു.

പതിനേഴാം നൂറ്റാണ്ടിൽ, കണ്ണൂർ നഗരത്തിന് പുറമേ ലക്ഷദ്വീപുകളുടെ മേലും അധികാരമുണ്ടായിരുന്ന അറക്കൽ എന്നറിയപ്പെടുന്ന കേരളത്തിലെ ഏക മുസ്ലീം സുൽത്താനേറ്റിന്റെ തലസ്ഥാനമായിരുന്നു കണ്ണൂർ.[37] കണ്ണൂർ നഗരം ആസ്ഥാനമായുള്ള രണ്ട് സാമന്ത രാജ്യങ്ങളായിരുന്നു അറക്കൽ രാജ്യവും ചിറക്കൽ രാജ്യവും. മധ്യകാലഘട്ടത്തിന്റെ അവസാനത്തിൽ കോലത്തു രാജാക്കന്മാർ, കോട്ടയം രാജാക്കന്മാർ, മന്നനാർ,[38] അറക്കൽ ബീബി എന്നിവർ ഒരുപോലെ അവകാശവാദമുന്നയിച്ചിരുന്ന കണ്ണൂരിനടുത്തുള്ള ധർമ്മടം ദ്വീപും തലശ്ശേരിയും 1734-ൽ തന്നെ ഈസ്റ്റ് ഇന്ത്യാ കമ്പനിക്ക് വിട്ടുകൊടുത്തിിരുന്നു. ദ്വീപ് വിട്ടുകൊടുക്കലിനെത്തുടർന്ന് ബ്രിട്ടീഷുകാർ ഒരു ഫാക്ടറി പണിയുകയും ഇംഗ്ലീഷ് കുടിയേറ്റവും ആരംഭിക്കുകയും ചെയ്തു..[39][40] പിന്നീട് 1790-ൽ ഈസ്റ്റ് ഇന്ത്യാ കമ്പനി കണ്ണൂർ കോട്ട പിടിച്ചടക്കുകയും മലബാർ തീരത്തെ അവരുടെ പ്രധാന സൈനിക കേന്ദ്രങ്ങളിലൊന്നായി ഇതിനെ ഉപയോഗിക്കുകയും ചെയ്തു. ബ്രിട്ടീഷ് കൊളോണിയൽ ഭരണകാലത്ത് കണ്ണൂർ മലബാർ ജില്ലയിലെ മദ്രാസ് പ്രവിശ്യയുടെ ഭാഗമായിരുന്നു.

1761-ൽ മാഹി പിടിച്ചടക്കിയ ബ്രിട്ടീഷുകാർ, ആ വാസസ്ഥലം കടത്തനാട് ഭരണാധികാരിക്ക് കൈമാറി.[41] 1763-ലെ പാരീസ് ഉടമ്പടിയുടെ ഭാഗമായി ബ്രിട്ടീഷുകാർ മാഹിയെ ഫ്രഞ്ചുകാർക്ക് തിരിച്ചുകൊടുത്തു.[42] 1779-ൽ ആംഗ്ലോ-ഫ്രഞ്ച് യുദ്ധം പൊട്ടിപ്പുറപ്പെട്ടതിന്റെ, ഫലമായി ഫ്രഞ്ചുകാർക്ക് മാഹി വീണ്ടും നഷ്ടപ്പെട്ടു.[43] 1783-ൽ, ഇന്ത്യയിലെ തങ്ങളുടെ വാസസ്ഥലങ്ങൾ ഫ്രഞ്ചുകാർക്ക് തിരികെ നൽകാൻ ബ്രിട്ടീഷുകാരുമായി ധാരണയാകുകയും 1785-ൽ മാഹി ഫ്രഞ്ചുകാർക്ക് കൈമാറ്റം നടത്തുകയും ചെയ്തു.[44]

ബ്രിട്ടീഷുകാർക്ക് അവരുടെ ഭരണത്തിനെതിരെ തുടക്കത്തിൽത്തന്നെ തലശ്ശേരി-വയനാട് മേഖലയിൽ ജനകീയാടിത്തറയുണ്ടായിരുന്ന കേരളവർമ്മ പഴശ്ശിരാജയുടെ നേതൃത്വത്തിലുള്ള പ്രാദേശിക സൈന്യത്തിൽനിന്നുള്ള പ്രതിരോധം നേരിടേണ്ടിവന്നു.[45] കോട്ടയം പ്രവിശ്യയുടെ ഭരണം കയ്യാളിയിരുന്ന പഴശ്ശിരാജ ഈസ്റ്റ് ഇന്ത്യാ കമ്പനിക്കെതിരെ ആരംഭിച്ച ഗറില്ലാ യുദ്ധം കണ്ണൂരിന്റെ ചരിത്രത്തിൽ ഒട്ടേറെ സ്വാധീനം ചെലുത്തി. ഇരുപതാം നൂറ്റാണ്ടിന്റെ ആദ്യ ദശകങ്ങളിൽ കേരളത്തിലെ സാമൂഹിക-സാമ്പത്തിക, രാഷ്ട്രീയ മേഖലകളിലുണ്ടായ മാറ്റങ്ങൾ കമ്മ്യൂണിസ്റ്റ് പാർട്ടിയുടെ വളർച്ചയ്ക്ക് അനുകൂലമായ സാഹചര്യങ്ങൾ സൃഷ്ടിച്ചു. 1906-ൽ ക്രിസ്ത്യൻ മിഷനറിമാർ ആരംഭിച്ചതും പിന്നീട് സർക്കാർ മുന്നോട്ടുകൊണ്ടുപോയതുമായ ഇംഗ്ലീഷ് വിദ്യാഭ്യാസത്തിന്റെ വ്യാപനം, ശരീരത്തിന്റെ മുകൾ ഭാഗങ്ങൾ മറയ്ക്കുന്ന തുണി ധരിക്കുന്നതിനെതിരായ കലാപം, 1888-ൽ അരുവിപ്പുറത്ത് ഒരു വിഗ്രഹം സ്ഥാപിച്ചത്, 1891-ലെ മലയാളി മെമ്മോറിയൽ, 1903-ൽ എസ്എൻഡിപി യോഗം എന്നിവയുടെ സ്ഥാപനം, അവയുടെ തുടർ പ്രവർത്തനങ്ങൾ, പോരാട്ടങ്ങൾ തുടങ്ങിയവ ചുരുങ്ങിയ സമയത്തിനുള്ളിൽ കേരള സമൂഹത്തിലെ മാറ്റങ്ങൾ ത്വരിതപ്പെടുത്തുന്നതിന് സഹായകമായ ഘടകങ്ങളായിരുന്നു. ഈ പ്രസ്ഥാനങ്ങൾ ഒടുവിൽ ഇന്ത്യൻ സ്വാതന്ത്ര്യ സമരവുമായി സമരസപ്പെട്ടു.

വളരെ പെട്ടെന്നുതന്നെ സോഷ്യലിസത്തെക്കുറിച്ചും സോവിയറ്റ് വിപ്ലവത്തെക്കുറിച്ചുമുള്ള ആശയങ്ങൾ കേരളത്തിലെത്തി. സ്വദേശാഭിമാനി രാമകൃഷ്ണപിള്ള, സഹോദരൻ അയ്യപ്പൻ, പി. കേശവദേവ് തുടങ്ങിയവരുടെ കൃതികളിലൂടെയാണ് ഇത്തരം ആശയങ്ങൾ കേരളത്തിലങ്ങോളമിങ്ങോളം പ്രചരിച്ചത്. 1930 കളുടെ ആരംഭത്തോടെ, തിരുവിതാംകൂറിലെ നിവർത്തന പ്രക്ഷോഭം പോലെയുള്ള മറ്റ് ചില പ്രധാന സംഭവവികാസങ്ങൾ നടന്നു. അയിത്തജാതിക്കാരും ദുർബല വിഭാഗങ്ങളും ഉൾപ്പെടെ അടിച്ചമർത്തപ്പെട്ട ആളുകളുടെ സർക്കാരിൽ പങ്കാളിത്തത്തിനുള്ള ആവശ്യമായിരുന്നു ഇത്തരം പ്രക്ഷോഭങ്ങളിലൂടെ പുറത്തുവന്നത്. ഇത് സർക്കാരിലെ ആനുപാതിക പ്രാതിനിധ്യം, ജോലികളിലെ സംവരണം തുടങ്ങിയ സമരങ്ങളെ മുൻപന്തിയിലെത്തിച്ചു. ഇത് അടിച്ചമർത്തപ്പെട്ട ജനവിഭാഗങ്ങൾക്കിടയിൽ ഒരു പുതിയ ആവേശത്തിന് തിരികൊളുത്തി.[46]

അതിരുകൾ

[തിരുത്തുക]

വടക്ക് കാസർഗോഡ് ജില്ല കിഴക്ക് കർണാടക സംസ്ഥാനം ,തെക്ക് കോഴിക്കോട്, വയനാട് ജില്ലകൾ, പടിഞ്ഞാറ് അറബിക്കടൽ എന്നിവയാണ് അതിരുകൾ.‍

ഭൂമിശാസ്ത്രം

[തിരുത്തുക]
ഏഷ്യയിലെ ഏറ്റവും നീളം കൂടിയ ഡ്രൈവ്-ഇൻ ബീച്ചായ മുഴപ്പിലങ്ങാട് ബീച്ച് കണ്ണൂരിലാണ് സ്ഥിതി ചെയ്യുന്നത്.
മാടായിക്കടുത്തുള്ള വയലപ്ര തടാകം.

