അഞ്ചൽ
Anchal | |
|---|---|
 Panchayath Bus Stand in Anchal Market Junction | |
  Anchal Location in Kerala, India  Anchal Anchal (India) | |
| Coordinates: 08°55′45″N 76°55′05″E / 8.92917°N 76.91806°E | |
| Country |  India |
| State | Kerala |
| District | Kollam |
| സർക്കാർ | |
| • ഭരണസമിതി | Block panchayat |
| വിസ്തീർണ്ണം | |
• ആകെ | 24.45 ച.കി.മീ. (9.44 ച മൈ) |
| ഉയരം | 45 മീ (148 അടി) |
| ജനസംഖ്യ | |
• ആകെ | 33,088 |
| Languages | |
| • Official | Malayalam, English[1] |
| സമയമേഖല | UTC+5:30 (IST) |
| PIN | 691306 |
| Telephone code | 0475 |
| വാഹന രജിസ്ട്രേഷൻ | KL-25 |
| District | Kollam |
| Civic agency | Panchayat |
| Climate | Monsoon (Köppen) |
| Literacy Rate | 95% |
അഞ്ചൽ കേരളത്തിലെ കൊല്ലം ജില്ലയിലെ പുനലൂർ താലൂക്കിലെ ആയൂർ പനലൂർ സംസ്ഥാന പാതയിലെ ഒരു പ്രധാന ജങ്ഷനുമാണ് അഞ്ചൽ. [2][3]കൊല്ലം നഗരത്തിൽ നിന്നും 40 കിലോമീറ്റർ കിഴക്കും തിരുവനന്തപുരം നഗരത്തിൽ നിന്നും 60 കിലോമീറ്റർ വടക്കുകിഴക്കും ആണ് അഞ്ചൽ. ഈ പട്ടണത്തിന് അടുത്ത് സ്ഥിതിചെയ്യുന്ന കൊല്ലം ജില്ലയിലെ പ്രധാന നഗരസഭകളും റെയിൽവേ സ്റ്റേഷനുകളും പുനലൂർ, കൊട്ടാരക്കര എന്നി പട്ടണങ്ങളാണ്. ഇവിടെ നിന്ന് പുനലൂർ താലൂക്ക് ആസ്ഥാനം 12 കിലോമീറ്റർ അകലെയായി സ്ഥിതി ചെയ്യുന്നു. [4][5]
പേരിനുപിന്നിൽ
[തിരുത്തുക]അഞ്ച് ചൊല്ലുകൾ ചേർന്നിടം അഞ്ചൽ ആയി എന്നാണു ഐതിഹ്യം. ഇന്നും കുരുക്കഴിക്കാൻ കഴിയാത്ത ആ അഞ്ചു ചൊല്ലുകൾ താഴേ പറയുന്നവയാണ്.
- അഞ്ചൽക്കുളം കുളമോ ചിറയോ?
- അഗസ്ത്യക്കോട് മുനി ആണോ പെണ്ണോ?
- ഏറത്ത് അമ്പലം വയലിലോ കരയിലോ?
- വടമൺ കാഞ്ഞിരം കയ്ക്കുമോ മധുരിക്കുമോ?
- കുറുമക്കാട് കുടുംബം ഇല്ലമോ സ്വരൂപമോ?
