മാട്ടൂൽ ഗ്രാമപഞ്ചായത്ത്

ഇംഗ്ലീഷ് വിലാസം

https://ml.wikipedia.org/wiki/Mattool_Gramapanchayat

മാട്ടൂൽ
മാട്ടൂൽ
11.9577°N 75.298303°E / 11.9577; 75.298303
ഭൂമിശാസ്ത്ര പ്രാധാന്യം	ഗ്രാമപഞ്ചായത്ത്
രാജ്യം	ഇന്ത്യ
സംസ്ഥാനം	കേരളം
ജില്ല	കണ്ണൂർ
വില്ലേജ്	{{{വില്ലേജ്}}}
താലൂക്ക്‌
ബ്ലോക്ക്
നിയമസഭാ മണ്ഡലം	കല്ല്യാശ്ശേരി
ലോക്‌സഭാ മണ്ഡലം	{{{ലോക്‌സഭാമണ്ഡലം}}}
ഭരണസ്ഥാപനങ്ങൾ	പഞ്ചായത്ത്
പ്രസിഡന്റ്
വൈസ് പ്രസിഡന്റ്
സെക്രട്ടറി
വിസ്തീർണ്ണം	12.82ചതുരശ്ര കിലോമീറ്റർ
വാർഡുകൾ	എണ്ണം
ജനസംഖ്യ	24262
ജനസാന്ദ്രത	1893/ച.കി.മീ
കോഡുകൾ   • തപാൽ   • ടെലിഫോൺ	മാട്ടൂൽ നോർത്ത് 670 325, മാട്ടൂൽ സൗത്ത് 670 302 +0497 284 xxxx
സമയമേഖല	UTC +5:30
പ്രധാന ആകർഷണങ്ങൾ

കണ്ണൂർ ജില്ലയിലെ‍, കണ്ണൂർ താലൂക്കിലെ‍, കല്ല്യാശ്ശേരി ബ്ളോക്കിൽ സ്ഥിതി ചെയ്യുന്ന ഒരു ഗ്രാമപഞ്ചായത്താണ്‌ മാട്ടൂൽ ഗ്രാമപഞ്ചായത്ത്. മാട്ടൂൽ വില്ലേജുപരിധിയിലുൾപ്പെടുന്ന മാട്ടൂൽ ഗ്രാമപഞ്ചായത്തിനു 12.82 ചതുരശ്രകിലോമീറ്റർ വിസ്തീർണ്ണമുണ്ട്. പഞ്ചായത്തിന്റെ അതിരുകൾ കിഴക്ക് ചെറുകുന്ന്, കണ്ണപുരം, കല്ല്യാശ്ശേരി പഞ്ചായത്തുകൾ, വടക്ക് ചെറുകുന്ന്, മാടായി പഞ്ചായത്തുകൾ, പടിഞ്ഞാറ് അറബിക്കടൽ, തെക്ക് അറബിക്കടൽ, കല്ല്യാശ്ശേരി പഞ്ചായത്ത് എന്നിവയാണ്. ചരിത്രകാരനും ലോകസഞ്ചാരിയുമായിരുന്ന ഇബ്നു ബത്തൂത്തയുടെ നാവിൽനിന്നും ഉതിർന്നുവീണ മാത്വൂൽ (എന്തൊരു നീളം) എന്ന അറബിപദത്തിൽ നിന്നാണ് മാട്ടൂൽ എന്ന സ്ഥലനാമത്തിന്റെ ഉത്ഭവം.

മാട്ടൂലിന്റെ സ്ഥാനം

1964-ലെ വില്ലേജ് പുന:സംഘടനയെ തുടർന്ന് ഒരു ദ്വീപായ തെക്കുമ്പാട്, മടക്കര പ്രദേശങ്ങളും കൂടി ഉൾക്കൊള്ളിച്ചാണ് ഇന്നത്തെ മാട്ടൂൽ ഗ്രാമപഞ്ചായത്ത് രൂപീകരിച്ചത്.

