ധർമ്മടം ഗ്രാമപഞ്ചായത്ത്

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search

കണ്ണൂർ ജില്ലയിൽ തലശ്ശേരി താലൂക്കിലെ തലശ്ശേരി ബ്ലോക്കിലെ ധർമ്മടം, പാലയാട്, അണ്ടലൂർ, മേലൂർ എന്നീ ഗ്രാമങ്ങൾ ഉൾക്കൊള്ളുന്ന ഗ്രാമപഞ്ചായത്താണ് ധർമ്മടം ഗ്രാമപഞ്ചായത്ത്[1]

സ്ഥലനാമോൽപത്തി[തിരുത്തുക]

കോലത്തുനാട്ടിലെ ധർമ്മൻ എന്ന ഭരണാധികാരിയുടെ പേരിൽനിന്നുമാണ്‌ ധർമ്മപട്ടണം എന്ന പേർ വന്നതെന്നും, ധർമ്മപട്ടണമാണ്‌ ധർമ്മടം ആയതെന്നും കരുതപ്പെടുന്നു. ഒരു കാലത്ത് ഈ പ്രദേശം ബുദ്ധമതകേന്ദ്രമായിരുന്നുവെന്നും അവർ സ്ഥാപിച്ച ധർമ്മ മഠങ്ങൾ ഉണ്ടായിരുന്നതുകൊണ്ടാണ്‌ ധർമ്മടം എന്ന പേർ വന്നതെന്നുമാണ്‌ മറ്റൊരഭിപ്രായം. [2]

സാമൂഹ്യ രാഷ്ട്രീയ സാംസ്ക്കാരിക പ്രസ്ഥാനങ്ങൾ[തിരുത്തുക]

വാണിജ്യ-ഗതാഗത പ്രാധാന്യം[തിരുത്തുക]

ദേശീയപാത 17 ധർമ്മടത്തിലൂടെയാണ്‌ കടന്നു പോകുന്നത്‌. ദക്ഷിണ റെയിൽവേയിലെ മംഗലാപുരം-ഷൊർണ്ണൂർ റെയിൽപ്പാത ദേശീയപാതക്ക്‌ സമാന്തരമായി ധർമ്മടത്തിലൂടെ കടന്നുപോകുന്നു - ധർമ്മടം റെയിൽവേ സ്റ്റേഷനിൽ എക്സ്പ്രസ്‌ തീവണ്ടികൾക്ക്‌ സ്റ്റോപ്പ്‌ നിലവിലില്ല. തലശ്ശേരി, കണ്ണൂർ എന്നിവയാണ്‌ ഏറ്റവുമടുത്ത പ്രധാന റെയിൽവേ സ്റ്റേഷനുകൾ. കോഴിക്കോട് അന്താരാഷ്ട്രവിമാനത്താവളം, മാംഗളൂർ അന്താരാഷ്ട്രവിമാനത്താവളം എന്നിവയാണ്‌ ഏറ്റവുമടുത്ത വിമാനത്താവളങ്ങൾ.

വിദ്യാഭ്യാസം[തിരുത്തുക]

തലശ്ശേരിയിലെ വിദ്യാർത്ഥികൾക്ക്‌ ഉന്നത ഇംഗ്ലീഷ്‌ വിദ്യാഭ്യാസം നൽകുന്നതിലേക്കായി എഡ്വേർഡ്‌ ബ്രണ്ണൻ തലശ്ശേരിയിൽ സ്ഥാപിച്ച[അവലംബം ആവശ്യമാണ്] ബ്രണ്ണൻ കോളേജ് 1958-ൽ ധർമ്മടത്തേക്ക്‌ പ്രവർത്തനം മാറ്റി.[3]

സ്ഥിതിവിവരക്കണക്കുകൾ[തിരുത്തുക]

വിസ്തീർണ്ണം(ച.കി.മി) വാർഡുകൾ ആൾ താമസമുള്ള ആകെ വീടുകൾ ആകെ വീടുകൾ ആകെ പുരുഷന്മാർ ആകെ സ്ത്രീകൾ ആകെ ജനസംഖ്യ ജനസാന്ദ്രത സ്ത്രീ പുരുഷ അനുപാതം സാക്ഷരരായ പുരുഷന്മാർ സാക്ഷരരായ സ്ത്രീകൾ ആകെ സാക്ഷരത
10 17 - - 26705 12802 13903 2505 1086 97.59 92.11 94.73

പഞ്ചായത്ത് രൂപവത്കരണം/ആദ്യകാല ഭരണസമിതികൾ[തിരുത്തുക]

1950-ലാണ്‌ ധർമ്മടം ഗ്രാമപഞ്ചായത്ത്‌ രൂപീകൃതമായത്‌, എൻ.വി. ബാലകൃഷ്ണനായിരുന്നു പഞ്ചായത്തിന്റെ ആദ്യ പ്രസിഡന്റ്‌.