അറബിക്കടലിന്റെ തീരത്താണു കണ്ണൂർ നഗരം സ്ഥിതി ചെയ്യുന്നത്. കണ്ണൂർ ലക്ഷദ്വീപ് കടലിന്റെ തീരത്തായി 1.02 മീറ്റർ അല്ലെങ്കിൽ 3.3 അടി ഉയരത്തിൽ സ്ഥിതിചെയ്യുന്ന ഈ പ്രദേശത്ത് മണൽ നിറഞ്ഞ തീരപ്രദേശമാണുള്ളത്. നഗരത്തിന് 8 കിലോമീറ്റർ (5.0 മൈൽ) നീളമുള്ള കടലോരവും പയ്യാമ്പലത്ത് 3 കിലോമീറ്റർ (1.9 മൈൽ) നീളമുള്ള കടൽത്തീരവുമുണ്ട്. കോഴിക്കോടിന് വടക്ക്, കാസർഗോഡ്, മംഗലാപുരം എന്നിവയ്ക്ക് തെക്ക്, കുടക്, വയനാടൻ എന്നീ പശ്ചിമഘട്ട മേഖലകൾക്ക് പടിഞ്ഞാറ്, ലക്ഷദ്വീപ് കടലിന് കിഴക്ക് ഭാഗങ്ങളിലായാണ് കണ്ണൂർ സ്ഥിതി ചെയ്യുന്നത്. ആയിക്കരയിലെ മാപ്പിള ബേ തുറമുഖം, ഒരു വശത്ത് 1505 ൽ നിർമ്മിച്ച സെന്റ് ആഞ്ചലോ കോട്ട, മറുവശത്ത് അറക്കൽ കൊട്ടാരം എന്നിവ ഇവിടെ സ്ഥിതിചെയ്യുന്നു. ഏഷ്യയിലെ ഏറ്റവും നീളം കൂടിയ ഡ്രൈവ്-ഇൻ ബീച്ചായ മുഴപ്പിലങ്ങാട് ബീച്ച് കണ്ണൂരിലാണ് സ്ഥിതി ചെയ്യുന്നത്. വയലപ്ര തടാകം മാടായിക്കടുത്താണ്.

കാലാവസ്ഥ

[തിരുത്തുക]

പൊതുവിൽ സന്തുലിതമായ കാലാവസ്ഥയാണ് ഇവിടെയുള്ളത്. വളരെ ആർദ്രമായ ഉഷ്ണമേഖലാ മൺസൂൺ കാലാവസ്ഥ അനുഭവപ്പെടുന്ന (കോപ്പൻ കാലാവസ്ഥാ വർഗ്ഗീകരണത്തിൽ ഉൾപ്പെടുന്നു.) കണ്ണൂരിൽ ഏപ്രിൽ, മെയ് മാസങ്ങളിലെ ശരാശരി ദൈനംദിന പരമാവധി താപനില 35 °C (95 °F) ആണ്. ഡിസംബർ, ജനുവരി മാസങ്ങളിൽ മിതമായ താപനില അനുഭവപ്പെടുന്ന ഇവിടെ ആ സമയത്ത് ഏകദേശം 24 °C അല്ലെങ്കിൽ 75.2 °F താപനിലയാണുള്ളത്. മലബാർ തീരത്തെ മറ്റ് പ്രദേശങ്ങളെപ്പോലെ, തെക്കുപടിഞ്ഞാറൻ മൺസൂൺ സമയത്ത് ഈ നഗരത്തിലും കനത്ത മഴ ലഭിക്കുന്നു. ശരാശരി വാർഷിക മഴ 3,438 മില്ലിമീറ്റർ അല്ലെങ്കിൽ 135 ഇഞ്ച് ആണ്, ഇതിൽ ഏകദേശം 68 ശതമാനവും വേനൽക്കാലത്താണ് ലഭിക്കുന്നത്.[47] കൂടുതൽ തീര പ്രദേശങ്ങൾ പങ്കിടുന്ന ഒരു നഗരവും കണ്ണൂർ ആണ്.

Kannur (1991–2020, extremes 1978–present) പ്രദേശത്തെ കാലാവസ്ഥ
മാസം ജനു ഫെബ്രു മാർ ഏപ്രി മേയ് ജൂൺ ജൂലൈ ഓഗ സെപ് ഒക് നവം ഡിസം വർഷം
റെക്കോർഡ് കൂടിയ °C (°F) 36.8
(98.2)		 39.0
(102.2)		 39.1
(102.4)		 39.2
(102.6)		 39.1
(102.4)		 36.8
(98.2)		 33.9
(93)		 33.6
(92.5)		 34.2
(93.6)		 35.7
(96.3)		 37.0
(98.6)		 36.8
(98.2)		 39.2
(102.6)
ശരാശരി കൂടിയ °C (°F) 33.6
(92.5)		 34.3
(93.7)		 34.9
(94.8)		 35.0
(95)		 34.0
(93.2)		 30.6
(87.1)		 29.5
(85.1)		 29.8
(85.6)		 30.8
(87.4)		 31.6
(88.9)		 32.8
(91)		 33.3
(91.9)		 32.5
(90.5)
ശരാശരി താഴ്ന്ന °C (°F) 21.9
(71.4)		 22.9
(73.2)		 24.7
(76.5)		 25.9
(78.6)		 25.6
(78.1)		 23.9
(75)		 23.3
(73.9)		 23.4
(74.1)		 23.7
(74.7)		 23.7
(74.7)		 23.6
(74.5)		 22.4
(72.3)		 23.7
(74.7)
താഴ്ന്ന റെക്കോർഡ് °C (°F) 16.4
(61.5)		 17.8
(64)		 19.0
(66.2)		 21.7
(71.1)		 20.0
(68)		 20.6
(69.1)		 20.4
(68.7)		 20.7
(69.3)		 20.9
(69.6)		 19.4
(66.9)		 17.8
(64)		 16.1
(61)		 16.1
(61)
വർഷപാതം mm (inches) 0.5
(0.02)		 0.7
(0.028)		 15.8
(0.622)		 54.2
(2.134)		 221.5
(8.72)		 946.3
(37.256)		 877.2
(34.535)		 541.4
(21.315)		 270.9
(10.665)		 300.4
(11.827)		 109.0
(4.291)		 27.0
(1.063)		 3,364.9
(132.476)
ശരാ. മഴ ദിവസങ്ങൾ 0.1 0.1 0.6 2.9 7.8 23.5 26.2 21.7 12.3 11.9 4.9 1.1 113.1
% ആർദ്രത 63 64 65 66 71 84 87 85 81 79 74 66 74
ഉറവിടം: India Meteorological Department[48][49][50]

നഗരസഭ

[തിരുത്തുക]

മിലിട്ടറി കന്റോണ്മെന്റായിരുന്ന കണ്ണൂർ ബ്രിട്ടീഷ് ഇന്ത്യൻ സാമ്രാജ്യത്തിലെ 1865 ലെ മദ്രാസ് ആക്ട് 10 (1850 ലെ ടൗൺസ് ഇംപ്രൂവ്മെന്റ്സ് ആക്ട്) പ്രകാരം 1866 നവംബർ 1 ന് തലശ്ശേരി, കോഴിക്കോട്, പാലക്കാട്, ഫോർട്ട് കൊച്ചി എന്നീ മുനിസിപ്പാലിറ്റികൾക്കൊപ്പം മുനിസിപ്പാലിറ്റിയായി രൂപീകരിക്കുകയും, ഇവ സംസ്ഥാനത്തെ ആദ്യത്തെ ആധുനിക മുനിസിപ്പാലിറ്റികളായി മാറുുകയും ചെയ്തു.

