മോനിപ്പള്ളി

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
മോനിപ്പള്ളി
town
Knanaya Church
Knanaya Church
Nickname(s): 
Monippally - 'The Spicy Virgin Village'
Coordinates: 9°48′23″N 76°34′31″E / 9.806462°N 76.575351°E / 9.806462; 76.575351Coordinates: 9°48′23″N 76°34′31″E / 9.806462°N 76.575351°E / 9.806462; 76.575351
Country India
StateKerala
DistrictKottayam
Languages
 • OfficialMalayalam, English
സമയമേഖലUTC+5:30 (IST)
PIN
686636
വാഹന റെജിസ്ട്രേഷൻKL-67
Nearest cityPala
Lok Sabha constituencyKottayam

കേരളത്തിലെ കോട്ടയം ജില്ലയിലെ ഉഴവൂർ ഗ്രാമപഞ്ചായത്തിലാണ് മോനിപ്പള്ളി ഗ്രാമം സ്ഥിതി ചെയ്യുന്നത്.

പേരിന് പിന്നിൽ[തിരുത്തുക]

മോഹനപ്പള്ളി എന്നതിൽ നിന്നോ അല്ലെങ്കിൽ മുനിമാരുടെ പള്ളി (മുനിപ്പള്ളി) എന്നതിൽ നിന്നോ ആകാം മോനിപ്പള്ളി എന്ന പേർ വന്നതെന്ന് പറയപ്പെടുന്നു.

മോനിപ്പള്ളി ചുക്ക്[തിരുത്തുക]

മഞ്ഞൾ, കച്ചോലം, കൈതച്ചക്ക, കുരുമുളക്, റബർ തുടങ്ങിയവ വ്യാപകമായി കൃഷി ചെയ്യുന്ന ഈ പ്രദേശം വളരെ പണ്ടുമുതൽ തന്നെ ഇഞ്ചിയുല്പാദനത്തിന് പ്രസിദ്ധമായിരുന്നു. കേരളത്തിലെ ആദ്യത്തെ ഇഞ്ചി സഹകരണ സംഘം സ്ഥാപിച്ചത് ഇവിടെയാണ്. മോനിപ്പള്ളി ചുക്ക് എന്ന പേരിൽ ഇവിടെ നിന്ന് കയറ്റി അയയ്ക്കുന്ന ചുക്കിന് വിദേശവിപണിയിൽ ആവശ്യക്കാർ ഏറെയുണ്ട്.

സമ്പദ്‌വ്യവസ്ഥ[തിരുത്തുക]

കൃഷിക്ക് പുറമെ ഗ്രാമത്തിന്റെ സമ്പദ്‌വ്യവസ്ഥ പ്രധാ‍നമായും ആശ്രയിക്കുന്നത് പ്രവാസികളെയാണ്. വലിയ തോതിൽ ആളുകൾ വിദേശത്തുപോയതും നാട്ടിലേക്ക് പണം അയക്കുന്നതും ഗ്രാമത്തിന് വളരെ ഉയർന്ന സാമൂഹിക-ജീവിത സൂചിക കൈവരിക്കുന്നതിനു കാരണമായി. ഉയർന്ന സാക്ഷരതാ നിലവാരം പുലർത്തുന്നതിനും ഇത് കാരണമായി. ആധുനിക ജീവിതത്തിന്റെ സൗകര്യങ്ങൾ ഗ്രാമത്തിലെ മിക്കവാറും എല്ലാ വീടുകളിലും കാണാം.

പ്രധാനസ്ഥാപനങ്ങൾ[തിരുത്തുക]

ആരാധനാലയങ്ങൾ

  • സേക്രട്ട് ഹാർട്ട് ക്നാനായ കാത്തലിക് ടൗൺ ചർച്ച്, മോനിപ്പള്ളി
  • മോനിപ്പള്ളി ദേവീ ക്ഷേത്രം
  • സെന്റ്. തോമസ് ചർച്ച്, ചീങ്കല്ലേൽ
  • സെന്റ്. ജോസഫ്സ് ചർച്ച്, ഉദയഗിരി, ആച്ചിക്കൽ


വിദ്യാഭ്യാസ സ്ഥാപനങ്ങൾ

  • ഗവൺമെൻറ് എൽ.പി സ്കൂൾ, മോനിപ്പള്ളി
  • ഹോളി ക്രോസ് എച്ച്.എസ്, മോനിപ്പള്ളി
  • എൻ.എസ്.എസ്.എൽ.പി സ്കൂൾ, മോനിപ്പള്ളി
  • സെൻറ് തോമസ് എൽ.പി. സ്കൂൾ, ചീങ്കല്ലേൽ
  • ലിറ്റിൽ ഫ്ലവർ വിദ്യാനികേതൻ, ആച്ചിക്കൽ, , മോനിപ്പള്ളി
  • എസ്. കെ. പി. എസ്, മോനിപ്പള്ളി


ആശുപത്രികൾ

  • എം യു എം ഹോസ്പിറ്റൽ, മോനിപ്പള്ളി
  • കാർഡിനൽ ഹോസ്പിറ്റൽ, ചീങ്കല്ലേൽ, മോനിപ്പള്ളി

അധികാരപരിധികൾ[തിരുത്തുക]

എത്തിച്ചേരാനുള്ള വഴി[തിരുത്തുക]

റോഡ് വഴി - എം.സി റോഡിൽ കൂത്താട്ടുകുളത്തിനും കുറവിലങ്ങാടിനും ഇടയിലാണ് മോനിപ്പള്ളി.