എന്നിവയാണ് ആ ചൊല്ലുകൾ[അവലംബം ആവശ്യമാണ്]. അഞ്ചൽ എന്ന പേരിന്റെ ഉത്ഭവത്തെക്കുറിച്ച് നിരവധി ഐതിഹ്യങ്ങളുണ്ട്. ഇന്നത്തെ റേഞ്ച് ഓഫീസ് ജംഗ്ഷൻ സ്ഥിതി ചെയ്യുന്ന സ്ഥലത്ത് ഒരു "അഞ്ചലാപ്പിസ്" ഉണ്ടായിരുന്നുവെന്നും അതിൽ നിന്നാണ് "അഞ്ചൽ" എന്ന പേര് ഉത്ഭവിച്ചതെന്നും ഒരു ഐതിഹ്യം പറയുന്നു. മറ്റൊരു ഐതിഹ്യം, ഈ പ്രദേശത്ത് അഞ്ച് തർക്കങ്ങൾ എങ്ങനെ പരിണമിച്ചുവെന്നും, അത് അഞ്ച് തർക്കങ്ങളുടെയോ പഴഞ്ചൊല്ലുകളുടെയോ നാടിന്റെ പേരിലേക്ക് നയിച്ചു എന്നുമാണ്. [6] മറ്റൊരു ഐതിഹ്യം അനുസരിച്ച്, ഈ പ്രദേശത്തെ അഞ്ച് ആൽമരങ്ങൾ അഥവാ "ആൽ" എന്നതിൽ നിന്നാണ് അഞ്ചൽ എന്ന പേരിന്റെ ഉത്ഭവം. അഞ്ചൽ എന്ന വാക്കിന്റെ അർത്ഥം അഞ്ച് എന്നും ആൽ എന്ന വാക്കിന്റെ അർത്ഥം ആൽ എന്നുമാണ്.[6]
അഞ്ചൽക്കുളം കുളമോ ചിറയോ?
[തിരുത്തുക]അഞ്ചലിൽ നിന്നും ഏകദേശം 4 കി.മീ. ഉള്ളിൽ ഏറം ജംഗ്ഷനു സമീപത്തയിട്ടാണ് ഈ ജലാശയം സ്ഥിതിചെയ്യുന്നത്. ഇതു കുളമാണോ ചിറയാണോ എന്നൊരു തർക്കം നിലനിൽക്കുന്നുണ്ട്. സാധാരണ കുളങ്ങളേക്കാൾ വലുതും ചിറയേക്കാൾ ചെറുതും, രൂപം കൊണ്ട് തിരിച്ചറിയാൻ പറ്റാത്തതുമാണ്. കുളം എന്നത് വൃത്താകൃതിയിലും ചിറ എന്നത് ചതുരാകൃതിയിലും ആണ്. ഈ കുളത്തിന്റെ ഒരു ഭാഗം വൃത്താകൃതിയിലും മറുഭാഗം ചതുരാകൃതിയിലും ആണ്. കുളം വൃത്താകൃതിയിലും ചിറ ചതുരാകൃതിയിലും ആണല്ലോ.? ഇത് രണ്ടും കൂടി ചേർന്ന അവസ്ഥയായതു കൊണ്ടാണ് ഈ ജലാശയം കുളമാണോ ചിറയാണോ എന്ന തർക്കം നില നിൽക്കുന്നത്. അഞ്ചൽ എന്ന സ്ഥലനാമത്തിലെ ഐതിഹ്യത്തിൽ പറയുന്ന അഞ്ചു ചൊല്ലുകളിൽ ഒരു ചൊല്ല് ഈ തർക്കം ആണ്.
അഗസ്ത്യക്കോട് മുനി ആണോ പെണ്ണോ?
[തിരുത്തുക]അഞ്ചലിൽ നിന്നും ഏകദേശം 1.5 കി.മീ. ഉള്ളിൽ , അഞ്ചലിൽ നിന്നും പുനലൂർ പോകുന്ന വഴിയിൽ മെയിൻ റോഡിൽ നിന്നും അല്പം അകത്തേക്ക് മാറി അഗസ്ത്യക്കോട് എന്ന സ്ഥലത്ത് സ്ഥിതിചെയ്യുന്ന വളരെ പുരാതനമായ ക്ഷേത്രത്തെ ക്കുറിച്ചാണ് രണ്ടാമത്തെ തർക്കം. ഈ മഹാക്ഷേത്രത്തിലെ പ്രതിഷ്ഠ ആണാണോ അതോ പെണ്ണാണോ എന്നത് ഇതുവരെയും കണ്ടെത്താൻ കഴിയാത്ത ഒരു സംഗതിയാണ്. ഒരു മുനിവര്യൻ അഗസ്ത്യക്കോട് തപസ്സിരുന്നതായി കരുതുന്നു. മുനിയുടെ പ്രതിഷ്ഠ കമഴ്ന്ന നിലയിലാണ് കാണുന്നത്. ഇതുമൂലം ബിംബം ഉയർത്തി നോക്കി ആണോ പെണ്ണോ എന്ന് നിർണ്ണയിക്കാനായിട്ടില്ല. അഗസ്ത്യക്കോട് ക്ഷേത്രത്തിലെ പ്രതിഷ്ഠകളിൽ ഒന്നിൽ ഒരു മാറിടം മാത്രമേ ദൃശ്യമാകുന്നുള്ളൂ എന്നതും ശ്രദ്ധയിൽ വരുന്നു. സ്ഥലനാമത്തെ സൂചിപ്പിക്കുന്ന രണ്ടാമത്തെ തർക്കം അഗസ്ത്യക്കോട് മുനി ആണോ പെണ്ണോ എന്നതാണ്. മുനിയും ആയി ബന്ധപ്പെട്ട തർക്കം ഇങ്ങനെ നില നിൽക്കുന്നു എങ്കിലും അഗസ്ത്യക്കോട് ക്ഷേത്രത്തിലെ പ്രതിഷ്ഠ ശിവലിംഗം ആണ്.