2015ൽ ഇത് മുനിസിപ്പൽ കോർപ്പറേഷനായി ഉയർത്തപ്പെട്ടു.[51] നഗരത്തിന്റെ ഭരണം നടത്തുന്ന കണ്ണൂർ മുനിസിപ്പൽ കോർപ്പറേഷൻ ഒരു മേയറുടെ നേതൃത്വത്തിലാണ് പ്രവർത്തിക്കുന്നത്. ഒരു മേയറും കൗൺസിലും നയിക്കുന്ന ഈ കോർപ്പറേഷൻ കണ്ണൂർ നഗരത്തിലെ 78.35 ചതുരശ്ര കിലോമീറ്റർ പ്രദേശം കൈകാര്യം ചെയ്യുന്നു. ഏകദേശം 232,486 ജനസംഖ്യയാണ് ഈ കോർപ്പറേഷനിലുള്ളത്..[52][53][54]ഭരണപരമായ ആവശ്യങ്ങൾക്കായി, നഗരത്തെ 55 ഡിവിഷനുകളായി തിരിച്ചിരിക്കുന്നു, അതിൽ നിന്നാണ് കോർപ്പറേഷൻ കൗൺസിൽ അംഗങ്ങളെ അഞ്ച് വർഷത്തേക്ക് തിരഞ്ഞെടുക്കുന്നത്. അതുപോലെതന്നെ കണ്ണൂർ മുനിസിപ്പൽ കോർപ്പറേഷനെ കണ്ണൂർ ടൗൺ, പള്ളിക്കുന്ന്, പുഴാതി, എടക്കാട്, എളയാവൂർ, ചേലോറ എന്നീ ആറ് മേഖലകളായി തിരിച്ചിരിക്കുന്നു.[55] കേരളത്തിലെ ഏറ്റവും പഴക്കം ചെന്ന നഗരസഭകളിലൊന്നായിരുന്നു കണ്ണൂർ. മുനിസിപ്പാലിറ്റിയുടെ ആരംഭത്തിൽ 4 വാർഡുകൾ മാത്രമേ ഉണ്ടായിരുന്നുള്ളൂ. 1919വരെ മെമ്പർമാരെയും, ചെയർമാനെയും നാമനിർദ്ദേശം ചെയ്യുകയോ, തിരഞ്ഞെടുക്കുകയോ ചെയ്യുകയായിരുനു പതിവ്. 1919ൽ മുനിസിപ്പൽ കൗൺസിലിന്റെ അംഗസംഖ്യ 16 ആയി വർദ്ധിച്ചു. അവരിൽ 12 പേർ തിരഞ്ഞെടുക്കപ്പെട്ട മെമ്പർമാരും 4 പേർ നാമനിർദ്ദേശം ചെയ്യപ്പെട്ടവരുമായിരുന്നു. 1921 ജുലൈ 27ന്നാണ് ജനാധിപത്യ സ്വഭാവമുള്ള ആദ്യത്തെ മുനിസിപ്പൽ കൗൺസിൽ നിലവിൽ വന്നത്. ഇതിൽ 15 പേർ തിരഞ്ഞെടുക്കപ്പെട്ട മെമ്പർമാരും 5 പേർ നാമനിർദ്ദേശം ചെയ്യപ്പെട്ടവരുമായിരുന്നു. ആദ്യകാലത്ത് ചെയർമാൻ തന്നെയായിരുന്നു എക്സിക്യൂട്ടീവ് ഓഫീസറായും പ്രവർത്തിച്ചു വന്നിരുന്നത്. 1934 ഓഗസ്റ്റ് 29ന് ആദ്യത്തെ കമ്മീഷണറായി എം.നാരായണഷേണായി നിയോഗിക്കപ്പെട്ടു. 1867ൽ നഗരസഭ രൂപവത്കരിക്കപ്പെട്ടുവെങ്കിലും സ്വന്തമായ ഓഫീസ് കെട്ടിടം നിർമ്മിച്ചത് 1938ലാണ്. 1967ൽ നിർമ്മിച്ച സുഭാഷ് ബിൽഡിംഗിലാണ് ഇപ്പോൾ മുനിസിപ്പൽ ഓഫീസ് പ്രവർത്തിച്ചു വരുന്നത്.

റാവു സാഹേബ് കെ.ചന്തനായിരുന്നു നഗരസഭയുടെ ആദ്യത്തെ തിരഞ്ഞെടുക്കപ്പെട്ട ചെയർമാൻ. മുൻ എം.എൽ.എ.മാരായ എൻ.കെ.കുമാരൻ, പി.ഭാസ്കരൻ, മുൻ മന്ത്രി എൻ.രാമകൃഷ്ണൻ, മുൻ കേന്ദ്ര റെയിൽ‌വേ സഹമന്ത്രി ഇ.അഹമ്മദ്, ആൾ ഇന്ത്യാ ഫുട്ബോൾ അസോസിയേഷൻ മുൻ പ്രസിഡന്റ് പി.പി.ലക്ഷ്മണൻ തുടങ്ങിയ പ്രഗല്ഭർ കണ്ണൂർ മുനിസിപ്പൽ ചെയർമാന്മാരായിരുന്നിട്ടുണ്ട്.

2015 ജനുവരി 14ന് കണ്ണൂരിനെ കോർപ്പറേഷനാക്കി ഉയർത്തിക്കൊണ്ട് സർക്കാർ വിജ്ഞാപനം പുറപ്പെടുവിച്ചു. 2015 നവംബറിൽ കോർപ്പറേഷനിലേയ്ക്ക് ആദ്യ തിരഞ്ഞെടുപ്പ് നടന്നു. തിരഞ്ഞെടുപ്പിൽ യു.ഡി.എഫും എൽ.ഡി.എഫും തുല്യ എണ്ണം സീറ്റ് നേടി. ഒരു സീറ്റ് നേടിയ യു.ഡി.എഫ് വിമത സ്ഥാനാർത്ഥി രാഗേഷ് നിർണ്ണായകമായി.കോർപ്പറേഷന്റെ ആദ്യത്തെ മേയർ ആയി ഇ.പി ലത (സി.പി.എം) തെരഞ്ഞെടുക്കപ്പെട്ടു.[56] മൂന്നര വർഷത്തിനുശേഷം യു.ഡി.എഫ് കൊണ്ട് വന്ന അവിശ്വാസ പ്രമേയത്തെ യു.ഡി.എഫ് വിമത സ്ഥാനാർത്ഥി രാഗേഷ് പിന്തുണച്ചത്തോടുകൂടി അവിശ്വാസ പ്രമേയം പാസ്സാവുകയും തുടർന്നു നടന്ന തിരഞ്ഞെടുപ്പിൽ കൊണ്ഗ്രസ്സിലെ സുമ ബാലകൃഷ്ണൻ മേയറായി തിരഞ്ഞെടുക്കപെടുകയും ചെയ്തു. പിന്നീട് മുന്നണി തീരുമാനപ്രകാരം സുമ ബാലകൃഷ്ണൻ രാജി വെക്കുകയും ഇന്ത്യൻ യൂണിയൻ മുസ്ലീം ലീഗ് പ്രതിനിധി സി. സീനത്ത് മേയറായി തിരഞ്ഞെടുക്കപെടുകയും ചെയ്തു. 2020 ഡിസംമ്പറിൽ നടന്ന തിരഞ്ഞെടുപ്പിൽ യു.ഡി.എഫിന് 34 സീറ്റും എൽ ഡി എഫിന് 19ഉം ബി ജെ പിക്ക് ഒന്നും സ്വതന്ത്രന് ഒന്നും വീതം സീറ്റ് ലഭിച്ചു. കൊണ്ഗ്രസ്സിലെ അഡ്വ.ടി.ഒ.മോഹനൻ മേയറായും ഇന്ത്യൻ യൂണിയൻ മുസ്ലീം ലീഗ് പ്രതിനിധി കെ.ഷബീന ടീച്ചർ ഡെപ്യൂട്ടി മേയറായും തിരഞ്ഞെടുക്കപെട്ടു. [57].

കണ്ണൂർ മുനിസിപ്പൽ കോർപ്പറേഷൻ
മേയർ അഡ്വ. പി. ഇന്ദിര (INC)[58]
ഡെപ്യൂട്ടി മേയർ കെ.പി. താഹിർ (IUML)[59]
കോർപ്പറേഷൻ സെക്രട്ടറി NIL

സംസ്ഥാന രൂപീകരണത്തിനു ശേഷമുള്ള കേരളത്തിലെ അഞ്ചാമത്തെ സിറ്റി കോർപ്പറേഷനാണ് കണ്ണൂർ കോർപ്പറേഷൻ. കണ്ണൂർ കോർപ്പറേഷനിൽ രണ്ട് നിയമസഭാ മണ്ഡലങ്ങളുണ്ട് - കണ്ണൂർ, അഴീക്കോട് - ഇവ രണ്ടും കണ്ണൂർ പാർലമെന്ററി മണ്ഡലത്തിന്റെ ഭാഗമാണ്

തിരഞ്ഞെടുപ്പ് ഫലങ്ങൾ

[തിരുത്തുക]

2025 കോർപ്പറേഷൻ തിരഞ്ഞെടുപ്പ്

[തിരുത്തുക]
S.No. പാർട്ടി ചിഹ്നം കൌൺസിലർമാരുടെ എണ്ണം മാറ്റം മാപ്പ്
1. യു.ഡി.എഫ്. 36 Increase 2
2. എൽ.ഡി.എഫ്. 15 Decrease 4
3. ബി.ജെ.പി. 04 Increase 3
4. സ്വത. 01 -

ക്രമസമാധാനപാലനം

[തിരുത്തുക]

