കൊല്ലം ജില്ലയിലെകശുവണ്ടി വ്യവസായ കേന്ദ്രങ്ങളിലൊന്നാണ് ചന്ദനത്തോപ്പ്. 1989-ലാണ് ഇവിടെ ഒരു തീവണ്ടിനിലയം സ്ഥാപിക്കുന്നത്. ഈ നിലയം കൊല്ലം നഗരത്തിന്റെ അതിർത്തിയോടു ചേർന്ന് സ്ഥിതിചെയ്യുന്നു. മാമ്മൂട്, മേക്കോൺ, കുഴിയം എന്നിവിടങ്ങളിൽ നിന്നുള്ളവരും ചന്ദനത്തോപ്പ് ഗവ. ഐ.ടി.ഐ.യിലെ വിദ്യാർത്ഥികളും യാത്ര ചെയ്യുവാൻ ഈ തീവണ്ടിനിലയത്തെയാണ് ആശ്രയിക്കുന്നത്. ചന്ദനത്തോപ്പ് തീവണ്ടിനിലയത്തിൽ നിന്നും 1.7 കിലോമീറ്റർ അകലെയാണ് കിളികൊല്ലൂർ തീവണ്ടി നിലയം സ്ഥിതിചെയ്യുന്നത്. ഇന്ത്യയിൽ രണ്ടു തീവണ്ടിനിലയങ്ങൾ തമ്മിലുള്ള ഏറ്റവും കുറഞ്ഞ ദൂരമാണിത്.
