കേളകം

ഇംഗ്ലീഷ് വിലാസം

https://ml.wikipedia.org/wiki/Kelakam

കേളകം
കേളകം Location of കേളകം in കേരളം
രാജ്യം	ഇന്ത്യ
സംസ്ഥാനം	കേരളം
ജില്ല(കൾ)	കണ്ണൂർ
ഏറ്റവും അടുത്ത നഗരം	ഇരിട്ടി (23 കി.മീ), മാനന്തവാടി (30 കി.മീ)
ലോകസഭാ മണ്ഡലം	കണ്ണൂർ
നിയമസഭാ മണ്ഡലം	പേരാവൂർ
സിവിക് ഏജൻസി	കേളകം ഗ്രാമപഞ്ചായത്ത്
ജനസംഖ്യ • ജനസാന്ദ്രത	16,211 (2011) • 208/കിമീ2 (208/കിമീ2)
സമയമേഖല	IST (UTC+5:30)
വിസ്തീർണ്ണം	77.92 km² (30 sq mi)
കോഡുകൾ • വാഹനം • KL-78

കണ്ണൂർ ജില്ലയിൽ ഇരിട്ടി താലൂക്കിലെ ഒരു മലയോര പട്ടണമാണ് കേളകം. കേളകം പഞ്ചായത്തിൻ്റെ ആസ്ഥാനമായ ഈ ചെറു പട്ടണം പശ്ചിമഘട്ടത്തോട് ചേർന്നാണ് കിടക്കുന്നത്. കേരളത്തിലെ മലയോര ഹൈവേ അഥവാ സംസ്ഥാന പാത 59 ഈ ഗ്രാമത്തിലൂടെ കടന്നുപോകുന്നു.

സ്ഥാനം

കണ്ണൂർ നഗരത്തിൽ നിന്ന് 56 കി.മീ (വഴി ശിവപുരം, മാലൂർ, പേരാവൂർ) കിഴക്ക് മാറിയും താലൂക്ക് ആസ്ഥാനമായ ഇരിട്ടിയിൽ നിന്നും 23 കി.മീ (വഴി ആറളം, പാലപ്പുഴ) തെക്ക് കിഴക്കായും ജില്ലയിലെ പ്രസിദ്ധ തീർത്ഥാടന കേന്ദ്രമായ കൊട്ടിയൂരിൽ നിന്നും കേവലം 7 കി.മീ വടക്ക് പടിഞ്ഞാറുമായാണ് കേളകം സ്ഥിതി ചെയ്യുന്നത്. വയനാട് ജില്ലയിലെ പ്രമുഖ പട്ടണമായ മാനന്തവാടി കേളകത്ത് നിന്നും 30 കിലോമീറ്ററോളം തെക്ക് കിഴക്കായി സ്ഥിതിചെയ്യുന്നു.

ഗതാഗതം

റോഡ്

കേരളത്തിലെ ഏറ്റവും നീളമേറിയ സംസ്ഥാനപാതയായ സംസ്ഥാനപാത 59 അഥവാ മലയോര ഹൈവേ കേളകത്തിലൂടെ കടന്നുപോകുന്നു. നിർദ്ദിഷ്ട മാനന്തവാടി - കണ്ണൂർ വിമാനത്താവള നാലുവരിപ്പാത കേളകം പട്ടണത്തെ ഒഴിവാക്കി ബൈപ്പാസ് റോഡിലൂടെയാണ് കടന്നുപോകുന്നത്. കേളകത്തെയും കൊളക്കാടിനെയും നെടുംപൊയിലിനെയും ബന്ധിപ്പിച്ചുകൊണ്ടുള്ള പാതയാണ് വാരപ്പീടിക മഞ്ഞളാംപുറം റോഡ്. പൊതുമരാമത്ത് വകുപ്പിൻ്റെ കീഴിലെ മറ്റൊരു പാതയാണ് കേളകം അടയ്ക്കാത്തോട് റോഡ്.

റെയിൽവേ

കേളകത്ത് റെയിൽവേ സൗകര്യങ്ങൾ ലഭ്യമല്ല. 52 കിലോമീറ്റർ അകലെയുള്ള തലശ്ശേരിയാണ് ഏറ്റവും അടുത്തുള്ള റെയിൽവേ സ്റ്റേഷൻ.

വിമാനം

കേളകത്ത് നിന്ന് 36 കിലോമീറ്റർ പടിഞ്ഞാറായി സ്ഥിതി ചെയ്യുന്ന കണ്ണൂർ അന്താരാഷ്ട്ര വിമാനത്താവളം ആണ് അടുത്തുള്ള വിമാനത്താവളം. കോഴിക്കോട്, മംഗലാപുരം വിമാനത്താവളങ്ങളും ഏറെ അകലെയല്ല.