കണ്ണൂർ സിറ്റി പോലീസിന്റെ തലവൻ ഇന്ത്യൻ പോലീസ് സർവീസ് (ഐപിഎസ്) ഉദ്യോഗസ്ഥനായ ഒരു പോലീസ് കമ്മീഷണറാണ്. കണ്ണൂർ സിറ്റി പോലീസിനെ കണ്ണൂർ, തലശ്ശേരി, കൂത്തുപറമ്പ് എന്നീ മൂന്ന് പോലീസ് ഉപവിഭാഗങ്ങളായി തിരിച്ചിരിക്കുന്നു. ഇവ ഓരോന്നും ഒരു അസിസ്റ്റന്റ് കമ്മീഷണറുടെ (എസി) കീഴിലാണുള്ളത്. കണ്ണൂർ സിറ്റി പോലീസിനു കീഴിൽ 24 പോലീസ് സ്റ്റേഷനുകളുണ്ട്.[60] ക്രമസമാധാനപാലനത്തിനു പുറമേ, ട്രാഫിക് പോലീസ്, ബോംബ് സ്ക്വാഡ്, ഡോഗ് സ്ക്വാഡ്, ഫിംഗർപ്രിന്റ് ബ്യൂറോ, വനിതാ സെൽ, ജുവനൈൽ വിംഗ്, നാർക്കോട്ടിക് സെൽ, ലഹള വിരുദ്ധ സേന, സായുധ റിസർവ് ക്യാമ്പുകൾ, ജില്ലാ ക്രൈം റെക്കോർഡ്സ് ബ്യൂറോ, ഒരു വനിതാ സ്റ്റേഷൻ എന്നിവയും കണ്ണൂർ സിറ്റി പോലീസിൽ ഉൾപ്പെടുന്നു.[61]

ജനസംഖ്യാശാസ്‌ത്രം

[തിരുത്തുക]

Religions in Kannur City (2011)

source: Kannur City Census 2011 data

  Hinduism (56.3%)
  Islam (37.9%)
  Christianity (5.0%)
  Others (0.8%)

2011 ലെ ഇന്ത്യൻ കാനേഷുമാരി പ്രകാരം കണ്ണൂർ നഗരത്തിലെ ആകെ ജനസംഖ്യ 232,486 ആയിരുന്നു..[2][62]ഇതിൽ 46.2% പുരുഷന്മാരും 53.8% സ്ത്രീകളുമാണ് ഉൾപ്പെട്ടിരുന്നത്. കണ്ണൂരിലെ ശരാശരി സാക്ഷരതാ നിരക്കായ 96.23% എന്നത് ദേശീയ ശരാശരിയായ 74.04% നേക്കാൾ കൂടുതലാണ്. പുരുഷ സാക്ഷരത 98% ഉം സ്ത്രീ സാക്ഷരത 94% ഉം ആണ്. കണ്ണൂരിൽ ജനസംഖ്യയുടെ 12% ആറ് വയസ്സിന് താഴെയുള്ളവരായിരുന്നു.

കണ്ണൂരിലെ ആംഗ്ലോ-ഇന്ത്യൻ സമൂഹം പ്രധാനമായും കണ്ണൂർ കന്റോൺമെന്റിന് കീഴിലുള്ള ബർണച്ചേരിയിലും പരിസര പ്രദേശങ്ങളായ തില്ലേരി, നമ്പർ 3 ബസാർ, ക്യാമ്പ് ബസാർ എന്നിവിടങ്ങളിലുമാണ് താമസിക്കുന്നത്. മലയാളമാണ് ഇവിടുത്തെ ഭരണപരവും പ്രാദേശികവുമായ ഭാഷ.

കന്റോൺ‌മെന്റ്

[തിരുത്തുക]

1938 ജനുവരി 1നു മുനിസിപ്പാലിറ്റിയുടെ ഭാഗമായിരുന്ന ബർണ്ണശ്ശേരിയെ വേർപെടുത്തി കണ്ണൂർ കന്റോൺ‌മെന്റ് രൂപവത്കരിച്ചു. കേരളത്തിൽ ഇന്നു നിലവിലുള്ള ഏക കന്റോൺ‌മെന്റ് കണ്ണൂരാണ്. കേരളത്തിനകത്താണെങ്കിലും കേരളാ മുനിസിപ്പാലിറ്റി/പഞ്ചായത്ത് ആക്ട് പ്രകാരമുള്ള അധികാര വികേന്ദ്രീകരണമോ, ജനകീയാസൂത്രണ പദ്ധതികളോ ഇവിടെ നടപ്പിലാക്കിയിട്ടില്ല. എക്സിക്യൂട്ടീവ് ഓഫീസറാണ് ഇവിടെ ഭരണാധികാരി.

ജനപ്രതിനിധികൾ

[തിരുത്തുക]

കണ്ണൂർ ലോക്‌സഭാ നിയോജകമണ്ഡലം

കണ്ണൂർ ലോകസഭാ മണ്ഡലത്തെ ആദ്യ ലോകഭയിൽ പ്രതിനിധീകരിച്ചത് എ.കെ. ഗോപാലൻ ആയിരുന്നു. രണ്ടാം ലോകസഭ മുതൽ അഞ്ചാം ലോകസഭ വരെ കണ്ണൂർ മണ്ഡലം നിലവിലുണ്ടായിരുന്നില്ല. ആറാം ലോകസഭയിൽ സി.കെ.ചന്ദ്രപ്പൻ (സി.പി.ഐ), ഏഴാം ലോകസഭയിൽ കെ.കുഞ്ഞമ്പു (കോൺഗ്രസ്സ് യു), എട്ട്, ഒമ്പത്, പത്ത്, പതിനൊന്ന്, പന്ത്രണ്ട് സഭകളിൽ മുല്ലപ്പള്ളി രാമചന്ദ്രൻ (കോൺഗ്രസ്സ് ഐ), പതിമൂന്ന്, പതിനാല്‌ സഭകളിൽ എ.പി.അബ്ദുള്ളക്കുട്ടി (സി.പി.എം), പതിനഞ്ചാം സഭയിൽ കെ.സുധാകരൻ (കോൺഗ്രസ്സ് ഐ) എന്നിവരാണ്‌ കണ്ണൂരിനെ പ്രതിനിധീകരിച്ചത്. പതിനാറാം സഭയിൽ കണ്ണൂരിനെ പ്രതിനിധീകരിക്കുന്നത് പി.കെ ശ്രീമതി ടീച്ചർ (സി.പി.എം) ആണ്.പതിനേഴാം സഭയിൽ കെ. സുധാകരൻ ആണ് കണ്ണൂരിനെ(കോൺഗ്രസ്സ് ഐ)പ്രതിനിധീകരിക്കുന്നത്..

നിയമസഭാ മണ്ഡലങ്ങൾ

കണ്ണൂർ നിയമസഭാമണ്ഡലം

അഴീക്കോട് നിയമസഭാമണ്ഡലം

കണ്ണൂർ നിയമസഭാ മണ്ഡലത്തിൽ ആദ്യ എം.എൽ.എ കമ്മ്യൂണിസ്റ്റ് പാർട്ടിയിലെ സി.കണ്ണൻ (1957-59) ആയിരുന്നു. തുടർന്ന് ആർ.ശങ്കർ (1960-64), ഇ.അഹമ്മദ് (1967-70), എൻ.കെ.കുമാരൻ (1970-77), പി.ഭാസ്കരൻ (1977-79, 1980-82, 1982-1987, 1987-91), എൻ.രാമകൃഷ്ണൻ (1991-96), കെ.സുധാകരൻ (1996-2001, 2001-2006, 2006-2009), എ.പി.അബ്ദുല്ലക്കുട്ടി (2009കകടന്നപള്ളി രാമചന്ദ്രൻ (2016 മുതൽ) എന്നിവരാണ്‌ കണ്ണൂരിനെ നിയമസഭയിൽ പ്രതിനിധീകരിച്ചത്.

ടൗൺഹാൾ

[തിരുത്തുക]

ഒരു സ്വകാര്യ കമ്മിറ്റിയുടെ കീഴിലുണ്ടായിരുന്ന ഏഴാം എഡ്വേർഡ് സ്മാരക ടൌൺഹാൾ 1937ൽ 12,000 രൂപയ്ക്ക് മുനിസിപ്പൽ കൌൺസിൽ വാങ്ങിച്ചു. പ്രസ്തുത ടൌൺഹാൾ പുനർനിർമ്മിക്കാൻ നടപടികൾ പൂർത്തിയായി വരുന്നു.

കല-സംസ്‌കാരം

[തിരുത്തുക]

തെയ്യം, തോറ്റം‌പാട്ടുകൾ, കളരിപയറ്റ്, മാപ്പിളപ്പാട്ടുകൾ, കോൽക്കളി പാട്ടുകൾ എന്നിവയായിരുന്നു പണ്ടു കാലത്തെ പ്രധാനപ്പെട്ട കലാപരിപാടികൾ. കണ്ണൂരിന്റെ സാംസ്കാരിക പൈതൃകം വളരെ പെരുമയാർജ്ജിച്ചതാണ്. നാടൻ കലാരൂപമായ തെയ്യമാണു പ്രധാന കലാരൂപം. പൂരക്കളിയാണു മറ്റൊരു പ്രധാനകല.

വിദ്യാഭ്യാസം

[തിരുത്തുക]
കണ്ണൂർ സർവകലാശാല
കണ്ണൂരിലെ ഗവൺമെന്റ് കോളേജ് ഓഫ് എഞ്ചിനീയറിംഗിന്റെ മെയിൻ ബ്ലോക്ക്.
പ്രമാണം:Pariyaramknr.png
ഗവൺമെന്റ് മെഡിക്കൽ കോളേജ്, കണ്ണൂർ
കണ്ണൂരിലെ ഏഴിമലയിലുള്ള ഇന്ത്യൻ നേവൽ അക്കാദമി ഏഷ്യയിലെ ഏറ്റവും വലിയ നാവിക അക്കാദമിയാണ്.