ഏറത്തെ അമ്പലം വയലിലോ കരയിലോ?
[തിരുത്തുക]ഏറം ജംഗ്ഷനിൽ കാണപ്പെടുന്ന ക്ഷേത്രം വയലിനു നടുവിലായ് മൺതിട്ടയിൽ ചുറ്റുമതിലോട് കൂടി കാണപ്പെടുന്ന ക്ഷേത്രമാണ്. ഈ ക്ഷേത്രത്തെ വയലിൽ തേവർ എന്നാണ് അറിയപ്പെടുന്നത്. ഈ ക്ഷേത്രത്തിലെ പ്രതിഷ്ഠ പാർത്ഥസാരഥിയാണ്. വയലിന്റെ മധ്യഭാഗത്ത് ആണ് ക്ഷേത്രം എങ്കിലും ക്ഷേത്രം ഇരിക്കുന്നിടം നല്ല കട്ടി തറയാണ്. വയലിന്റെ നടുക്കുള്ള ഈ കര ഭാഗം കൗതുകം ഉണർത്തുന്നു. ഒറ്റ നോട്ടത്തിൽ വയലിൽ സ്ഥിതി ചെയ്യുന്നുവെന്ന് തോന്നുമെങ്കിലും ചെറിയ ഒരു കര പ്രദേശത്താണ് പ്രതിഷ്ഠ നടത്തിയിരിക്കുന്നതെന്ന് കാണാം. കരപ്രദേശത്തെ പോലെ അടിയുറപ്പും ഈ സ്ഥലത്തിനുണ്ട്. ഐതിഹ്യത്തിൽ ഉള്ള മൂന്നാമത്തെ ചൊല്ല് ഏറത്ത് അമ്പലം വയലിലോ കരയിലോ എന്ന് വന്നത് ഈ തർക്കം കൊണ്ടാണ്. .
വടമൺ കാഞ്ഞിരം കൈയ്ക്കുമോ മധുരിക്കുമോ?
[തിരുത്തുക]ഏറത്തുനിന്നും ഏകദേശം 1.5 കി. മീ. കിഴക്കുമാറി വടമൺ പള്ളിക്കൂടത്തിന് 150മീ.കിഴക്കായി എലിക്കോട് കാവിനുസമീപം മണക്കാട്ട് മാധവൻപിള്ളയുടെ പുരയിടത്തിന്റെ തെക്കേ അതിരിലായി ഏറെ വർഷം പഴക്കമുള്ള ഒരു കാഞ്ഞിരമരം ഉണ്ടായിരുന്നു. ഏകദേശം50വർഷങ്ങൾക്ക്മുൻപ് നശിച്ചുപോയി. ഈ കാഞ്ഞിരമരത്തിന്റെ ഒരു ശിഖരത്തിന്റെ ഇലകൾക്ക് മധുര രസമാണ്. മറ്റിലകൾക്ക് പ്രത്യേക രസമോ കയ്പ്പോ ഇല്ല. ഈ മരം കായ്ക്കുന്നതായും പഴം ഉണ്ടായിട്ടുള്ളതായും ഇന്നേവരെ ആരും കണ്ടിട്ടുമില്ല. കാഞ്ഞിരക്കുരു ലഭിക്കാത്തതിനാൽ വടമൺ കാഞ്ഞിരം കയ്ക്കുമെന്നോ മധുരിക്കുമെന്നോ ആർക്കും പറയാനും കഴിയുന്നില്ല. ഈ ശിഖരം ഏതാണെന്ന് ഇതുവരെയും ആർക്കും മനസ്സിലാക്കാൻ കഴിഞ്ഞിട്ടില്ല. അഞ്ച് ചൊല്ലുകളിലെ നാലാമത്തെ ചൊല്ല് വടമൺ കാഞ്ഞിരം കയ്ക്കുമോ മധുരിക്കുമോ എന്നതാണ്.
