തൃപ്പങ്ങോട്ടൂർ ഗ്രാമപഞ്ചായത്ത്

വിക്കിപീഡിയ, ഒരു സ്വതന്ത്ര വിജ്ഞാനകോശം.
(തൃപ്പങ്ങോട്ടൂർ എന്ന താളിൽ നിന്നും തിരിച്ചുവിട്ടതു പ്രകാരം)
Thrippangottur
നിർദ്ദേശാങ്കം: (find coordinates)
രാജ്യം  ഇന്ത്യ
സംസ്ഥാനം കേരളം
ജില്ല(കൾ) Kannur
ജനസംഖ്യ 27,781 (2001)
സമയമേഖല IST (UTC+5:30)

കണ്ണൂർ ജില്ലയുടെ തെക്കു ഭാഗത്തായി തലശ്ശേരി താലൂക്കിലെ കൂത്തുപറമ്പ് ബ്ലോക്കിൽ, കോഴിക്കോട് ജില്ലയോട് തൊട്ടു സ്ഥിതിചെയ്യുന്ന ഒരു പഞ്ചായത്താണ്‌ തൃപ്പങ്ങോട്ടൂർ ഗ്രാമപഞ്ചായത്ത്.[1].2006-ൽ പെരിങ്ങളം നിയോജകമണ്ഡലത്തിൽ ഉൾപ്പെട്ടിരുന്ന ഈ ഗ്രാമപഞ്ചായത്ത്, അടുത്ത തിരഞ്ഞെടുപ്പുമുതൽ കൂത്തുപറമ്പ് നിയോജകമണ്ഡലത്തിലാണ്‌ ഉൾപ്പെടുന്നത്.[2]

1953-ൽ പാനൂർ ഗ്രാമപഞ്ചായത്ത് വിഭജിച്ച് തൃപ്രങ്ങോട്ടൂർ, പൊയിലൂർ പഞ്ചായത്തുകൾ രൂപീകരിച്ചു. കൈപൊക്കി വോട്ടിംഗിലൂടെ നിലവിൽ വന്ന തൃപ്രങ്ങോട്ടൂർ പഞ്ചായത്തിന്റെ ആദ്യ പ്രസിഡണ്ട് ശ്രീ. പൊട്ടൻ കണ്ടി കുഞ്ഞമ്മദ് ഹാജിയും പൊയിലൂർ പഞ്ചായത്തിന്റെ പ്രസിഡണ്ട് ശ്രീ പുത്തൻപുരയിൽ കണ്ട്യൻ കുഞ്ഞികണ്ണനുമായിരുന്നു. 1962 പുതുവത്സരദിനത്തിൽ രണ്ട് പഞ്ചായത്തുകളൂം എകോപിപ്പിച്ചുകൊണ്ട് (G.O. Ms-96/61 Dt.28.12.61) ഇന്നത്തെ തൃപ്രങ്ങോട്ടൂർ പഞ്ചായത്ത് നിലവിൽ വന്നു. 1964 വരെ സ്പെഷൽ ഓഫീസറുടെ ഭരണത്തിൽ കീഴിലായിരുന്നു. കണ്ണൂർ ജില്ലയുടെ തെക്ക് കിഴക്കേ അറ്റത്ത് കിഴക്ക് വടക്ക് നിന്നു തെക്ക് പടിഞ്ഞാറേക്ക് ചെരിഞ്ഞു കിടക്കുന്ന പ്രദേശമാണ് തൃപ്രങ്ങോട്ടൂർ ഗ്രാമ പഞ്ചായത്ത്. പാത്തിക്കൽ , വടക്കെക്കളം , നരിക്കോട്, വാഴമല , പന്നിയങ്കാവ് തുടങ്ങിയ കിഴക്കൻ മലനിരകൾ പഞ്ചായത്തിലെ പ്രകൃതിരമണീയമായ സ്ഥലങ്ങളാണ്.