കണ്ണൂർ നഗരത്തിലെ ആദ്യകാല വിദ്യാഭ്യാസ സ്ഥാപനങ്ങൾ 19ആം നൂറ്റാണ്ടിൽ സ്ഥാപിതമായ ഗവ. ഗേൾസ് ഹൈസ്കൂളും, മുനിസിപ്പൽ ഹൈസ്കൂളുമായിരുന്നു. ആദ്യകാലത്ത് മലയാളം, ഇംഗ്ലീഷ് മീഡിയം ക്ലാസുകൾ ഇവിടെ ഉണ്ടായിരുന്നു. ഇന്ന് നഗരത്തിൽ നിരവധി സ്കൂളുകൾ ഉണ്ട്. പ്രശസ്തമായ കൃഷ്ണമേനോൻ സ്മാരക വനിതാ കോളജും, ശ്രീനാരായണ കോളേജും നഗരസഭാ പരിധിക്കു ഉള്ളിലായാണ് സ്‌ഥിതി ചെയ്യുന്നത്.

കണ്ണൂരിലെ ഏഴിമലയിലാണ് ഇന്ത്യൻ നേവൽ അക്കാദമി സ്ഥിതി ചെയ്യുന്നത്. 2500 ഏക്കർ വിസ്തൃതിയുള്ള കാമ്പസിലാണ് നേവൽ കേഡറ്റുകൾക്ക് ഇവിടെ പരിശീലനം നൽകുന്നത്. കണ്ണൂർ ജില്ലയിൽ കണ്ണൂർ, കെൽട്രോൺ നഗർ, പയ്യന്നൂർ, ഏഴിമല, തലശ്ശേരി, പെരിങ്ങോം എന്നിവിടങ്ങളിലായി അഞ്ച് കേന്ദ്രീയ വിദ്യാലയങ്ങളും സ്ഥിതിചെയ്യുന്നു.

1996 ലെ കേരള നിയമസഭയുടെ 22-ാം ആക്ട് പ്രകാരമാണ് കണ്ണൂർ സർവകലാശാല സ്ഥാപിതമായത്. 1995 നവംബർ 9 ന് കേരള ഗവർണർ ഒരു ഓർഡിനൻസ് പുറപ്പെടുവിച്ചുകൊണ്ടാണ് "മലബാർ സർവകലാശാല" എന്ന പേരിൽ സർവകലാശാല നിലവിൽ വന്നത്. 1996 മാർച്ച് 2 ന് അന്നത്തെ കേരള മുഖ്യമന്ത്രി എ.കെ. ആന്റണിയാണ് ഈ സർവ്വകലാശാല ഉദ്ഘാടനം ചെയ്തത്. 1996-ലെ കണ്ണൂർ സർവകലാശാലാ നിയമത്തിന്റെ പ്രധാന ലക്ഷ്യം കാസർഗോഡ്, കണ്ണൂർ റവന്യൂ ജില്ലകളിലും വയനാട് ജില്ലയിലെ മാനന്തവാടി താലൂക്കിലും ഉന്നത വിദ്യാഭ്യാസ വികസനം ഉറപ്പാക്കുന്നതിനായി കേരളത്തിൽ ഒരു അധ്യാപന, താമസ, അഫിലിയേറ്റ് സർവകലാശാല സ്ഥാപിക്കുകയെന്നതായിരുന്നു. കണ്ണൂർ സർവകലാശാല ഒരു മൾട്ടി-കാമ്പസ് സർവകലാശാലയാണ്.

1862 ൽ സ്ഥാപിതമായ കണ്ണൂരിലെ ആദ്യത്തെ കോളേജായ ഗവൺമെന്റ് ബ്രണ്ണൻ കോളേജ് ഏകദേശം 2500 ൽ അധികം വിദ്യാർത്ഥികൾക്ക് ഉന്നത വിദ്യാഭ്യാസം നൽകുന്നു. വടക്കൻ കേരളത്തിൽ എഞ്ചിനീയറിംഗ് വിദ്യാഭ്യാസം നൽകുന്നതിനുള്ള ഒരു കേന്ദ്രമായി കണ്ണൂരിലെ ധർമ്മശാലയ്ക്ക് സമീപം 1986 ൽ ഗവൺമെന്റ് കോളേജ് ഓഫ് എഞ്ചിനീയറിംഗ്, കണ്ണൂർ സ്ഥാപിതമായി. സാങ്കേതിക വിദ്യാഭ്യാസ മേഖലയിൽ ഉന്നത പഠനം നൽകുന്ന സംസ്ഥാനത്തെ മികച്ച പത്ത് എഞ്ചിനീയറിംഗ് കോളേജുകളിൽ ഒന്നാണ് ഈ കോളേജ്.

കണ്ണൂർ നഗരത്തിനും പരിസര പ്രദേശങ്ങൾക്കും സേവനം നൽകുന്നതിനായി 1993 ൽ പരിയാരത്ത് സ്ഥാപിതമായതാണ് കണ്ണൂർ ഗവൺമെന്റ് മെഡിക്കൽ കോളേജ്. പതിമൂന്നാമത് നാഷണൽ ഇൻസ്റ്റിറ്റ്യൂട്ട് ഓഫ് ഫാഷൻ ടെക്നോളജി (NIFT) കാമ്പസ് കണ്ണൂർ നഗരത്തിൽ നിന്ന് 16 കിലോമീറ്റർ (9.9 മൈൽ) വടക്കായി കണ്ണൂരിലെ ധർമ്മശാലയിലാണ് സ്ഥിതി ചെയ്യുന്നത്.

മീഡിയ

[തിരുത്തുക]
കണ്ണൂർ സയൻസ് പാർക്കിലെ ആൽബർട്ട് ഐൻസ്റ്റീന്റെ പ്രതിമ.

കണ്ണൂരിൽ നിരവധി പ്രാദേശിക കേബിൾ ടെലിവിഷൻ ചാനലുകൾ ലഭ്യമാണ്. സിറ്റി ചാനൽ, സിറ്റി ഗോൾഡ്, സിറ്റി ജൂക്ക്, നെറ്റ്‌വർക്ക് ചാനലുകൾ, സീൽ നെറ്റ്‌വർക്ക്, കണ്ണൂർ വിഷൻ, വേൾഡ് വിഷൻ, വേൾഡ് വിഷൻ മ്യൂസിക്, ചക്കരക്കൽ, ഗ്രാമിക ചാനൽ കൂത്തുപറമ്പ്, കണ്ണൂരോൺ എന്നിവയാണ് ഈ പ്രദേശത്തെ ഏറ്റവും ജനപ്രിയമായ കേബിൾ ചാനലുകൾ.

കണ്ണൂരിൽ ആകാശവാണി 101.5 മെഗാഹെട്‌സിലാണ് പ്രക്ഷേപണം ചെയ്യുന്നത്. കണ്ണൂരിലെ സ്വകാര്യ എഫ്എം റേഡിയോ സ്റ്റേഷനുകളിൽ റേഡിയോ മാംഗോ 91.9 (മലയാള മനോരമ കമ്പനി ലിമിറ്റഡ്), ക്ലബ് എഫ്എം 94.3 (മാതൃഭൂമി പ്രിന്റിംഗ് ആൻഡ് പബ്ലിഷിംഗ് കമ്പനി ലിമിറ്റഡ്), റെഡ് എഫ്എം 93.5 (സൺ നെറ്റ്‌വർക്ക്), ബെസ്റ്റ് എഫ്എം 95.0 (ഏഷ്യാനെറ്റ് കമ്മ്യൂണിക്കേഷൻസ് ലിമിറ്റഡ്) എന്നിവ ഉൾപ്പെടുന്നു.

മലയാള മനോരമ, മാതൃഭൂമി, മാധ്യമം, ദേശാഭിമാനി, ദീപിക, രാഷ്ട്രദീപിക, ചന്ദ്രിക, കേരളകൗമുദി, മംഗളം, ജന്മഭൂമി, വീക്ഷണം, തേജസ്, സിറാജ്, സുപ്രഭാതം, ജനയുഗം, ദ ന്യൂ ഇന്ത്യൻ എക്‌സ്പ്രസ് തുടങ്ങി നിരവധി പത്രങ്ങൾ കണ്ണൂരിൽ നിന്ന് പ്രസിദ്ധീകരിക്കുന്നുണ്ട്.

