തേവള്ളി
തേവള്ളി
Thevalli | |
|---|---|
നഗരപ്രാന്തം | |
 അഷ്ടമുടിക്കായലിലൂടെ സഞ്ചരിക്കുന്ന ഒരു ഹൗസ് ബോട്ട് - തേവള്ളിയിൽ നിന്നുള്ള ദൃശ്യം. | |
  തേവള്ളി Location in Kollam, India | |
| Coordinates: 8°53′45″N 76°34′40″E / 8.89583°N 76.57778°E | |
| Country |  ഇന്ത്യ |
| State | കേരളം |
| District | കൊല്ലം |
| സർക്കാർ | |
| • ഭരണസമിതി | കൊല്ലം മുനിസിപ്പൽ കോർപ്പറേഷൻ(KMC) |
| Languages | |
| • Official | Malayalam, English |
| സമയമേഖല | UTC+5:30 (IST) |
| PIN | 691009 |
| വാഹന രജിസ്ട്രേഷൻ | KL-02 |
| Lok Sabha constituency | Kollam |
| Civic agency | Kollam Municipal Corporation |
| Avg. summer temperature | 34 °C (93 °F) |
| Avg. winter temperature | 22 °C (72 °F) |
| വെബ്സൈറ്റ് | http://www.kollam.nic.in |
കേരളത്തിലെ കൊല്ലം നഗരത്തിൽ അഷ്ടമുടിക്കായലിന്റെ സമീപത്തായി സ്ഥിതി ചെയ്യുന്ന ഒരു സ്ഥലമാണ് തേവള്ളി. ദേശീയ പാത -183 (മുമ്പ് NH 220) കൊല്ലം നഗരപ്രാന്തമായ ഇതിന് സമീപത്തുകൂടിയാണ് കടന്നുപോകുന്നു. കൊല്ലം നഗരസഭയുടെ ഒരു വാർഡ് (വാർഡ് # 13) കൂടിയാണിത്.
ചരിത്രം
[തിരുത്തുക]എ.ഡി. 849-50 കാലഘട്ടത്തിലെ കേരളത്തിന്റെ ലഭ്യമായ ആദ്യത്തെ രേഖപ്പെടുത്തപ്പെട്ട ചരിത്രമായ തരിസാപ്പള്ളി (തേവള്ളി) ശാസനത്തിൽ, തേവള്ളിയിലെ മണിഗ്രാമത്തിലെ ക്രിസ്ത്യൻ കുടിയേറ്റക്കാർക്ക് അന്നത്തെ വേണാട് ഭരണാധികാരികൾ നികുതി രഹിത ആനുകൂല്യങ്ങൾ നൽകിയിരുന്നതായി ലിഖിതങ്ങളുള്ള ഒരു ചെമ്പ് ഫലകം സൂചിപ്പിക്കുന്നു.
തേവള്ളിയിൽ ഇന്നത്തെ കോട്ടയത്തുകടവ് പ്രദേശത്ത് പുരാതനമായ ഒരു കോട്ടകെട്ടിയ പ്രദേശം ഉണ്ടായിരുന്നു. ഈ പ്രദേശം തന്ത്രപരമായ, വളരെ പ്രധാനപ്പെട്ട ഒരു സ്ഥലമായിരുന്നു. ഈ പ്രദേശത്തേയ്ക്ക് കൂടുതൽ സുഗമമായി എത്തിച്ചേരുന്നതിന് റോഡുകൾ നിർമ്മിക്കുന്നതിനു മുമ്പുള്ള കാലഘട്ടത്തിൽ ചരക്കുകൾ, ആളുകൾ, സൈന്യം മുതലായവയുടെ നീക്കം പ്രധാനമായും ജലപാതയിലൂടെയായിരുന്നു നിർവ്വഹിച്ചിരുന്നത് എന്നതിനാലാണ് ഈ പ്രാമുഖ്യം കൈവന്നത്. തിരുവിതാംകൂറിലെ വള്ളക്കടവിനെ ആലപ്പുഴ, കോട്ടയം, തിരുവിതാംകൂറിന്റെ മറ്റ് വടക്കൻ ഭാഗങ്ങൾ എന്നിവയുമായി ബന്ധിപ്പിക്കുന്ന പ്രധാന ജലപാതയായ തിരുവനന്തപുരം-ഷൊർണൂർ കനാൽ ഈ പ്രദേശത്തെ ഒരു ഇടുങ്ങിയ വഴിയിലൂടെയായിരുന്നു കടന്നുപോയിരുന്നത്. പണ്ട് കോട്ടയത്തുകടവിനെ തേവള്ളിയുമായി ബന്ധിപ്പിച്ചിരുന്നത് കാൽനടയാത്രക്കായി നിർമ്മിക്കപ്പെട്ട ഒരു മരപ്പാലമായിരുന്നു. ആധുനിക കാലത്ത്, കോട്ടയത്തുകടവ്, തേവള്ളിയുമായി ബന്ധിപ്പിക്കുന്ന ഫെറി സൗകര്യമുള്ള ഒരു പ്രമുഖ പ്രാദേശിക ബോട്ട് ജെട്ടിയായിരുന്നു. 1966 ൽ തേവള്ളി പാലം നിർമ്മിക്കുന്നതുവരെ അത് അങ്ങനെ തന്നെയായിരുന്നു.
