ചെഞ്ചിറകൻ

വിക്കിപീഡിയ, ഒരു സ്വതന്ത്ര വിജ്ഞാനകോശം.
(Hebomoia glaucippe എന്ന താളിൽ നിന്നും തിരിച്ചുവിട്ടതു പ്രകാരം)
ചെഞ്ചിറകൻ
Great Orange Tip
Open wing position of Hebomoia glaucippe Linnaeus, 1758 – Great Orange-tip.jpg
മുതുകുവശം
130端紅蝶5(曾慧鵬攝) (19046895101).jpg
ഉദരവശം
ശാസ്ത്രീയ വർഗ്ഗീകരണം
സാമ്രാജ്യം: Animalia
ഫൈലം: Arthropoda
ക്ലാസ്സ്‌: Insecta
നിര: Lepidoptera
കുടുംബം: Pieridae
ജനുസ്സ്: Hebomoia
വർഗ്ഗം: ''H. glaucippe''
ശാസ്ത്രീയ നാമം
Hebomoia glaucippe
(Linnaeus, 1758)
പര്യായങ്ങൾ
  • Papilio glaucippe Linnaeus, 1758 [1]

മഞ്ഞയും വെള്ളയും പൂമ്പാറ്റകളുടെ കുടുംബത്തിലെ(പീറിഡേ/Peiridae) ഏറ്റവും വലിയ ഇനമാണ് ചെഞ്ചിറകൻ അഥവാ പെരുഞ്ചിറകൻ (ഇംഗ്ലീഷ്: Great/Giant Orange Tip).[2][3][1][4][5] ഇളംനീല കലർന്ന പച്ചനിറമുള്ള പാർശ്വത്തിൽ വെളുത്തവരയുള്ള പുഴുവാണ്(ഇംഗ്ലീഷ്: Caterpillar)) ഇവയുടേത്. ശത്രുക്കളെ ഭയപ്പെടുത്താൻവേണ്ടി പെട്ടെന്ന് ശിരസ്സ് ഉയർത്തിപ്പിടിച്ച് ഒരു പാമ്പിനെപ്പോലെ ആടുന്ന സമയത്ത് നീലപ്പൊട്ടുകൾ ദൃശ്യമാകും. ഇവ നീർമാതളം, കാക്കത്തൊണ്ടി തുടങ്ങിയ സസ്യങ്ങളിൽ മുട്ടയിടുന്നു.

വിതരണം[തിരുത്തുക]

ദക്ഷിണ ഏഷ്യയിലും ദക്ഷിണകിഴക്കെ ഏഷ്യയിലും ചൈനയിലും ജപ്പാനിലും ഇവയെ കണ്ടുവരുന്നു.[1]

ഉപജാതികൾ[തിരുത്തുക]

താഴെ പറയുന്ന ഉപജാതികൾ ഇന്ത്യയിൽ കണ്ടുവരുന്നു:[3]

പ്രത്യേകതകൾ[തിരുത്തുക]

Venation showing characteristic precostal cell

ഒരു ദേശാടനശലഭമായ ഇവ വളരെവേഗത്തിൽ പൊങ്ങിയും താണും പറക്കുന്നു. ഉയരത്തിൽ പറക്കാനാണ് കൂടുതൽ താത്പര്യം. വായുവിൽ പറന്നുനിന്ന് തേനുണ്ണാനുള്ള കഴിവ് പീറിഡേ കുടുംബത്തിലെ ഇവയ്ക്ക് മാത്രമേ ഉള്ളൂ.

ശരീരപ്രകൃതി[തിരുത്തുക]

മുൻചിറകിന്റേയും, പിൻചിറകിന്റേയും പുറത്ത് വെളുപ്പ് നിറമാണ്. മുൻചിറകിന്റെ മേലറ്റത്തായി ചുറ്റിനും കറുത്ത കരയുള്ള ഓറഞ്ച് പൊട്ട് കാണാം. പെണ്ണിന്റെ ചിറകിലെ ഓറഞ്ച് പൊട്ട് ചെറുതും, മങ്ങിയതുമായിരിക്കും. ചിറകിന്റെ പുറത്ത് കറുത്ത് പുള്ളികൾ കാണാം. ചിറകിന്റെ അടിവശത്ത് മങ്ങിയ തവിട്ടുനിറമാണ്. ധാരാളം ചെറിയ പുള്ളികളുണ്ട്. അതുകൊണ്ട് ചിറകടച്ചിരിക്കുന്ന ഈ ശലഭം അത്ര എളുപ്പത്തിൽ കണ്ണിൽപ്പെടില്ല.

ആവാസസ്ഥലങ്ങൾ[തിരുത്തുക]

കാടുകളിലും, വൃക്ഷങ്ങൾ തിങ്ങിനിറഞ്ഞ സ്ഥലങ്ങളിലും, കുന്നിൻ ചെരിവുകളിലും, കാവുകളിലും ഇവയെ കണ്ടുവരുന്നു.

ഇതുംകാണുക[തിരുത്തുക]

  • Evans, W.H. (1932) The Identification of Indian Butterflies. (2nd Ed), Bombay Natural History Society, Mumbai, India

പുറംകണ്ണികൾ[തിരുത്തുക]

ചിത്രശാല[തിരുത്തുക]

അവലംബം[തിരുത്തുക]

  1. 1.0 1.1 1.2 Savela, Markku. "Hebomoia Hübner, [1819]". Lepidoptera Perhoset Butterflies and Moths. 
  2. Kehimkar, Isaac (2016). Butterflies of India (ഭാഷ: English) (2016 എഡി.). Mumbai: Bombay Natural History Society. p. 185. ഐ.എസ്.ബി.എൻ. 9789384678012. 
  3. 3.0 3.1 Varshney, R.; Smetacek, P. ASynoptic Catalogue of the Butterflies of India. (2015 എഡി.). New Delhi: Butterfly Research Centre, Bhimtal and Indinov Publishing. pp. 82–83. 
  4. ഇപ്പോൾ പൊതുസഞ്ചയത്തിലുള്ള കൃതിയിൽനിന്നുള്ള വിവരങ്ങൾ ഇവിടെ ഉൾപ്പെടുത്തിയിരിക്കുന്നു: Bingham, C.T. (1907). The Fauna of British India, Including Ceylon and Burma II (1st എഡി.). London: Taylor and Francis, Ltd. pp. 274–275. 
  5. Swinhoe, Charles (1905-1910). Lepidoptera Indica. Vol. VII. London: Lovell Reeve and Co. pp. 123–126.  തീയതിയ്ക്ക് നൽകിയ വില പരിശോധിക്കുക: |date= (സഹായം)

പുറം കണ്ണികൾ[തിരുത്തുക]


"https://ml.wikipedia.org/w/index.php?title=ചെഞ്ചിറകൻ&oldid=2816078" എന്ന താളിൽനിന്നു ശേഖരിച്ചത്