കാസർഗോഡ് ജില്ല

കാസർഗോഡ് ജില്ല
അപരനാമം: കാസ്രോട്

12°30′N 75°00′E / 12.5°N 75.0°E / 12.5; 75.0
{{{ബാഹ്യ ഭൂപടം}}}
ഭൂമിശാസ്ത്ര പ്രാധാന്യം	ജില്ല
രാജ്യം	ഇന്ത്യ
സംസ്ഥാനം	കേരളം
ആസ്ഥാനം	കാസർഗോഡ്
ഭരണസ്ഥാപനങ്ങൾ	ജില്ലാ പഞ്ചായത്ത്‌ ജില്ലാ കളക്ട്രേറ്റ്‌
ജില്ലാ പഞ്ചായത്ത്‌ പ്രസിഡൻറ് ജില്ലാ കളക്ടർ	എ.ജി.സി.ബഷീർ^[1] ഡോ. ഡി സജിത്ത് ബാബു^[2]
വിസ്തീർണ്ണം	1992 ^[3]ചതുരശ്ര കിലോമീറ്റർ
ജനസംഖ്യ (2011) പുരുഷൻ‌മാർ സ്ത്രീകൾ സ്ത്രീ പുരുഷ അനുപാതം	13,02,600 ^[4] 6,26,617^[4] 6,75,983^[4] 1079
ജനസാന്ദ്രത	654/ച.കി.മീ
സാക്ഷരത	89.85^[5] %
കോഡുകൾ • തപാൽ • ടെലിഫോൺ	671xxx +91-499 & 467
സമയമേഖല	UTC +5:30
പ്രധാന ആകർഷണങ്ങൾ
വെബ്‌സൈറ്റ്	https://kasargod.gov.in

ഇതേ പേരിലുള്ള നഗരത്തിന്, ദയവായി കാസർഗോഡ് കാണുക.

കേരളത്തിന്റെ ഏറ്റവും വടക്കു ഭാഗത്തുള്ള ജില്ലയാണ് കാസർഗോഡ്‌ ജില്ല അഥവാ കാഞ്ഞിരക്കോട് ജില്ല. ആസ്ഥാനം കാസർഗോഡ്. 1984 മെയ്‌ 24-നാണ്‌ ഈ ജില്ല രൂപീകൃതമായത്‌. അതിനുമുമ്പ്‌ ഈ ഭൂവിഭാഗം കണ്ണൂർ ജില്ലയുടെ ഭാഗമായിരുന്നു. മഞ്ചേശ്വരം, കാസർഗോഡ്, ഹോസ്ദുർഗ്, വെള്ളരികുണ്ട് എന്നീ 4 താലൂക്കുകൾ അടങ്ങുന്നതാണ് കാസർഗോഡ് ‌ ജില്ല. കിഴക്ക്‌ പശ്ചിമ ഘട്ടം, പടിഞ്ഞാറ്‌ അറബിക്കടൽ, വടക്ക്‌ കർണ്ണാടക സംസ്ഥാനത്തിലെ ദക്ഷിണ കന്നഡ ജില്ല(ദക്ഷിണ കാനറ ജില്ല), തെക്ക്‌ കണ്ണൂർ ജില്ല എന്നിവയാണ്‌ കാസർഗോഡിന്റെ അതിർത്തികൾ. കാസർഗോഡ് ജില്ല കാസർഗോഡ് പാർലമെൻറ് മണ്ഡലത്തിൽ പെടുന്നു. മലയാളത്തിനു പുറമേ തുളു, കന്നഡ, ബ്യാരി, മറാഠി, കൊങ്കണി, ഉർദു എന്നീ ഭാഷകൾ സംസാരിക്കുന്നവരുടെ സാന്നിധ്യം ഈ ജില്ലയിലുണ്ട്‌.

