പന്തളം

ഇംഗ്ലീഷ് വിലാസം

https://ml.wikipedia.org/wiki/Pandalam

പത്തനംതിട്ട ജില്ലയിൽ അച്ഛൻകോവിലാറിന്റെ തീരത്തു സ്ഥിതി ചെയ്യുന്ന ചരിത്ര പ്രസിദ്ധമായ പുണ്യ സ്ഥലമാണ് പന്തളം. പന്തളരാജ്യത്തിന്റെ ആസ്ഥാനവും ശബരിമല അയ്യപ്പന്റെ ജന്മസ്ഥലവും ശബരിമലയുടെ മൂലസ്ഥാനവും പന്തളമാണ്. പന്തളം കൊട്ടാരം, പന്തളം വലിയ കോയിക്കൽ ക്ഷേത്രം, പന്തളം മഹാദേവർ ക്ഷേത്രം എന്നിവ അച്ചൻകോവിലറിന്റെ തീരത്താണ് സ്ഥിതി ചെയ്യുന്നത്, ശബരിമല അയ്യപ്പന്റെ തിരുവഭരണം സൂക്ഷിച്ചിരിക്കുന്ന സാമ്പ്രിക്കൽ കൊട്ടാരവും പന്തളത്തു സ്ഥിതി ചെയ്യുന്നു. നിരവധി ഹിന്ദു,മുസ്ലിം, ക്രിസ്ത്യൻ ദേവാലയങ്ങൾ ഉള്ള ജില്ലയിലെ ഒരു പ്രധാന തീർത്ഥടന  കേന്ദ്രമാണ്  പന്തളം. പന്തളത്തിന്റെ ഹൃദയഭാഗത്തു തലയെടുപ്പോടെ  സ്ഥിതി ചെയ്യുന്ന പന്തളം NSS കോളേജും പന്തളത്തിന്റെ മറ്റൊരാകർഷണമാണ്.

MC റോഡും,പത്തനംതിതിട്ട-മാവേലിക്കര റോഡും പന്തളം നഗരത്തിലൂടെയാണ് കടന്നു പോകുന്നത്. ആനയടി - കൂടൽ റോഡ് പന്തളം നഗരത്തിലെ മറ്റൊരു പ്രധാന ജങ്ഷനായ കുരമ്പാലയിലൂടെയാണ് കടന്നു പോകുന്നത്, പന്തളം-നൂറനാട് റോഡ് മെഡിക്കൽ മിഷൻ ജങ്ഷനിൽ നിന്നുമാണ് ആരംഭിക്കുന്നത്. പന്തളത്തു പ്രധാനമായും 7 ജങ്ഷനുകളാണ് ഉള്ളത്: പന്തളം,കുരമ്പാല,മെഡിക്കൽമിഷൻ jn, പൂഴിക്കാട്, കടക്കാട്, മുട്ടാർ, കുന്നിക്കുഴി

പന്തളം കുരമ്പാല പുത്തൻകാവിൽ ഭഗവതി ക്ഷേത്രത്തിൽ 5 വർഷത്തിൽ ഒരിക്കൽ മാത്രം നടത്തിവരുന്ന അടവി മഹോത്സവവും അതിനോട് അനുബന്ധിച്ചു നടത്തുന്ന ചൂരൽ ഉരുളിച്ചയും വളരെ പ്രസിദ്ധമാണ്, പടയണി അവതരിപ്പിക്കുന്ന ജില്ലയിലെ മറ്റൊരു പ്രധാന ക്ഷേത്രമാണ് പുത്തൻകാവിൽ ഭഗവതി ക്ഷേത്രം, ക്ഷേത്രത്തിലെ മറ്റൊരു പ്രധാന ഉത്സവമാണ് അത്തകാഴ്ച