2001ലെ സെൻസസ്‌ പ്രകാരം മാട്ടൂലിലെ മൊത്തം ജനസംഖ്യ 26086 ആണ്(സ്ത്രീകൾ - 13992, പുരുഷന്മാർ - 12094). ഒരു ഗവണ്മെന്റു ഹൈസ്കൂളും ഒരു അൺ-എയ്ഡഡ് ഗേൾസ് ഹൈസ്കൂളും സിബി എസ്‌ ഇ അംഗീകാരമുള്ള ഒരു സീനിയർ സെക്കണ്ടറി സ്കൂളും പ്രവർത്തിക്കുന്നതോടൊപ്പം എൻസിവിടി അംഗീകാരമുള്ള ഒരു ഐടിഐഴുമുണ്ട്

പഞ്ചായത്തു നിവാസികൾ ഉന്നത വിദ്യാഭ്യാസത്തിനും ചികിത്സയ്ക്കും തളിപ്പറമ്പ്, പയ്യന്നൂർ, കണ്ണൂർ, പഴയങ്ങാടി എന്നീ നഗരങ്ങളെ ആശ്രയിക്കുന്നു.

ഭൂമിശാസ്ത്രപരമായ കാരണങ്ങളാൽ വലിയ വികസനം കടന്നുവന്നില്ല എങ്കിലും അടുത്തായി പണിത തെക്കുമ്പാടു-ചെറുകുന്നു പാലവും, മടക്കര-മാട്ടൂൽ പാലവും യാത്രാ സൌകര്യവും വികസനവും ത്വരിതഗതിയിലാക്കും എന്നു കരുതുന്നു. സ്വാതന്ത്ര്യത്തിനു മുന്നേ ഇവിടത്തെ നിവാസികൾ ബർമ്മ, ഇൻഡോനേഷ്യ, സിംഗപ്പൂർ, മലേഷ്യ എന്നീ നാടുകളിൽ ജോലി അന്വേഷിച്ചു പോയ്ക്കൊണ്ടിരുന്നു. ഗൾഫു പ്രവാസം തുടങ്ങിയതിൽ പിന്നെ ഈ ഗ്രാമത്തിന്റെ മുഖഛായ മാറുകയായിരുന്നു.

ഉൾനാടൻ ജലഗതഗതത്തിനും മത്സ്യ ബന്ധനത്തിനും ഏറെ അനുയോജ്യമായ മാട്ടൂലും, പരിസര പ്രദേശങ്ങളും ഇന്നും ഈ മേഖലയിൽ ‍ഏറെയൊന്നും ശ്രദ്ധിക്കപ്പെട്ടിട്ടില്ല.

ഭൂമിശാസ്ത്രം

ഭൂമിശാസ്ത്രപരമായി മാട്ടൂൽ ഒരു ഉപദ്വീപാണ്. അറബിക്കടലിൽ ലയിക്കുന്നതിനു മുൻപായി വളപട്ടണം പുഴയും കുപ്പം പുഴയും ചേർന്ന് ഒരു അഴിമുഖം രൂപപ്പെടുന്നുണ്ട്. ഇതിന്റെ വടക്ക് ഭാഗത്തായാണ് മാട്ടൂലിന്റെ സ്ഥാനം. ഈ സവിശേഷ ഭൂപ്രകൃതി മാട്ടൂലിനെ മറ്റു പ്രദേശങ്ങളിൽ നിന്നും ഒറ്റപ്പെടുത്തി നിർത്തുന്നു. ഏഴുകിലോമീറ്ററോളം നീളവും ഒന്നര കിലോമീറ്റരോളം വീതിയിൽ കിഴക്കു കുപ്പം-പഴയങ്ങാടി-വളപട്ടണം പുഴയും പടിഞ്ഞാറ് അറബിക്കടലും വടക്കു മാ‍ടായി പഞ്ചായത്തും തെക്കു അഴീക്കൽ പുലിമുട്ടും ആണ് മാട്ടുലിന്റെ ഭൂമിശാസ്ത്ര അതിരുകൾ. മാട്ടുലിന്റെ തെക്കു കിഴക്കു ഭാഗം കുപ്പം-വളർപട്ടണം പുഴയിൽ ദ്വീപായി കാണുന്ന തെക്കുമ്പാട്, മടക്കര പ്രദേശങ്ങളും മാട്ടുൽ ഗ്രാമപഞ്ചായത്തിന്റെ ഭാഗമാണ്.