പേരിനു പിന്നിൽ[തിരുത്തുക]

കാഞ്ഞിരക്കൂട്ടം എന്നർഥം വരുന്ന കുസിരകൂട്‌ എന്ന കന്നഡ വാക്കിൽനിന്നാണ്‌ കാസറഗോഡ് എന്ന പേരു ലഭിച്ചതെന്നു കരുതുന്നു.മലയാളികളും അതിനു സമാനമായ കാഞ്ഞിരോട് എന്ന പേരിൽ കാസറഗോഡിനെ വിളിച്ചിരുന്നതായി പഴമക്കാരിൽ നിന്നും മനസ്സിലാക്കാം.
സംസ്കൃതപദങ്ങളായ കാസാര- (കുളം, തടാകം ),ക്രോദ(kroda, നിധി സൂക്ഷിച്ചിരിക്കുന്ന സ്ഥലം) എന്നീ വാക്കുകളിൽനിന്നാണ് ഈ പേരു വന്നതെന്നും വാദമുണ്ട്‌ ^[6]

ഭാഷകൾ[തിരുത്തുക]

ഒരു ബഹുഭാഷാപ്രദേശമാണ് കാസറഗോഡ്. ഇവിടെയുള്ളവർ ഏഴിൽക്കൂടുതൽ വ്യത്യസ്ത ഭാഷകൾ സംസാരിക്കുന്നു. മലയാളം ഔദ്യോഗികഭാഷയായി ഉപയോഗിക്കുന്നുണ്ടെങ്കിലും കന്നഡ, തുളു, കൊങ്കണി, ബ്യാരി, മറാഠി, കൊറഗഭാഷ, ഉർദു എന്നീ ഭാഷകളും സംസാരിക്കുന്നു. മലയാളഭാഷയുടെ കാസറഗോഡ് വകഭേദം തനിമയുള്ളതാണ്. കാസർഗോഡ്‌ ഭാഷാ മലയാളത്തിൽ കന്നഡ, ഉർദു, തുളു എന്നീ ഭാഷകളുടെ സ്വാധീനം കാണാം.

ചരിത്രം[തിരുത്തുക]

ഒൻപതാം നൂറ്റാണ്ടിനും പതിനാലാം നൂറ്റാണ്ടിനും ഇടയിൽ ഇവിടെ സന്ദർശിച്ച അറബികൾ ഹർക്‌വില്ലിയ(Harkwillia)എന്നാണ്‌ ഈ പ്രദേശത്തെ വിളിച്ചിരുന്നത്. 1514-ൽ കുംബള സന്ദർശിച്ച പോർത്തുഗീസ് വ്യാപാരിയും കപ്പൽ സഞ്ചാരസാഹിത്യകാരനുമായിരുന്ന ബാർബോസ, ഇവിടെനിന്നും മാലദ്വീപിലേക്ക് ഇവിടെനിന്നും അരി കയറ്റിയയച്ചിരുന്നതായി രേഖപ്പെടുത്തിയിട്ടുണ്ട്‌. 1800-ൽ മലബാർ സന്ദർശിച്ച ഫ്രാൻസിസ് ബുക്കാനൻ, അത്തിപ്പറമ്പ്, കവ്വായി, നീലേശ്വരം, ബേക്കൽ, ചന്ദ്രഗിരി , മഞ്ചേശ്വരം എന്നീ സ്ഥലങ്ങളെകുറിച്ച് തന്റെ സഞ്ചാരക്കുറിപ്പുകളിൽ രേഖപ്പെടുത്തിയിട്ടുണ്ട്. വിജയനഗരസാമ്രാജ്യം കാസറഗോഡ് ആക്രമിച്ചപ്പോൾ ഇവിടെ നീലേശ്വരം ആസ്ഥാനമാക്കിയുള്ള കോലത്തിരി രാജവംശത്തിന്റെ ഭരണമായിരുന്നു.[[ അള്ളടസ്വരൂപം എന്നായിരുന്നു നീലേശ്വരം രാജ്യത്തിന്റെ പേര്. കിനാവൂര് കോവിലകം ,അള്ളട സ്വരൂപത്തിന്റെ പ്രാധാന ഭാഗമായിരുന്നു. 64 ഗ്രാമങ്ങളിൽ പെട്ട കരിന്താലം ഗ്രാമം കിണാവൂർ ഗ്രാമത്തിന്റെ ഭാഗമാണ്. അവിടെയുള്ള ഏറ്റവും പ്രാചീനമായ ക്ഷേത്രമാണ് കിനാവൂർ മോ ലോം]], വിജയനഗരസാമ്രാജ്യത്തിന്റെ പതനകാലത്ത് ഇക്കേരി നായ്‌ക്കൻ‌മാരായിരുന്നു ഭരണകാര്യങ്ങൾ നടത്തിയിരുന്നത്, വെങ്കപ്പ നായകിന്റെ കാലത്ത് ഇക്കേരി വിജയനഗരസാമ്രാജ്യത്തിൽനിന്നും സ്വതന്ത്രമായി . കുംബള, ചന്ദ്രഗിരി, ബേക്കൽ എന്നീ കോട്ടകൾ ശിവപ്പ നായ്ക്നിർമ്മിച്ചതാണെന്നു കരുതപ്പെടുന്നു.1763-ൽ ഹൈദർ അലി ഇക്കേരി നായ്‌ക്കൻ‌മാരുടെ ആസ്ഥാനമായിരുന്ന ബീദനൂർ ആക്രമിച്ചു കീഴടക്കി. പിന്നീട് ടിപ്പു സുൽത്താൻ മലബാർ മുഴുവൻ കീഴടക്കി. 1792-ലെ ശ്രീരംഗപട്ടണം ഉടമ്പടി അനുസരിച്ച് തുളുനാട് ഒഴികെയുള്ള പ്രദേശങ്ങൾ ബ്രിട്ടീഷുകാർ കൈക്കലാക്കി, ടിപ്പുവിന്റെ മരണാനന്തരം തുളുനാടും ബ്രിട്ടീഷുകാരുടെ ഭരണത്തികീഴിലായി.^[7] 1956 നവംബർ ഒന്നിന് സംസ്ഥാന പുനർവ്യവസ്ഥാ നിയമം അനുസരിച്ച്, തിരുവിതാംകൂർ-കൊച്ചിയിലേക്ക് മലബാർ ജില്ലയും ദക്ഷിണ കന്നഡയിലെ കാസർഗോഡ് താലൂക്കും വിലയനം ചെയ്തുകൊണ്ട് കേരള സംസ്ഥാനം നിലവിൽ വന്നു.^[8]