Pandalam Panthalam
Municipality, Educational centre, Pilgrimage Town
An image of Pandalam Palace.
Nickname(s):  Kurunthottayam
Pandalam Location in Kerala, India Pandalam Pandalam (India)
Coordinates: 9.225°N 76.679°E / 9.225; 76.679
India	India
സംസ്ഥാനം	കേരളം
ജില്ല	Pathanamthitta ജില്ല
Government
• ഭരണസമിതി	Pandalam Municipality
• Municipal chairperson	Suseela Santhosh
വിസ്തീർണ്ണം
• ആകെ	28.72 കി.മീ.2(11.09 ച മൈ)
ജനസംഖ്യ  (2011)
• ആകെ	49,099
• ജനസാന്ദ്രത	1,700/കി.മീ.2(4,400/ച മൈ)
ഭാഷകൾ
• ഔദ്യോഗികം	മലയാളം, ഇംഗ്ലീഷ്
സമയമേഖല	UTC+5:30 (IST)
വാഹന റെജിസ്ട്രേഷൻ	KL 26

പത്തനംതിട്ട ജില്ലയിൽ അടൂർ താലൂക്കിൽ സ്ഥിതി ചെയ്യുന്ന പ്രശസ്തമായ സ്ഥലമാണ് പന്തളം.

ചരിത്രം

തമിഴ്നാട്ടിലെ മധുര ആസ്ഥാനമായി ഭരണം നടത്തിവന്ന ചന്ദ്രവംശ ക്ഷത്രിയർ ആയിരുന്ന പാണ്ഡ്യ വംശത്തിലെ ഒരു വിഭാഗം കുടുംബം മധുരയിലെ ആഭ്യന്തര യുദ്ധം കാരണം കേരളത്തിലേക്ക് കുടിയേറുകയും പന്തള ദേശത്തെ കൈപ്പുഴ തമ്പാൻ എന്ന - മാടമ്പിയിൽ നിന്നും ഭൂസ്വത്തുക്കൾ വാങ്ങി കൊട്ടാരം പണിതു താമസം ആകുകയും ചെയ്തു. തിരുവിതാംകൂർ ഭരിച്ചിരുന്ന മാർത്താണ്ഡവർമയെ കായംകുളം ദേശം പിടിച്ചടക്കാൻ സഹായിക്കുക വഴി തിരുവിതാംകൂറുമായി വളരെ നല്ല ബന്ധം ആയിരുന്നു പന്തള ദേശത്തിന് ഉണ്ടായിരുന്നത്. ഇപ്പോൾ ഉള്ള ഇടുക്കി ജില്ലയിലെ തൊടുപുഴ വരെയും തമിഴ്നാട്ടിലെ ചെങ്കോട്ടയും തെങ്കാശിയും ഉൾപ്പെടുന്ന പ്രദേശങ്ങൾ വരെയും പന്തള രാജ്യത്തിൻറെ അധീനതയിൽ ആയിരുന്നു. AD-1820 ഇൽ പന്തള രാജ്യം തിരുവിതാംകൂർ രാജ്യത്തിൽ ലയിച്ചു. പാണ്ഡ്യ+അളം="പാണ്ഡ്യളം" അതായത് പാണ്ഡ്യന്മാരുടെ ദേശം എന്ന പദം ലോപിച്ചാണ് പന്തളം എന്ന പേര് ഉണ്ടായത്, എന്നാൽ പന്ത്രണ്ട് ഗ്രാമങ്ങൾ(കരകൾ) കൂടിച്ചേർന്ന ദേശമായതിനാൽ "പന്ത്രണ്ടളങ്ങൾ"(പന്ത്രണ്ട്+അളം) എന്ന പേര് ലോപിച്ച് പിന്നീട് പന്തളം എന്ന നാമമായി മാറിയതാണെന്നും വാദഗതികളുണ്ട്.

