പാണത്തൂർ

പാണത്തൂർ
പട്ടണം
പാണത്തൂർ ടൗൺ
രാജ്യം	ഇന്ത്യ
സംസ്ഥാനം	കേരളം
ജില്ല	കാസർഗോഡ്
ജനസംഖ്യ
• ആകെ	12,000
ഭാഷകൾ
• ഔദ്യോഗികം	മലയാളം, ഇംഗ്ലീഷ്
സമയമേഖല	UTC+5:30 (IST)
PIN	671532
വാഹന രജിസ്ട്രേഷൻ	KL-60, KL-14 ,KL 79
അടുത്ത റയിൽവേ സ്റ്റേഷൻ	കാഞ്ഞങ്ങാട്

കേരളത്തിലെ കാസർഗോഡ് ജില്ലയിലെ, കർണ്ണാടകവുമായി അതിർത്തി പങ്കിടുന്ന ഒരു പ്രധാന മലയോര പട്ടണമാണ് പാണത്തൂർ. കശുവണ്ടി, റബ്ബർ, ഏലം, പുൽത്തൈലം, കവുങ്ങ് ,കശുമാവ് തുടങ്ങിയവ ഇവിടെ കൃഷിചെയ്യുന്നു. കുടുബൂർ പുഴ ഈ പട്ടണത്തിലുടെയാണ് ഒഴുകുന്നത്. വിനോദസഞ്ചാരകേന്ദ്രമായ റാണിപുരം, കർണാടകയിലെ കുടക് ജില്തലിയിൽ സ്ഥിതി ചെയ്യുന്ന പ്രസിദ്ധമായ തലക്കാവേരി അമ്പലവും പാണത്തൂരിനടുത്താണ് സ്ഥിതിചെയ്യുന്നത്. ഗോത്രവർഗ്ഗക്കാരും, പട്ടികജാതി വിഭാഗങ്ങളും, കുടിയേറ്റ കർഷകരും ഉൾപ്പെട്ട ജനതയാണ് ഇവിടെ വസിക്കുന്നത്.

ഗതാഗതം

കാഞ്ഞങ്ങാട് നിന്നും പാണത്തൂർ വഴി മടിക്കേരി പോകുന്ന റോഡ് വഴി മൈസൂരിലേക്കും ബാംഗ്ളൂരേക്കും എളുപ്പത്തിൽ എത്താം. പാണത്തൂരിൽ നിന്നും സുള്ള്യയിലേക്ക് പോകുന്ന റോഡ് മാർഗ്ഗവും മൈസൂരിലേക്ക് എളുപ്പത്തിൽ എത്താം. ഇവിടെ നിന്നും കാഞ്ഞങ്ങാട്, കാസർഗോഡ്,മംഗലാപുരം, മൈസൂർ,ബാംഗ്ലൂർ, കണ്ണൂർ, എറണാകുളം, കോട്ടയം, പത്തനംതിട്ട എന്നീ പട്ടണത്തിലെക്ക് ബസുകൾ ലഭിക്കുന്നതാണ്. മംഗലാപുരം-പാലക്കാട് ലൈനിൽ വരുന്ന കാഞ്ഞങ്ങാട് ആണ് എറ്റവും അടുത്തുള്ള റയിൽവേ സ്റ്റേഷൻ. എറ്റവും അടുത്തുള്ള വിമാനതാവളം മംഗലാപുരവും കണ്ണൂരും ആണ്.