ഇലവുംതിട്ട

ഇംഗ്ലീഷ് വിലാസം

https://ml.wikipedia.org/wiki/Elavumthitta

ഇലവുംതിട്ട
ഇലവുംതിട്ട Location of ഇലവുംതിട്ട in കേരളം and India
രാജ്യം	ഇന്ത്യ
സംസ്ഥാനം	കേരളം
ജില്ല(കൾ)	പത്തനംതിട്ട
ഏറ്റവും അടുത്ത നഗരം	തിരുവനന്തപുരം
ലോകസഭാ മണ്ഡലം	പത്തനംതിട്ട
സിവിക് ഏജൻസി	മെഴുവേലി ഗ്രാമപഞ്ചായത്ത്
സമയമേഖല	IST (UTC+5:30)
കോഡുകൾ • ടെലിഫോൺ • +0468 • വാഹനം • KL-03

പത്തനംതിട്ട ജില്ലയിലെ മെഴുവേലി പഞ്ചായത്തിലും ചുറ്റുവട്ടത്തുമായാണ് സ്ഥിതിചെയ്യുന്ന ഒരു ഗ്രാമമാാണ് ഇലവുംതിട്ട. സമുദ്രനിരപ്പിൽ നിന്ന് ശരാശരി 46 മീറ്റർ (151 അടി) ഉയരത്തിലാണ് ഈ പ്രദേശം സ്ഥിതിചെയ്യുന്നത്. ഇലവുംതിട്ടയ്ക്ക് വടക്കുഭാഗത്ത് രണ്ട് കിലോമീറ്റർ അകലെയുള്ള നാമക്കുഴി എന്ന പേരിലുള്ള കുന്ന് ഇവിടുത്തെ ഏറ്റവും ഉയർന്ന പ്രദേശമാണ്. ഇത് സമുദ്രനിരപ്പിൽ നിന്ന് 118 മീറ്റർ (387 അടി) ഉയരത്തിലാണുള്ളത്.

ഇലവുംതിട്ട ജങ്ഷൻ

ഭൂമിശാസ്ത്രം

പമ്പ നദി ഇലവുംതിട്ടയ്ക്ക് 8 കിലോമീറ്റർ വടക്കുഭാഗത്തുകൂടി ഒഴുകുന്നു. അച്ചൻകോവിൽ നദി ഇവിടെനിന്ന് 5 കിലോമീറ്റർ പടിഞ്ഞാറു ഭാഗത്തുകൂടിയും ഒഴുകുന്നു. ഈ രണ്ടു നദികളും ഇലവുംതിട്ട പ്രദേശത്തെ ഭൂഗർഭ ജലത്തെ സമൃദ്ധമായി നിലനിർത്തുന്നു.

ഭൂമിശാസ്ത്രപരമായ സ്ഥാനം

• വടക്ക് പടിഞ്ഞാറു = ചെങ്ങന്നൂർ
• വടക്ക് = തിരുവല്ല / കോഴഞ്ചേരി / ആറന്മുള
• വടക്ക് കിഴക്ക് = റാന്നി
• പടിഞ്ഞാറു = മാവേലിക്കര
• കേന്ദ്രം = ഇലവുംതിട്ട
• കിഴക്ക് = പത്തനംതിട്ട
• തെക്ക് പടിഞ്ഞാറ് = പന്തളം
• തെക്ക് = അടൂർ
• തെക്ക് കിഴക്ക് = ഓമല്ലൂർ

മെഴുവേലി, ചെന്നീർക്കര, കുളനട, ഇലന്തൂർ എന്നിങ്ങനെ നാലു പഞ്ചായത്തുകളിലായാണ് ഇലവുംതിട്ട പ്രദേശം പരന്നു കിടക്കുന്നത്. ഇക്കണോമിക്സ് ആന്റ് സ്റ്റാറ്റിസ്റ്റിക്സ് വകുപ്പ് പ്രസിദ്ധീകരിച്ച 'പഞ്ചായത്ത് ലെവൽ സ്റ്റാറ്റിസ്റ്റിക്സ് 2006' എന്ന പുസ്തകത്തിൽ താഴെപറയുന്ന വിവരങ്ങൾ കാണുന്നു.