കുറുമക്കാട് കുടുംബം ഇല്ലമോ സ്വരൂപമോ?
[തിരുത്തുക]ഏറം ഭാഗത്ത് സ്ഥിതി ചെയ്യുന്ന കുറുമക്കാട്ടു കുടുംബക്കാരുടെ യഥാർത്ഥ ജാതി എന്തെന്നറിയാൻ തെളിവുകളില്ല. വളരെ പുരാതന കുടുംബമായതു കൊണ്ട് ഇല്ലക്കാരാണോ സ്വരൂപക്കാരാണോ എന്ന് തീർച്ചപ്പെടുത്തുവാൻ കഴിയുന്നില്ല. സ്ഥലനാമം ഉത്ഭവിച്ചു എന്ന് കരുതുന്ന അഞ്ചു ചൊല്ലുകളിൽ അഞ്ചാമത്തെ ചൊല്ല് കുറുമാക്കാട്ടു കുടുംബവും ആയി ബന്ധത്തപ്പെട്ടത് ആണ്.
സ്ഥലനാമത്തിന്റെ ആവിർഭാവവും ആയി ബന്ധപ്പെട്ട മറ്റൊരു നിരീക്ഷണം അഞ്ചു ആൽ മരങ്ങൾ നിന്നിടം ലോപിച്ച് അഞ്ചൽ ആയി എന്നതാണ്. വനഭാഗവും തണൽ മരങ്ങളുടെ കുറ്റികൾ ഇപ്പോഴും ഗോചരങ്ങളും ആയതു കൊണ്ട് ഈ നിരീക്ഷണവും തള്ളിക്കളയാൻ കഴിയില്ല.
ഗതാഗതം
[തിരുത്തുക]ഏറ്റവും അടുത്തുള്ള റെയിൽവേ സ്റ്റേഷനുകൾ പുനലൂർ റെയിൽവേ സ്റ്റേഷനും കൊല്ലം ജംഗ്ഷൻ റെയിൽവേ സ്റ്റേഷനുമാണ്, യഥാക്രമം 14 കിലോമീറ്ററും 38 കിലോമീറ്ററും അകലെയാണ് സ്ഥിതി ചെയ്യുന്നത്. വിസ്തീർണ്ണം അനുസരിച്ച് കേരളത്തിലെ രണ്ടാമത്തെ വലിയ റെയിൽവേ സ്റ്റേഷനാണ് കൊല്ലം ജംഗ്ഷൻ, ഏറ്റവും പഴയതും ഇതാണ്.[7] പുനലൂർ റെയിൽവേ സ്റ്റേഷൻ അഞ്ചലിൽ നിന്ന് ഏകദേശം 11 കിലോമീറ്റർ അകലെയാണ്, നിലവിൽ കൊല്ലം, തിരുവനന്തപുരം, കോട്ടയം, എറണാകുളം, തൃശൂർ, പാലക്കാട്, നാഗർകോവിൽ, കന്യാകുമാരി, തിരുനെൽവേലി, മധുര എന്നിവയുമായി ഇത് ബന്ധിപ്പിക്കുന്നു. തിരുവനന്തപുരം നഗരത്തിലെ അഞ്ചലിൽ നിന്ന് 55 കിലോമീറ്റർ അകലെ സ്ഥിതി ചെയ്യുന്ന തിരുവനന്തപുരം അന്താരാഷ്ട്ര വിമാനത്താവളമാണ് ഏറ്റവും അടുത്തുള്ള അന്താരാഷ്ട്ര വിമാനത്താവളം. ഇത് കേരള സംസ്ഥാനത്തെ പ്രധാന അന്താരാഷ്ട്ര വിമാനത്താവളമാണ്, കൂടാതെ ദേശീയ, അന്തർദേശീയ വിമാന സർവീസുകളും വാഗ്ദാനം ചെയ്യുന്നു[8] അഞ്ചൽ ദേശീയപാത 744 നും മെയിൻ സെൻട്രൽ റോഡിനും ഇടയിലാണ് സ്ഥിതി ചെയ്യുന്നത്. മലയോര ഹൈവേയും അഞ്ചലിലൂടെ കടന്നുപോകുന്നു. പ്രദേശവാസികളുടെ ദീർഘകാല ആവശ്യമായിരുന്ന പുതിയ ബൈപാസ് 2024 മെയ് 17 മുതൽ ഗതാഗതത്തിനായി തുറന്നുകൊടുത്തു. അഞ്ചലിനും കേരളത്തിലെ മറ്റ് സ്ഥലങ്ങൾക്കുമിടയിൽ ഒന്നിലധികം ബസ് സർവീസുകളും ഉണ്ട്.
ജനസംഖ്യാശാസ്ത്രം
[തിരുത്തുക]2011 ലെ ഇന്ത്യൻ സെൻസസ് പ്രകാരം, അഞ്ചലിൽ 33,098 ജനസംഖ്യയുണ്ടായിരുന്നു, അതിൽ 15,732 പേർ പുരുഷന്മാരും 17,356 പേർ സ്ത്രീകളുമാണ്. സാക്ഷരതാ നിരക്ക് 95% ആണ്, ഇതിൽ 96.7% പുരുഷന്മാരും 93.49% സ്ത്രീകളും സാക്ഷരരാണ്.[3]മൊത്തം തൊഴിൽ ജനസംഖ്യ 11,960 ആണ്. ജോലി ചെയ്യുന്ന ജനസംഖ്യയുടെ 71% പുരുഷന്മാരും 29% സ്ത്രീകളുമാണ്. ജനസംഖ്യയുടെ 9.04% പട്ടികജാതിക്കാരും 0.25% പട്ടികവർഗക്കാരും ആണ്.[9]
അഞ്ചൽ കന്നുകാലിചന്ത
[തിരുത്തുക]രാജഭരണത്തിന്റെ തകർച്ചയ്ക്കുശേഷം അഞ്ചൽ പ്രദേശത്തിന്റെ പ്രധാന കേന്ദ്രം അഞ്ചൽ ചന്തമുക്കിലായിരുന്നു. തിരുവിതാംകൂറിലെ ഏറ്റവും പഴക്കം ചെന്നതാണ് അഞ്ചൽ കന്നുകാലിച്ചന്ത. അഞ്ചലിനെക്കുറിച്ച് പുറംനാടുകളിൽ അറിയപ്പെട്ടിരുന്നത് കന്നുകാലിച്ചന്തയുടെ പേരിലായിരുന്നു. എല്ലാ മലയാള മാസവും 15-നും 30-നും ആണ് കന്നുകാലിച്ചന്ത കൂടുന്നത്. തമിഴ്നാട്ടിലെ മധുര, കടമല, മാനാപുരം, പുളിയറ തുടങ്ങിയ പ്രദേശങ്ങളിൽ നിന്നും ധാരാളം ആളുകൾ ഇവിടെ കന്നുകാലികളെ കച്ചവടത്തിന് കോണ്ടു വന്നിരുന്നു. ഇന്നത്തെ പഞ്ചായത്ത് പ്രൈവറ്റ് ബസ്റ്റാന്റ് മൈതാനത്തിലായിരുന്നു അന്നു കന്നുകാലിച്ചന്ത നടത്തിയിരുന്നത്.