വിദ്യാഭ്യാസ ഗവേഷണ സ്ഥാപനങ്ങൾ[തിരുത്തുക]

കേന്ദ്ര തോട്ടവിള ഗവേഷണ കേന്ദ്രം, കാസർഗോഡ്
കേരള കേന്ദ്ര സർവ്വകലാശാല,കാസറഗോഡ്
ഗവണ്മെന്റ് കോളേജ്, കാസർഗോഡ്
ഗവണ്മെന്റ് കോളേജ്, മഞ്ചേശ്വരം
കേന്ദ്ര സർവ്വകലാശാല
നെഹ്രു ആർട്സ് ആന്റ് സയൻസ് കോളേജ്, കാഞ്ഞങ്ങാട്, പടന്നക്കാട്
ഗവൺമെന്റ് കോളേജ്, ഉദുമ
ജില്ലാ വിദ്യാഭ്യാസ പരിശീലന കേന്ദ്രം (ഡയറ്റ്) മായിപ്പാടി, കാസർഗോഡ്.
ഗവണ്മെന്റ് കോളേജ്, എളേരിത്തട്ട്, കാസർഗോഡ്.
ആലിയാ അറബിക് കോളേജ്, പരവനടുക്കം, ചെമ്മനാട്, കാസർഗോഡ്.
കോളേജ് ഓഫ് എൻജിനീയറിങ് തൃക്കരിപ്പൂർ
എൽ ബി എസ എൻജിനീയറിങ് കോളേജ്, പൊവ്വൽ
സ്വാമി നിത്യാനന്ദ പോളിടെക്‌നിക്‌ , കാഞ്ഞങ്ങാട്
ഖന്സാ വിമൻസ് കോളേജ് ഫോർ അഡ്വാൻസ്ഡ് സ്റ്റഡീസ് , കാസർഗോഡ്
ജാമിഅഃ സഅദിയ ആർട്സ് ആൻഡ് സയൻസ് കോളേജ്, കാസർഗോഡ്
ഷറഫ് ആർട്സ് ആൻഡ് സയൻസ് കോളേജ് പടന്ന
ഐ ടി എഡ്യൂക്കേഷൻ സെന്റർ , വിദ്യാനഗർ, കാസർഗോഡ്
ഐ ടി എഡ്യൂക്കേഷൻ സെന്റർ , നീലേശ്വരം
സൈനബ് മെമ്മോറിയ ബി എഡ്‌കോളേജ് ചെർക്കള, കാസർഗോഡ്

