കൊല്ലം വിമാനത്താവളം

ഇംഗ്ലീഷ് വിലാസം

https://ml.wikipedia.org/wiki/Quilon_Aerodrome

Quilon Aerodrome
IATA: -- ICAO: --
Summary
Airport type	പൊതുഉപയോഗം
Owner	തിരുവിതാംകൂർ (Till 1932)
Operator	പൊതുമരാമത്ത് വകുപ്പ്
Location	ആശ്രാമം മൈതാനം
Time zone	(UTC+05:30)
Map
കൊല്ലം വിമാനത്താവളം Location within Kerala

കൊല്ലം ആശ്രാമം മൈതാനത്ത് 1932 വരെ പൊതുമരാമത്ത് വകുപ്പിന്റെ കീഴിൽ പ്രവർത്തിച്ചു വന്നിരുന്ന വിമാനത്താവളമാണ് കൊല്ലം വിമാനത്താവളം. തുടർന്ന് 1932-ൽ തിരുവനന്തപുരം അന്താരാഷ്ട്ര വിമാനത്താവളം പ്രവർത്തനമാരംഭിച്ചതോടെ ഇതിന്റെ ഉപയോഗം കുറഞ്ഞു. നിലവിൽ ഇവിടെ ഫ്ലൈയിങ്ങ് അക്കാദമി സ്ഥാപിക്കാനുള്ള പദ്ധതികൾ ആവിഷ്കരിച്ചിട്ടുണ്ട്.

ചരിത്രം

തിരുവിതാംകൂറിലെ ആദ്യത്തെ വിമാനത്താവളമാണ് ആശ്രാമം വിമാനത്താവളം. 1932-ൽ വിമാനത്താവളം നിർമ്മിച്ചു. 1936-ൽ ഇവിടെ രണ്ടു വിമാനങ്ങൾ പറന്നിറങ്ങി. അക്കാലത്ത് അതൊരു വലിയ സംഭവമായിരുന്നു. വിമാനം കാണുവാൻ മധ്യതിരുവിതാംകൂറിന്റെ എല്ലാ ഭാഗത്തുനിന്നും ജനങ്ങളെത്തി. അഞ്ചു രൂപാ ടിക്കറ്റെടുത്തവർക്ക് വിമാനത്തിൽ പറക്കുവാൻ അവസരം ലഭിച്ചു.

രണ്ടു വിമാനങ്ങളിൽ ഒന്ന് ജലവിമാനമായിരുന്നുവെന്ന് പറയുന്നു. ഈ വിമാനം ആശ്രാമം മൈതാനത്തു നിന്ന് അഷ്ടമുടിക്കായലിലേക്ക് ഇറങ്ങി നീന്തിയെന്നാണ് ചരിത്രകാരന്മാർ രേഖപ്പെടുത്തിയിട്ടുള്ളത്. കൊല്ലത്തെ എച്ച് ആൻഡ് സിയിലെ ബ്രിട്ടീഷ് ഉദ്യോഗസ്ഥരാണ് അന്ന് വിമാനം കൊണ്ടുവന്നത്. പിന്നെയും ധാരാളം ചെറുവിമാനങ്ങൾ ആശ്രാമം മൈതാനത്തു പറന്നിറങ്ങി. കാലക്രമേണ ആശ്രാമം വിമാനത്താവളത്തിന്റെ പ്രധാന്യം കുറഞ്ഞുവന്നു.

ഇതുകൂടി കാണുക

• ഇന്ത്യയിലെ അന്താരാഷ്ട്രവിമാനത്താവളങ്ങളുടെ പട്ടിക
• ഇന്ത്യയിലെ വിമാനത്താവളങ്ങളുടെ പട്ടിക