ചരിത്രം

ചരിത്രകാരനും ലോകസഞ്ചാരിയുമായിരുന്ന ഇബ്നു ബത്തൂത്തയുടെ നാവിൽനിന്നും ഉതിർന്നുവീണ മാത്വൂൽ (എന്തൊരു നീളം) എന്ന അറബിപദത്തിൽ നിന്നാണ് മാട്ടൂൽ എന്ന സ്ഥലനാമത്തിന്റെ ഉത്ഭവം.

മേൽപ്പറഞ്ഞ ചരിത്രം സംശയാസ്പദമാണ്, ഒരു പ്രത്യേക മതത്തിൽ നിന്നുള്ള ഒരു പുരാണ കഥാപാത്രമാണ് ഇബ്ൻ ബത്തൂട്ട. അതിനാൽ അദ്ദേഹം ഈ സ്ഥലം സന്ദർശിച്ചിരുന്നോ എന്നതിന് തെളിവില്ല. ഇത് ശരിയാണെങ്കിൽ പോലും, മുമ്പ് ആളുകൾ അവിടെ താമസിച്ചിരുന്നതിനാൽ ഈ സ്ഥലത്തിന് അതിൻ്റേതായ പേരുണ്ടാകും. matool (matul)ഒരു ഇന്ത്യൻ പദമാണ് അറബിയല്ല, ഇത് മലയാളം-സംസ്കൃതത്തിൽ നിന്നാണ് ഉത്ഭവിച്ചത്. അമ്മയുടെ സഹോദരൻ്റെ നാട് എന്നാണ് അതിൻ്റെ അർത്ഥം.

വാർഡുകൾ

1. മാട്ടൂൽ നോർത്ത്
2. കാവിലെ പറമ്പ
3. സിദ്ധിക്കബാദ്
4. തെക്കുംബാട്
5. മാട്ടൂൽ സെൻട്രൽ
6. മാട്ടൂൽ പള്ളി പ്രദേശം
7. മടക്കര നോർത്ത്
8. മടക്കര ഈസ്റ്റ്‌
9. മടക്കര വെസ്റ്റ്
10. മാട്ടൂൽ സൌത്ത്
11. മാട്ടൂൽ സൌത്ത് മുനംബ്
12. മാട്ടൂൽ സൌത്ത് ചാൽ
13. മാട്ടൂൽ തങ്ങളെ പള്ളിചാൽ
14. മാട്ടൂൽ കോൽക്കാരൻ ചാൽ
15. മാട്ടൂൽ സെൻട്രൽ ചാൽ
16. സിദ്ധിക്കാബാദ് ചാൽ
17. അരീയിൽ ചാൽ
18. വേദാമ്പ്രം ജസിന്ത ചാൽ
19. കക്കാടൻ ചാൽ

2025 പഞ്ചായത്ത് ഇലക്ഷൻ ഫലം

താഴെ കൊടുത്തിരിക്കുന്ന ഗ്രാമപഞ്ചായത്ത് വാർഡ് അടിസ്ഥാനത്തിലുള്ള വിജയികളെ പ്രാദേശിക തിരഞ്ഞെടുപ്പ് ഫലങ്ങളുടെ ഔദ്യോഗിക വെബ് സൈറ്റിൽ നിന്നാണ് എടുത്തിരിക്കുന്നത്.

