സുവർണ്ണശലഭം

വിക്കിപീഡിയ, ഒരു സ്വതന്ത്ര വിജ്ഞാനകോശം.
സുവർണ്ണ ശലഭം (Golden Angle)
Golden Angle-Savan Durga-Bangalore Rural .jpg
Golden Angle WSF
ശാസ്ത്രീയ വർഗ്ഗീകരണം
സാമ്രാജ്യം: Animalia
ഫൈലം: Arthropoda
ക്ലാസ്സ്‌: Insecta
നിര: Lepidoptera
കുടുംബം: Hesperiidae
ജനുസ്സ്: Caprona
വർഗ്ഗം: C. ransonnetti
ശാസ്ത്രീയ നാമം
Caprona ransonnetti
(Felder, 1868)
പര്യായങ്ങൾ

Abaratha ransonnetti

പൊതുവെ വനങ്ങളിൽ കഴിയുന്ന ഒരു പൂമ്പാറ്റയാണ് സുവർണ്ണ ശലഭം (Caprona ransonnetti). ഇത് സുവർണ്ണപ്പരപ്പൻ എന്നും അറിയപ്പെടുന്നു. കാടുകളുടെ സമീപപ്രദേശങ്ങളിലും ഇവയെ കാണാറുണ്ട്.

ജീവിതരീതി[തിരുത്തുക]

നീർത്തടങ്ങളുടെ ഓരത്തിരുന്ന് ലവണം നുകരുന്ന സ്വഭാവമുണ്ട്. വെയിൽ കായുന്ന ഇലപ്പുറത്തിരുന്നാണ്. ആൺശലഭങ്ങൾ മറ്റുപൂമ്പാറ്റകളെ തുരത്തിയോടിയ്ക്കുന്നത് കാണാം. കുതിച്ച് പായുന്ന പൂമ്പാറ്റയാണിത്. ദീർഘദൂരത്തിലും വളരെ ഉയരത്തിലും പറക്കാറില്ല. അരിപ്പൂവിൽ നിന്നും ചിരവപ്പൂവിൽ നിന്നും ആർത്തിയോടെ തേൻകുടിയ്ക്കുന്നത് കാണാം.

ശരീരപ്രകൃതി[തിരുത്തുക]

ഈ ശലഭത്തിന് രണ്ട് തരത്തിലുള്ള രൂപം ഉണ്ട്.

മഴക്കാലം[തിരുത്തുക]

മഴക്കാലത്ത് ചിറകുകൾക്ക് ഇരുണ്ട തവിട്ടുനിറമായിരിക്കും. ചിറകിൽ സുവർണ്ണനിറം പടർന്നിരിക്കും. പിൻചിറകിന്റെ മധ്യഭാഗം മഞ്ഞ കലർന്നിട്ടാണ്.

വേനൽക്കാലം[തിരുത്തുക]

വേനൽക്കാലത്ത് ചിറകുകൾക്ക് നിറം മങ്ങിയിരിക്കും. സുവർണ്ണനിറത്തിന് കൂടുതൽ തിളക്കമുണ്ടാകും. മുൻചിറകിലെ വെളുത്ത പുള്ളികൾ മഴക്കാലത്തും വേനൽക്കാലത്തും കാണാം.

ഇണയെ ആകർഷിക്കൽ[തിരുത്തുക]

ഇതിന്റെ പ്രധാന പ്രത്യേകത ഇത് ഇണയെ ആകർഷിക്കുന്ന രീതിയാണ്. പെണ്ണിനെ കാണുമ്പോൾ ആൺശലഭം മുൻകാലുകൾ പിന്നോട്ട് മടക്കിപ്പിടിയ്ക്കും. ആ സമയത്ത് ശലഭത്തിന്റെ മാറിൽ നിന്ന് ബ്രഷ് പോലുള്ള ചെറു രോമങ്ങൾ തള്ളിവരും. ആൺ ശലഭം താടി വളർത്തിയതാണെന്ന് അത് കണ്ടാൽ തോന്നും. ആണിന്റെ ഈ പെരുമാറ്റത്തിൽ പെൺശലഭം ആകൃഷ്ടരാകുകയാന് പതിവ്.

പ്രത്യുൽപ്പാദനം[തിരുത്തുക]

മുട്ടയിടൽ[തിരുത്തുക]

ഇടം പിരി വലം പിരി തുടങ്ങിയ സസ്യങ്ങളിലാണ് മുട്ടയിടുന്നത്. ശലഭപ്പുഴുവിന് ഇളം പച്ചനിറമാണ്. ശിരസ് രോമാവൃതമാണ്.

പുഴുപ്പൊതി[തിരുത്തുക]

പുഴുപ്പൊതി(പ്യൂപ്പ) വെളുത്തിട്ടാണ്. വെളുപ്പിൽ കറുപ്പും ഓറഞ്ചും നിറത്തിലുള്ള പുള്ളികൾ കാണാം.

ചിത്രങ്ങൾ[തിരുത്തുക]

സുവർണശലഭത്തിന്റെ ജീവിതചക്രം

അവലംബം[തിരുത്തുക]

  • കേരളത്തിലെ പൂമ്പാറ്റകൾ (മാതൃഭൂമി ആഴ്ചപ്പതിപ്പ്)



"https://ml.wikipedia.org/w/index.php?title=സുവർണ്ണശലഭം&oldid=2263545" എന്ന താളിൽനിന്നു ശേഖരിച്ചത്