അഞ്ചൽ സഹകരണസംഘം
[തിരുത്തുക]കൊല്ലവർഷം 1123 മേടം 17 ൽ ആണ് അഞ്ചലിൽ ആദ്യമായി ഒരു സഹകരണസംഘം ആരംഭിച്ചത്.ഈ പദ്ധതിയുടെ പ്രവർത്തനം തുടങ്ങിയത് വിവിധോദ്ദേശ സഹകരണ സംഘം എന്ന പേരിലാണ്.കർഷകരെ സഹായിക്കുക,നെയ്ത്തുകാരെ പ്രോത്സാഹിപ്പിക്കുക എന്നിവയൊക്കെയായിരുന്നു അക്കാലത്തെ പദ്ധതിയുടെ പ്രധാന ഉദ്ദേശങ്ങൾ.ഈ കാലത്ത് അഞ്ചൽ ആർ.ഒ.ജംഗ്ഷനിൽ ഒരു കപ്പ ഉൽപ്പാദക ക്രയവിക്രയക സംഘം വി.വി.തോമസിന്റെ നേതൃത്വത്തിൽ പ്രവർത്തിച്ചിരുന്നു.ഈ രണ്ട് സംഘങ്ങളും 1957ൽ ഒന്നായി.ഫെഡറൽ ബാങ്കിന്റ ശാഖ 1968 മെയ്20 ൽ കോളേജ് ജംഗ്ഷനിൽ സ്ഥാപിതമായി.അഞ്ചലിലെ ആദ്യത്തെ ബാങ്ക് ഇതായിരുന്നു.അഞ്ചലിലെ പഴയകാല സർക്കാർ ആഫീസുകൾ അഞ്ചൽ മാർക്കറ്റ് ജംഗ്ഷൻ കേന്ദ്രീകരിച്ചായിരുന്നു പ്രവർത്തിച്ചിരുന്നത്.
പ്രധാന ക്ഷേത്രങ്ങൾ
[തിരുത്തുക]അഞ്ചൽ തഴമേൽ ശ്രീ ആയിരവില്ലി ക്ഷേത്രം,അഗസ്ത്യക്കോട് ക്ഷേത്രം, പനയഞ്ചേരി ശ്രീധർമ്മ ശാസ്താ ക്ഷേത്രം, കളരിയിൽ ഭഗവതീക്ഷേത്രം, ഏറം ഉള്ളന്നൂർതേവർ കാവ് ഏറം ശ്രീകൃഷ്ണസ്വാമി ക്ഷേത്രം,ഏറം കൊല്ലിയിൽ ദേവി ക്ഷേത്രം, ചോരനാട് മലവട്ടം പ്ലാവറക്കോണം ശ്രീ ഭദ്രാ മഹാവിഷ്ണു ക്ഷേത്രം,വടമൺ ശ്രീകൃഷ്ണസ്വാമി ക്ഷേത്രം, വടമൺ ഏലിക്കോട്ട് അപ്പൂപ്പൻ നാഗരാജകാവ് അലയമൺ ശ്രീ ആലപ്പൻ ക്ഷേത്രം തുടങ്ങിയവ. കടക്കൽ ദേവീക്ഷേത്രത്തിൽ നിന്നും 12 വർഷം കൂടുമ്പോൾ ദേവിയുടെ തിരുമുടി എഴുന്നള്ളത്ത് സഹോദരിക്ഷേത്രമായ കളരിയിൽ ഭഗവതിക്ഷേത്രത്തിൽ എത്തുകയും അവിടെ നിന്നും ഏറം ശ്രീകൃഷ്ണസ്വാമിക്ഷേത്രം, പനയഞ്ചേരി ശ്രീ ധർമശാസ്താക്ഷേത്രം വരെ എത്തി, ഇറക്കിപൂജ നടത്തുകയും, തിരികെ കടക്കൽ എത്തുകയും ചെയ്യുന്നു. പനയഞ്ചേരി ശ്രീ ധർമ്മ ശാസ്താ ക്ഷേത്രത്തിൽ കൊട്ടാരക്കര തമ്പുരാന്റെ വാളും പരിചയും സൂക്ഷിക്കുന്നു. കൊട്ടാരക്കര തമ്പുരാൻ പണികഴിപ്പിച്ചതാണ് ഈ ക്ഷേത്രം. എല്ലാ ഉത്സവ സമയത്തും തിരുനാളിന്റെ അന്ന് ഈ വാളും പരിചയും പുറത്തെഴുന്നള്ളിക്കാറുണ്ട്.
