ആട്ടക്കാരി

വിക്കിപീഡിയ, ഒരു സ്വതന്ത്ര വിജ്ഞാനകോശം.


ആട്ടക്കാരി
PlumJudyJavadi.jpg
ശാസ്ത്രീയ വർഗ്ഗീകരണം
സാമ്രാജ്യം: Animalia
ഫൈലം: Arthropoda
ക്ലാസ്സ്‌: Insecta
നിര: Lepidoptera
കുടുംബം: Riodinidae
ജനുസ്സ്: Abisara
വർഗ്ഗം: ''A. echerius''
ശാസ്ത്രീയ നാമം
Abisara echerius

ഹരിതവനങ്ങളിലും ഇലപൊഴിയും കാടുകളിലും കാണപ്പെടുന്ന അഴകുറ്റ ഒരു പൂമ്പാറ്റയാണ് ആട്ടക്കാരി (Plum Judy).[1] കേരളത്തിൽ വിരളമായേ ഇതിനെ കാണാൻ കഴിയുകയുള്ളൂ. ചിലപ്പോൾ നാട്ടിൻപുറങ്ങളിലെ ചെറുകാടുകളിൽ ആട്ടക്കാരി തന്റെ സാന്നിദ്ധ്യം അറിയിക്കാറുണ്ട്.

ഈ പൂമ്പാറ്റയ്ക്കു ഒരു കൗതുക സ്വഭാവമുണ്ട്. പറന്നുവന്ന് ഇലയിൽ ഇരുന്നാൽ ഇരിപ്പ് ഉറയ്ക്കാത്തതുപോലെ പലവുരു തിരിഞ്ഞും,മറിഞ്ഞും കളിയ്ക്കും. അതിനാൽ നർത്തകി ജൂഡി (Dancing Judy)എന്നും ഇതിനെ വിളിയ്ക്കാറുണ്ട്. [2]ഇങ്ങനെ ദേഹം ചലിപ്പിയ്ക്കുന്നത് ശത്രുക്കൾ പെട്ടെന്നു വാലും തലയും തിരിച്ചറിയാതിരിയ്ക്കാൻ ആണ്. വെയിലിനെക്കാളുപരി തണലാണ് ആട്ടക്കാരി ശലഭത്തിനിഷ്ടം. വർഷത്തിൽ എല്ലാക്കാലത്തും ഇവയെക്കാണാം. അമ്മിമുറിയൻ ചെടിയുടെ ഇലയിൽ ഇവ മുട്ടയിടാറുണ്ട്.

നിറം[തിരുത്തുക]

ചുവപ്പു കലർന്ന തവിട്ടുനിറമുള്ള ചിറകും,ഇളം പച്ചക്കണ്ണുകളുമാണ് ഇതിനുള്ളത്. പിൻചിറകിന്റെ അറ്റം പിന്നോട്ട് കൂർത്തിരിയ്ക്കും. വാൽ ഇല്ല. പിൻചിറകിന്റെ അടിവശത്ത് വെളുത്തവലയത്തിൽ കറുത്തപുള്ളികൾ ഉണ്ട്. പിൻചിറകിലും മുൻചിറകിലും വെളുത്ത കരകൾ കാണാം.വേനൽക്കാലത്ത് ചിറകുകൾ മങ്ങിയ നിറത്തിൽകാണപ്പെടുന്നു.

അവലംബം[തിരുത്തുക]

  1. Bingham, C.T. (1907) The Fauna of British India, Including Ceylon and Burma. Lepidoptera. Volume 2.
  2. Wynter-Blyth, M.A. (1957) Butterflies of the Indian Region, Bombay Natural History Society, Mumbai, India.

പുറംകണ്ണികൾ[തിരുത്തുക]


"https://ml.wikipedia.org/w/index.php?title=ആട്ടക്കാരി&oldid=2747276" എന്ന താളിൽനിന്നു ശേഖരിച്ചത്