കാസർഗോഡു ജില്ലയിലെ പ്രധാന സ്ഥലങ്ങൾ[തിരുത്തുക]

കോട്ടകൾ[തിരുത്തുക]

ചെറുതും വലുതുമായ നിരവധി കോട്ടകൾ കാസറഗോഡ് ജില്ലയുടെ പ്രത്യേകതയാണ്‌. ബേക്കൽ, ചന്ദ്രഗിരി, ഹോസ്‌ദുർഗ്, കുമ്പള, പനയാൽ, കുണ്ടങ്കുഴി, ബന്തഡുക്ക തുടങ്ങിയ സ്ഥലങ്ങളിലുള്ള കോട്ടകൾ ഈ പ്രദേശത്തിന്റെ ചരിത്രപരമായ പ്രാധാന്യത്തെ കാണിക്കുന്നു.

നദികൾ[തിരുത്തുക]

കേരളത്തിലെ ജില്ലകളിൽ ഏറ്റവും കൂടുതൽ എണ്ണം നദികൾ കാസറഗോഡാണുള്ളത്. കൂർഗിലെ പട്ടിമലയിൽ നിന്നും ആരംഭിച്ച് തളങ്കരയിൽ വെച്ച് സമുദ്രത്തോടു ചേരുന്ന 105 കിലോമീറ്റർ നീളമുള്ള ചന്ദ്രഗിരിപ്പുഴ (പയസ്വിനി) യടക്കം പന്ത്രണ്ട് നദികൾ കാസറഗോഡ് ജില്ലയിലുണ്ട്. മൗര്യ സാമ്ര്യാജ്യത്തിന്റെ അധിപതിയായിരുന്ന ചന്ദ്രഗുപ്ത മൗര്യൻ കൊട്ടാരം വിട്ട് ജൈനസന്യാസിയായി തന്റെ അവസാന നാളുകൾ ചെലവഴിച്ചിരുന്നത് ഈ പ്രദേശത്തായിരുന്നു എന്നു വിശ്വസിക്കപ്പെടുന്നു. അതിൽ നിന്നുമാണ്‌ ചന്ദ്രഗിരിപ്പുഴയ്‌ക്ക് ആ പേരു കിട്ടിയതെന്നു വിശ്വസിക്കുന്നു. 64 കിലോമീറ്റർ നീളമുള്ള കാര്യങ്കോട് പുഴയാണ്‌ നീളത്തിന്റെ കാര്യത്തിൽ രണ്ടാം സ്ഥാനത്തു നിൽക്കുന്നത്. കാര്യങ്കോടുപുഴയെ തേജസ്വിനി പുഴ എന്നും വിളിക്കുന്നു. കാക്കടവ് എന്ന സ്ഥലത്ത് സ്ഥാപിച്ചിട്ടുള്ള ഡാം ഈ പുഴയ്‌ക്കു കുറുകേയാണ്‌. മറ്റുള്ള പുഴകൾ യഥാക്രമം ഷിറിയ പുഴ (61 കിലോമീറ്റർ), ഉപ്പള പുഴ (50 കിലോമീറ്റർ), മൊഗ്രാൽ പുഴ(34 കിലോമീറ്റർ), ചിത്താരിപ്പുഴ(25 കിലോമീറ്റർ), നീലേശ്വരം പുഴ (47 കിലോമീറ്റർ), കവ്വായിപ്പുഴ(23 കിലോമീറ്റർ), മഞ്ചേശ്വരം പുഴ(16 കിലോമീറ്റർ), കുമ്പള പുഴ(11 കിലോമീറ്റർ), ബേക്കൽ‌ പുഴ(11 കിലോമീറ്റർ) കളനാട് പുഴ(8 കിലോമീറ്റർ).