അഞ്ചലിലെ പ്രധാന ക്ഷേത്രങ്ങൾ താഴെ കൊടുത്തിരിക്കുന്നവയാണ്
- അലംകോട് ശ്രീകൃഷ്ണസ്വാമി ക്ഷേത്രം
- ഇടമുളയ്ക്ക്ൽ ശ്രീ നാഗരാജ ക്ഷേത്രം
- പനയൻചേരി അയ്യപ്പ ക്ഷേത്രം
- അഗസ്ത്യക്കോട് മഹാദേവർ ക്ഷേത്രം
- മഹാ ഗണപതി ക്ഷേത്രം
- ശ്രീ സുബ്രമണ്യ സ്വാമി ക്ഷേത്രം
- കളരി ദേവി ക്ഷേത്രം
- ഏറം ശ്രീകൃഷ്ണസ്വാമി ക്ഷേത്രം
- ഏറം കൊല്ലിയിൽ ദേവി ക്ഷേത്രം
- നെട്ടയം ശ്രീ നാരായണ ഗുരു മന്ദിരം, സുബ്രഹ്മണ്യ സ്വാമി ക്ഷേത്രം|2=പ്രധാന ക്ഷേത്രങ്ങളുടെ പട്ടിക|bg=#F0F2F5}}
ഉത്സവങ്ങൾ
[തിരുത്തുക]അഞ്ചലിൽ പ്രധാനമായും പഞ്ചായത്തിന്റ വകയായി എല്ലാവർഷവും മരമടിമഹോത്സവം നടത്തിവരുന്നു. അതുപോലേതന്നെ പ്രശസ്തമായ മാമ്പഴ മഹോത്സവം ഇവിടെയാണ് നടക്കുന്നത്.എല്ലാ വർഷവും മീനത്തിലെ ഉത്രാടം നാൾ അലയമൺ ശ്രീ ആലപ്പൻ ക്ഷേത്രത്തിലെ ഉത്സവം അഞ്ചൽ പൂരമായി ആഘോഷിക്കുന്നു.പണ്ട് വനമായിരുന്ന പ്രദേശത്തു ഇപ്പോൾ ഉത്സവം ധാരാളം നടക്കുന്നുണ്ട്.
ശ്രദ്ധേയരായ വ്യക്തികൾ
[തിരുത്തുക]- രാജീവ് അഞ്ചൽ - മലയാള ഭാഷാ സിനിമയിൽ പ്രവർത്തിക്കുന്ന ഒരു ചലച്ചിത്ര സംവിധായകൻ, തിരക്കഥാകൃത്ത്, ശിൽപി
- ബി. കെമാൽ പാഷ - കേരള ഹൈക്കോടതിയിൽ നിന്ന് വിരമിച്ച ജഡ്ജി[10]
- റെസുൽ പൂക്കുട്ടി - അക്കാദമി അവാർഡ് ജേതാവായ സൗണ്ട് എഞ്ചിനീയർ
- കെ. രാജു കേരളത്തിലെ മുൻ വനം, വന്യജീവി മന്ത്രി
ഭൂമിശാസ്ത്രം
[തിരുത്തുക]- അക്ഷാംശം = 8.9000 ഡിഗ്രി, *രേഖാംശം = 76.9000 ഡിഗ്രി.
- സമുദ്രനിരപ്പിൽ നിന്ന് 68 മീറ്റർ ആണ് അഞ്ചലിന്റെ ശരാശരി ഉയരം.
- ഏറ്റവും അടുത്തുള്ള വിമാനത്താവളം തിരുവനന്തപുരം അന്താരാഷ്ട്ര വിമാനത്താവളം ആണ്. അടുത്തുള്ള പ്രധാന റയിൽവേ സ്റ്റേഷൻ കൊല്ലം റെയിൽവേ സ്റ്റേഷൻ.