പാചകം

[തിരുത്തുക]

കണ്ണൂരിലെ ഭക്ഷണവിഭവങ്ങൾ അതിന്റെ തനതായ സംസ്കാരത്തെയും പൈതൃകത്തെയും പ്രതിഫലിപ്പിക്കുന്ന ഒന്നാണ്. മലബാർ ബിരിയാണിക്ക് പേരുകേട്ടതാണ് ഇവിടം. മധുരത്തിന്റെ ഘടന കാരണം യൂറോപ്യന്മാർ 'സ്വീറ്റ് മീറ്റ്' എന്ന് വിളിക്കുന്ന ഹലുവയ്ക്കും ഈ നഗരം പ്രശസ്തമാണ്. മറ്റൊരു പ്രത്യേകത വാഴപ്പഴം കൊണ്ടുള്ള ചിപ്‌സാണ്. ഇത് നേർമ്മയായി അരിഞ്ഞെടുത്ത് എണ്ണയിൽ മൊരിച്ചെടുക്കുന്നു. മറ്റ് ജനപ്രിയ വിഭവങ്ങളിൽ സമുദ്രവിഭവങ്ങൾ (ചെമ്മീൻ, കക്കകൾ, അയല) ഉൾപ്പെടുന്നു. സസ്യാഹാര വിഭവങ്ങളിൽ സദ്യയും ഉൾപ്പെടുന്നു.

കണ്ണൂർ പാചകരീതി പരമ്പരാഗത കേരള, പേർഷ്യൻ, യെമനീസ്, അറബ് ഭക്ഷണ സംസ്കാരങ്ങളുടെ ഒരു സങ്കലനമാണ്.[63] വിവിധ പാചക സംസ്കാരങ്ങളുടെ ഈ സംഗമം മിക്ക വിഭവങ്ങളുടെയും തയ്യാറാക്കലിലാണ് ഏറ്റവും നന്നായി കാണപ്പെടുന്നത്.[64] കല്ലുമ്മക്കായ കറി, ഇറച്ചി പുട്ട്, പൊറോട്ടാ,[65] പത്തിരി,[66] നെയ്ച്ചോറ് എന്നിവയാണ് മറ്റ് പ്രത്യേകതകളുള്ള ചില വിഭവങ്ങൾ. സുഗന്ധവ്യഞ്ജനങ്ങളുടെ പ്രത്യേകിച്ച് കുരുമുളക്, ഏലം, ഗ്രാമ്പൂ എന്നിവ ധാരാളമായി ഉപയോഗിച്ചുകൊണ്ടുള്ള സവിശേഷ രീതി കണ്ണൂർ പാചകരീതിയുടെ മുഖമുദ്രയാണ്.

യെമനി സ്വാധീനമുള്ള മറ്റൊരു ജനപ്രിയ ഇനമാണ് മലയാളത്തിൽ കുഴിമന്തി എന്നറിയപ്പെടുന്ന ബിരിയാണിയുടെ കേരള പതിപ്പ്. തലശ്ശേരി ബിരിയാണി, കണ്ണൂർ ബിരിയാണി[67] തുടങ്ങി വിവിധയിനം ബിരിയാണികളും ഇവിടെ തയ്യാറാക്കുന്നു[68].

ലഘുഭക്ഷണങ്ങളിൽ ഉന്നക്കായ (കശുവണ്ടി, ഉണക്കമുന്തിരി, പഞ്ചസാര എന്നിവ പഴുത്ത വാഴപ്പഴത്തിനുള്ളിൽ നിറച്ച് വറുത്ത് വേവിച്ചത്),[69] പഴം നിറച്ചത്ത് (തേങ്ങാ ചിരകിയത്, ശർക്കര പാനി അല്ലെങ്കിൽ പഞ്ചസാര എന്നിവ നിറച്ച പഴം),[70] മുട്ട കൊണ്ടുള്ള മുട്ട മാല,[71] ചട്ടിപ്പത്തിരി, അരിക്കടയ്ക്ക[72] തുടങ്ങിയവ ഉൾപ്പെടുന്നു.[73]

ഗതാഗത സൗകര്യങ്ങൾ

[തിരുത്തുക]
മാട്ടൂൽ അഴീക്കലിലെ മത്സ്യബന്ധന ബോട്ടുകൾ
കണ്ണൂർ നഗരത്തിന് സേവനം നൽകുന്ന കണ്ണൂർ അന്താരാഷ്ട്ര വിമാനത്താവളം.
കണ്ണൂർ റെയിൽവേ സ്റ്റേഷൻ.

റോഡ്‌ മാർഗ്ഗം: കൊച്ചി, തിരുവനന്തപുരം ഉൾപ്പെടെ കേരളത്തിലെ എല്ലാ പ്രധാന നഗരങ്ങളുമായും അതുപോലെതന്നെ കർണാടകത്തിലെ മംഗലാപുരം മൈസൂര്, കുടക്, ബെംഗളൂരു എന്നീ നഗരങ്ങളുമായും റോഡ് മാർഗം കണ്ണൂർ ബന്ധിപ്പിക്കപ്പെട്ടിരിക്കുന്നു .

കോഴിക്കോടിനും മംഗലാപുരത്തിനും ഇടയിലുള്ള നാഷണൽ ഹൈവേ 66 (മുമ്പ് ദേശീയ പാത 17) കോഴിക്കോട് മംഗലാപുരം കൊച്ചി എന്നീ നഗരങ്ങളെ കണ്ണൂരുമായി ബന്ധിപ്പിക്കുന്നു .ഈ പാത നാലുവരിയായി വികസിപ്പിക്കാൻ പദ്ധതിയിട്ടിട്ടുണ്ട്. എൻ‌എച്ച് വീതി കൂട്ടൽ പദ്ധതി പ്രകാരം കണ്ണൂർ നഗരത്തിലേക്കുള്ള ഒരു ബൈപാസും നിർദ്ദേശിക്കപ്പെട്ടിട്ടുണ്ട്.

മേലേചൊവ്വ - വീരാജ്പേട്ട - മൈസൂർ ഹൈവേയാണ് നഗരത്തിലെ മറ്റൊരു പ്രധാന ഹൈവേ. കണ്ണൂരിനെ കർണാടകയിലെ കുടക്, മൈസൂർ, ബാംഗ്ലൂർ എന്നിവയുമായി ഇത് ബന്ധിപ്പിക്കുന്നു. ഈ ഹൈവേ 2017 ൽ ദേശീയ പാതയായി ഉയർത്തി.

താഴെചൊവ്വ - കൂത്തുപറമ്പ - വയനാട് ഹൈവേ , പാപ്പിനിശ്ശേരി - മാട്ടൂൽ - പയ്യന്നൂർ ഹൈവേ എന്നിവയും നഗരത്തിലൂടെയാണ് കടന്നു പോകുന്നത്

താവക്കര ബസ് സ്റ്റാൻഡ് , KSRTC സ്റ്റാൻഡ് , പഴയ സ്റ്റാൻഡ് എന്നിവിടങ്ങളിൽ നിന്ന് കേരളത്തിലെ എല്ലാ പ്രധാന നഗരങ്ങളിലേക്കും ബസുകൾ ഓപ്പറേറ്റ് ചെയ്യുന്നു

ബർണ്ണശേരി ജില്ലാ ആശുപത്രി ബസ് സ്റ്റാൻഡ് സിറ്റി ബസുകൾക്കും നഗരത്തിന്റെ പ്രാന്തഭാഗത്തേക്കുമുള്ള ബസുകൾക്കായി നീക്കി വെച്ചിരിക്കുന്നു.

റെയിൽ മാർഗ്ഗം: പാലക്കാടിന്റെ അധികാരപരിധിയിലുള്ള ദക്ഷിണ റെയിൽവേ മേഖലയിലെ പ്രധാന സ്റ്റേഷനുകളിൽ ഒന്നായ കണ്ണൂർ മെയിൻ റെയിൽവേ സ്റ്റേഷൻ കേരളത്തിലെ പ്രധാന റെയിൽവേ സ്റ്റേഷനുകളിൽ ഒന്നാണ്. ഇത് ഇന്ത്യയുടെ എല്ലാ ഭാഗങ്ങളുമായും നന്നായി ബന്ധപ്പെട്ടിരിക്കുന്നു തിരുവനന്തപുരം, കൊച്ചി, ആലപ്പുഴ , മംഗലാപുരം , ബെംഗളൂരു , മൈസൂര് , കോയമ്പത്തൂർ എന്നിവിടങ്ങളിലേക്ക് കണ്ണൂരിൽ നിന്ന് ട്രെയിനുകൾ പുറപ്പെടുന്നുണ്ട് .തിരുവനന്തപുരം രാജധാനി എക്സ്പ്രസ്, കൊച്ചുവേളി ഗരീബ് രഥ് എന്നിവയുൾപ്പെടെ എല്ലാ ട്രെയിനുകളും കണ്ണൂരിൽ നിർത്തുന്നു. ഇന്ത്യയിലെ എല്ലാ പ്രധാന നഗരങ്ങളിലേക്കും കണ്ണൂരിൽ വഴി  ട്രെയിനുകൾ കടന്നു പോകുന്നുണ്ട് .