ഐതിഹ്യം

ശബരിമലയിലെ പ്രതിഷ്ഠയായ ശാസ്താവ് തന്റെ മനുഷ്യാവതാരമായി ജീവിച്ചിരുന്നത് പന്തളം രാജാവിന്റെ മകനായി ആയിരുന്നു എന്നാണ് ഐതിഹ്യം,

പ്രത്യേകതകൾ

ശബരിമലയിലേക്ക് പോകുന്നതിനുമുൻപ് ഭക്തജനങ്ങൾ പന്തളം കൊട്ടാരത്തിനടുത്തുള്ള വലിയകോയിക്കൽ ക്ഷേത്രത്തിലെത്തി തൊഴുതു മടങ്ങുന്നു, വലിയ കോയിക്കൽ ക്ഷേത്രത്തിലെ പ്രധാന പ്രതിഷ്ഠ ബാലരൂപത്തിലുള്ള ശാസ്താവിൻറേതാണ്, തിരുവിതാംകൂർ ദേവസ്വം ബോർഡിൻറെ അധീനതയിലുള്ള ഈ ക്ഷേത്രം അച്ചൻ‌കോവിലാറിന്റെ കരയിലാണ് സ്ഥിതിചെയ്യുന്നത്. പന്തളത്തെ മറ്റ് പ്രധാനമായ ഒരു ആകർഷണം അയ്യപ്പൻറെ തിരുവാഭരണംആണ്, മണ്ഡലകാലത്ത് ഭക്തജനങ്ങൾക്കുവേണ്ടി പ്രദർശിപ്പിക്കുന്ന ഈ തിരുവാഭരണം പന്തളം സാമ്പ്രിക്കൽ കൊട്ടാരത്തിലാണ് സൂക്ഷിച്ചിരിക്കുന്നത്, മകരവിളക്ക് ഉത്സവത്തിനു മൂന്നു ദിവസം മുൻപ് അയ്യപ്പന്റെ തിരുവാഭരണങ്ങൾ പന്തളത്തുനിന്നും ശബരിമലയിലേക്ക് കൊണ്ടുപോകുന്നു. പന്തളത്തെ ഏറ്റവും പ്രധാനപ്പെട്ട മറ്റൊരു ക്ഷേത്രം പന്തളം മഹാദേവ ക്ഷേത്രംആണ്.

വിവിധ ക്ഷേത്രങ്ങളും കൊട്ടാരങ്ങളും ഇല്ലങ്ങളും തറവാടുകളും സാംസ്കാരിക സ്ഥാപനങ്ങളും സ്ഥിതിചെയ്യുന്ന നാടാണ് പന്തളം

ഇതും കാണുക

• ശബരിമല
• അയ്യപ്പൻ
• പന്തളം കൊട്ടാരം

എത്തിച്ചേരാൻ

• ഏറ്റവും അടുത്തുള്ള റെയിൽവേ സ്റ്റേഷൻ: ചെങ്ങന്നൂർ - 14 കി.മീ അകലെ,മാവേലിക്കര-14 കി.മി
• ഏറ്റവും അടുത്തുള്ള വിമാനത്താവളം: തിരുവനന്തപുരം - 119 കി.മീ അകലെ , കൊച്ചി - 134 Km
• കെ.എസ്.ആർ.ടി.സി ബസ് സ്റ്റേഷൻ- പന്തളം കെ.എസ്.ആർ.ടി.സി ബസ് സ്റ്റാൻഡ്

ചിത്രശാല

• പന്തളത്തെ ചില ചിത്രങ്ങൾ‍
• 

  പന്തളത്തെ വലിയകോയിക്കൽ ക്ഷേത്രം

• 

  വലിയകോയിക്കൽ ക്ഷേത്രം

• 

  വലിയകോയിക്കൽ കൊട്ടാരം

• 

  വലിയകോയിക്കൽ കൊട്ടാരം-മറ്റൊരു ദൃശ്യം

• 

  വലിയകോയിക്കൽ കൊട്ടാരം

• 

  കൊട്ടാരത്തിനടുത്തുള്ള പുഴ(അച്ചൻ‌കോവിലാർ)

പുറത്തേക്കുള്ള കണ്ണികൾ

• കേരള ചരിത്രം - കേരള ടൂറിസം.കോം