ഭൂമിശാസ്ത്രം[തിരുത്തുക]

പാനൂർ പൊയിലൂർ തൃപങ്ങോട്ടൂർ പഞ്ചായത്തിൽ കിഴക്കൻ മലയോരമേഖലയായ പൊയിലൂർ ഏഴ്‌ മലനിരകളുടെ സംഗമഭൂമിയായാണ്‌ അറിയപെടുന്നത്‌. സമുദ്രനിരപ്പിൽനിന്ന്‌ രണ്ടായിരത്തോളം അടി ഉയരവും രണ്ടായി രത്തിലധികം ഏക്കർ വിസ്‌തൃതിയുമുള്ള മലനിരകൾ ഏവരെയും ആകർഷിക്കുന്നു. വിനോദ സഞ്ചാരവികസനത്തിന്‌ ഏറെ സാദ്ധ്യതയുള്ള പ്രദേശങ്ങളാണിവിടം. ഒരു നാടിന്റെ വികസനത്തിന്‌ ഉതകുന്ന എല്ലാ സാഹചര്യവും ഉണ്ടായിട്ടും അധികാരികൾ കാണാതെ പോവുന്നത്‌ നാടിനോടുള്ള അവഗണനയാണെന്ന്‌ നാട്ടുകാർപറയുന്നു. കോഴിക്കോട്‌, കണ്ണൂർ ജില്ലകളെ അതിരിടുന്ന പാനൂരിന്റെ കിഴക്കൻ മലനിരകളാണിവ. പാത്തിക്കൽ മലയിൽ തുടങ്ങി വാഴമലവരെ ഏഴുമലകൾ. പാത്തിക്കൽ മലയിൽ നിന്നാരംഭിച്ച്‌ കൊളുത്തായിമല, ആനപ്പാറ, നരിക്കോട്‌ മല, പന്ന്യൻകാവ്‌, കുട്ടിക്കൊളുത്തുവായി, വാഴമല വാര മഴക്കാടുകൾ, പുത്തൂർ പുഴയുടെ ഒറ്റക്കൈതെക്കുളം മോഹനഗിരിയുടെ താഴ്‌വരയിലും കല്ലിക്കണ്ടി പുഴ വാഴമലയിലെ ആയിരം തണ്ണിയിൽ നിന്നുമാണ്‌ ഉദ്‌ഭവിക്കുന്നത്‌. പഴശ്ശിരാജാവിന്റെ പടത്തലവനായിരുന്ന തലക്കൽ ചന്തുവിന്റെയും അനുചരന്മാരുടെയും പിൻമുറക്കാരായ കുറിച്യരും പണിയരുമടങ്ങുന്ന ഗോത്രവിഭാഗങ്ങളുടെ ആവാസകേന്ദ്രമാണ്‌ ഈ മലനിരകൾ. പാത്തിക്കൽ മലയിൽനിന്ന്‌ വാഴമലയിലേക്കുള്ള യാത്ര വിനോദ സഞ്ചാരികൾക്ക്‌ മനസ്സിനും കണ്ണിനും കുളിരേകുന്നതാണ്‌. കണ്ണെത്താ ദൂരത്ത്‌ വ്യാപിച്ചുകിടക്കുന്ന പച്ചപ്പു നിറഞ്ഞ വയലുകളും മലനിരകളും പാറക്കെട്ടിലെ വെള്ളച്ചാട്ടങ്ങളും പൊയിലൂർ പള്ളിമിനാരവും മുത്തപ്പൻ മഠപ്പുരയും കോഴിക്കോട്‌ വളയത്തെ ബി.എസ്‌.എഫ്‌ കേന്ദ്രവും മലമുകളിൽനിന്നുള്ള സുന്ദരമായ കാഴ്‌ചകളാവുന്നു. വാഴമലയിലെ വിമാനപ്പാറ മറ്റൊരു കൗതുക കാഴ്‌ചയാണ്‌. ഉയരമുള്ള പാറക്കെട്ടുകൾക്കിടയിലേക്ക്‌ സഞ്ചാരികൾക്ക്‌ എത്തിപ്പെടാൻ സാഹസിക യാത്രതന്നെവേണം. കുറിച്യർ പാറയ്‌ക്ക്‌ മുകളിൽ ഉരുളുണ്ടാക്കി നെല്ലുരിയുന്നതിനിടെ പാറക്കെട്ടിലെ വെള്ളച്ചാട്ടത്തിലേക്ക്‌ വഴുതിവീണ്‌ മരണപ്പെട്ടതിന്റെ ഓർമ്മയ്‌ക്ക്‌ കുട്ടിവീണ വെള്ളച്ചാട്ടം എന്നപേരിൽ വെള്ളച്ചാട്ടം ഇവിടെയുണ്ട്‌. ഞായറാഴ്‌ചകളിൽ വിനോദ സഞ്ചാരികളെക്കൊണ്ട്‌ അത്യപൂർവ്വമായ തിരക്കാണ്‌ ഇവിടങ്ങളിൽ. പൊയിലൂർ, ചെറുപ്പറമ്പ്‌ എന്നിവിടങ്ങളിൽനിന്ന്‌ 12 കിലോ മീറ്ററും ചെറുവാഞ്ചേരിയിൽനിന്ന്‌ 15 കിലോമീറ്ററും സഞ്ചരിച്ചാൽ ഇവിടെ എത്താം. സർക്കാർ ഇത്തരം ടൂറിസ്‌റ്റ്‌ സാദ്ധ്യതാ മേഖലകളെ അവഗണിക്കുകയാണെന്ന്‌ നാട്ടുകാർ പറയുന്നു. പ്രദേശത്തെ ടൂറിസം ഭൂപടത്തിൽ ഉൾപെടുത്തിയാൽ വിദേശികൾ അടക്കമുള്ള വിനോദസഞ്ചാരികളെ ആകർഷിക്കാനാവുമെന്നാണ്‌ വിദഗ്‌ദരുടെയും ജനങ്ങളുടെയും അഭിപ്രായം.

