എരുമേലി
എരുമേലി | |
|---|---|
പട്ടണം | |
വാവർ പള്ളിക്ക് അഭിമുഖമായുള്ള അയ്യപ്പ ക്ഷേത്രം പേട്ട ശാസ്താ ക്ഷേത്രം 90 കളിലെ വാവർ പള്ളി ക്ഷേത്ര മുറ്റം (കൊച്ചമ്പലം) | |
| വിളിപ്പേര്(കൾ): ശബരിമലയിലേക്കുള്ള കവാടം, മതസൗഹാർദ്ദത്തിന്റെ നാട്. | |
  എരുമേലി എരുമേലി (കേരളം)  എരുമേലി എരുമേലി (India) | |
| Coordinates: 9°28′15.94″N 76°45′54.14″E / 9.4710944°N 76.7650389°E | |
| Country |  ഇന്ത്യ |
| State | കേരളം |
| സർക്കാർ | |
| • തരം | ഗ്രാമപഞ്ചായത്ത് |
| • ഭരണസമിതി | എരുമേലി ഗ്രാമപഞ്ചായത്ത് |
| വിസ്തീർണ്ണം | |
• ആകെ | 92.67 ച.കി.മീ. (35.78 ച മൈ) |
| ഉയരം | 68 മീ (223 അടി) |
| ജനസംഖ്യ (2011) | |
• ആകെ | 43,273 |
| • ജനസാന്ദ്രത | 470/ച.കി.മീ. (1,200/ച മൈ) |
| Language | |
| • Official | മലയാളം |
| സമയമേഖല | UTC+5:30 (IST) |
| PIN | 686509 |
| Telephone code | 04828xxxxxxx |
| Lok Sabha constituency | പത്തനംതിട്ട |
| Literacy | 94% |
| Sex ratio | 1049♂/♀ = |
| വെബ്സൈറ്റ് | |
.jpg)
കേരളത്തിലെ കോട്ടയം ജില്ലയിൽ കാഞ്ഞിരപ്പള്ളി താലൂക്കിൽ, എരുമേലി ഗ്രാമപഞ്ചായത്തിന്റെ ഭാഗമായ ഒരു പട്ടണമാണ് എരുമേലി. [1][2]കോട്ടയം നഗരത്തിൽ നിന്നും ഏകദേശം 60 കിലോമീറ്റർ അകലെയായി ജില്ലയുടെ കിഴക്കൻ അതിർത്തിയിലാണ് ഇത് സ്ഥിതി ചെയ്യുന്നത്. മണിമലയാറിന്റെ തീരത്താണ് എരുമേലി സ്ഥിതിചെയ്യുന്നത്. കൊരട്ടി, കുറുവാമൂഴി, കൂവപ്പള്ളി, കണ്ണിമല, വെള്ളനാടി, ഇഞ്ചിയാനി, മറ്റനൂർക്കര, കനകപ്പലം, പുഞ്ചവയൽ എന്നിവ സമീപ ഗ്രാമങ്ങളും കാഞ്ഞിരപ്പള്ളി, റാന്നി, മുണ്ടക്കയം എന്നിവ തൊട്ടടുത്തുള്ള പട്ടണങ്ങളമാണ്. ഇവിടെ ഒരു പ്രശസ്തമായ രണ്ട് ശാസ്താക്ഷേത്രങ്ങളും അയ്യപ്പന്റെ സുഹൃത്തായ വാവരുടെ പള്ളിയും ഉണ്ട്. അയ്യപ്പൻ പന്തള രാജാവിന്റെ സ്വപ്നത്തിൽ പ്രത്യക്ഷപ്പെട്ട് വാവരിനുവേണ്ടി ഒരു പള്ളി പണിയാൻ നിർദ്ദേശിച്ചു എന്നാണ് ഐതിഹ്യം. ജാതിമതഭേദമന്യേ ഈ ആരാധനാലയങ്ങൾ സന്ദർശിക്കപ്പെടുന്നു. എരുമേലിയിലെ പേട്ടതുള്ളൽ പ്രശസ്തമാണ്. ഈ പ്രദേശത്തെ പേട്ടതുള്ളലിനു തനതു വാദ്യോപകരണങ്ങളാണ് ഉപയോഗിക്കുന്നത്. ശബരിമല തീർത്ഥാടനകാലത്ത് എരുമേലിയിൽ മതപരമായ ഉത്സവങ്ങളുടെ ഒരു അന്തരീക്ഷമാണ് ഉള്ളത്.