Panchayat	Households	Population	Literacy rate
Chenneerkkara	4834	19538	94.27
Mezhuveli	3734	15223	95.62
Kulanada	6051	24493	93.58
Elanthoor	3809	15425	95.33

• സമീപ റെയിൽവെ സ്റ്റേഷൻ = ചെങ്ങന്നൂർ റെയിൽവേ സ്റ്റേഷൻ (15 കിമി)

മറ്റ് റെയിൽവേ സ്റ്റേഷനുകൾ: ചെറിയനാട് റെയിൽവേ സ്റ്റേഷൻ (19 കിലോമീറ്റർ), മാവേലിക്കര റെയിൽവേ സ്റ്റേഷൻ (25 കി.മീ), തിരുവല്ല റയിൽവേ സ്റ്റേഷൻ (26 കിലോമീറ്റർ), കായംകുളം റെയിൽവേ സ്റ്റേഷൻ (34 കി.മീ)

• സമീപസ്ഥ പോലീസ് സ്റ്റേഷൻ = ഇലവുംതിട്ട പോലീസ് സ്റ്റേഷൻ.
• സമീപ വിമാനത്താവളം = തിരുവനന്തപുരം അന്താരാഷ്ട്ര വിമാനത്താവളം (107 കി. മീ)

വിദ്യാലയങ്ങൾ

• ചന്ദനക്കുന്ന് അപ്പർ പ്രൈമറി സ്കൂൾ, ഇലവുംതിട്ട
• എസ്. എൻ. ഡി. പി (SNDP) ഹൈ സ്കൂൾ, മുട്ടത്തുകോണം
• പത്മനാഭോദയം ഹയർ സെക്കൻററി സ്കൂൾ, മെഴുവേലി
• പത്മനാഭോദയം ടി.ടി.ഐ (TTI), മെഴുവേലി
• ഗവ. മോഡൽ ലോവർ പ്രൈമറി സ്കൂൾ മെഴുവേലി
• ശ്രീ ബുദ്ധ സെൻറ്രൽ സ്കൂൾ, അയത്തിൽ, ഇലവുംതിട്ട.
• ശ്രീ ബുദ്ധ കോളേജ് ഓഫ് എൻജിനീയരിങ്
• SNGSNDPHSS, ചെന്നീർക്കര
• ഗവ.വനിത ITI ഇലവുംതിട്ട
• MPITC. നെടിയകാല ,ഇലവുംതിട്ട
• C M S UPS നല്ലാനിക്കുന്ന്, ഇലവുംതിട്ട

ചരിത്രം

ഇലവുംതിട്ടയ്ക്ക് ഈ പേര് ലഭിച്ചത് പുരാതനകാലത്തിൽ ഇവിടെ സമൃദ്ധമായിരുന്ന ഇലവുമരങ്ങളിൽ നിന്നാണെന്നു കരുതപ്പെടുന്നു.

ഇലവുംതിട്ട ചന്ത

ഇലവുംതിട്ട ചന്ത പ്രതിഷ്ഠിതമായിട്ട് 2019-ൽ നൂറ്റിപ്പത്തു വർഷങ്ങൾ പൂർത്തിയായി. 1909 ൽ സരസകവി മൂലൂർ എസ്. പദ്മനാഭപണിക്കരുടെ ശ്രമ ഫലമായി രണ്ടേക്കർ സ്ഥലത്ത് സ്ഥാപിതമായ ഈ ചന്ത സെപ്റ്റംബർ 2009 ൽ അതിന്റെ ശതാബ്ദി ആഘോഷിച്ചു. ചന്തയുടെ ഔദ്യോഗിക നാമം "ശ്രീമൂല രാജഗോപാല വിലാസം" ആണ്.

ഇലവുംതിട്ട ചന്തയുടെ കേന്ദ്രത്തിൽ ഉള്ള വലിയ വടവൃക്ഷം എണ്ണൂറ് വർഷത്തിൽ പരം പഴക്കം വരെ ഉണ്ട്, എന്നാൽ അതിന്റെ കൃത്യമായ വയസ്സ് അജ്ഞാതമാണ്. പാരമ്പര്യമായി കന്നുകാലി ചരക്കിന്റെ വാണിജ്യ കേന്ദ്രമായിരുന്ന ഈ ചന്ത ഓരോ മാസത്തിലെയും എട്ടാം ദിനത്തിലും ഇരുപത്തിരണ്ടാം ദിനത്തിലും കൂടിയിരുന്നു, കന്നുകാലി വ്യാപാരികൾ ദൂരെനിന്നും എത്തുന്ന ഒരു കേന്ദ്രമായിരുന്നു ഇവിടം.

