കുറിഞ്ഞിമല സംരക്ഷണകേന്ദ്രം

വിക്കിപീഡിയ, ഒരു സ്വതന്ത്ര വിജ്ഞാനകോശം.
(Kurinjimala Sanctuary എന്ന താളിൽ നിന്നും തിരിച്ചുവിട്ടതു പ്രകാരം)
Jump to navigation Jump to search

കേരളത്തിലെ ഇടുക്കി ജില്ലയിൽ ദേവികുളം താലൂക്കിൽ പെടുന്ന കൊട്ടകമ്പൂർ, വട്ടവട ഗ്രാമങ്ങൾ ഉൾപ്പെടുന്ന 32 ചതുരശ്ര കി.മി നീലക്കുറിഞ്ഞി കൃഷി പ്രദേശമാണ് കുറിഞ്ഞിമല സംരക്ഷണപ്രദേശം എന്നറിയപ്പെടുന്നത്.[1] ഇന്ത്യയിൽ പ്രത്യേക സസ്യത്തിന് വേണ്ടി നിലവിൽവന്ന ഒരു ഉദ്യാനമാണ്. പന്ത്രണ്ട് വർഷത്തിലൊരിക്കൽ പൂക്കുന്ന കുറിഞ്ഞികളുടെ സംരക്ഷണത്തിന് വേണ്ടിയാണ് ഇത് ആരംഭിച്ചത്. ഇടുക്കി ദേവികുളം താലുക്കിലെ കൊട്ടാക്കമ്പൂർ, വട്ടവട വില്ലേജുകളിലെ 3200 ഹെക്റ്റർ പ്രദേശത്താണ് ഉദ്യാനം[2].

ചരിത്രം[തിരുത്തുക]

ഒക്ടോബർ 7, 2006 നാണ് അന്നത്തെ കേരളവനംവകുപ്പ് മന്ത്രിയായിരുന്ന ബിനോയ് വിശ്വം ഈ പ്രദേശത്തെ ഒരു സംരക്ഷണകേന്ദ്രമായി പ്രഖ്യാപിച്ചത്. 2006 ൽ നീലകുറിഞ്ഞി പൂത്ത സമയത്ത് ഇവിടേക്ക് 10 ലക്ഷത്തിലധികം സഞ്ചാരികൾ കുറിഞ്ഞിമലയിലേക്കും മൂന്നാറിലേക്കുമായി എത്തുകയുണ്ടായി. [3] സർക്കാർ വിഞ്ജാപനം അനുസരിച്ച് ഈ പ്രദേശത്തെ പ്രത്യേക ജൈവവൈവിധ്യം നിലനിർത്തുന്നതിന് ഇത് ഒരു സംരക്ഷണമേഖലയാക്കേണ്ടത് ആവശ്യമാണ്. സ്വകാര്യ ഭൂമികളും, നിയമപരമായി നിലനിൽക്കുന്ന സ്ഥാപനങ്ങളേയും സംരക്ഷിതമേഖലയിൽ നിന്ന് ഒഴിവാ‍ക്കിയിട്ടുണ്ട്.

വന്യജീവി[തിരുത്തുക]

ഇവിടത്തെ വനങ്ങളിൽ ആന, കാട്ടുപോത്ത്, നീലഗിരി താർ ,മാൻ എന്നീ ജീവികൾ കാണപ്പെടുന്നു.

അവലംബം[തിരുത്തുക]

  1. map
  2. "Evict encroachers from Kurinji Sanctuary"
  3. Mathew Roy (May 07, 2007) "Neelakurinji - generation next" the Hindu, retrieved 5/12/2007 the Hindu