കതിരൂർ ഗ്രാമപഞ്ചായത്ത്

കതിരൂർ ഗ്രാമപഞ്ചായത്ത്
ഗ്രാമപഞ്ചായത്ത്
11°46′0″N 75°31′0″E, 11°46′38″N 75°32′0″E
രാജ്യം	ഇന്ത്യ
സംസ്ഥാനം	കേരളം
ജില്ല	കണ്ണൂർ ജില്ല
വാർഡുകൾ	പുല്ല്യോട്, പുല്ല്യോട് സി.എച്ച് നഗർ, കതിരൂർ തെരു, കതിരൂർ ടൌൺ, ആണിക്കാംപൊയിൽ, കക്കറ, ചുണ്ടങ്ങാപ്പൊയിൽ, പൊന്ന്യം പാലം, പൊന്ന്യം സൌത്ത്, പറാം കുന്ന്, കുണ്ടുചിറ, പൊന്ന്യം സ്രാമ്പി, പുല്ല്യോടി, ചോയ്യാടം, കുറ്റ്യേരിച്ചാൽ, കതിരൂർ ടെമ്പിൾ, നാലാം മൈൽ, പുല്ല്യോട് ഈസ്റ്റ്
ജനസംഖ്യ
ജനസംഖ്യ	26,586 (2001)
പുരുഷന്മാർ	• 12,553 (2001)
സ്ത്രീകൾ	• 14,033 (2001)
സാക്ഷരത നിരക്ക്	96.25 ശതമാനം (2001)
കോഡുകൾ
തപാൽ	• 670642
LGD	• 221251
LSG	• G130801
SEC	• G13067

ഇംഗ്ലീഷ് വിലാസം

https://ml.wikipedia.org/wiki/Kadirur_Gramapanchayath

കണ്ണൂർ ജില്ലയിൽ തലശ്ശേരി താലൂക്കിലെ തലശ്ശേരി ബ്ലോക്കിൽ സ്ഥിതിചെയ്യുന്ന ഗ്രാമപഞ്ചായത്താണ് കതിരൂർ ഗ്രാമപഞ്ചായത്ത്

വാണിജ്യ-ഗതാഗത പ്രാധാന്യം

തലശ്ശേരി-കൂർഗ് റോഡ്(തലശ്ശേരി-കൂട്ടുപുഴ സംസ്ഥാനപാത) ഈ പഞ്ചായത്തിലൂടെയാണ്‌ കടന്നു പോകുന്നത്‌. തലശ്ശേരി, കണ്ണൂർ എന്നിവയാണ്‌ ഏറ്റവുമടുത്ത പ്രധാന റെയിൽവേ സ്റ്റേഷനുകൾ. കണ്ണൂർ അന്താരാഷ്ട്ര വിമാനത്താവളമാണ് ഏറ്റവുമടുത്ത വിമാനത്താവളം.

ഗ്രാമ പഞ്ചായത്ത് വാർഡുകൾ

കതിരൂർ ഗ്രാമപഞ്ചായത്തിന്റെ പ്രസിഡന്റ് പി പി സനിൽ(സി.പി.ഐ(എം)) ആണ്‌.. ഈ ഗ്രാമപഞ്ചായത്തിൽ 19 വാർഡുകളാണുള്ളത്.

1. പുല്യോട്
2. പുള്ളിയോട് ഈസ്റ്റ്
3. പുള്ളിയോട് സി എച്ച്
4. കതിരൂർ തെരു
5. അക്കാം പൊയിൽ
6. ചുണ്ടങ്ങാപ്പൊയിൽ
7. കക്കറ
8. പൊന്ന്യം പാലം
9. സൗത്ത് പൊന്ന്യം
10. കുണ്ടുചിറ
11. പൊറാംകുന്ന്

1#പൊന്ന്യം സ്രാമ്പി

1. പുല്ലോടി
2. ചൊയ്യാടം
3. കതിരൂർ ടൗൺ
4. കുറ്റ്യേരി ചാൽ
5. പൊന്ന്യം നാലാം മൈൽ

പേരിനു പിന്നിൽ

ഇവിടെയുള്ള സൂര്യനാരായണക്ഷേത്രത്തിന്റെ സാന്നിധ്യത്തിനാൽ കതിരവന്റെ ഊര്‌ എന്നറിയപ്പെട്ടുവെന്നാണ്‌ ഒരഭിപ്രായം.പരന്നുകിടക്കുന്ന നെൽപ്പാടങ്ങ ൾ അവയിലെ ഗ്രാമീണ ജീവിതങ്ങൾ, നെൽ‌വയലുകളിലെ സമൃദ്ധമായ നെൽക്കതിരുകളിൽനിന്നും കതിരൂർ എന്ന പേരുണ്ടായെന്നാണ്‌ മറ്റൊരഭിപ്രായം. ഒറീസ കഴിഞ്ഞാൽ രണ്ടാമത്തെ സൂര്യനാരായണക്ഷേത്രമാണൂ ഇവിടെ സ്ഥിതി ചെയ്യുന്നത്.

അതിരുകൾ

• പടിഞ്ഞാറ്: എരഞ്ഞോളി
• വടക്ക്:പിണറായി, കോട്ടയം, വേങ്ങാട്
• കിഴക്ക്: പാട്യം, മൊകേരി
• തെക്ക്:പന്ന്യന്നൂർ, തലശ്ശേരി നഗരസഭ, പോണ്ടിച്ചേരി സംസ്ഥാനം

ഭൂപ്രകൃതി

ഭൂമിശാസ്ത്രപരമായി ഇടനാട്ടിൽ ഉൾപ്പെടുന്ന പ്രദേശമാണിത്. ചെറിയ കുന്നുകൽ, ചെരിവുകൾ, സമതലങ്ങൾ എന്നിങ്ങനെ തരംതിരിക്കാവുന്നതാണ്. ചെമ്മണ്ണ്, പശിമരാശി മണ്ണ്, മണൽ മണ്ണ് എന്നിവയാണ് പ്രധാന മണ്ണിനങ്ങൾ.‌

ജലപ്രകൃതി

ഏതാനും ഉയർന്ന പ്രദേശങ്ങളിൽ മാത്രമേ ജലദൗർലഭ്യം അനുഭവപ്പെടാറുള്ളൂ.

സ്ഥിതിവിവരക്കണക്കുകൾ

വിസ്തീർണ്ണം(ച.കി.മി)	വാർഡുകൾ	ആൾ താമസമുള്ള ആകെ വീടുകൾ	ആകെ വീടുകൾ	ആകെ പുരുഷന്മാർ	ആകെ സ്ത്രീകൾ	ആകെ ജനസംഖ്യ	ജനസാന്ദ്രത	സ്ത്രീ പുരുഷ അനുപാതം	സാക്ഷരരായ പുരുഷന്മാർ	സാക്ഷരരായ സ്ത്രീകൾ	ആകെ സാക്ഷരത
12.3	17	-	-	12553	14033	26586	2161	1118	97.92	92.91	96.25

പഞ്ചായത്ത് രൂപവത്കരണം/ആദ്യകാല ഭരണസമിതികൾ

1942-ലാണ്‌ കതിരൂർ പഞ്ചായത്ത് നിലവിൽ വന്നത്. മടപ്പള്ളി ഗോപാലനായിരുന്നു ആദ്യത്തെ പ്രസിഡണ്ട്.