കണ്ണൂർ തെക്ക് , ചിറക്കൽ , വളപട്ടണം എന്നീ റെയിൽവേ സ്റ്റേഷനുകളും നഗരത്തിൽ ഉണ്ട് . എല്ലാ പാസഞ്ചർ ട്രെയിനുകളും ഈ സ്റ്റേഷനുകളിൽ നിര്ത്തുന്നു

വിമാന മാർഗ്ഗം: കണ്ണൂർ നഗരത്തിൽ നിന്ന് 26 കി.മീ. അകലെ മേലേചൊവ്വ - മൈസൂർ ഹൈവേയിൽ മട്ടന്നൂരിന് സമീപത്തെ മൂർഖൻ പറമ്പിലാണ് കണ്ണൂർ അന്താരാഷ്‌ട്ര വിമാനത്താവളം സ്ഥിതിചെയ്യുന്നത്. 2018 ഡിസംബർ 9 ന് പ്രവർത്തനം ആരംഭിച്ച ഇത് സംസ്ഥാനത്തെ നാലാമത്തെ അന്താരാഷ്ട്ര വിമാനത്താവളമാണ്. വിസ്തീർണ്ണത്തിൽ കേരളത്തിലെ ഏറ്റവും വലിയ വിമാനത്താവളം കൂടിയാണിത്. കണ്ണൂരിലേത്‌. സമീപത്തുള്ള മറ്റ് വിമാനത്താവളങ്ങൾ കോഴിക്കോട്, മൈസൂർ, മംഗലാപുരം എന്നിവിടങ്ങളിലാണ്. വിമാനത്താവളത്തിന് 4,000 മീറ്റർ (13,000 അടി) റൺവേയും[74] (സംസ്ഥാനത്തെ ഏറ്റവും നീളം കൂടിയത്), അത്യാധുനിക പാസഞ്ചർ ടെർമിനൽ, മറ്റ് സൗകര്യങ്ങൾ എന്നിവയും ഇതിൽ ഉൾപ്പെടുന്നു. സമഗ്രമായ റോഡുകളുടെ ശൃംഖലയാൽ ഇത് നന്നായി ബന്ധപ്പെട്ടിരിക്കുന്നതു കൂടാതെ റെയിൽവേ ലൈനിനുള്ള നിർദ്ദേശവും ചർച്ച ചെയ്യപ്പെട്ടിട്ടുണ്ട്. 2016–17 ലെ കേന്ദ്ര റെയിൽവേ ബജറ്റിൽ, എക്സ്ട്രാ ബജറ്ററി റിസോഴ്‌സ് (ഇബിആർ) പ്രകാരം ഇതിനായി 4 ബില്യൺ രൂപ (42 മില്യൺ യുഎസ് ഡോളർ) നീക്കിവച്ചിരുന്നു. ഇതിൽ റെയിൽവേ ലൈനിനായി ബില്ലിന്റെ ഒരു ഭാഗം സംസ്ഥാന സർക്കാർ വഹിക്കുന്നതാണ്.

രക്ഷാ പ്രവർത്തനം

[തിരുത്തുക]

100 ആണ്‌ പൊലീസിനെ അടിയന്തരമായി വിളിക്കാനുള്ള ടെലി ഫോൺ നമ്പർ. കണ്ണൂർ സിറ്റി പോലീസ് കമ്മീഷണറുടെ കീഴിൽ കണ്ണൂർ ടൗൺ , കണ്ണൂർ സിറ്റി, എടക്കാട് , വളപട്ടണം, ചക്കരക്കല്ല് എന്നീ പോലീസ് സ്റേഷനുകളാണ് നഗരപരിധിയിൽ ഉള്ളത്.

101 ആണ്‌ അഗ്നിശമന സേന വിഭാഗത്തിന്റെ സഹായം തേടാനുള്ള ടെലിഫോൺ നമ്പർ. ഒരു അസിസ്റ്റന്റ്‌ ഡിവിഷണൽ ഫയർ ഓഫീസറുടെ കീഴിൽ, ഒന്നിലധികം സ്റ്റേഷൻ ഓഫീസർമാരെ ഉൾപ്പെടുത്തി, സുസജ്ജമായ ഒരു അഗ്നിശമന സേനാ വിഭാഗം കണ്ണൂർ ബർണ്ണശേരി ജില്ലാ ആശുപത്രി ബസ് സ്റ്റേഷന് സമീപം സമീപം ആയി നിലകൊള്ളുന്നു.

ശ്രദ്ധേയരായ വ്യക്തികൾ

[തിരുത്തുക]

സാഹിത്യം

[തിരുത്തുക]

കായികം

[തിരുത്തുക]
  • മാനുവൽ ഫ്രെഡറിക്
  • ജിമ്മി ജോർജ്ജ്
  • വി.പി.സത്യൻ
  • ഡെൻസൺ ദേവദാസ്
  • സി കെ വിനീത്
  • സഹൽ അബ്ദുൾ സമദ്
  • ടിൻ്റു ലൂക്ക
  • ചുണ്ടങ്ങാപ്പൊയിൽ റിസ്വാൻ
  • സുധാ ഷാ

രാഷ്ട്രീയക്കാർ

[തിരുത്തുക]

അഭിനേതാക്കൾ

[തിരുത്തുക]

സംഗീതജ്ഞർ

[തിരുത്തുക]

സന്ദർശിക്കേണ്ട സ്ഥലങ്ങൾ

[തിരുത്തുക]

സാമ്പത്തികം

[തിരുത്തുക]

കണ്ണൂർ ജില്ലയുടെ പ്രധാന സാമ്പത്തിക സ്രോതസ്സ് മലയോരമേഖലയിൽനിന്നുള്ള കാർഷിക വരുമാനം ആണ്.

ഇതും കാണുക

[തിരുത്തുക]

കണ്ണൂർ ജില്ല

പുറമെ നിന്നുള്ള കണ്ണികൾ

[തിരുത്തുക]

