അഞ്ചുതെങ്ങു കോട്ട

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search

Coordinates: 8°39′45″N 76°45′52″E / 8.66250°N 76.76444°E / 8.66250; 76.76444

അഞ്ചുതെങ്ങ് കോട്ട

തിരുവനന്തപുരം ജില്ലയിൽ ചിറയിൻകീഴ്‌ താലുക്കിലെ ഒരു കടലോര ഗ്രാമമായ അഞ്ചുതെങ്ങിൽ ഈസ്റ്റ്‌ ഇന്ത്യ കമ്പനി 1695-ൽ കെട്ടിയ ഒരു കോട്ടയാണ് അഞ്ചുതെങ്ങ് കോട്ട എന്നറിയപ്പെടുന്നത്. ഈസ്റ്റ്‌ ഇന്ത്യ കമ്പനിക്ക്‌ വ്യാപാരാവശ്യത്തിനു വേണ്ടി ആറ്റിങ്ങൽ മഹാറാണി കൽപ്പിച്ചു നൽകിയ ഒരു പ്രദേശമാണ് ഇത്. ആറ്റിങ്ങൽ റാണി ബ്രിട്ടീഷ് ഈസ്റ്റ് ഇൻഡ്യാ കമ്പനിക്ക് അഞ്ചുതെങ്ങിൽ ഒരു ഫാക്ടറി പണിയാൻ 1684-ൽ അനുവാദം നൽകി. 1690-ൽ ഇവിടെ ഒരു കോടതി പണിയാനുള്ള അനുവാദവും ലഭിച്ചു. കോട്ട പണിതത് 1695-ലാണ്[1] .

പ്രാധാന്യം[തിരുത്തുക]

ഇംഗ്ലണ്ടിൽ നിന്നെത്തുന്ന കപ്പലുകൾക്ക് സിഗ്നൽ നൽകാനാണ് കോട്ട ഉപയോഗിച്ചിരുന്നത്. [2] ഈസ്റ്റ് ഇൻഡ്യാ കമ്പനിക്ക് മലബാർ തീരത്തു ലഭിച്ച ആദ്യത്തെ സ്ഥിരം താവളമായിരുന്നു ഇത്. [3] ആംഗ്ലോ മൈസൂർ യുദ്ധത്തിൽ ഈ കോട്ട ഒരു പ്രധാന പങ്കു വഹിക്കുകയുണ്ടായി. [4]

പുറമെ നിന്നുള്ള കാഴ്ച. കോട്ടമതിൽ

ഇന്നത്തെ സ്ഥിതി[തിരുത്തുക]

കോട്ടയുടെ ഉൾവശം. പുല്ലുകൾ പിടിപ്പിച്ച് പരിപാലിക്കുന്നു.
കോട്ടയുടെ സമുദ്രത്തോടു ചേർന്നുള്ള ഭാഗം. കരിങ്കൽത്തൂണുകളും കാണാം.
കോട്ടയുടെ പടിഞ്ഞാറേ ഭാഗത്തുനിന്നുമുള്ള കാഴ്ച. അല്പമകലെ ലൈറ്റ്‍ഹൗസും കാണാം
കോട്ടയിലെ ഒരു തുരങ്കം

ഇവിടുത്തെ ജനങ്ങളുടെ പ്രധാന ഉപജീവന മാർഗ്ഗം മീൻ പിടിത്തവും വ്യാപാരവും ആയിരുന്നു. ഇപ്പോൾ ഈ കോട്ട ഉപേക്ഷിക്കപെട്ട നിലയിലാണ്, എന്നാലും ഈ കോട്ട കാണാൻ ഇപ്പോഴും ധാരാളം പേർ എത്തുന്നുണ്ട്. ഈ കൊട്ടയ്ക്കുള്ളിൽ നിന്നും കടലിലേക്ക്‌ പോകുവാനും കടലിൽ കിടക്കുന്ന കപ്പലിൽ നിന്ന് സാധനങ്ങൾ കൊണ്ട് വരുന്നതിനും വേണ്ടി ഒരു തുരങ്കം നിർമ്മിച്ചിട്ടുണ്ട് . ഇത് ഇപ്പോൾ അടച്ചിട്ടിരിക്കുകയാണ്. ആടുമാടുകൾ ഇതുവഴി ഇറങ്ങി ആപത്തിൽപെട്ടതിനാലാണ് ഇങ്ങനെ ചെയ്തത്. ഈ കോട്ടയോട് ചേർന്ന് ഒരു പള്ളിയും പള്ളിക്കൂടവും പ്രവർത്തിച്ചുവരുന്നു.

അവലംബം[തിരുത്തുക]

  1. "Anchuthengu and Anjengo Fort". കേരള ടൂറിസം. ശേഖരിച്ചത് 6 മാർച്ച് 2013. CS1 maint: discouraged parameter (link)
  2. സത്യേന്ദ്രൻ, നിത (26 ജനുവരി 2012). "ഹിഡൻ 100: ഇൻ ദി ലാൻഡ് ഓഫ് ഫൈഫ് കോക്കനട്ട് പാംസ്". ദി ഹിന്ദു. ശേഖരിച്ചത് 29 നവംബർ 2012. CS1 maint: discouraged parameter (link)
  3. ഹീൽ, ലൂയിസ്. "ആഞ്ചലോ ഫോർട്ട്". Lonely Planet. ശേഖരിച്ചത് 29 November 2012. CS1 maint: discouraged parameter (link)
  4. "എ ഹിസ്റ്റോറിക് ഗേറ്റ് വേ". Deccan Chronicle. 31 May 2012. ശേഖരിച്ചത് 29 November 2012. |first= missing |last= (help)CS1 maint: discouraged parameter (link)
"https://ml.wikipedia.org/w/index.php?title=അഞ്ചുതെങ്ങു_കോട്ട&oldid=2475646" എന്ന താളിൽനിന്ന് ശേഖരിച്ചത്