ക്രിസ്തുമതം കേരളത്തിൽ

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
മലയാറ്റൂർ സീറോ മലബാർ കത്തോലിക്കാ പള്ളിയുടെ മദ്ബഹ

ക്രിസ്തുസന്ദേശം കേരളത്തിൽ ആദ്യമെത്തിയത് പന്ത്രണ്ട് അപ്പസ്തോലന്മാരിൽ ഒരുവനായിരുന്ന തോമാശ്ലീഹ വഴിയാണെന്ന വിശ്വാസം പ്രബലമാണ്. അതനുസരിച്ച് പൊതുവർഷം 52-ൽ കേരളത്തിലെത്തിയ അദ്ദേഹം ഇവിടെ ദേവാലയങ്ങൾ സ്ഥാപിച്ചതായും വിശ്വസിക്കപ്പെടുന്നു[1]. പിൽക്കാലങ്ങളിലും നിരവധി ക്രിസ്തീയ വേദപ്രചാരകർ കേരളത്തിലെത്തി മതപ്രചരണംനടത്തുകയും അനേകർ ക്രിസ്തുമതം സ്വീകരിക്കുകയുംചെയ്തു. വിദേശത്തുനിന്ന് ക്രിസ്തുമതവിശ്വാസികൾ ഇവിടേയ്ക്ക് കുടിയേറിയതിനു ചരിത്രരേഖകളുണ്ട്. കേരളത്തിലെ ആദ്യകാലക്രിസ്ത്യാനികളായ ഇവരെ നസ്രാണികൾ അഥവാ സുറിയാനി ക്രിസ്ത്യാനികൾ അഥവാ മാർത്തോമാ ക്രിസ്ത്യാനികൾ എന്ന് പൊതുവെ അറിയപ്പെട്ടിരുന്നു. കേരളത്തിലെ ഈ ആദ്യകാല ക്രൈസ്തവസമൂഹം പൗരസ്ത്യ സുറിയാനിഭാഷയും പാരമ്പര്യങ്ങളുമുള്ളവരായിരുന്നു. വാസ്കോ ഡ ഗാമ 1498-ൽ കേരളത്തിലെത്തുന്നതുവരെ ഇവർ പൊതുവേ ഏകയോഗക്ഷേമരായി കഴിയുകയായിരുന്നു. പോർട്ടുഗീസുകാർ ലത്തീൻ ആരാധനാക്രമങ്ങളും ഭാഷയും അടിച്ചേൽ‍പ്പിക്കാൻ ശ്രമിച്ചപ്പോൾ, എതിർത്ത സുറിയാനിക്രിസ്ത്യാനികൾതന്നെ പിന്നീട് രണ്ടുചേരിയായിത്തിരിഞ്ഞു. 1503-ലാണ്‌ ഇന്ത്യയിലെ ആദ്യത്തെ റോമൻ കത്തോലിക്ക പള്ളി പണിതത്[1]

നവീകരണത്തെത്തുടർന്ന് കത്തോലിക്കാസഭയിൽനിന്ന് വേർപെട്ട് യൂറോപ്പിൽ രൂപംകൊണ്ട പ്രൊട്ടസ്റ്റൻറ് പ്രസ്ഥാനങ്ങളിലെ മിഷണറിമാർ ക്രമേണ കേരളത്തിലുമെത്തി പ്രൊട്ടസ്റ്റൻറ് വിശ്വാസം പ്രചരിപ്പിച്ചു. കേരളത്തിന്റെ സാംസ്കാരികവും സാമൂഹികവുമായ വളർച്ചയ്ക്ക് മിഷണറിമാർ നൽകിയ സംഭാവനകൾ നിരവധിയാണ്. അവർ സ്ഥാപിച്ച അനേകം വിദ്യാലയങ്ങളും ആതുരാലയങ്ങളും ഇന്നും കേരളത്തിൽ നിലനിൽക്കുന്നുണ്ട്. കേരളത്തിൽ അന്നു നിലനിന്നിരുന്ന ജാതിവ്യവസ്ഥയുടെയും തൊട്ടുകൂടായ്മയുടെയും ദുരിതമനുഭവിച്ചിരുന്ന അനേകർ ക്രിസ്തുമതം സ്വീകരിച്ചു. അവർണ്ണസമുദായങ്ങളിൽനിന്ന് ക്രിസ്തുമതം സ്വീകരിച്ചവർ പരിവർത്തിതക്രൈസ്തവർ എന്നറിയപ്പെടുന്നു.