അവലംബങ്ങൾ

[തിരുത്തുക]
    1. 1 2 https://www.thehindu.com/news/national/kerala/congress-finalises-p-indira-as-mayor-nominee-in-kannur-corporation/article70411393.ece
    2. 1 2 3 "Provisional Population Totals, Census of India 2011" (PDF). Population of the urban local bodies in Kerala (2011). Government of Kerala. Archived from the original (PDF) on 24 September 2020. Retrieved 4 December 2020.
    3. 1 2 http://www.kudumbashree.org Archived 23 ഏപ്രിൽ 2009 at the Wayback Machine › sub-district
    4. ↑ Kannur Metropolitan Urban Region Population 2011–2021 Census
    5. ↑ "Kannur, India Metro Area Population (1950-2025)".
    6. ↑ "ആർക്കൈവ് പകർപ്പ്". Archived from the original on 2006-08-22. Retrieved 2006-10-11.
    7. ↑ Menon, A. Sreedhara (2007). A Survey of Kerala History. DC Books. ISBN 9788126415786 – via Google Books.
    8. ↑ Gurukkal, R.; Whittaker, D. (2001). "In search of Muziris". Journal of Roman Archaeology. 14 (14): 334–350. doi:10.1017/S1047759400019978. S2CID 164778915.
    9. ↑ A. Shreedhara Menon. A Survey of Kerala History.
    10. ↑ According to Pliny the Elder, goods from India were sold in the Empire at 100 times their original purchase price. See
    11. ↑ Bostock, John (1855). "26 (Voyages to India)". Pliny the Elder, The Natural History. London: Taylor and Francis.
    12. ↑ Indicopleustes, Cosmas (1897). Christian Topography. 11. United Kingdom: The Tertullian Project. pp. 358–373.
    13. ↑ Das, Santosh Kumar (2006). The Economic History of Ancient India. Genesis Publishing Pvt Ltd. p. 301.
    14. ↑ District Census Handbook, Kasaragod (2011) (PDF). Thiruvananthapuram: Directorate of Census Operation, Kerala. p. 9.
    15. ↑ Government of India (2014–2015). District Census Handbook – Wayanad (Part-B) 2011 (PDF). Directorate of Census Operations, Kerala.
    16. ↑ Government of India (2014–2015). District Census Handbook – Wayanad (Part-B) 2011 (PDF). Directorate of Census Operations, Kerala.
    17. ↑ Jonathan Goldstein (1999). The Jews of China. M. E. Sharpe. p. 123. ISBN 9780765601049.
    18. ↑ Edward Simpson; Kai Kresse (2008). Struggling with History: Islam and Cosmopolitanism in the Western Indian Ocean. Columbia University Press. p. 333. ISBN 978-0-231-70024-5. Retrieved 24 July 2012.
    19. ↑ Uri M. Kupferschmidt (1987). The Supreme Muslim Council: Islam Under the British Mandate for Palestine. Brill. pp. 458–459. ISBN 978-90-04-07929-8. Retrieved 25 July 2012.
    20. ↑ Husain Raṇṭattāṇi (2007). Mappila Muslims: A Study on Society and Anti Colonial Struggles. Other Books. pp. 179–. ISBN 978-81-903887-8-8. Retrieved 25 July 2012.
    21. ↑ Prange, Sebastian R. Monsoon Islam: Trade and Faith on the Medieval Malabar Coast. Cambridge University Press, 2018. 98.
    22. ↑ Pg 58, Cultural heritage of Kerala: an introduction, A. Sreedhara Menon, East-West Publications, 1978
    23. ↑ Sreedhara Menon, A. (2007). Kerala Charitram (2007 ed.). Kottayam: DC Books. p. 175. ISBN 978-8126415885. Retrieved 19 July 2020.
    24. ↑ Ayinapalli, Aiyappan (1982). The Personality of Kerala. Department of Publications, University of Kerala. p. 162. Retrieved 27 July 2018. A very powerful and warlike section of the Bants of Tulunad was known as Kola bari. It is reasonable to suggest that the Kola dynasty was part of the Kola lineages of Tulunad.
    25. ↑ Sreedhara Menon, A. (2007). Kerala Charitram (2007 ed.). Kottayam: DC Books. p. 175. ISBN 978-8126415885. Retrieved 19 July 2020.
    26. ↑ District Census Handbook, Kasaragod (2011) (PDF). Thiruvananthapuram: Directorate of Census Operation, Kerala. p. 9.
    27. ↑ Narayanan, M. G. S. Perumāḷs of Kerala. Thrissur (Kerala): CosmoBooks, 2013. 483.
    28. ↑ Charles Alexander Innes (1908). Madras District Gazetteers Malabar (Volume-I). Madras Government Press. pp. 423–424.
    29. ↑ Logan, William (2010). Malabar Manual (Volume-I). New Delhi: Asian Educational Services. pp. 631–666. ISBN 9788120604476.
    30. ↑ "Neeleswaram fete to showcase its heritage". The Hindu. 21 November 2011. Retrieved 24 November 2016.
    31. ↑ The Portuguese, Indian Ocean and European Bridgeheads 1500–1800. Festschrift in Honour of Prof. K. S. Mathew (2001). Edited by: Pius Malekandathil and T. Jamal Mohammed. Fundacoa Oriente. Institute for Research in Social Sciences and Humanities of MESHAR (Kerala)
    32. ↑ കേരള സംസ്കാര ദർശനം. പ്രൊഫ. കിളിമാനൂർ വിശ്വംഭരൻ. ജുലൈ‌ 1990. കാഞ്ചനഗിരി ബുക്സ്‌ കിളിമനൂർ, കേരള
    33. ↑ ജാതി വ്യവസ്ഥയും കേരള ചരിത്രവും. പി.കെ. ബാലകൃഷണൻ ജൂൺ 2005, കറന്റ്‌ ബൂക്സ്‌ തൃശ്ശൂർ. ISBN
    34. ↑ Chisholm, Hugh, ed. (1911). "Cannanore" . എൻസൈക്ലോപീഡിയ ബ്രിട്ടാനിക്ക. Vol. 5 (11th ed.). കേംബ്രിഡ്ജ് സർവകലാശാല പ്രസ്സ്. p. 184.
    35. ↑ DC Books, Kottayam (2007), A. Sreedhara Menon, A Survey of Kerala History
    36. ↑ Chisholm, Hugh, ed. (1911). "Cannanore" . എൻസൈക്ലോപീഡിയ ബ്രിട്ടാനിക്ക. Vol. 5 (11th ed.). കേംബ്രിഡ്ജ് സർവകലാശാല പ്രസ്സ്. p. 184.
    37. ↑ "Arakkal royal family". Archived from the original on 5 June 2012.
    38. ↑ P.J Rajendran (2000). Kshethravinjanakosam. D.C.Books publishing, Google books. p. 103. ISBN 9788126402540.
    39. ↑ Charles Alexander Innes (1908). Madras District Gazetteers Malabar (Volume-I). Madras Government Press. p. 451.
    40. ↑ Logan, William (2010). Malabar Manual (Volume-I). New Delhi: Asian Educational Services. pp. 631–666. ISBN 9788120604476.
    41. ↑ "History of Mahé". Archived from the original on 30 December 2013. Retrieved 19 April 2021.
    42. ↑ "History of Mahé". Archived from the original on 30 December 2013. Retrieved 19 April 2021.
    43. ↑ "History of Mahé". Archived from the original on 30 December 2013. Retrieved 19 April 2021.
    44. ↑ "History of Mahé". Archived from the original on 30 December 2013. Retrieved 19 April 2021.
    45. ↑ Menon, A. Sreedhara (2007). A Survey of Kerala History. DC Books. ISBN 9788126415786 – via Google Books.
    46. ↑ "Pazhassi Raja Museum and Art Gallery, Kozhikode – Kerala Tourism". Archived from the original on 15 November 2013. Retrieved 5 April 2015.
    47. ↑ Climate: Kannur (Cannanore) CalicutNet.com
    48. ↑ "Climatological Tables of Observatories in India 1991-2020" (PDF). India Meteorological Department. Retrieved April 8, 2024.
    49. ↑ "Station: Cannanore Climatological Table 1981–2010" (PDF). Climatological Normals 1981–2010. India Meteorological Department. January 2015. pp. 167–168. Archived from the original (PDF) on 5 February 2020. Retrieved 29 February 2020.
    50. ↑ "Extremes of Temperature & Rainfall for Indian Stations (Up to 2012)" (PDF). India Meteorological Department. December 2016. p. M106. Archived from the original (PDF) on 5 February 2020. Retrieved 29 February 2020.
    51. ↑ Special Currespondent (14 January 2015). "Kannur to be City Corporation". The Hindu. Retrieved 6 March 2021.
    52. ↑ "Home | കണ്ണൂർ നഗരസഭ". kannurcorporation.lsgkerala.gov.in (in ഇംഗ്ലീഷ്). Archived from the original on 2025-04-15. Retrieved 2025-12-30.
    53. ↑ "Provisional Population Totals, Census of India 2011" (PDF). Population of the urban local bodies in Kerala (2011). Government of Kerala. Archived from the original (PDF) on 24 September 2020. Retrieved 4 December 2020.
    54. ↑ "Kannur Corporation, Councillors". Department of Local Self Governance, Kerala. Retrieved 6 March 2020.
    55. ↑ Special Currespondent (14 January 2015). "Kannur to be City Corporation". The Hindu. Retrieved 6 March 2021.
    56. ↑ PTI (18 November 2015). "CPI(M) rides to power in five of six corporations in Kerala". The Economic Times. Retrieved 6 March 2021.
    57. ↑ ചരിത്രത്തിലേക്കൊരു എത്തിനോട്ടം, പാമ്പൻ മാധവൻ, കണ്ണൂർ നഗരസഭാ 100 വാർഷിക സ്മരണിക
    58. ↑ "P. Indira assumes office as Kannur Mayor; K.P. Tahir elected deputy mayor". The Hindu (in Indian English). 2025-12-26. ISSN 0971-751X. Retrieved 2025-12-30.
    59. ↑ "Congress's P Indira sworn in as Kannur mayor". The Times of India. 2025-12-27. ISSN 0971-8257. Retrieved 2025-12-30.
    60. ↑ InfoTech, S. R. V. "History of Kannur City Police". kannurcity.keralapolice.gov.in. Archived from the original on 2026-01-06. Retrieved 2025-12-30.
    61. ↑ "Kannur City Police". Kannur City Police. Archived from the original on 16 May 2021. Retrieved 28 May 2021.
    62. ↑ Special Currespondent (14 January 2015). "Kannur to be City Corporation". The Hindu. Retrieved 6 March 2021.
    63. ↑ Sabhnani, Dhara Vora (14 June 2019). "Straight from the Malabar Coast". The Hindu. Retrieved 26 January 2021.
    64. ↑ Sabhnani, Dhara Vora (14 June 2019). "Straight from the Malabar Coast". The Hindu. Retrieved 26 January 2021.
    65. ↑ Sabhnani, Dhara Vora (14 June 2019). "Straight from the Malabar Coast". The Hindu. Retrieved 26 January 2021.
    66. ↑ Sabhnani, Dhara Vora (14 June 2019). "Straight from the Malabar Coast". The Hindu. Retrieved 26 January 2021.
    67. ↑ "Thalassery Chicken Biriyani". The Take It Easy Chef (in ബ്രിട്ടീഷ് ഇംഗ്ലീഷ്). 23 June 2017. Retrieved 2021-05-13.
    68. ↑ Sabhnani, Dhara Vora (14 June 2019). "Straight from the Malabar Coast". The Hindu. Retrieved 26 January 2021.
    69. ↑ Kurian, Shijo (2 July 2014). "Flavours unlimited from the Malabar coast". The Hindu. Retrieved 26 January 2021.
    70. ↑ Kurian, Shijo (2 July 2014). "Flavours unlimited from the Malabar coast". The Hindu. Retrieved 26 January 2021.
    71. ↑ Sabhnani, Dhara Vora (14 June 2019). "Straight from the Malabar Coast". The Hindu. Retrieved 26 January 2021.
    72. ↑ "Arikkadukka – Spicy Stuffed Mussels". Faces Places and Plates (in അമേരിക്കൻ ഇംഗ്ലീഷ്). 30 June 2020. Retrieved 2021-05-13.
    73. ↑ Sabhnani, Dhara Vora (14 June 2019). "Straight from the Malabar Coast". The Hindu. Retrieved 26 January 2021.
    74. ↑ "Kerala gets its 4th international airport at Kannur: 10-point cheat-sheet". timesnownews.com. 8 October 2018.
    "https://ml.wikipedia.org/w/index.php?title=കണ്ണൂർ&oldid=4661186" എന്ന താളിൽനിന്ന് ശേഖരിച്ചത്