പത്തനംതിട്ട നഗരസഭ

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search

പത്തനംതിട്ട ജില്ലയിലെ ഒരു നഗരസഭയാണ് പത്തനംതിട്ട നഗരസഭ. പത്തനംതിട്ട ജില്ലയിൽ കോഴഞ്ചേരി താലൂക്കിലാണ് പത്തനംതിട്ട നഗരസഭ സ്ഥിതി ചെയ്യുന്നത്. 23.5 ചതുരശ്രകിലോമീറ്റർ വിസ്തീർണ്ണത്തിൽ പത്തനംതിട്ട വില്ലേജിൽ വ്യാപിച്ചുകിടക്കുന്ന ഈ നഗരസഭയിൽ 32 വാർഡുകളുണ്ട്.

1978-ലാണ് നഗരസഭ രൂപീകൃതമായത്. എ. സുരേഷ് കുമാറാണ് ഇപ്പോഴത്തെ നഗരസഭാ ചെയർമാൻ.[1]

അതിരുകൾ[തിരുത്തുക]

  • വടക്ക് - മലയാലപ്പുഴ പഞ്ചായത്ത്
  • കിഴക്ക് - മൈലപ്ര പഞ്ചായത്ത്
  • തെക്ക് - പ്രമാടം, ഓമല്ലൂർ പഞ്ചായത്തുകൾ
  • പടിഞ്ഞാറ് - ഇലന്തൂർ പഞ്ചായത്ത്

വിദ്യാലയങ്ങൾ[തിരുത്തുക]

ഗവ.യു.പി.സ്കൂൾ ആയിരുന്നു പത്തനംതിട്ടയിലെ ആദ്യത്തെ വിദ്യാലയം. 1931-ൽ പത്തനംതിട്ടയിലെ ആദ്യത്തെ ഹൈസ്കൂളായ കാതോലിക്കേറ്റ് ഹൈസ്കൂൾ സ്ഥാപിക്കപ്പെട്ടു. 1952-ൽ സ്ഥാപിതമായ കാതോലിക്കേറ്റ് കോളേജ് മഹാത്മാഗാന്ധി സർവ്വകലാശാലയിലെ തന്നെ പ്രമുഖ കലാലയങ്ങളിലൊന്നാണ്. മാർത്തോമ ഹയർ സെക്കണ്ടറി സ്കൂൾ നഗരത്തിലെ മറ്റൊരു പ്രധാന വിദ്യാലയമാണ്.

ആരാധനാലയങ്ങൾ[തിരുത്തുക]

ശക്തിഭദ്രനാൽ സ്ഥാപിതമായതായി കരുതപ്പെടുന്ന കൊടുന്തറ ശ്രീ സുബ്രഹ്മണ്യസ്വാമിക്ഷേത്രം, ശ്രീ ധർമ്മശാസ്താ ക്ഷേത്രം, മുത്താരമ്മൻ കോവിൽ, 500-ൽ പരം വർഷത്തെ പഴക്കമുള്ള കരിമ്പാനയ്ക്കൽ ദേവീക്ഷേത്രം, കരുമ്പനാക്കുഴി ശിവക്ഷേത്രം എന്നിവയാണ് പുരാതന ഹൈന്ദവ ആരാധനാലയങ്ങൾ. ചന്ദനക്കുടത്താൽ പ്രശസ്തമായ നഗര മദ്ധ്യത്തിലുള്ള പത്തനംതിട്ട ജുമാ മസ്ജിദിന് 700 വർഷത്തിലേറെ പഴക്കമുണ്ട്. വലഞ്ചുഴി പാറൽ, കുലശേഖരപതി എന്നിവയാണ് മറ്റ് പ്രമുഖ മുസ്ലീം പള്ളികൾ. 1854-ൽ സ്ഥാപിതമായ മാക്കാംകുന്ന് സെന്റ് സ്റ്റീഫൻസ് ഓർത്തഡോക്സ് കത്തീഡ്രൽ ഈ പ്രദേശത്തെ പുരാതന ക്രൈസ്തവ ദേവാലയമാണ്. കൂടാതെ നന്നുവക്കാട് സെന്റ് പീറ്റേഴ്സ് സീറോ-മലങ്കര കത്തീഡ്രൽ , നന്നുവക്കാട് സെന്റ് ഗ്രിഗോറിയോസ് ഓർത്തഡോക്സ് വലിയപള്ളി, മാർത്തോമ്മാ പള്ളി, മേരീമാത സീറോ-മലബാർ പള്ളി, സെന്റ് മേരീസ് യാക്കോബായ പള്ളി, ഓൾ സെയിന്റ്സ് സി.എസ്.ഐ പള്ളി എന്നിവയുൾപ്പെടെ നിരവധി ക്രൈസ്തവ ദേവാലയയങ്ങൾ വേറെയുമുണ്ട്. മലങ്കര ഓർത്തഡോക്സ് സഭയുടെ ആദ്യകാല ഭദ്രാസനങ്ങളിലൊന്നായ തുമ്പമൺ ഭദ്രാസനത്തിന്റെ ആസ്ഥാനമായ ബേസിൽ ദയറയും അരമന ചാപ്പലും നഗരസഭാതിർത്തിക്കുള്ളിലാണ്.

അവലംബം[തിരുത്തുക]

  1. പത്തനംതിട്ട നഗരസഭയുടെ ഔദ്യോഗിക വെബ്‌സൈറ്റ്
"https://ml.wikipedia.org/w/index.php?title=പത്തനംതിട്ട_നഗരസഭ&oldid=1676892" എന്ന താളിൽനിന്നു ശേഖരിച്ചത്