സന്ധ്യാരാഗം ഓഡിറ്റോറിയം കാസർക്കോട്

ഇംഗ്ലീഷ് വിലാസം

https://ml.wikipedia.org/wiki/Kasargod_district

ഗതാഗതം[തിരുത്തുക]

ദേശീയപാത 66 കാസർഗോഡ് ജില്ലയിലൂടെ കടന്നുപോകുന്നു. പനവേൽ എന്ന സ്ഥലത്താണ് ഈ പാത അവസാനിക്കുന്നത്.

പഞ്ചായത്തുകളും മുനിസിപാലിറ്റികളും[തിരുത്തുക]

ജില്ലയിൽ മൂന്ന് മുനിസിപാലിറ്റികളും 38 പഞ്ചായത്തുകളും ഉണ്ട്. അവ യഥാക്രമം താഴെ കൊടുത്തിരിക്കുന്നു.

മുനിസിപ്പാലിറ്റികളും പഞ്ചായത്തുകളും

	പേര്		പേര്		പേര്		പേര്	പേര്
1	മഞ്ചേശ്വരം	11	ബദിയഡുക്ക	21	പള്ളിക്കര	31	കിനനൂർ - കരിന്തളം	41	തൃക്കരിപ്പൂർ
2	വോർ‌ക്കാഡി	12	കുമ്പഡാജെ	22	ബേഡഡുക്ക	32	ബളാൽ
3	മീഞ്ച	13	ബേലൂർ	23	കുറ്റിക്കോൽ	33	നിലേശ്വരം മുനിസിപാലിറ്റി
4	മംഗൽപാടി	14	കാസറഗോഡ് മുനിസിപാലിറ്റി	24	അജാനൂർ	34	കയ്യൂർ - ചീമേനി
5	പൈവളികെ	15	ചെങ്കള	25	പുല്ലൂർ - പെരിയ	35	വെസ്റ്റ് എളേരി
6	കുമ്പള	16	കാറഡുക്ക	26	കോടോം - ബേളൂർ	36	ഈസ്റ്റ് എളേരി
7	പുത്തിഗെ	17	ചെമ്മനാട്	27	കള്ളാർ	37	ചെറുവത്തൂർ
8	എൻ‌മകജെ	18	മുളിയാർ	28	പനത്തടി	38	വലിയപറമ്പ
9	മൊഗ്രാൽ - പുത്തൂർ	19	ദേലംപാടി	29	കാഞ്ഞങ്ങാട് മുനിസിപ്പാലിറ്റി	39	പടന്ന
10	മധൂർ	20	ഉദുമ	30	മടിക്കൈ	40	പിലിക്കോട്

നിയമസഭാമണ്ഡലങ്ങൾ[തിരുത്തുക]

വിനോദസഞ്ചാരകേന്ദ്രങ്ങൾ[തിരുത്തുക]

കോട്ടപ്പുറം
ബേക്കൽ കോട്ട
നിത്യാനന്ദാശ്രമം
ചന്ദ്രഗിരി കോട്ട
ആനന്ദാശ്രമം
റാണിപുരം
കോട്ടഞ്ചേരി മലനിരകൾ
ആനക്കല്ല് വെള്ളച്ചാട്ടം
എടക്കാനം വെളളച്ചാട്ടം
വലിയ പറമ്പ ( ഇടയിലക്കാട്)
പൊസാടി ഗുംപെ
മാലിക് ദിനാർ പള്ളി തളങ്കര
മധൂർ ക്ഷേത്രം
ചെമ്പരിക്ക ബീച്ച്
പള്ളിക്കര ബീച്ച്
തേൻവാരിക്കല്ല് വെള്ളച്ചാട്ടം
അനന്തപുര തടാക ക്ഷേത്രം
അഴിത്തല ബീച്ച്

