പാലക്കാട്ടുമല

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
പാലക്കാട്ടുമല
Map of India showing location of Kerala
Location of പാലക്കാട്ടുമല
പാലക്കാട്ടുമല
Location of പാലക്കാട്ടുമല
in കേരളം and India
രാജ്യം  ഇന്ത്യ
സംസ്ഥാനം കേരളം
ജില്ല(കൾ) കോട്ടയം
ഏറ്റവും അടുത്ത നഗരം പാല
സിവിക് ഏജൻസി മരങ്ങാട്ടുപിള്ളി ഗ്രാമപഞ്ചായത്ത്
ജനസംഖ്യ 1,500
സ്ത്രീപുരുഷ അനുപാതം 1000/992 /
സാക്ഷരത 96%
സമയമേഖല IST (UTC+5:30)
വിസ്തീർണ്ണം
സമുദ്രനിരപ്പിൽ നിന്നുള്ള ഉയരം

75 m (246 ft)

Coordinates: 9°44′39″N 76°37′44″E / 9.74417°N 76.62889°E / 9.74417; 76.62889

കോട്ടയം ജില്ലയിലെ മരങ്ങട്ടുപള്ളി പഞ്ചായത്തിൽ സ്ഥിതി ചെയ്യുന്ന ഒരു ഗ്രാമമാണ്‌ പാലക്കാട്ടുമല. ഏകദേശം 1500ഓളം ജനങ്ങൾ അധിവസിക്കുന്ന ഈ ഗ്രാമം, പാല-വൈക്കം റോഡിൽ ഇല്ലിക്കൽ കവലയ്ക്ക് വടക്കായി ഒരു കുന്നിന്റെ മുകളിൽ ആണ്. പാലാ ആണ് അടുത്തുള്ള പട്ടണം .

ഈ ഗ്രാമത്തിൽ 2 എൽ. പി. സ്കൂളുകൾ, 2 അമ്പലങ്ങൾ, 2 പ്രീ-പ്രൈമറി- സ്കൂളുകൾ, പോസ്റ്റ്‌ ഓഫീസ്, റബ്ബർ പാലുല്പാദക സംഘം, വായനശാല എന്നിവയുണ്ട്. ഈ ഗ്രാമത്തിലെ ജനങ്ങൾ പ്രധാനമായി കൃഷിയെ ആശ്രയിച്ചു് ജീവിക്കുന്നു.

ഭരണസ്ഥാപനങ്ങൾ[തിരുത്തുക]

പാലക്കാട്ടുമല ഗ്രാമം കോട്ടയം ജില്ലയിലെ മീനച്ചിൽ താലൂക്കിൽ, കുറിച്ചിത്താനം വില്ലേജ് ഒഫീസിന്റെ പരിധിയിലാണ്.

ആരാധനാലയങ്ങൾ[തിരുത്തുക]

നരസിംഹസ്വാമി ക്ഷേത്രം[തിരുത്തുക]

ഏകദേശം ആയിരത്തോളം വർഷം പഴക്കം ഉള്ള ഈ ക്ഷേത്രം, ഇപ്പോൾ തിരുവിതാംകൂർ ദേവസ്വം ബോർഡിന്റെ കീഴിലാണ്. ഇത് കേരളത്തിലെ 108 നരസിംഹ ക്ഷേത്രങ്ങളിൽ ഒന്നാണ്.

ഭൂപ്രകൃതി[തിരുത്തുക]

കേരളത്തിലെ ഇടനാടൻ മേഖലയിൽ പെട്ട ഈ ഗ്രാമം ഒരു ചെറിയ കുന്നുംപുറത്ത് ആണു സ്ഥിതി ചെയ്യുന്നത്. സമീപ പ്രദേശങ്ങളിൽ നിന്ന് ഉയർന്നു സ്ഥിതി ചെയ്യുന്ന ഈ ഗ്രാമം സമുദ്രനിരപ്പിൽ നിന്നും ഏകദേശം 100 മീറ്റർ ഉയരത്തിലാണ്

വിദ്യാഭാസം[തിരുത്തുക]

സെന്റ് മേരിസ് എൽ. പി. സ്കൂൾ[തിരുത്തുക]

1900-ത്തിൽ ഒരു നിലത്ത് എഴുത്ത് കളരിയായി ശ്രീ. താഴത്തേൽ മത്തായി വർക്കി നേതൃത്വത്തിൽ തുടങ്ങിയ ഈ വിദ്യാലയം പിന്നീടു ഒരു പ്രൈമറി സ്കൂൾ ആയി വളർന്നു. പാലക്കാട്ടുമല S.D. കൊൺവന്റിന്റെ കീഴിലുള്ള ഈ വിദ്യാഭ്യാസ സ്ഥാപനത്തിൽ ഒന്നു മുതൽ നാല് വരെ ക്ലാസ്സുകൾ ഉണ്ട്. ഈ പ്രൈവറ്റ് എയിഡഡ് സ്കൂൾ കുറവിലങ്ങാട് വിദ്യാഭ്യാസ ഉപജില്ലയുടെ കീഴിലാണ്.

ഗവൺമെന്റ് എൽ. പി. സ്കൂൾ[തിരുത്തുക]

1912-ൽ ഒരു കുടിപള്ളി ക്കൂടമായി ഇല്ലിക്കൽ കവലയിൽ പല്ലാട്ട് നായർ കുടുംബം ദാനമായി നൽകിയ സ്ഥലത്ത് , പുളിക്കിയില് വർക്കിയച്ചന്റെ നേതൃത്വത്തിലാരംഭിച്ചു്. പിന്നീട് തിരുവതാംകൂർ സർക്കാർ ഏറ്റെടുത്ത ഈ വിദ്യാലയം, ഇപ്പോൾ കേരള ഗവൺമെന്റിന്റെ കീഴിലാണ്.

പൊതുസ്ഥാപനങ്ങൾ[തിരുത്തുക]

വായനശാല[തിരുത്തുക]

മരങ്ങാട്ടുപിള്ളി പഞ്ചായത്തിന്റെ കീഴിൽ പ്രവർത്തിക്കുന്ന ഈ സ്ഥാപനം 1951-ല് ആരംഭിച്ചതാണ്. ഗ്രന്ഥശാല സംഘത്തിന്റെ സഹായത്തോടെ ആരംഭിച്ച ഈ സ്ഥാപനം, പാലക്കാട്ടുമല യങ്ങ് മെന്സ് ക്ലുബ് പിന്നീട് പഞ്ചായത്തിന് കൈമാറി. ആയിരകണക്കിനു പുസ്തകങ്ങൾ , ആനുകാലികങ്ങൾ, ടെലിവിഷൻ എന്നിവയുള്ള ഈ വായനശാല എല്ലാ ദിവസവും 5.30 -മുതൽ 8.30 വരെ തുറന്നു പ്രവർത്തിക്കുന്നു.

റബർ പാലുല്പാദക സംഘം[തിരുത്തുക]

പാലക്കാട്ടുമലയിലെ റബർ പാൽ കൃഷിക്കാരുടെ ഈ കൂട്ടായ്മ കൃഷിക്കാരിൽ നിന്ന് പാൽ ശേഖരിച്ച് ഗൈക്കൊയ്ക് നല്കുന്നു. സംഘം കൃഷിക്കാർക്ക് ന്യായ വിലക്ക് കൃഷി ഉപകരണങ്ങൾ വിതരണം ചെയ്യുന്നു.

"https://ml.wikipedia.org/w/index.php?title=പാലക്കാട്ടുമല&oldid=1958710" എന്ന താളിൽനിന്ന് ശേഖരിച്ചത്