മുളംതവിടൻ

വിക്കിപീഡിയ, ഒരു സ്വതന്ത്ര വിജ്ഞാനകോശം.
മുളന്തവിടൻ
Bamboo Treebrown UN.jpg
Lethe europa openwing.JPG
ശാസ്ത്രീയ വർഗ്ഗീകരണം
സാമ്രാജ്യം: Animalia
ഫൈലം: Arthropoda
ക്ലാസ്സ്‌: Insecta
നിര: Lepidoptera
കുടുംബം: Nymphalidae
ജനുസ്സ്: Lethe
വർഗ്ഗം: L. europa
ശാസ്ത്രീയ നാമം
Lethe europa
(Fabricius, 1787)[1]

വനങ്ങൾക്കു സമീപവും, മുളങ്കാടുകളിലും കാണുന്ന ഒരു നിശാശലഭമാണ് മുളന്തവിടൻ. ( Bamboo Treebrown-Lethe europa). ഉണക്ക് മുളയുടെ ഇലകളിൽ പെട്ടെന്ന് അപ്രത്യക്ഷമാകാൻ കഴിയുന്ന നിറം ഇതിന്റെ പ്രത്യേകതയാണ്.തവിട്ടു കലർന്ന കറുത്ത ചിറകിൽ വെളുത്ത പട്ടയും ധാരാളം കൺപൊട്ടുകളും കാണുന്നു.പിൽചിറകിലെ കൺപൊട്ടുകൾക്ക് വലിപ്പം കൂടുതൽ ഉണ്ട്. പൂന്തേൻ കുടിക്കാത്ത ഈ ശലഭങ്ങൾ ജൈവാവശി‍ഷ്ടങ്ങളെയാണ് ആഹാരമാക്കുന്നത്.

വൈദ്യുതവിളക്കിന്റെ പ്രകാശം ഈ ശലഭത്തെ ആകർഷിയ്ക്കാറുണ്ട്. സാധാരണ വനങ്ങൾക്കു സമീപമുള്ള ഗൃഹങ്ങളിൽ മുളന്തവിടൻ എത്താറുണ്ട്. സാധാരണ ചുവരിൽ പറ്റിപ്പിടിച്ചിരിയ്ക്കുന്ന രീതിയിൽ ഇതിനെക്കാണാം.

നിറം[തിരുത്തുക]

ചിറകുകൾക്ക് ഇരുണ്ട തവിട്ടുനിറമാണ്. മുൻചിറകിന്റെ അടിവശത്തായി വീതികൂടിയ വെള്ളപ്പട്ട കാണാം. ഇതിൽ ധാരാളം കൺപൊട്ടുകളും കാണാം. നേർത്ത നീലകലർന്ന വെള്ള വര മുൻ,പിൻ ചിറകുകളിൽ കാണാം. പിൻചിറകിന്റെ അടിഭാഗത്തെ കൺപൊട്ട് വലുതാണ്.[2]

കാലത്തും വൈകിട്ടും സജീവമാകുന്ന ഇവയ്ക്ക് ധൃതിപിടിച്ച് പറക്കുന്ന സ്വഭാവമാണ്. മരത്തലപ്പിലും,കാട്ടുപൊന്തകളിലും ചെന്നിരിയ്ക്കുന്ന മുളന്തവിടൻ ചിറകു കൂട്ടിപ്പിടിച്ചാണ് വിശ്രമിയ്ക്കുക.

Bamboo treebrown dahanu.jpg

ഭക്ഷണം[തിരുത്തുക]

പൂന്തേൻ ഇഷ്ടമല്ലാത്ത വർഗ്ഗമാണിത്. ചീഞ്ഞ ഇലകളിൽ നിന്നും, പഴകിയ ഫലങ്ങളിൽ നിന്നും സത്തും,മണ്ണിലെ ലവണവും നുണയാറുണ്ട്. വിരളമായി ചാണകത്തിലും ഇരിയ്ക്കുന്നതു കാണാം. മുളകളിൽ ആണ് മുട്ടയിടുന്നത്.[3][4] ഇതിന്റെ പുഴുവിനു പച്ച നിറവും ,തലയിൽ ഒരു കൊമ്പും കാണാം. [2]പ്യൂപ്പയ്ക്ക് കരിയില നിറമാണ്.

ചിത്രശാല[തിരുത്തുക]

അവലംബം[തിരുത്തുക]

  1. Fabricius. (Papilio) Syst. Ent. 1775, p. 500:
  2. 2.0 2.1 Bingham, C. T. 1905. Fauna of British India. Butterflies. Volume 1.
  3. Ferrar, M. L. 1948. "The butterflies of the Andamans and Nicobars". J. Bombay nat. Hist. Soc. 47:470-491
  4. Veenakumari, K. and Prashanth Mohanraj 1997. "Rediscovery of Lethe europa tamuna with notes on other threatened butterflies from the Andamans and Nicobar Islands". Journal of the Lepidopterists' Society. 51(3):273-275 PDF

പുറംകണ്ണികൾ[തിരുത്തുക]

  • FLMNH Excellent photographs of male and female, from Sulawesi(authority determined).


"https://ml.wikipedia.org/w/index.php?title=മുളംതവിടൻ&oldid=1938295" എന്ന താളിൽനിന്നു ശേഖരിച്ചത്