St.Thomas Chrisitians Malayalam.png

ഐതിഹ്യം[തിരുത്തുക]

തോമാശ്ലീഹ ക്രി. വ. 54-ൽ സ്ഥാപിച്ചതായി കരുതപ്പെടുന്ന നിരണം പള്ളി

ക്രിസ്തുവർഷം 52-ൽ ക്രിസ്തുവിന്റെ പന്ത്രണ്ട് അപ്പസ്തൊലന്മാരിലൊരുവനായ തോമാശ്ലീഹാ കേരളത്തിലെത്തിയെന്ന് പരക്കെ വിശ്വാസമുണ്ട്. മലബാറിലെ മുസ്സിരിസ്സിലാണു (കൊടുങ്ങല്ലൂർ) അദ്ദേഹം കപ്പലിറങ്ങിയതായി പറയപ്പെടുന്നത്. തെക്കെ ഇൻഡ്യയിൽ സ്ഥിതി ചെയ്യുന്ന മലബാർ ‍ഇന്നത്തെ കേരളത്തെക്കാൾ വലുതും കേരളത്തിൻറെ വടക്കുഭാഗത്തു ഇന്നു മലബാർ എന്ന വിശേഷിക്കപ്പെടുന്ന ഭൂവിഭാഗത്തിൽ നിന്ന് വ്യത്യസ്തവുമായിരുന്നു.

ക്രിസ്തുവർഷം ആരംഭിക്കുന്നതിനു മുമ്പേ മധ്യപൂർവ്വ രാജ്യങ്ങളുമായി വാണിജ്യബന്ധം സ്ഥാപിച്ചതിൽ ഖ്യാതി നേടിയിരുന്നു മലബാർ. മലബാറിൻറെ തീരപ്രദേശങ്ങളിൽ ജൂത കോളനികളുണ്ടായിരുന്നു. ഇസ്ലാം മതത്തിൻറെ ആവിർഭാവത്തിനു മുമ്പ് വരെ ഇവരുടെ വാണിജ്യഭാഷ, യേശു സംസാരിച്ചിരുന്ന 'അറമായ' ഭാഷ ആയിരുന്നു[അവലംബം ആവശ്യമാണ്].

മുസ്സരിസ്സ്(കൊടുങ്ങല്ലൂർ), പാലയൂർ(ചാവക്കാട്), കൊക്കമംഗലം, പരവൂർ(കോട്ടക്കാവ്), നിരണം, കൊല്ലം, നിലയ്ക്കൽ ‍(ചായൽ) തുടങ്ങിയ സ്ഥലങ്ങളിൽ തോമാശ്ലീഹാ സുവിശേഷ പ്രചരണം നടത്തിയതിന്റെ ഫലമായി രൂപമെടുത്തതായി കരുതപ്പെടുന്ന വിശ്വാസിസമൂഹങ്ങളുടെ പിന്മുറക്കാരാണ് തങ്ങളെന്നാണ് കേരളത്തിലെ ക്രിസ്ത്യാനികളുടെ പരമ്പരാഗതവിശ്വാസം. ഒടുവിൽ പ്രവർത്തിച്ച സ്ഥലമായ തമിഴ്നാട്ടിലെ മൈലപ്പൂരിൽ വച്ച് ക്രിസ്തുവർഷം 72-ൽ അദ്ദേഹം രക്തസാക്ഷിയായി എന്നതും ഈ വിശ്വാസത്തിന്റെ ഭാഗമാണ്. തോമാശ്ലീഹയുടേതായി കരുതപ്പെടുന്ന കബറിടം മൈലാപ്പൂരിൽ ഇപ്പോഴുണ്ടെങ്കിലും അവിടുത്തെ ഭൗതികാവശിഷ്ടം സിറിയയിലെ എഡേസായിലേയ്ക്കും അവിടെ നിന്നും ഇറ്റലിയിലെ ഓർത്തൊണയിലേക്കും കൊണ്ടു പോയതായി വിശ്വസിക്കപ്പെടുന്നു. തോമാശ്ലീഹാ സ്ഥാപിച്ചതായി വിശ്വസിക്കപ്പെടുന്ന പള്ളികൾ ഏഴരപ്പള്ളികൾ എന്നറിയപ്പെടുന്നു.

