എരുമേലി

ഇംഗ്ലീഷ് വിലാസം

https://ml.wikipedia.org/wiki/Erumely

എരുമേലി
അപരനാമം: മത മൈത്രിയുടെ ഈറ്റില്ലം
[[Image: എരുമേലി ശ്രീധർമ്മശാസ്താ ക്ഷേത്ര കവാടം (കൊച്ചമ്പലം) വാവർ പള്ളി 90'കളിൽ ക്ഷേത്ര മുറ്റം |240px|none|Skyline of , India]]
എരുമേലി
9.471093°N 76.765038°E / 9.471093; 76.765038
ഭൂമിശാസ്ത്ര പ്രാധാന്യം	ഗ്രാമം
രാജ്യം	ഇന്ത്യ
സംസ്ഥാനം	കേരളം
ജില്ല	കോട്ടയം
ഭരണസ്ഥാപനം(ങ്ങൾ)	പഞ്ചായത്ത്
പഞ്ചായത്ത് പ്രസിഡന്റ്	തങ്കമ്മ ജോർജുകുട്ടി
'
'
വിസ്തീർണ്ണം	92.67 കി.മീ 2 (35.78 ചതുരശ്ര മൈൽ)ചതുരശ്ര കിലോമീറ്റർ
ജനസംഖ്യ	43,273
ജനസാന്ദ്രത	470/km 2 (1,200/ചതുരശ്ര മൈൽ)/ച.കി.മീ
കോഡുകൾ   • തപാൽ   • ടെലിഫോൺ	686509 +04828
സമയമേഖല	UTC +5:30
പ്രധാന ആകർഷണങ്ങൾ	ശ്രീ ധർമ്മശാസ്താ ക്ഷേത്രം, വാവർ പള്ളി, എരുമേലി പേട്ടതുള്ളൽ, ചന്ദനകുടം

കേരളത്തിലെ കോട്ടയം ജില്ലയിലെ ഒരു പട്ടണമാണ് എരുമേലി. കോട്ടയം നഗരത്തിൽ നിന്നും 60 കിലോമീറ്റർ അകലെയായി മണിമലയാറിന്റെ തീരത്തായി എരുമേലി സ്ഥിതിചെയ്യുന്നത്. ഇവിടെ ഒരു പ്രശസ്തമായ ശാസ്താക്ഷേത്രവും അയ്യപ്പന്റെ സുഹൃത്തായ വാവരുടെ പള്ളിയും ഉണ്ട്. ജാതിമതഭേദമന്യേ ഈ ആരാധനാലയങ്ങൾ സന്ദർശിക്കപ്പെടുന്നു. എരുമേലിയിലെ പേട്ടതുള്ളൽ പ്രശസ്തമാണ്. ഈ പ്രദേശത്തെ പേട്ടതുള്ളലിനു തനതു വാദ്യോപകരണങ്ങളാണ് ഉപയോഗിക്കുന്നത്. ശബരിമല തീർത്ഥാടനകാലത്ത് എരുമേലിയിൽ മതപരമായ ഉത്സവങ്ങളുടെ ഒരു അന്തരീക്ഷമാണ് ഉള്ളത്.

ഭരണം

എരുമേലി പട്ടണം ഉൾപ്പെടുന്ന പഞ്ചായത്ത് 1953 ഓഗസ്റ്റ് 15 നാണ് രൂപീകൃതമായത്. 82.36 കിലോമീറ്റർ വിസ്തീർണ്ണമുള്ള ഇതിന്റെ 40% വനമേഖലയാണ്. വടക്ക് പാറത്തോട്, കാഞ്ഞിരപ്പള്ളി, മുണ്ടക്കയം പഞ്ചായത്തുകളും കിഴക്കും തെക്കും ചിറ്റാർ പഞ്ചായത്തും പടിഞ്ഞാറ് മണിമല, ചിറക്കടവ് പഞ്ചായത്തുകളും ഇതിന് ചുറ്റുമായി സ്ഥിതിചെയ്യുന്നു. ഭരണ സൗകര്യത്തിനായി പഞ്ചായത്തിനെ 23 വാർഡുകളായി തിരിച്ചിട്ടുണ്ട്.

പഞ്ചായത്തിലെ വാർഡുകൾ

	പഴയിടം	ചേനപ്പാടി
	കിഴക്കേക്കര	ചെറുവള്ളി എസ്റ്റേറ്റ്
	ഒഴക്കനാട്	വാഴക്കാല
	നേർച്ചപ്പാറ	കാരിശ്ശേരി
	കണമല	ഉമ്മിക്കുപ്പ
	മുക്കൂട്ടുതറ	മുട്ടപ്പള്ളി
	എലിവാലിക്കര	പ്രോപ്പോസ്
	പമ്പാവാലി	എരുമേലി ടൌൺ
	പൊരിയൻമല	കനകപ്പലം
	ശ്രീനിപുരം കോളനി	ഏഞ്ചൽവാലി
	ഇരുമ്പൂന്നിക്കര	തുമരമ്പാറ
	മൂക്കൻപെട്ടി

സാമ്പത്തികം

ഈ പഞ്ചായത്തിലെ ഭൂരിപക്ഷം ജനങ്ങളും കാർഷികവൃത്തി ചെയ്യുന്നവരാണ്. മറ്റുള്ളവർ കച്ചവടെ ഉപജീവനമാർഗ്ഗമായി സ്വീകരിച്ചിരിക്കുന്നു. പഞ്ചായത്തിനു ചുറ്റുപാടുമായി റബ്ബർ തോട്ടങ്ങൾ വ്യാപിച്ചു കിടക്കുന്നു. മുമ്പ് ചെറിയൊരു ഗ്രാമമായിരുന്ന ഇവിടം ഇപ്പോൾ വികസനപ്രവർത്തനങ്ങളിലൂടെ പട്ടണമായി വളർന്നുകൊണ്ടിരിക്കുന്നു.

കാലാവസ്ഥ

എരുമേലിയിലെ കാലാവസ്ഥ കോപ്പൻ വിഭാഗത്തിൽ പെടുന്നു. വർഷം മുഴുവനും ഈർപ്പമുള്ളതായ ഈ പ്രദേശത്തെ വാർഷിക താപനില 31 °C ഉം ആയിരിക്കും. മാർച്ച്, ഏപ്രിൽ മാസങ്ങളാണ് ഏറ്റവും ചൂടേറിയത്. മെയ് പകുതി മുതൽ ഓഗസ്റ്റ് വരെ തെക്ക് പടിഞ്ഞാറൻ മൺസൂൺ എത്തുന്നു, ഇത് ഗണ്യമായ അളവിൽ മഴ നൽകുന്നു. ഇവിടെ ലഭിക്കുന്ന ശരാശരി വാർഷിക മഴ 2620 മില്ലിമീറ്ററാണ്. സാധാരണയായി ഡിസംബർ മുതൽ ഫെബ്രുവരി വരെയാണ് ശൈത്യകാലം.

ചിത്രശാല

• 
  പേട്ട ധർമ്മശാസ്താവ്, എരുമേലി
• 
  വാവർ‌പള്ളി, പേട്ട, എരുമേലി

എരുമേലി വാവരുടെ പള്ളി

അവലംബങ്ങൾ

• സോൺ കേരള . കോം