കടന്നപ്പള്ളി

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
കടന്നപ്പള്ളി
Kerala locator map.svg
Red pog.svg
കടന്നപ്പള്ളി
12°05′48″N 75°17′07″E / 12.096689°N 75.285186°E / 12.096689; 75.285186
ഭൂമിശാസ്ത്ര പ്രാധാന്യം ഗ്രാമം
രാജ്യം ഇന്ത്യ
സംസ്ഥാനം കേരളം
ജില്ല കണ്ണൂർ
ഭരണസ്ഥാപനങ്ങൾ പഞ്ചായത്ത്
പ്രസിഡന്റ്
വിസ്തീർണ്ണം ചതുരശ്ര കിലോമീറ്റർ
ജനസംഖ്യ 10430
ജനസാന്ദ്രത /ച.കി.മീ
കോഡുകൾ
  • തപാൽ
  • ടെലിഫോൺ
 
670 504
+91 0497
സമയമേഖല UTC +5:30
പ്രധാന ആകർഷണങ്ങൾ

കണ്ണൂർ ജില്ലയിലെ ഒരു ഗ്രാമം ആണ് കടന്നപ്പള്ളി.കണ്ണൂർ നഗരത്തിൽ നിന്നും 33 km വടക്കുമാറി യാണ് കടന്നപ്പള്ളി ഗ്രാമം സ്ഥിതിചെയ്യുന്നത്. [1]

പേരിന്റെ ഉത്ഭവം[തിരുത്തുക]

കനകം വിളയുന്ന നാട് എന്ന അർത്ഥത്തിൽ കനകപ്പള്ളി എന്ന് ഈ ഗ്രാമം പണ്ട് അറിയപ്പെട്ടിരുന്നു.ഗ്രാമം എന്നർത്ഥം വരുന്ന ഹള്ളി എന്ന പദമാണ് ഉച്ചാരണഭേദം വന്ന് പള്ളി ആയി മാറിയത് എന്നും കരുതപ്പെടുന്നു.കനകപ്പള്ളി പിന്നീട് കടന്നപ്പള്ളിയായി.കൃഷി നടക്കുന്ന വിശാലമായ വയലുകൾ ഇന്നും ഗ്രാമത്തിന്റെ സവിശേഷതയാണ്.

ഭൂമിശാസ്ത്രം[തിരുത്തുക]

പരന്നുകിടക്കുന്ന നെൽപ്പാടങ്ങളും അവയ്ക്ക് അരികിലൂടെ ഒഴുകുന്ന തോടും കടന്നപ്പള്ളിയുടെ പ്രത്യേകതയാണ്.കുന്നിൻപുറങ്ങളും അവയിൽ ഉത്ഭവിക്കുന്ന കൊച്ച് ഉറവകളും ജൈവവൈവിധ്യവും ഈ ഗ്രാമത്തിന് നഷ്ടമായിക്കൊണ്ടിരിക്കുന്ന സമ്പത്താണ്.വണ്ണാത്തിപ്പുഴ ഗ്രാമത്തിന് അടുത്തായി സ്ഥിതി ചെയ്യുന്നു.

വിദ്യാഭ്യാസം[തിരുത്തുക]

ഇവിടെ ഗവ.എൽ.പി സ്കൂൾ തെക്കേക്കര, കടന്നപ്പള്ളി ഈസ്റ്റ് എൽ.പി സ്കൂൾ, കടന്നപ്പള്ളി യു.പി സ്കൂൾ,ഗവ.ഹയർസെക്കന്ററി സ്കൂൾ കടന്നപ്പള്ളി എന്നീ വിദ്യാലയങ്ങളുണ്ട്.

ഗതാഗതം[തിരുത്തുക]

ദേശീയപാത 17 ന് അടുത്തായാണ് കടന്നപ്പള്ളി ഗ്രാമം സ്ഥിതിചെയ്യുന്നത്.യഥാക്രമം 13,14 കിലോമീറ്ററുകൾ അകലെയുള്ള പഴയങ്ങാടി റെയിൽവേ സ്റ്റേഷൻ,പയ്യന്നൂർ റെയിൽവേ സ്റ്റേഷൻഎന്നിവയാണ് ഏറ്റവും അടുത്തുള്ള റെയിൽവേ സൗകര്യം.കണ്ണൂർ അന്താരാഷ്ട്ര വിമാനത്താവളം ആണ് ഏറ്റവും അടുത്തുള്ള വിമാനത്താവളം.

കല - സംസ്കാരം[തിരുത്തുക]

ഉത്തരമലബാറിലെ പ്രമുഖ കലാരൂപമായ തെയ്യം എല്ലാ കാവുകളിലും വർഷാവർഷം കൊണ്ടാടപ്പെടുന്നു.പൂരക്കളി,മറത്തുകളി പരിശീലനങ്ങളും കാവുകൾ കേന്ദ്രീകരിച്ച് നടക്കുന്നു.

ആരാധനാലയങ്ങൾ[തിരുത്തുക]

വെള്ളാലത്ത് ശിവക്ഷേത്രം,മേലേടത്ത് ദേവീക്ഷേത്രം എന്നിവ കടന്നപ്പള്ളിയിലെ പ്രമുഖ ക്ഷേത്രങ്ങളാണ്.ഇവ അടുത്തടുത്ത് സ്ഥിതി ചെയ്യുന്നു.ഇവ കൂടാതെ ഒട്ടനേകം തെയ്യക്കാവുകളും ഗ്രാമത്തിലുണ്ട്.ബദർ മസ്ജിദ് കടന്നപ്പള്ളി,കടന്നപ്പള്ളി ജുമാമസ്ജിദ് എന്നീ പള്ളികളും ഇവിടെയുണ്ട്.

ഭരണം[തിരുത്തുക]

കടന്നപ്പള്ളി-പാണപ്പുഴ ഗ്രാമ പഞ്ചായത്തിൽ ഉൽപ്പെടുന്ന ഈ പ്രദെശം പയ്യന്നൂർ താലൂക്കിന്റേയും പയ്യന്നൂർ ബ്ലോക്കിന്റേയും ഭാഗമാണ്.

സ്ഥിതിവിവരക്കണക്കുകൾ[തിരുത്തുക]

2011-ലെ കാനേഷുമാരി പ്രകാരം, 10430 ആണ് കടന്നപ്പള്ളിയുടെ ജനസംഖ്യ. ഇതിൽ 4848 പുരുഷന്മാരും 5582 സ്ത്രീകളും ഉൾപ്പെടുന്നു.1000 പുരുഷന്മാർക്ക് 1151 സ്ത്രീകൾ എന്നതാണ് സ്ത്രീപുരുഷാനുപാതം.ഗ്രാമത്തിൽ 2606 വീടുകളുണ്ട്.93.27 % ആണ് സാക്ഷരതാ നിരക്ക്.[2]


മുൻ കേരളാ ദേവസ്വം വകുപ്പ് മന്ത്രി ശ്രീ രാമചന്ദ്രൻ കടന്നപ്പള്ളി കടന്നപ്പള്ളി എന്ന ഗ്രാമത്തെ കൂടുതൽ പേർക്കു പരിചയപ്പെടുത്തി.

അവലംബം[തിരുത്തുക]

  1. "Google Maps". Google.com. ശേഖരിച്ചത് 2016-11-17.
  2. "Kadannappalli City Population Census 2011 - Kerala". Census2011.co.in. ശേഖരിച്ചത് 2016-11-17.


"https://ml.wikipedia.org/w/index.php?title=കടന്നപ്പള്ളി&oldid=3422856" എന്ന താളിൽനിന്ന് ശേഖരിച്ചത്