കേരളത്തിലെ ക്രൈസ്തവ സഭകൾ[തിരുത്തുക]

കേരളത്തിലെ ക്രിസ്തീയ വിഭാഗങ്ങൾ

  സിറോ-മലബാർ (38.2%)
  മലങ്കര കത്തോലിക്കാ (7.6%)
  റോമൻ (ലത്തീൻ) കത്തോലിക്കാ (15.2%)
  ഓർത്തഡോക്സ്‌ (8.0%)
  യാക്കോബായ (7.9%)
  മാർത്തോമാ (6.6%)
  സി. എസ്. ഐ (4.5%)
  പെന്തകോസ്ത് (4.3%)
  ദളിത് ക്രൈസ്തവർ (2.6%)
  മറ്റുള്ളവർ (5.9%)
വിഭാഗങ്ങൾ അംഗസംഖ്യ കേരള ജനസംഖ്യയുടെ ശതമാനം
സിറോ-മലബാർ 2345911 7.0
മലങ്കര കത്തോലിക്കാ 465207 1.4
റോമൻ (ലത്തീൻ) കത്തോലിക്കാ 932733 2.8
യാക്കോബായ 482762 1.4
ഓർത്തഡോക്സ് 493858 1.5
മാർത്തോമാ 405089 1.2
സി. എസ്. ഐ 274255 0.8
പെന്തകോസ്ത് 213806 0.6
ദളിത് ക്രൈസ്തവ 159982 0.5
മറ്റു ക്രൈസതവർ 361864 1.1
ആകെ 6141269 18.4

(അവലംബം: Religious Denominations of Kerala)[2]

മാരാമൺ കൺവെൻഷൻ

കേരളത്തിലെ മുഖ്യധാരക്രൈസ്തവ സഭകൾ പ്രധാനമായും അഞ്ച് വിഭാഗങ്ങളിൽ പെടുന്നു.

  1. കത്തോലിക്കാ സഭകൾ
  2. ഓർത്തഡോക്സ് സഭകൾ‍
  3. ഇതര സുറിയാനി സഭകൾ
  4. പ്രൊട്ടസ്റ്റൻറ് സഭകൾ
  5. അൾട്രാപ്രൊട്ടസ്റ്റന്റ് സ്വയശീർഷക സഭകൾ

കത്തോലിക്കാ സഭകൾ[തിരുത്തുക]

റോമിലെ മാർപ്പാപ്പ പരമാധ്യക്ഷനായ കത്തോലിക്കാ സഭയുടെ മൂന്ന് വ്യക്തിസഭകൾ കേരളത്തിൽ പ്രവർത്തിക്കുന്നു.

പൗരസ്ത്യ പാരമ്പര്യത്തിലുള്ള കത്തോലിക്കാ സഭകൾ[തിരുത്തുക]

ലത്തീൻ പാരമ്പര്യത്തിലുള്ള കത്തോലിക്കാ സഭ[തിരുത്തുക]

ഓർത്തഡോക്സ് സഭകൾ[തിരുത്തുക]