ജനസംഖ്യാശാസ്ത്രം
[തിരുത്തുക]2011-ലെ ഇന്ത്യൻ സെൻസസ് പ്രകാരം എരുമേലിയിൽ 43,437 ജനസംഖ്യയുണ്ട്, അതിൽ 21,199 പുരുഷന്മാരും 22,230 സ്ത്രീകളുമാണ്. പുരുഷ-സ്ത്രീ അനുപാതം 1,000 പുരുഷന്മാർക്ക് 1,049 സ്ത്രീകൾ എന്നതാണ്, ഇത് സംസ്ഥാന ശരാശരിയായ 1,084 നേക്കാൾ കുറവാണ്. പുരുഷന്മാരുടെ സാക്ഷരതാ നിരക്ക് 97.53% ആണ്, അതേസമയം സ്ത്രീകളുടെ സാക്ഷരതാ നിരക്ക് 95.71% ആണ്.[3]
ഭരണം
[തിരുത്തുക]എരുമേലി പട്ടണം ഉൾപ്പെടുന്ന പഞ്ചായത്ത് 1953 ഓഗസ്റ്റ് 15 നാണ് രൂപീകൃതമായത്. 82.36 കിലോമീറ്റർ വിസ്തീർണ്ണമുള്ള ഇതിന്റെ 40% വനമേഖലയാണ്. വടക്ക് പാറത്തോട്, കാഞ്ഞിരപ്പള്ളി, മുണ്ടക്കയം പഞ്ചായത്തുകളും കിഴക്കും തെക്കും ചിറ്റാർ പഞ്ചായത്തും പടിഞ്ഞാറ് മണിമല, ചിറക്കടവ് പഞ്ചായത്തുകളും ഇതിന് ചുറ്റുമായി സ്ഥിതിചെയ്യുന്നു.[4] ഭരണ സൗകര്യത്തിനായി പട്ടണം ഉൾപ്പെടുന്ന പഞ്ചായത്തിനെ 24 വാർഡുകളായി തിരിച്ചിട്ടുണ്ട്.
എരുമേലി പഞ്ചായത്തിലെ വാർഡുകൾ
[തിരുത്തുക]| പഴയിടം | ചേനപ്പാടി |
| കിഴക്കേക്കര | ചെറുവള്ളി എസ്റ്റേറ്റ് |
| ഒഴക്കനാട് | വാഴക്കാല |
| നേർച്ചപ്പാറ | കാരിശ്ശേരി |
| കണമല | ഉമ്മിക്കുപ്പ |
| മുക്കൂട്ടുതറ | മുട്ടപ്പള്ളി |
| എലിവാലിക്കര | നിർദ്ദേശിക്കുക |
| പമ്പാവാലി | എരുമേലി ടൗൺ |
| പൊരിയൻമല | കനകപ്പലം |
| ശ്രീനിപുരം | വാഴക്കാല |
| ഇരുമ്പൂന്നിക്കര | തുമരംപാറ |
സാമ്പത്തികം
[തിരുത്തുക]ഈ പഞ്ചായത്തിലെ ഭൂരിപക്ഷം ജനങ്ങളും കാർഷികവൃത്തി ചെയ്യുന്നവരാണ്. മറ്റുള്ളവർ കച്ചവടെ ഉപജീവനമാർഗ്ഗമായി സ്വീകരിച്ചിരിക്കുന്നു. പഞ്ചായത്തിനു ചുറ്റുപാടുമായി റബ്ബർ തോട്ടങ്ങൾ വ്യാപിച്ചു കിടക്കുന്നു. മുമ്പ് ചെറിയൊരു ഗ്രാമമായിരുന്ന ഇവിടം ഇപ്പോൾ വികസനപ്രവർത്തനങ്ങളിലൂടെ പട്ടണമായി വളർന്നുകൊണ്ടിരിക്കുന്നു.
കാലാവസ്ഥ
[തിരുത്തുക]എരുമേലിയിലെ കാലാവസ്ഥ കോപ്പൻ വിഭാഗത്തിൽ പെടുന്നു. വർഷം മുഴുവനും ഈർപ്പമുള്ളതായ ഈ പ്രദേശത്തെ വാർഷിക താപനില 31 °C ഉം ആയിരിക്കും. മാർച്ച്, ഏപ്രിൽ മാസങ്ങളാണ് ഏറ്റവും ചൂടേറിയത്. മെയ് പകുതി മുതൽ ഓഗസ്റ്റ് വരെ തെക്ക് പടിഞ്ഞാറൻ മൺസൂൺ എത്തുന്നു, ഇത് ഗണ്യമായ അളവിൽ മഴ നൽകുന്നു. ഇവിടെ ലഭിക്കുന്ന ശരാശരി വാർഷിക മഴ 2620 മില്ലിമീറ്ററാണ്. സാധാരണയായി ഡിസംബർ മുതൽ ഫെബ്രുവരി വരെയാണ് ശൈത്യകാലം.