ഈ പ്രദേശത്തെ ചരിത്രപ്രസിദ്ധമായ കോട്ടയിൽ ലാറ്ററൈറ്റ് കൊണ്ട് നിർമ്മിച്ചതും ടൈൽ കൊണ്ട് മേൽക്കൂരയുള്ളതുമായ ഒരു കൊട്ടാരം ഉണ്ടായിരുന്നു (ഈ ഘടനകളുടെയും അവശിഷ്ടങ്ങളുടെയും പുരാവസ്തു അവശിഷ്ടങ്ങൾ 1960-കൾ വരെ ലഭ്യമായിരുന്നു). അക്കാലത്ത് വേണാട് ഭരണാധികാരികൾ കൊട്ടാരം നിൽക്കുന്ന പ്രദേശം കൈവശപ്പെടുത്തിയിരുന്നു. തിരുവിതാംകൂറിൽ ബ്രിട്ടീഷ് ഇന്ത്യയുടെ റസിഡന്റും ദിവാനുമായിരുന്ന കേണൽ ജോൺ മൺറോയുടെ കാലത്ത്, തേവള്ളിയിൽ രാജാവിനായി ഒരു കൊട്ടാരവും, ആശ്രമത്തിൽ ബ്രിട്ടീഷ് റസിഡന്റിന്റെ താമസത്തിനായി ഒരു വാസസ്ഥലവും നിർമ്മിച്ചു. തേവള്ളി കൊട്ടാരം ഇന്ന് നാഷണൽ കേഡറ്റ് കോർപ്സ് (ഇന്ത്യ) ഉപയോഗിക്കുന്നു.
പ്രധാന്യം
[തിരുത്തുക]
കൊല്ലത്തെ പ്രധാന ടൂറിസ്റ്റ് കേന്ദ്രമായ തേവള്ളിയിൽ തിരുവിതാംകൂർ രാജാവിന്റെ താമസസ്ഥലമായിരുന്ന തേവള്ളി കൊട്ടാരം സ്ഥിതി ചെയ്യുന്നു[1]. കൊല്ലം ജില്ലയുടെ നാഷണൽ കേഡറ്റ് കോർപസിന്റെ ആസ്ഥാനവും തേവള്ളിയിലാണ്.[2] കൊല്ലം ജില്ലയിലെ മിൽമയുടെ ഡയറി പ്ലാന്റ് തേവള്ളിയിലാണ് സ്ഥിതി ചെയ്യുന്നത്. പ്രതിദിനം 60,000 ലിറ്റർ കൈകാര്യം ചെയ്യാൻ ശേഷിയുള്ള ഈ ഡയറി 1986 ൽ കമ്മീഷൻ ചെയ്തു, പിന്നീട് പ്രതിദിനം 1.5 ലക്ഷം ലിറ്റർ കൈകാര്യം ചെയ്യാൻ കഴിയുന്ന തരത്തിലേക്ക് വികസിപ്പിച്ചു, 169 സൊസൈറ്റികൾ ഇതിന് കീഴിലായി. ദക്ഷിണ കേരളത്തിലെ പ്രധാന 5 സ്റ്റാർ ഹോട്ടലുകളിൽ ഒന്നായ ദി റാവിസ് ഹോട്ടൽ തേവള്ളിയിലെ കോട്ടയത്തുകടവിലാണ് സ്ഥിതി ചെയ്യുന്നത്. കൊല്ലം ജില്ലാ പഞ്ചായത്ത് ആസ്ഥാനം തേവള്ളിയിലാണ് സ്ഥിതി ചെയ്യുന്നത്.മലയാള ചലച്ചിത്ര നടൻ പരേതനായ ജയൻ തേവള്ളിയിലെ ഓലയിൽ എന്ന സ്ഥലത്താണ് ജനിച്ചത്.
സ്ഥാപനങ്ങൾ
[തിരുത്തുക]ഇതും കൂടി കാണുക
[തിരുത്തുക]അവലംബം
[തിരുത്തുക]- ↑ "Best Hotel In Kollam, Kerala". Hotelallseason.com. 2014-11-18. Retrieved 2015-04-03.
- ↑ "Rs.4 crore for new NCC facility". Thehindu.com. 2013-07-31. Retrieved 2015-04-03.
- ↑ "Contact". Milma.com. Retrieved 2015-04-03.
- ↑ "The Fisheries Department starts a larvivorous fish seed hatchery at Thevally, Kollam, Kerala as a part of the government's mosquito control efforts to prevent spread of epidemics". Indiawaterportal.org. 2011-09-28. Retrieved 2015-04-03.
- ↑ "ICD Kollam homepage". Icdkollam.in. Retrieved 2015-04-03.
- ↑ "Kollam trembles as rabid dogs, strays, run amok". English.manoramaonline.com. Retrieved 5 February 2015.
- ↑ "LIST OF AWOs RECOGNISED BY AWBI". Awbi.org. Retrieved 5 February 2015.
- ↑ "Kollam Taluk". Kollam.nic.in. Retrieved 5 February 2015.