ചിത്രങ്ങൾ[തിരുത്തുക]

കാസർക്കോട് പട്ടണം 2009ലെ ചിത്രം
മാലിക്ദീനാർ പള്ളി ഇന്ത്യയിലെ ഏറ്റവും പഴക്കം ചെന്ന പള്ളികളിൽ ഒന്ന്
തെയ്യം
ചന്ദ്രിഗിരി കോട്ട
ബേക്കൽ കോട്ട
ആലിയ അറബിക് കോളേജ്
റാണിപുരം / മാടത്തുമല
സന്ധ്യാരാഗം ഓപ്പൺ എയർ തീയേറ്റർ പുലിക്കുന്ന്
ഗവൺമെറ്റൻ കോളേജ് കാസർക്കോട്
ആലിയ മസ്ജിദ്
ബേക്കൽ കോട്ട
കാഞ്ഞങ്ങാട്
നെഹ്റു കോളേജ് പടന്നക്കാട്. കാഞ്ഞങ്ങാട്

കൂടുതൽ വിവരങ്ങൾക്ക്[തിരുത്തുക]

അവലംബം[തിരുത്തുക]

http://www.kasargod.nic.in/

കാസർഗോഡ് ജില്ലയുടെ ഭൂമിശാസ്ത്രവുമായി ബന്ധപ്പെട്ട ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക.

[1] ttps://web.lsgkerala.gov.in/reports/lbMembers.php?lbid=166

[2] ttps://kasargod.gov.in/district-collector

[ksd-3] കേരള ഔദ്യോഗിക വെബ്സൈറ്റ്

[census-4] 4.0 ^4.1 ^4.2 2011 ഇന്ത്യ സെൻസസ് വെബ്സൈറ്റ്

[5] ttp://www.mapsofindia.com/census2011/kerala-sex-ratio.html

[6] ttp://www.kasargod.nic.in/profile/legndfact.htm

[7] ttp://www.kasargod.nic.in/profile/history.htm

[Plunkett-8] Plunkett, Cannon & Harding 2001, p. 24

[1]

[2]

[3]

[4]

[5]

[6]

[7]

[8]

	Dakshina Kannada district, Karnataka	Dakshina Kannada district, Karnataka
Lakshadweep Sea		Dakshina Kannada & Coorg districts of Karnataka
	KASARAGOD DISTRICT OF KERALA

