വെള്ളിവാലൻ

വെള്ളിവാലൻ (Common Imperial)
വെള്ളിവാലൻ
Scientific classification
കിങ്ഡം:	Animalia
Phylum:	Arthropoda
Class:	Insecta
Order:	Lepidoptera
Family:	Lycaenidae
Tribe:	Cheritrini
Genus:	Cheritra
Species:	C. freja
Binomial name
Cheritra freja (Fabricius 1793)

സഹ്യപർവ്വത പ്രദേശങ്ങളിൽ കണ്ടുവരുന്ന ഒരു ചിത്രശലഭമാണ് വെള്ളിവാലൻ (Cheritra freja). തെക്കേ ഇന്ത്യയിലും ശ്രീലങ്കയിലുമാണ് വെള്ളിവാലനെ കണ്ടുവരുന്നത്.

വെള്ളിവാലൻ വലിപ്പം കുറഞ്ഞ ഒരു പൂമ്പാറ്റയാണ്. കാട്ടിലാണ് ഇവയെ സാധാരണ കണ്ടെത്താനാകുക. നാട്ടിൻ പുറങ്ങളിലും കുന്നിൻ പ്രദേശങ്ങളിലും ഇവയെ കാണാറുണ്ട്. വാലാണ് വെള്ളിവാലന്റെ പ്രധാന പ്രത്യേകതയുള്ളത്. പിൻചിറകിലെ വെളിത്തവാൽ ഇവയുടെ ഭംഗി കൂട്ടുന്നു. വാലിന് രണ്ട് സെന്റിമീറ്റർ നീളമുണ്ടാകും. വാലിന്റെ അറ്റം ചുരുണ്ടിരിക്കും. ആൺശലഭത്തിന്റെ ചിറകിന് ഇളം തവിട്ടുനിറമാണ്. പെൺശലഭത്തിന്റെ ചിറകിന് കടുംതവിട്ടുനിറവും. പിൻചിറകിൽ അറ്റത്തായി വെളുപ്പിൽ കറുത്ത പുള്ളികളുണ്ടാവും.

വെള്ളിവാലൻ നല്ല ഉയരത്തിൽ പറക്കുന്ന ഒരു ശലഭമാണ്. സാധാരണഗതിയിൽ മെല്ലെയാണ് പറക്കുന്നത്. മഴക്കാറുള്ള സമയം ഇവ ഇലകൾക്കിടയിൽ ഒളിച്ചിരിക്കാറുണ്ട്. കറുവപ്പട്ട, ചെറുകുരണ്ടി എന്നീ സസ്യങ്ങളിലാണ് വെള്ളിവാലന്മാർ മുട്ടയിടുന്നത്.

ചിത്രശാല

• ജീവിതചക്രം
• 
  മുട്ടകൾ
• 
  പുഴു
• 
  പ്യൂപ്പ
• 
  പ്യൂപ്പ
• 
  ശലഭം (മുതുകുവശം)
• 
  ശലഭം (ഉദരവശം)
• 
  ചിത്രശലഭം
• 
  ശലഭപ്പുഴു