അതിരുകൾ[തിരുത്തുക]

കിഴക്ക് : അഞ്ചരക്കണ്ടി പുഴ, പിണറായി, എരഞ്ഞോളി പടിഞ്ഞാറ് : അറബിക്കടൽ വടക്ക് : അഞ്ചരക്കണ്ടി പുഴ, മുഴപ്പിലങ്ങാട്. തെക്ക് : അഞ്ചരക്കണ്ടി പുഴ, തലശ്ശേരി നഗരസഭ

ഭൂപ്രകൃതി[തിരുത്തുക]

അഞ്ചരക്കണ്ടി പുഴ അറബിക്കടലിൽ പതിക്കുന്നതിനു മുൻപായി രണ്ടു ശാഖകളായി പിരിയുന്നു, ഈ ശാഖകൾക്കും അറബിക്കടലിനുമിടയിൽ സ്ഥിതിചെയ്യുന്ന ധർമ്മടം, പാലയാട്, അണ്ടല്ലൂർ, മേലൂർ എന്നീ ഗ്രാമങ്ങൾ ചേർന്നതാണ്‌ ധർമ്മടം ഗ്രാമപഞ്ചായത്ത്. ഇവിടത്തെ ഭൂപ്രകൃതിയെ ഉയന്ന സമതലം, ചെരിവ് പ്രദേശം, താഴ്‌വരകൾ, തീരസമതലം, ചതുപ്പുനിലങ്ങൾ എന്നിങ്ങനെ അഞ്ച് മേഖലകളായി തിരിക്കാം. ലാറ്ററൈറ്റ്, മണൽ കലർന്ന ഏക്കൽ മണ്ണ്, മണൽ. പശിമരാശിമണ്ണ് എന്നിവയാണ്‌ പ്രധാനപ്പെട്ട മൺ‍തരങ്ങൾ.[3]

ജലപ്രകൃതി[തിരുത്തുക]

അഞ്ചരക്കണ്ടി പുഴയുടെ രണ്ടു ശാഖകളും ഏതാനും കുളങ്ങളും ഉൾപ്പെട്ടതാണ്‌ ഈ പഞ്ചായത്തിന്റെ ജലസ്രോതസ്സ്, ശുദ്ധജലലഭ്യത കുറവാണ്‌.

ആരാധനാലയങ്ങൾ/തീർത്ഥാടന കേന്ദ്രങ്ങൾ[തിരുത്തുക]

അണ്ടലൂർക്കാവ് ഈ പഞ്ചായത്തിലെ പ്രധാന ആരാധനാലയങ്ങളിലൊന്നാണ്‌. ഇവിടത്തെ തിറമഹോൽസവം പ്രശസ്തമാണ്‌. മകരം 15 മുതൽ കുംഭം 14 വരെയുള്ള ഒരു മാസത്തെ ആഘോഷങ്ങളിൽ കുംഭം 2 മുതൽ 7 വരെയുള്ള ഒരാഴ്ചയാണ് പ്രധാന ഉത്സവ ദിവസങ്ങൾ. [4] ഈ കാവിലെ ചില അനുഷ്ടാനങ്ങൾക്ക് ഹീനയാനബുദ്ധമതാചാരങ്ങളുമായി ബന്ധമുണ്ട്. ഇസ്ലാം മതം പ്രചരിപ്പിക്കാനായി കേരളത്തിൽ വന്ന മാലിക് ദിനാർ സ്ഥാപിച്ച ഏഴ് മുസ്ലീം പള്ളികളിലൊന്ന് ധർമ്മടത്തിലാണ്‌.

വിനോദസഞ്ചാരകേന്ദ്രങ്ങൾ[തിരുത്തുക]

ധർമ്മടം ഗ്രാമപഞ്ചായത്തിന്റെ തെക്ക്‌ പടിഞ്ഞാറ്‌ ഭാഗത്തായാണ്‌ ധർമ്മടം തുരുത്ത് സ്ഥിതി ചെയ്യുന്നത്‌.

ഗ്രാമ പഞ്ചായത്ത് വാർഡുകൾ[തിരുത്തുക]

പഞ്ചായത്ത് പ്രസിഡന്റ് ശ്രീമതി. സി.പി. ബേബി സരോജം.(2015 മുതൽ) (സി.പി.ഐ(എം)) ആണ്‌ [1]. ധർമ്മടം ഗ്രാമപഞ്ചായത്തിൽ 18 വാർഡുകളാണുള്ളത്. [5]

  1. മേലൂർ വെസ്റ്റ്
  2. മേലൂർ ഈസ്റ്റ്
  3. ഗുംട്ടി മുക്ക്
  4. ഇൻഡസ്റ്റ്രിയൽ എസ്റ്റേറ്റ്
  5. കാറാഡിയിൽ
  6. അണ്ടല്ലൂർ
  7. ചിറക്കുനി കിഴക്ക്
  8. കൈരളി
  9. കിഴക്കെ പാലയാട് കോളനി
  10. ഒഴയിൽ ഭാഗം,
  11. പരീക്കടവ്
  12. സ്വാമികുന്ന്
  13. ചാത്തോടം
  14. ചീരോത്ത്‌
  15. ഈത്താമണി
  16. വെlള്ളോഴുക്ക്
  17. നരിവയൽ,
  18. അടിവയൽ

അവലംബം[തിരുത്തുക]

  1. 1.0 1.1 [>കേരള സർക്കാർ തദ്ദേശസ്വയം ഭരണ വകുപ്പ് -ധർമ്മടം ഗ്രാമപഞ്ചായത്ത്
  2. http://www.lsg.kerala.gov.in/htm/history.asp?ID=1145&intId=5
  3. 3.0 3.1 http://www.lsg.kerala.gov.in/htm/detail.asp?ID=1145&intId=5
  4. http://thalasseri.entegramam.gov.in/index.php?option=com_content&task=view&id=134&Itemid=51
  5. http://www.lsg.kerala.gov.in/htm/LBWardDet.aspID=1145&intId=5