വാർഡ് നമ്പർ	വാർഡിന്റെ പേര്	ജനപ്രതിനിധി	മുന്നണി	പാർട്ടി	സംവരണം
001	മാട്ടൂൽ നോർത്ത് അതിർത്തി	വിജേഷ് ഒ.	യു.ഡി.എഫ്.	കോൺഗ്രസ്	പട്ടികജാതി
002	മുണ്ടപ്രം കാവിലെ പറമ്പ്	ഫായിസ ടീച്ചർ	യു.ഡി.എഫ്.	ലീഗ്	വനിത
003	സിദ്ധിക്കാബാദ്	എം. രാജു	യു.ഡി.എഫ്.	കോൺഗ്രസ്	ജനറൽ
004	തെക്കുമ്പാട്	ഇബ്രാഹിം കുട്ടി ഹാജി	യു.ഡി.എഫ്.	ലീഗ്	ജനറൽ
005	മാട്ടൂൽ സെൻട്രൽ	കെ.കെ. അഷ്‌റഫ്	യു.ഡി.എഫ്.	ലീഗ്	ജനറൽ
006	മാട്ടൂൽ പള്ളി പ്രദേശം	റഷ പർവീൻ വി.സി.	യു.ഡി.എഫ്.	ലീഗ്	വനിത
007	മടക്കര നോർത്ത്	നസീമ മഞ്ഞ	യു.ഡി.എഫ്.	കോൺഗ്രസ്	വനിത
008	മടക്കര ഈസ്റ്റ്	വി. ജാസ്മിൻ	യു.ഡി.എഫ്.	ലീഗ്	വനിത
009	മടക്കര വെസ്റ്റ്	അഫീല കെ.കെ.	യു.ഡി.എഫ്.	ലീഗ്	വനിത
010	മാട്ടൂൽ സൌത്ത്	നസീർ ബി. മാട്ടൂൽ	യു.ഡി.എഫ്.	ലീഗ്	ജനറൽ
011	മാട്ടൂൽ സൌത്ത് മുനമ്പ്	ഹനീഫ് മാസ്റ്റർ	യു.ഡി.എഫ്.	ലീഗ്	ജനറൽ
012	മാട്ടൂൽ സൌത്ത് ചാൽ	നസീറ ടീച്ചർ	യു.ഡി.എഫ്.	ലീഗ്	വനിത
013	മാട്ടൂൽ തങ്ങളെ പള്ളിച്ചാൽ	ഷീബ സ്മിത്ത്	എൽ.ഡി.എഫ്	സി.പി.എം	വനിത
014	ഒളിയങ്കര കോൽക്കാരൻ ചാൽ	സോന കാർമ്മൽ എം.എം.	യു.ഡി.എഫ്.	കോൺഗ്രസ്	വനിത
015	മാട്ടൂൽ സെൻട്രൽ ചാൽ	ഹനീഫ വി.സി.	യു.ഡി.എഫ്.	ലീഗ്	ജനറൽ
016	സിദ്ധിക്കാബാദ് ചാൽ	നഹല സഹീദ്	യു.ഡി.എഫ്.	ലീഗ്	വനിത
017	അരിയിൽ ചാൽ	അജിത്ത് മാട്ടൂൽ	യു.ഡി.എഫ്.	കോൺഗ്രസ്	ജനറൽ
018	വേദാമ്പ്രം ജസിന്ത ചാൽ	ഷാഹിന പാലക്കോടൻ	യു.ഡി.എഫ്.	ലീഗ്	വനിത
019	കക്കാടൻചാൽ	എ.സി. അബ്ദുറഹിമാൻ	യു.ഡി.എഫ്.	ലീഗ്	ജനറൽ

പുറമെ നിന്നുള്ള കണ്ണികൾ

• മാട്ടൂൽ ഗ്രാമപഞ്ചായത്ത് Archived 2014-03-15 at the Wayback Machine

അവലംബങ്ങൾ

• http://www.trend.kerala.gov.in Archived 2019-09-02 at the Wayback Machine