| Erumely, Kerala പ്രദേശത്തെ കാലാവസ്ഥ | |||||||||||||
|---|---|---|---|---|---|---|---|---|---|---|---|---|---|
| മാസം | ജനു | ഫെബ്രു | മാർ | ഏപ്രി | മേയ് | ജൂൺ | ജൂലൈ | ഓഗ | സെപ് | ഒക് | നവം | ഡിസം | വർഷം |
| ശരാശരി കൂടിയ °C (°F) | 31.1 (88) |
31.9 (89.4) |
33.2 (91.8) |
33.3 (91.9) |
32.7 (90.9) |
30.6 (87.1) |
30.0 (86) |
30.0 (86) |
30.6 (87.1) |
30.3 (86.5) |
30.1 (86.2) |
30.5 (86.9) |
31.19 (88.15) |
| ശരാശരി താഴ്ന്ന °C (°F) | 22.1 (71.8) |
22.8 (73) |
24.4 (75.9) |
25.2 (77.4) |
25.2 (77.4) |
24.1 (75.4) |
23.6 (74.5) |
23.7 (74.7) |
23.8 (74.8) |
23.6 (74.5) |
23.3 (73.9) |
22.3 (72.1) |
23.68 (74.62) |
| മഴ/മഞ്ഞ് mm (inches) | 22 (0.87) |
39 (1.54) |
68 (2.68) |
157 (6.18) |
254 (10) |
454 (17.87) |
466 (18.35) |
328 (12.91) |
240 (9.45) |
320 (12.6) |
211 (8.31) |
61 (2.4) |
2,620 (103.16) |
| ഉറവിടം: Climate-Data.org[5] | |||||||||||||
പ്രവേശനം
[തിരുത്തുക]റോഡ്
[തിരുത്തുക]മുണ്ടക്കയം, കാഞ്ഞിരപ്പള്ളി, മണിമല, കണമല, പൊൻകുന്നം, വെച്ചൂച്ചിറ, അല്ലെങ്കിൽ റാന്നിവഴി എരുമേലിയിൽ എത്തിച്ചേരാം. കോട്ടയം നിന്ന് വരുന്നവർക്ക് കാഞ്ഞിരപ്പള്ളി വഴി എത്തിച്ചേരാം. കൊച്ചിയിൽ നിന്ന് വരുന്നവർക്ക് തൃപ്പൂണിത്തുറ, പാല, പൊൻകുന്നം, വിഴിക്കിത്തോട് വഴി എത്തിച്ചേരാം. ഹൈറേഞ്ചുകളിൽ നിന്നുള്ളവർക്ക് മുണ്ടക്കയം - എരുമേലി സംസ്ഥാന പാത വഴി എരുമേലിയിൽ എത്തിച്ചേരാം. തലസ്ഥാന നഗരമായ തിരുവനന്തപുരം നിന്ന്, റാന്നി വഴി എത്തിച്ചേരാം. എരുമേലിയിൽനിന്ന് 26-ാം മൈൽ വഴി 10 കിലോമീറ്റർ ദൂരത്തിൽ NH220 ദേശീയപാത കടന്നുപോകുന്നു, ഇത് എളുപ്പത്തിൽ എത്തിച്ചേരാൻ സഹായിക്കുന്നു. ആലപ്പുഴയിൽ നിന്ന് വരുന്നവർക്ക് ചങ്ങനാശേരി, കറുകച്ചാൽ, മണിമല വഴി എരുമേലിയിൽ എത്തിച്ചേരാം.
റെയിൽവേ
[തിരുത്തുക]ഏറ്റവും അടുത്തുള്ള റെയിൽവേ സ്റ്റേഷനുകൾ കോട്ടയം, ചെങ്ങന്നൂർ, ചങ്ങനാശ്ശേരി, തിരുവല്ല എന്നിവയാണ്.