- അഞ്ചലിന് അടുത്തുള്ള ചില പ്രധാന സ്ഥലങ്ങൾ പുനലൂർ, കൊട്ടാരക്കര, കുളത്തൂപ്പുഴ, കടയ്ക്കൽ ആയൂർ എന്നിവയാണ്.
- അഞ്ചലിന് അടുത്തുള്ള പ്രശസ്ത വിനോദസഞ്ചാര സ്ഥലങ്ങൾ ആണ് തെന്മല,കോട്ടുക്കൽ ഗുഹാക്ഷേത്രം, കുടുക്കത്തുപാറ, ചടയമംഗലം ഇക്കോ ടൂറിസം, (10 കിലോമീറ്റർ അകലെ )പാലരുവി വെള്ളച്ചാട്ടം (45 കിലോമീറ്റർ അകലെ) എന്നിവ. തെന്മല പരിസ്ഥിതി-വിനോദസഞ്ചാര കേന്ദ്രം 28 കിലോമീറ്റർ അകലെയാണ്.
- കോന്നി ഇക്കോ ടൂറിസം ആന സവാരി കേന്ദ്രം,കൂട്ടികളൂടെ പാർക്ക്. (SH-80) സംസ്ഥാന പാത-കോന്നി -ഹരിപ്പാട് റോഡ് സൈഡിൽ വലത്തു ഭാഗത്തായി കോന്നി താലൂക്ക് ഹോസ്പിറ്റലിന് അരികിലായി കാണാം
- കോന്നി ആന മൂസിയം കോന്നി പട്ടണത്തിൽ നിന്ന് (01 .കിലോമീർ) അകലെയും അഞ്ചലിൽ നിന്ന് (43 കിലോമീറ്റർ) അകലെയാണ്.
പ്രശസ്ത വ്യക്തികൾ
[തിരുത്തുക]- കെ. ജി. നാരായണൻ
- അഞ്ചൽ ആർ. വേലുപ്പിള്ള
- കടയാറ്റുണ്ണിത്താൻ
- എച്ച്.പി. വാറൻസ്
- പനയഞ്ചേരി മാധവൻ നായർ
- മധുര രാമസ്വാമി
- അഞ്ചലച്ചൻ
- റസൂൽ പൂക്കുട്ടി
- രാജീവ് അഞ്ചൽ
- ജസ്റ്റിസ് കമാൽ പാഷ
- വിഷ്ണുദേവ്. വി
- ജ്യോതികുമാർ
- അഡ്വ.ഭരത് കോട്ടുക്കൽ
അവലംബങ്ങൾ
[തിരുത്തുക]
- ↑ "The Kerala Official Language (Legislation) Act, 1969" (PDF). Archived from the original on 11 September 2014.
- ↑ Bhaskaran, P Bhaskaran. Kollam: A Historic Perspective.
- 1 2 "Anchal Population - Kollam, Kerala". Census2011.co.in. Retrieved 8 September 2018.
- ↑ "Anchal, Anchal Panchayat, Kollam District, Kerala, India". Kerala Tourism (in ഇംഗ്ലീഷ്). Retrieved 2026-08-05.
- ↑ "Anchal". maps.apple.com (in അമേരിക്കൻ ഇംഗ്ലീഷ്). Retrieved 2026-08-05.
- 1 2 അഞ്ചൽ ഗ്രാമപഞ്ചായത്ത് (Anchal Grama Panchayat) » ചരിത്രം Archived 25 ഏപ്രിൽ 2013 at the Wayback Machine. Lsgkerala.in
- ↑ "RAIL NEWS CENTER: At a glance: Longest railway platforms in India". Archived from the original on 2015-02-25. Retrieved 2015-02-25.
- ↑ "Trivandrum Airport, International Airport Trivandrum, Thiruvananthapuram International Airport, Thiruvananthapuram Airport, kerala, india". Archived from the original on 13 മേയ് 2016. Retrieved 25 മേയ് 2016.
- ↑ "Anchal Village Population - Pathanapuram - Kollam, Kerala".
- ↑ വെബ്സൈറ്റ് കേരള ഹൈക്കോടതി