ബിനോയ് വിശ്വം

ഇംഗ്ലീഷ് വിലാസം

https://ml.wikipedia.org/wiki/Benoy_Viswam

ബിനോയ് വിശ്വം
ജനനം	(1955-11-25) നവംബർ 25, 1955 വൈക്കം
വിദ്യാഭ്യാസം	B.A ,L.L.B
രാഷ്ട്രീയ കക്ഷി	ഇന്ത്യൻ കമ്മ്യൂണിസ്റ്റ് പാർട്ടി
ജീവിതപങ്കാളി(കൾ)	ഷൈല സി. ജോർജ്
മാതാപിതാക്ക(ൾ)	സി.കെ വിശ്വനാഥൻ, സി.കെ ഓമന

ഇന്ത്യൻ കമ്മ്യൂണിസ്റ്റ് പാർട്ടിയുടെ കേരളത്തിൽനിന്നുള്ള ഒരു നേതാവാണ് ബിനോയ് വിശ്വം (ജനനം: 1955 നവംബർ 25, - ). 2006-2011 കാലയളവിലെ വി.എസ്. അച്യുതാനന്ദൻ മന്ത്രിസഭയിൽ വനം വകുപ്പ്‌ മന്ത്രിയായിരുന്നു. 2001, 2006 നിയമസഭാതെരഞ്ഞെടുപ്പുകളിൽ കോഴിക്കോട്‌ ജില്ലയിലെ നാദാപുരത്തുനിന്നും നിന്നും രണ്ടുതവണ തുടർച്ചയായി മത്സരിച്ചു വിജയിച്ചു. വിദ്യാഭ്യാസം യോഗ്യതകൾ എം.എ, എൽ,എൽ,ബി. എന്നിവയാണ്.2018 ജൂണിൽ അദ്ദേഹം രാജ്യസഭയിലേക്ക് എതിരില്ലാതെ തെരഞ്ഞെടുക്കപ്പെട്ടു.

ജീവിതരേഖ

മുൻ വൈക്കം എം.എൽ.എയും കമ്മ്യൂണിസ്റ്റ് നേതാവുമായ സി.കെ വിശ്വനാഥൻ, സി.കെ ഓമന എന്നിവരുടെ മകനായി 1955 നവംബർ 25-ന് കോട്ടയം ജില്ലയിലെ വൈക്കത്ത് ജനിച്ചു. വൈക്കം ഗവ. ബോയ്സ്‌ ഹൈസ്കൂളിലെ എ.ഐ.എസ്‌.എഫ്‌ സെക്രട്ടറിയായി രാഷ്ട്രീയ പ്രവർത്തനം തുടങ്ങി. എ.ഐ.എസ്.എഫ്‌ സംസ്ഥാനപ്രസിഡന്റ്‌, സംസ്ഥാന സെക്രട്ടറി, അഖിലേന്ത്യാ പ്രസിഡന്റ്‌ തുടങ്ങി അനേകം സംഘടനകളുടെ ഉന്നതസ്ഥാനങ്ങളിൽ പ്രവർത്തിച്ചു. തൊഴിൽ സമരങ്ങളിൽ പങ്കെടുത്ത്‌ തടവനുഭവിച്ചിട്ടുണ്ട്‌. ഗ്രന്ഥകാരനും പത്രപ്രവർത്തകനുമാണ്.

ഷൈല സി. ജോർജ് ആണ് ഭാര്യ. രണ്ടു പെൺമക്കളുണ്ട്.

രാജ്യസഭ 2018

കേരളത്തിൽ നിന്ന് രാജ്യസഭയിലേയ്ക്ക് 2018ജൂലൈ ഒന്നിന് മൂന്ന് അംഗങ്ങൾ വിരമിച്ചതുമൂലം വന്ന ഒഴിവുകളിലേക്ക് ബിനോയ് വിശ്വം (സി.പി.ഐ), എളമരംകരീം (സി.പി.ഐ (എം)), ജോസ് കെ. മാണി (കേരള കോൺഗ്രസ് (എം)) എന്നിവർ എതിരില്ലാതെ തെരഞ്ഞെടുക്കപ്പെട്ടു.