വെള്ളരിക്കുണ്ട്

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
Vellarikkund
വെള്ളരിക്കുണ്ട്
പട്ടണം
രാജ്യം India
സംസ്ഥാനംകേരളം
ജില്ലകാസർഗോഡ്
ഭാഷ
 • ഔദ്യോഗികംമലയാളം, ഇംഗ്ലീഷ്, തുളു,കന്നഡ
സമയ മേഖലഔദ്യോഗിക ഇന്ത്യൻ സമയം (UTC+5:30)
PIN671533
ടെലിഫോൺ കോഡ്0467
സമീപ റയിൽവേ സ്റ്റേഷൻനീലേശ്വരം,കാഞ്ഞങ്ങാട്
ലോകസഭ മണ്ഡലംKasaragod

കേരളത്തിലെ കാസർഗോഡ് ജില്ലയിലെ ഒരു പ്രധാന മലയോര പട്ടണമാണ്‌ വെള്ളരിക്കുണ്ട്. ഒടയഞ്ചാൽ-ചെറുപുഴ റോഡിൽ ഒടയൻഞ്ചാലിനും ചിറ്റാരിക്കലിനും മിടയിൽ വെള്ളരിക്കുണ്ട് സ്ഥിതി ചെയ്യുന്നു. വെള്ളരിക്കുണ്ട് ആസ്ഥാനമായി ഈസ്റ്റ് എളേരി, വെസ്റ്റ് എളേരി, കിനാനൂർ- കരിന്തളം, കോടോം-ബേളൂർ, കള്ളാർ, പനത്തടി, ബളാൽ എന്നീ പഞ്ചായത്തുകളെ ഉൾപ്പെടുത്തി പുതിയ താലൂക്ക് രൂപീകരിച്ചിട്ടുണ്ട്. നേരത്തെ ഹോസ്ദുർഗ്ഗ് താലൂക്കിന്റെ ഭാഗമായിരുന്നു. ഈ പട്ടണം ബളാൽ പഞ്ചായത്തിലെ ഒരു പ്രധാന വാണിജ്യ കേന്ദ്രമാണ്. മലബാർ കുടിയേറ്റത്തെ തുടർന്നാണ് വെള്ളരിക്കുണ്ടും സമീപ പ്രദേശങ്ങളും ജനനിബിഢമായത്. ഭീമനടി സംരക്ഷിത വനം ഈ പട്ടണത്തിനടുത്ത് സ്ഥിതി ചെയ്യുന്നു. കാസർഗോഡ് ജില്ലയിലെ വികസിച്ചു കൊണ്ടിരിക്കുന്ന മലയോര പട്ടണങ്ങളിൽ ഒന്നാണ് വെള്ളരിക്കുണ്ട്.

പേരിനു പിന്നിലെ ചരിത്രം പഴയ കാലത്ത് വെള്ളരികൾ ധാരാളമായി വിളഞ്ഞിരുന്ന കുന്നുകൾക്കിടയിലുള്ള താഴ്ന്ന ഭൂപ്രദേശം എന്നതുകൊണ്ട് ഈ പ്രദേശം വെള്ളരിക്കുണ്ട് (കുണ്ട് - കുഴി, താഴ്ന്ന പ്രതലം എന്നർത്ഥം) എന്ന പേരിൽ അറിയപ്പെട്ടു.

സംസ്കാരം[തിരുത്തുക]

മലയാളമാണ് പ്രധാന ഭാഷയെങ്കിലും വളരെ ചെറിയ തോതിൽ തുളു, കന്നട, മറാത്ത എന്നീ ഭാഷകൾ സംസാരിക്കുന്നവരുണ്ട്. കുടിയേറ്റത്തോടെ മലബാർ-തിരുവിതാംകൂർ സങ്കലനവും സാംസ്കാരിക രംഗത്തുണ്ടായി. ചില ആചാരാനുഷ്ഠാനങ്ങളിലും ഭക്ഷണക്രമങ്ങളിലും കർണ്ണാടക സ്വാധീനമുണ്ട്.

  • വെള്ളരിക്കുണ്ട് താലൂക്ക് ഓഫീസ്
  • വെള്ളരിക്കുണ്ട് സർക്കിൾ ഇൻസ്പെക്ടറുടെ കാര്യാലയം
  • വെള്ളരിക്കുണ്ട് താലൂക്ക് സപ്ലൈഓഫീസ്
  • വെള്ളരിക്കുണ്ട് പോലീസ് സ്റ്റേഷൻ
  • വെള്ളരിക്കുണ്ട് പോസ്റ്റ് ഓഫീസ്
  • വെള്ളരിക്കുണ്ട് സബ് ട്രഷറി
  • കോർപറേഷൻ ബേങ്ക്- വെള്ളരിക്കുണ്ട് ശാഖ
  • സ്റ്റേറ്റ് ബാങ്ക് ഓഫ് ഇന്ത്യ- വെള്ളരിക്കുണ്ട് ശാഖ
  • സ്റ്റേറ്റ് ബാങ്ക് ഓഫ് ട്രാവൻകൂർ- വെള്ളരിക്കുണ്ട് ശാഖ
  • കേരള ഗ്രാമീൺ ബേങ്ക് വെള്ളരിക്കുണ്ട് ശാഖ
  • പ്രാഥമിക ആരോഗ്യ കേന്ദ്രം, വെള്ളരിക്കുണ്ട്
  • സെന്റ് ജൂഡ്സ് ആർട്സ് ആൻഡ് സയൻസ് കോളേജ്
  • സെന്റ് ജൂഡ്സ് ഹയർ സെക്കന്ററി സ്കൂൾ
  • സബ് ആർ ടി ഒ ഓഫീസ് വെള്ളരിക്കുണ്ട്

ഗാതാഗാതം[തിരുത്തുക]

ഇവിടുത്തെ റോഡ് വടക്ക് മംഗലാപുരവുമായും തേക്ക് കണ്ണൂർമായും ബന്ധിപ്പിക്കുന്നു .ഇവിടെ നിന്നും കാഞ്ഞങ്ങാട്,കാസർഗോഡ്,മംഗലാപുരം,മൈസൂർ,ബാംഗ്ലൂർ,കണ്ണൂർ,ഇരിട്ടി,എറണാകുളം,കോട്ടയം,പാലാ,പത്തനംതിട്ട എന്നീ പട്ടണതിലെക്ക് ബസുകൾ ലഭിക്കുന്നതാണ്. സമീപത്തുള്ള റയിൽവേ സ്റ്റേഷൻ മംഗലാപുരം-പാലക്കാട് ലൈനിൽ വരുന്ന നീലേശ്വരം റയിൽവേ സ്റ്റേഷൻ ആണ്. സമീപത്തുള്ള എയർപ്പോർട്ട് മംഗലാപുരം വടക്കോട്ട് പിന്നേ കണ്ണൂർ തേക്കോട്ടും.

"https://ml.wikipedia.org/w/index.php?title=വെള്ളരിക്കുണ്ട്&oldid=3071447" എന്ന താളിൽനിന്ന് ശേഖരിച്ചത്