ഓറിയന്റൽ ഓർത്തഡോക്സ് സഭാകുടുംബത്തിൽ ഉൾപ്പെടുന്ന രണ്ട് സഭകൾ കേരളത്തിലുണ്ട്

1912 വരെ ഈ സഭകൾ ഒന്നായി നിലനിന്നിരുന്നു. 1912-ൽ ഉണ്ടായ ഭിന്നിപ്പിൽ അന്നത്തെ മലങ്കര മെത്രാപ്പോലീത്തയായിരുന്ന വട്ടശ്ശേരിൽ മാർ ദിവാന്നാസ്യോസിനെ അനുകൂലിച്ചവർ 'മെത്രാൻ കക്ഷി' എന്നും അന്ത്യോഖ്യയിലെ പാത്രിയാർക്കീസ് ബാവയെ അനുകൂലിച്ചവർ 'ബാവാ കക്ഷി' എന്ന പേരിലും അറിയപ്പെട്ടു. ഇവരെ യഥാക്രമം 'കാതോലിക്കോസ് കക്ഷി' എന്നും 'പാത്രിയാർക്കീസ് കക്ഷി' എന്നും വിവക്ഷിച്ചിരുന്നു.[3] 1958-ൽ ഇരു വിഭാഗങ്ങളും വീണ്ടും ഒന്നായെങ്കിലും 1975 വരേയെ ഈ ഐക്യം നീണ്ട് നിന്നുള്ളൂ. ഇപ്പോൾ ഇവരിൽ ആദ്യവിഭാഗം മലങ്കര ഓർത്തഡോക്സ് സുറിയാനി സഭ എന്ന പേരിൽ സ്വതന്ത്ര സഭയായും മറുവിഭാഗം യാക്കോബായ സുറിയാനി ക്രിസ്ത്യാനി സഭ എന്ന പേരിൽ ഇന്ത്യയിലെ പ്രാദേശിക തലവനു കീഴിൽ സുറിയാനി ഓർത്തഡോക്സ് സഭയുടെ അവിഭാജ്യ ഘടകമായും നിലകൊള്ളുന്നു.

സുറിയാനി പാരമ്പര്യത്തിലുള്ള മറ്റ് സഭകൾ[തിരുത്തുക]

പ്രൊട്ടസ്റ്റൻറ് സഭകൾ[തിരുത്തുക]

കത്തോലിക്കാ-ഓർത്തഡോക്സ്-പൗരസ്ത്യ സഭകളിൽ പെടാത്ത സഭകളെ പ്രൊട്ടസ്റ്റൻറ് വിഭാഗത്തിലാണ് പൊതുവേ പെടുത്തിയിരിക്കുന്നത്.

അൾട്രാപ്രൊട്ടസ്റ്റന്റ് സ്വയശീർഷക സഭകൾ[തിരുത്തുക]

മറ്റ് ക്രിസ്തീയ വിഭാഗങ്ങൾ[തിരുത്തുക]

മുഖ്യധാര ക്രൈസ്തവസഭകളിൽ പെടാത്ത ക്രിസ്തീയ വിഭാഗങ്ങളും കേരളത്തിലുണ്ട്.

അവലംബം[തിരുത്തുക]

  1. 1.0 1.1 HILL, JOHN (1963). "1-SOUTH INDIA". THE ROCKLIFF NEW PROJECT - ILLUSTRATED GEOGRAPHY - THE INDIAN SUB-CONTINENT. LONDON: BARRIE & ROCKLIFF. p. 28. Cite has empty unknown parameter: |coauthors= (help)
  2. K.C. Zachariah (April 2016). "Religious Denominations of Kerala" (PDF). Center for Development Studies. മൂലതാളിൽ (PDF) നിന്നും 2018-04-17-ന് ആർക്കൈവ് ചെയ്തത്. ശേഖരിച്ചത് 8 July 2018.
  3. മനോരമ ഇയർ ബുക്ക്‌ 2006 പേജു 403. മനോരമ പ്രസ്സ്‌, കോട്ടയം
"https://ml.wikipedia.org/w/index.php?title=ക്രിസ്തുമതം_കേരളത്തിൽ&oldid=3630091" എന്ന താളിൽനിന്ന് ശേഖരിച്ചത്