	Kannur district	Coorg district, Karnataka

കാ സം തി കാസർഗോഡ് ജില്ലയിലെ നഗരങ്ങളും പട്ടണങ്ങളും
ജില്ലാ കേന്ദ്രം: കാസർഗോഡ്
നഗരസഭകൾ	കാഞ്ഞങ്ങാട് · കാസർഗോഡ് · നീലേശ്വരം
താലൂക്കുകൾ	കാസർഗോഡ് താലൂക്ക് · ഹോസ്ദുർഗ് താലൂക്ക് · വെള്ളരിക്കുണ്ട് താലൂക്ക് · മഞ്ചേശ്വരം താലൂക്ക്
ബ്ലോക്ക് പഞ്ചായത്തുകൾ	കാഞ്ഞങ്ങാട് ബ്ലോക്ക് പഞ്ചായത്ത് · കാസർഗോഡ് ബ്ലോക്ക് പഞ്ചായത്ത് · നീലേശ്വരം ബ്ലോക്ക് പഞ്ചായത്ത് · മഞ്ചേശ്വരം ബ്ലോക്ക് പഞ്ചായത്ത്
നിയമസഭാമണ്ഡലങ്ങൾ	മഞ്ചേശ്വരം നിയമസഭാമണ്ഡലം · കാസർഗോഡ് നിയമസഭാമണ്ഡലം · ഉദുമ നിയമസഭാമണ്ഡലം · കാഞ്ഞങ്ങാട് നിയമസഭാമണ്ഡലം · തൃക്കരിപ്പൂർ നിയമസഭാമണ്ഡലം
ഗ്രാമപഞ്ചായത്തുകൾ	അജാനൂർ · ഈസ്റ്റ് എളേരി · ഉദുമ · എൻമകജെ · കയ്യൂർ ചീമേനി · കള്ളാർ · കാറഡുക്ക · കിനാനൂർ-കരിന്തളം · കുംബഡാജെ · കുമ്പള · കുറ്റിക്കോൽ · കോടോം-ബേളൂർ · ചെങ്കള · ചെമ്മനാട് · ചെറുവത്തൂർ · തൃക്കരിപ്പൂർ · ദേലംപാടി · പടന്ന · പനത്തടി · പള്ളിക്കര · പീലിക്കോട് · പുത്തിഗെ · പുല്ലൂർ-പെരിയ · പൈവളികെ · ബദിയഡുക്ക · ബളാൽ · ബേഡഡുക്ക · ബേലൂർ · മംഗൽപാടി · മഞ്ചേശ്വരം · മടിക്കൈ · മധൂർ · മീഞ്ച · മുളിയാർ · മൊഗ്രാൽ പുത്തൂർ · വലിയപറമ്പ · വെസ്റ്റ് എളേരി · വോർക്കാടി
സ്ഥലങ്ങൾ	ഒടയഞ്ചാൽ · കാഞ്ഞങ്ങാട് · കാസർഗോഡ് · കുട്ലു · കുംബള · മഞ്ചേശ്വരം · ഉദുമ · നീലേശ്വരം · ചെറുവത്തൂർ · ബദിയഡുക്ക · ചെർക്കള · തലപ്പാടി · പള്ളിക്കര · ബേക്കൽ · മധൂർ · ഉപ്പള · ബോവിക്കാനം (മുളിയാർ) · ചീമേനി · അമ്പലത്തറ · ബളാൽ · കോടോം · മുള്ളേരിയ · പനത്തടി · തായന്നൂർ · എൻമകജെ · മങ്കൾപടി · മാലോം · ഹൊസബെട്ടു · മുട്ടത്തൊടി · മുന്നാട് · ദേലമ്പാടി · കിനാനൂർ · കോളിച്ചാൽ · ഇടനീർ · അച്ചാംതുരുത്തി · തൈക്കടപ്പുറം · ഇരിയ · രാജപുരം · കോട്ടപ്പുറം · പിലിക്കോട് · പാവൂർ · കൊലിയൂർ · പട്‌ല · കളിയൂർ · മീഞ്ച · പാലാവയൽ · പൈവളികെ · ഉദിനൂർ · കരിന്തളം · പെർള · മേൽപ്പറമ്പ് · മൈരെ · തളങ്കര · കൊഡലമൊഗറു · മൂഡംബയൽ · പാത്തൂർ · ഉജറുൾവാർ · കിഡൂർ · നെട്ടണിഗെ · കാളിയൂർ · അരിക്കാടി · കഡംബാർ · പുത്തിഗെ · ബൊംബ്രാണ · ബേള · നീർച്ചാൽ · കുംബഡാജെ · പഡ്റെ · കാട്ടുകുക്കെ · മുഗു · അംഗഡിമൊഗറു · ബാഡൂർ · ബായാർ · ഉബ്രംഗള · ഇച്ചിലങ്ങോട് · ചിപ്പാർ · ബഡാജെ · കയ്യാർ · മുളിയാർ · വോർക്കാടി · ആദൂർ · കാറഡുക്ക · കല്യോട്ട് · വെള്ളരിക്കുണ്ട് · കോടിബയൽ · എരുമക്കുളം · പൊയിനാച്ചി · കീകൻ · ബേഡഡുക്ക · ചെറുപനത്തടി · ആയിറ്റി · വെളളാപ്പ് · തങ്കയം · പുതുക്കൈ · ഹൊസങ്കടി · പാണത്തൂർ · ബാനം
മറ്റു ജില്ലകൾ ആലപ്പുഴ · എറണാകുളം · ഇടുക്കി · കണ്ണൂർ · കാസർഗോഡ് · കൊല്ലം · കോട്ടയം · കോഴിക്കോട് · മലപ്പുറം · പാലക്കാട് · പത്തനംതിട്ട · തിരുവനന്തപുരം · തൃശ്ശൂർ · വയനാട്