വിമാനത്താവളം
[തിരുത്തുക]കൊച്ചി അന്താരാഷ്ട്ര വിമാനത്താവളം (119 കിലോമീറ്റർ), തിരുവനന്തപുരം വിമാനത്താവളം (140 കിലോമീറ്റർ) എന്നിവയാണ് ഏറ്റവും അടുത്തുള്ള വിമാനത്താവളങ്ങൾ. ശബരിമല അന്താരാഷ്ട്ര വിമാനത്താവള നിർമ്മാണത്തിനായി ഭൂമി കൈമാറാൻ തയ്യാറാണെന്ന് ബിലീവേഴ്സ് ചർച്ച് മുഖ്യമന്ത്രി പിണറായി വിജയനെ അറിയിച്ചു. ചെറുവള്ളിയിലെ വിമാനത്താവളത്തിന് ഇരു സർക്കാരുകളും അംഗീകാരം നൽകിയിട്ടുണ്ട്. ഉടൻ തന്നെ ഇത് ആരംഭിക്കുമെന്ന് പ്രതീക്ഷിക്കാം.[6]
ശബരിമല തീർത്ഥാടകരുടെ യാത്ര സുഗമമാക്കുന്നതിനായി 2017 ജൂലൈ 19 ന് കേരള സർക്കാർ എരുമേലിക്ക് സമീപമുള്ള ഹാരിസൺസ് പ്ലാന്റേഷൻസിന്റെ ചെറുവള്ളി എസ്റ്റേറ്റിൽ വിമാനത്താവളം നിർമ്മിക്കുമെന്ന് പ്രഖ്യാപിച്ചു.[7]
സംസ്ഥാന, കേന്ദ്ര സർക്കാരുകൾ ശബരിമലയ്ക്കായി ഒരു വിമാനത്താവളം അംഗീകരിച്ചിട്ടുണ്ട്. എരുമേലിക്ക് സമീപമുള്ള ചെറുവള്ളി എസ്റ്റേറ്റ് മൂന്ന് സ്ഥലങ്ങളിൽ ഒന്നാണ്. മറ്റ് സ്ഥലങ്ങൾ സർക്കാർ സ്ഥലങ്ങളായിരുന്നു. ചെറുവള്ളി സർക്കാർ ഭൂമിയാണോ അല്ലയോ എന്ന് കോടതി പ്രഖ്യാപിക്കും. കേസ് ഇപ്പോഴും കോടതിയിലാണ്. 2026 വരെ, ഭൂവിനിയോഗ പ്രശ്നം ഇപ്പോഴും പരിഹരിക്കപ്പെടാത്തതിനാൽ വിമാനത്താവളം ഇതുവരെ നിർമ്മിച്ചിട്ടില്ല. [8]നടപ്പിലാക്കുകയാണെങ്കിൽ, 50 കിലോമീറ്ററോ അതിൽ കൂടുതലോ വലിയ ദൂരത്തിൽ വ്യവസായങ്ങളോ വാണിജ്യ കെട്ടിടങ്ങളോ അനുവദിക്കാത്ത ഒരു ഗ്രീൻ ഫീൽഡ് വിമാനത്താവളമായിരിക്കും ഇത്. നിർദ്ദിഷ്ട വിമാനത്താവളത്തിന്റെ പേര് ശബരിമല അന്താരാഷ്ട്ര വിമാനത്താവളം അല്ലെങ്കിൽ "ശബരി വിമാനത്താവളം" എന്ന് ചുരുക്കിയിരിക്കുന്നു.
അടുത്തുള്ള സ്ഥലങ്ങൾ
[തിരുത്തുക]വിവിധ പ്രദേശങ്ങളിൽ നിന്നുള്ള ദൂരം
[തിരുത്തുക]- കോട്ടയം : 50 കി.മീ.
- പാലാ : 40 കി.മീ
- തൊടുപുഴ : 63 കി.മീ
- ചങ്ങനാശേരി:44 കി.മീ
- കൊച്ചി : 98 കി.മീ.
- കുമളി : 70 കി.മീ.
- കാഞ്ഞിരപ്പള്ളി : 14 കി.മീ.
- മുണ്ടക്കയം : 13.5 കി.മീ.
- റാന്നി : 18 കി.മീ.
- ആങ്ങമ്മൂഴി : 28 കി.മീ.
- ആലപ്പുഴ: 73 കി.മീ.
- മണിമല: 17 കി.മീ.
- ശബരിമല : 46 കി.മീ.
ചിത്രശാല
[തിരുത്തുക]
പേട്ട ധർമ്മശാസ്താവ്, എരുമേലി
വാവർപള്ളി, പേട്ട, എരുമേലി
അവലംബങ്ങൾ
[തിരുത്തുക]- ↑ "Erumeli (i), Erumeli (i) Panchayat, Kottayam District, Kerala, India". Kerala Tourism (in ഇംഗ്ലീഷ്). Retrieved 2026-08-07.
- ↑ "Just a moment…". theprint.in. Retrieved 2026-08-07.
- ↑ "Erumeli South Population - Kottayam, Kerala". www.census2011.co.in. Retrieved 2016-11-25.
- ↑ "Through Erumely panchayath". lsgkerala.in. Archived from the original on 25 November 2016. Retrieved 2016-11-25.
- ↑ "CLIMATE: ERUMELY", Climate-Data.org. Web: .
- ↑ "Centre's stance on proposed Erumeli Airport favourable: CM". Mathrubhumi (in ഇംഗ്ലീഷ്). 16 November 2016. Retrieved 16 December 2018.
- ↑ "Airport For Sabarimala To Come Up at Cheruvally Estate". ndtv.com.
- ↑ "Though court dismisses government claim on Cheruvally estate, it says Ayana Trust ownership not indisputable". The Hindu (in Indian English). 2026-01-22. ISSN 0971-751X. Retrieved 2026-05-06.