ഇലവുംതിട്ടയിലെ വാരച്ചന്ത ബുധനും ശനിയും ദിവസങ്ങളിൽ ആണ്. ചരിത്രപരമായി പ്രദേശത്തെ സാമ്പത്തിക പ്രവർത്തനങ്ങൾ കൃഷിയിൽ കേന്ദ്രീകൃതമായിരുന്നു, നെൽവയൽ, തേങ്ങ, കശുവണ്ടി, കുരുമുളക്, വിവിധ പഴവർഗ്ഗങ്ങൾ എന്നിവ പ്രധാന വിളകളായിരുന്നു. വർത്തമാനകാലത്ത് റബ്ബർ ഒരു പ്രധാന വിളയായിരിക്കുന്നു, എന്നാൽ കശുവണ്ടി, കുരുമുളക് എന്നിങ്ങനെയുള്ളവയ്ക്കും വിപണി ഉണ്ട്. പ്രദേശത്തെ ജനങ്ങൾ ക്ഷീര ഉൽപാദനത്തിലും ഏർപ്പെട്ടിട്ടുണ്ട്.

ഇലവുംതിട്ട കന്നുകാലി ചന്ത

മൂലൂർ എസ്. പദ്മനാഭപണിക്കർ

സരസകവി മൂലൂർ എസ്. പദ്മനാഭപണിക്കർ ഒരു പ്രമുഖ കവി, സാമൂഹിക പരിഷ്കർത്താവ്, ഭാഷാ സംരക്ഷണകർത്താവ് എന്നിങ്ങനെയുള്ള ബഹുമുഖ ചരിത്ര വ്യക്തിത്വമാണ്. ശ്രീമൂല പ്രജാ സഭയിൽ അംഗമായിരുന്ന പദ്മനാഭപണിക്കർ ഇലവുംതിട്ടയുടെ നാനാമുഖമായ ഉന്നമനത്തിനു ചുക്കാൻ പിടിച്ച സാമുഹിക പരിഷ്കർത്താവായിരുന്നു. ഇലവുംതിട്ട ചന്ത സ്ഥാപിക്കുകയും സമീപത്തെ സ്കൂളുകൾ സ്ഥാപിക്കുകയും വിവിധ സാമൂഹ്യ നടത്തുകയും ചെയ്ത അദ്ദേഹത്തിന്റെ ഇടപെടലുകളാണ് ഈ പ്രദേശത്തെ വികസനത്തിന് ഏറ്റവും കൂടുതൽ വിത്തു പാകിയിട്ടുള്ളത്.

മൂലൂർ സ്മാരകം

മൂലൂർ സ്മാരകം ഇലവുംതിട്ടയിൽ സ്ഥിതിചെയ്യുന്ന, പ്രമുഖ കവിയും സാമൂഹിക പരിഷ്കർത്താവുമായ മൂലൂർ എസ്. പദ്മനാഭപണിക്കരുടെ (1869-1931) ജീവിതത്തെ സ്മരിപ്പിക്കുന്ന സ്ഥാപനമാണ്. ഇത് കേരളത്തിന്റെ സാംസ്‌കാരിക പൈതൃകത്തിനും സാമൂഹിക പരിഷ്കരണ പ്രസ്ഥാനത്തിന്റെ ചരിത്രത്തിനും സാക്ഷ്യമായി നിൽക്കുന്ന ഒരു ഇടമാണ്.

ശിവഗിരി തീർത്ഥാടനവുമായുള്ള ബന്ധം

ശ്രീ നാരായണ ഗുരു അംഗീകരിച്ച ശിവഗിരി തീർത്ഥാടന പദ്ധതി 1932 ഡിസംബർ 28 ന് ഇലവുംതിട്ട നിന്നാണ് ആരംഭിച്ചത്. തീർത്ഥാടന സ്ഥാപനത്തിന്റെ പ്രധാന സംഘാടകർ ഗോവിന്ദൻ വൈദ്യർ, കിട്ടൻ റൈറ്റർ, സരസകവി മൂലൂർ എസ്. പദ്മനാഭപണിക്കർ തുടങ്ങിയവരായിരുന്നു. ആദ്യത്തെ തീർത്ഥയാത്രാ അംഗങ്ങൾ മൂലൂർ നിന്ന് ആരംഭിച്ച് മഞ്ഞവേഷത്തിൽ ശിവഗിരിയിലെത്തിയിരുന്നു.

ജനസംഖ്യ

ജനസംഖ്യാ കണക്കെടുപ്പു പ്രകാരം ഇലവുംതിട്ടയിൽ ആകെ 7,988 വീടുകളുണ്ട്. ഇവിടെ ജനസംഖ്യ 32,399 ആയിരുന്നു. ഇലവുംതിട്ടയുടെ സാക്ഷരതാ നിരക്ക് 94.70 ശതമാനമായിരുന്നു.