റെയിൽ വഴി - അടുത്തുള്ള റെയിൽ വേ സ്റ്റേഷൻ കുറുപ്പന്തറ (code: KRPP )കോട്ടയം

വിമാനം വഴി - ഏറ്റവും അടുത്ത വിമാനത്താവളം കൊച്ചി അന്താരാഷ്ട്ര വിമാനത്താവളം (നെടുമ്പാശ്ശേരി വിമാനത്താവളം )

സമീപ ഗ്രാമങ്ങൾ[തിരുത്തുക]


മോനിപ്പള്ളി ദേവീ ക്ഷേത്രം

മോനിപ്പിള്ളി ദേവീ ക്ഷേത്രത്തലെ ഉത്സവത്തിന് മുന്നോടിയായി രോഹിണി നാൾ മുതൽ ആയിലും നാൾ വരെ അത്താഴ പൂജയ്ക്കു ശേഷവും മകം നാളിൽ വെളുപ്പിനും ചൂട്ടു പടയണി നടത്തപ്പെടുന്നു .

മോനിപ്പിള്ളി ദേവീ ക്ഷേത്രത്തിലെ മഹോത്സവത്തിന്റെ പ്രധാന ചടങ്ങുകളിൽ പെടുന്നതാണ് പടയണിയും ഐവർകളിയും . മകം നാളിൽ വെളുപ്പിന് 4 മണിയ്ക്കാണ് ഐവർകളി നടക്കുന്നത് .

പടയണി ഐതിഹ്യം

കൊടുങ്ങല്ലൂരിൽ നിന്നും രാജരാജേശ്വരി ദേവി മോനിപ്പിള്ളിയിലേയ്ക്ക് എഴുന്നെളളിയ സമയത്ത് ചൂട്ടുകൊണ്ട് ദീപം ഒരുക്കി അത്യാഹ്ലാദപൂർവ്വം ദേവിയെ വരവേറ്റതിന്റെ ഭാഗമാണ് ഇന്നും വ്രതാനുഷ്ഠാനത്തോടെ നടത്തപ്പെടുന്ന ചൂട്ടുപടയണി വഴിപാട് . ഇതിൽ അവകാശികളായ ചൂട്ടുനൽകിയ ചേമ്പാലയിൽ കുടുംബക്കാരും ചൂട്ടെരിച്ച് വഴികാണിച്ച ചെട്ടിക്കൽ കുടുംബക്കാരും ദേവിയുടെ അംഗരക്ഷകരായി ദേവിയ്ക്കൊപ്പം വന്ന കളരിക്കൽ കുടുംബക്കാരും ദേവിയെ വരവേറ്റ അന്നുമുതൽ വ്രതാനുഷ്ഠാനങ്ങളോടെ ചൂട്ടുപടയണി വഴിപാടായി നടത്തുന്നു .

ഐവർകളി ഐതിഹ്യം

കൗരവ - പാണ്ഡവ ചൂതുകളിയിൽ കൗരവരുടെ കള്ളചൂതിൽ പാണ്ഡവർ പരാജയപ്പെട്ടു . കൗരവ പാണ്ഡവ ധാരണപ്രകാരം പാണ്ഡവർ വനവാസം സ്വീകരിച്ചു . ഇതിൽ മനംനൊന്ത പാണ്ഡവ മാതാവ് കുന്തീദേവിയുടെ വ്യസനം കണ്ടറിഞ്ഞ ഭഗവാൻ ശ്രീകൃഷ്ണൻ പാണ്ഡവരുടെ ദുരവസ്ഥകൾ മാറുന്നതിനായി കുന്തിമാതാവിനോട് തന്റെ പുത്രന്മാരെ അഞ്ചുപേരേയും കൊണ്ട് ആദിപരാശക്തിയുടെ തിരുനടയിൽ വ്രതാനുഷ്ഠാനത്തോടെ ദേവീസ്തുതിപാടി എഴരനാഴിക വെളുപ്പിന് ഐവർകളി നടത്തുവാൻ ഭഗവാൻ അരുളിചെയ്തു . ഭഗവാൻ ശ്രീകൃഷ്ണന്റെ ആജ്ഞാനുസരണം കുന്തിമാതാവ് തന്റെ മക്കളെ കൊണ്ട് ദേവിയുടെ തിരുനടയിൽ ഐവർകളി നടത്തുകയും പാണ്ഡവരുടെ ദുരവസ്ഥകൾ നീങ്ങിയതായും പുരാണം പറയുന്നു . മോനിപ്പിള്ളി ദേവീക്ഷേത്രത്തിൽ കൊടുങ്ങല്ലൂരിൽ നിന്നും ദേവി എഴുന്നെള്ളിയ കാലം മുതൽ അവകാശികളായ കളരിക്കൽ കുടുംബക്കാർ വ്രതാനുഷ്ഠാനത്തോടെ ഐവർകളി വഴിപാടായി നടത്തി വരുന്നു .

പടയണിക്കും ഐവർകളിക്കും അകമ്പടി സേവിക്കുന്ന വാദ്യമേളങ്ങൾ ഒരുക്കുന്നത് അവകാശികളായ പുത്തൻപുരയ്ക്കൽ കുടുംബക്കാരാണ് .

ചിത്രശാല


"https://ml.wikipedia.org/w/index.php?title=മോനിപ്പള്ളി&oldid=3741290" എന്ന താളിൽനിന്ന് ശേഖരിച്ചത്