വാർഡുകൾ[തിരുത്തുക]

  1. വടക്കേ പൊയിലൂർ
  2. പാറയുള്ള പറമ്പ
  3. പുല്ലായിത്തോട്
  4. ചമതക്കാട്
  5. വിളക്കോട്ടൂർ
  6. സെൻട്രൽ പൊയിലൂർ
  7. വട്ട പോയിലുമ്ൽ
  8. തെക്കും മുറി
  9. വിളക്കോട്ടൂർ വെസ്റ്റ്
  10. ചെറ്റക്കണ്ടി
  11. കല്ലിക്കണ്ടി
  12. ഉതുക്കുമ്മൽ
  13. മുണ്ടതോട്
  14. ഇരഞ്ഞീൻ കീഴീൽ
  15. കുറുംങ്ങാട്
  16. കടവത്തൂർ ടൌൺ
  17. ഹൈസ്കൂൾ വാർഡ്
  18. കീരിയാട്‌[3]

ഇതും കാണുക[തിരുത്തുക]

കേരളത്തിലെ ഗ്രാമപഞ്ചായത്തുകളുടെ പട്ടിക

അവലംബം[തിരുത്തുക]

  1. http://www.lsg.kerala.gov.in/htm/inner.asp?ID=1157&intID=5 കേരള സർക്കാർ തദ്ദേശസ്വയം ഭരണ വകുപ്പ് -തൃപ്പങ്ങോട്ടൂർ ഗ്രാമപഞ്ചായത്ത്]
  2. "ആർക്കൈവ് പകർപ്പ്" (PDF). Archived from the original (PDF) on 2010-11-25. Retrieved 2008-11-01.
  3. "ട്രെന്റ് കേരളാ വെബ്സൈറ്റ്". Archived from the original on 2019-09-02. Retrieved 2021-08-30.