കുറുമാത്തൂർ ഗ്രാമപഞ്ചായത്ത്

ഇംഗ്ലീഷ് വിലാസം

https://ml.wikipedia.org/wiki/Kurumathoor_Gramapanchayath

കുറുമാത്തൂർ ഗ്രാമപഞ്ചായത്ത്
കുറുമാത്തൂർ ഗ്രാമപഞ്ചായത്ത്
12.038628°N 75.4180741°E / 12.038628; 75.4180741
ഭൂമിശാസ്ത്ര പ്രാധാന്യം	ഗ്രാമപഞ്ചായത്ത്
രാജ്യം	ഇന്ത്യ
സംസ്ഥാനം	കേരളം
ജില്ല	കണ്ണൂർ
വില്ലേജ്	{{{വില്ലേജ്}}}
താലൂക്ക്‌
ബ്ലോക്ക്
നിയമസഭാ മണ്ഡലം	തളിപ്പറമ്പ്
ലോക്‌സഭാ മണ്ഡലം	{{{ലോക്‌സഭാമണ്ഡലം}}}
ഭരണസ്ഥാപനങ്ങൾ
പ്രസിഡന്റ്	കെ.കൃഷ്ണൻ
വൈസ് പ്രസിഡന്റ്
സെക്രട്ടറി
വിസ്തീർണ്ണം	50.79ചതുരശ്ര കിലോമീറ്റർ
വാർഡുകൾ	എണ്ണം
ജനസംഖ്യ	31,023
ജനസാന്ദ്രത	611/ച.കി.മീ
കോഡുകൾ   • തപാൽ   • ടെലിഫോൺ	670142 +0460
സമയമേഖല	UTC +5:30
പ്രധാന ആകർഷണങ്ങൾ	കരിമ്പം ജില്ലാ കൃഷിത്തോട്ടം, കുരുമുളക് ഗവേഷണ കേന്ദ്രം, പന്നിയൂർ

കണ്ണൂർ ജില്ലയിലെ തളിപ്പറമ്പ താലൂക്കിലെ തളിപ്പറമ്പ് ബ്ലോക്ക് പരിധിയിൽ ഉൾപ്പെടുന്ന ഒരു ഗ്രാമപഞ്ചായത്താണ് കുറുമാത്തൂർ ഗ്രാമപഞ്ചായത്ത്. കുറുമാത്തൂർ, പന്നിയൂർ എന്നീ വില്ലേജുകളിലായി വ്യാപിച്ചുകിടക്കുന്ന ഈ ഗ്രാമപഞ്ചായത്തിനു 50.79 ചതുരശ്ര കിലോമീറ്റർ വിസ്തീർണ്ണമുണ്ട്. 20 വാർഡുകളുള്ള ഈ പഞ്ചായത്തിന്റെ അതിരുകൾ വടക്കുഭാഗത്ത് ചപ്പാരപ്പടവ്, ചെങ്ങളായി പഞ്ചായത്തുകളും, കിഴക്കുഭാഗത്ത് ചെങ്ങളായി, മയ്യിൽ പഞ്ചായത്തുകളും, തെക്കുഭാഗത്ത് മയ്യിൽ പഞ്ചായത്തും, തളിപ്പറമ്പ് നഗരസഭയും, പടിഞ്ഞാറുഭാഗത്ത് തളിപ്പറമ്പ് നഗരസഭയും, പരിയാരം, ചപ്പാരപ്പടവ് പഞ്ചായത്തുകളുമാണ്. 1954-ൽ രൂപീകരിക്കപ്പെട്ട കുറുമാത്തൂർ, മുയ്യം, പന്നിയൂർ എന്നീ മൂന്നു പഞ്ചായത്തുകൾ, 1960-ലെ കേരള പഞ്ചായത്ത് നിയമം നടപ്പായ ശേഷം ഏകീകരിച്ചുകൊണ്ട് ഇന്നത്തെ കുറുമാത്തൂർ പഞ്ചായത്ത് രൂപീകൃതമായി. 1961-ലെ വില്ലേജു പുന:സംഘടനയുടെ ഭാഗമായി കുറുമാത്തൂർ‍, മുയ്യം, റവന്യൂവില്ലേജുകൾ ഏകീകരിച്ച് കുറുമാത്തൂർ വില്ലേജിനു രൂപം നൽകി. പന്നിയൂർ വില്ലേജ് അതേപടി നിലനിന്നു. ഈ രണ്ടു വില്ലേജുകളും ചേർന്നതാണ് ഇന്നത്തെ കുറുമാത്തൂർ ഗ്രാമപഞ്ചായത്ത്..

പഞ്ചായത്തിലെ ഏറ്റവും പ്രധാന ജലസ്രോതസ്സ്, ഭൂരിഭാഗം വാർഡുകളിലൂടെയും ഒഴുകുന്ന കുറ്റിക്കോൽ പുഴയും അതിന്റെ കൈത്തോടുകളും തന്നെ. 1952-53-ൽ സ്ഥാപിതമായ പന്നിയൂർ കുരുമുളകു ഗവേഷണ കേന്ദ്രം, കുരുമുളകു ഗവേഷണത്തിനു മാത്രമായി ലോകത്തിലാദ്യത്തേതാണ്. ഈ കേന്ദ്രം ഉൽപാദിപ്പിച്ച അത്യുൽപാദന ശേഷിയുള്ള സങ്കരയിനം പന്നിയൂർ-1 കുരുമുളക് കൊടി പ്രസിദ്ധമാണ്. 1972-മുതൽ ഈ സ്ഥാപനം കാർഷിക സർവ്വകലാശാലയുടെ കീഴിൽ പ്രവർത്തിക്കുന്നു. ഇതിന്റെ നേട്ടങ്ങൾ പന്നിയൂർ ഗ്രാമത്തിന്റെ പേരുപോലും പ്രശസ്തമാക്കിയിട്ടുണ്ട്. 1905-ൽ സ്ഥാപിതമായ കരിമ്പം കാർഷിക ഗവേഷണ കേന്ദ്രം ഇന്നു ജില്ലാ കൃഷിതോട്ടമാണ്.

വാർഡുകൾ

1. കാരകൊടി
2. കാലികടവ്
3. കൂനം
4. ചൊറുക്കള
5. പൊക്കുണ്ട്
6. വൈത്തല
7. കുറുമാത്തൂർ
8. പുല്ലാഞ്ഞിയോട്
9. മുണ്ടേരി
10. വടക്കാഞ്ചേരി
11. പാറാട്‌
12. ചെപ്പനൂൽ
13. വരഡൂൽ
14. മുയ്യം
15. പാണക്കാട്
16. കണിച്ചമാൽ
17. ചവനപ്പുഴ
18. പൂമംഗലം
19. മഴൂർ
20. പന്നിയൂർ

ഇതും കാണുക

• കുറുമാത്തൂർ
• കേരളത്തിലെ ഗ്രാമപഞ്ചായത്തുകളുടെ പട്ടിക

പുറമെ നിന്നുള്ള കണ്ണികൾ

• കുറുമാത്തൂർ ഗ്രാമപഞ്ചായത്ത് Archived 2015-04-05 at the Wayback Machine

അവലംബം

• http://www.trend.kerala.gov.in Archived 2019-09-02 at the Wayback Machine