ശ്രീകുമാരൻ തമ്പി
കരിമ്പാലേത്ത് പത്മനാഭൻതമ്പി ശ്രീകുമാരൻ തമ്പി | |
|---|---|
 ശ്രീകുമാരൻ തമ്പി | |
| ജനനം | ഹരിപ്പാട് കരിമ്പാലേത്ത് പദ്മനാഭൻ തമ്പി ശ്രീകുമാരൻ തമ്പി 16 മാർച്ച് 1940 വയസ്സ്) |
| മറ്റ് പേരുകൾ | ശ്രീമാരൻ, തമ്പി ചേട്ടൻ |
| തൊഴിൽ | എഞ്ചിനീയർ, കവി, നോവലെഴുത്തുകാരൻ, ഗാനരചയിതാവ്, ചലച്ചിത്രസംവിധായകൻ, തിരക്കഥാകൃത്ത്, ചലച്ചിത്രനിർമ്മാതാവ്, സംഗീതസംവിധായകൻ, ടെലിവിഷൻ നിർമ്മാതാവ് |
| സജീവ കാലം | 1966–തുടരുന്നു |
| ജീവിതപങ്കാളി | രാജേശ്വരി തമ്പി(വൈക്കം മണിയുടെ മകൾ) |
| കുട്ടികൾ | പരേതനായ രാജ്‌കുമാർ തമ്പി, കവിത തമ്പി, വളർത്തുമകൾ പൂർണിമ |
| രക്ഷിതാവ് | കളരിക്കൽ കൃഷ്ണപിള്ള(അച്ഛൻ) കരിമ്പാലേത്ത് ഭവാനിയമ്മതങ്കച്ചി(അമ്മ) |
| ബന്ധുക്കൾ | പി.ജി. തമ്പി, പി.വി. തമ്പി, പ്രസന്നവദനൻ തമ്പി (സഹോദരന്മാർ) തുളസിബായ് തങ്കച്ചി എന്ന അമ്മിണി (സഹോദരി) ഡോ. പി സി പദ്മനാഭൻ തമ്പി(ഹരിപ്പാട്ട് നിന്നുള്ള ശ്രീമൂലംപ്രജാസഭ അംഗം,, ഡെന്റൽ ഡോക്ടർ ) അമ്മാവൻ |
| അവാർഡുകൾ | കേരള സംസ്ഥാന ചലച്ചിത്ര പുരസ്കാരം (മികച്ച ഗാനരചയിതാവ്), ജെ സി ഡാനിയേൽ പുരസ്കാരം (സംസ്ഥാനത്തെ സിനിമ മേഖലയിലെ ഉന്നത പുരസ്കാരം) 47ാമത് വയലാർ അവാർഡ് |
മലയാള സിനിമയിലെ ഗാനരചയിതാവും ഒരു ബഹുമുഖ പ്രതിഭയുമാണ്ശ്രീകുമാരൻ തമ്പി (ജനനം:1940 മാർച്ച് 16). കവി, നോവൽ രചയിതാവ്, ചലച്ചിത്രഗാനരചയിതാവ്, സംവിധായകൻ, തിരക്കഥാകൃത്ത്, നിർമ്മാതാവ്, സംഗീതസംവിധായകൻ, ടെലിവിഷൻ നിർമ്മാതാവ് എന്നിങ്ങനെ വിവിധമേഖലകളിൽ അദ്ദേഹം തനതായ വ്യക്തിമുദ്രപതിപ്പിച്ചു.
ഏകദേശം മൂവായിരത്തിലധികം മലയാളചലച്ചിത്രഗാനങ്ങൾ ശ്രീകുമാരൻ തമ്പി രചിച്ചിട്ടുണ്ട്.[1] പ്രണയഗാനങ്ങളെഴുതുന്നതിൽ അസാമാന്യവൈഭവം പുലർത്തിപ്പോരുന്ന ഇദ്ദേഹം ഹ്യദയഗീതങ്ങളുടെ കവി എന്നും അറിയപ്പെടുന്നു.[2][അവലംബം ആവശ്യമാണ്] വയലാർ രാമവർമ്മ, പി. ഭാസ്കരൻ, ഒ.എൻ.വി. കുറുപ്പ് എന്നിവർക്കൊപ്പം മലയാളചലച്ചിത്രഗാനശാഖയെ സമ്പുഷ്ടമാക്കിയ കവികളിലൊരാളായി അദ്ദേഹം വിലയിരുത്തപ്പെടുന്നു.
മുപ്പത് സിനിമകൾ സംവിധാനം ചെയ്തിട്ടുള്ള ഇദ്ദേഹം എഴുപത്തെട്ട് സിനിമകൾക്കു വേണ്ടി തിരക്കഥയെഴുതിയിട്ടുണ്ട്. കൂടാതെ ഇരുപത്തിരണ്ട് ചലച്ചിത്രങ്ങളും ആറ് ടെലിവിഷൻ പരമ്പരകളും നിർമ്മിച്ചിട്ടുണ്ട്. നാല് കവിതാസമാഹരങ്ങളുടേയും രണ്ടു നോവലുകളുടേയും രചയിതാവു കൂടിയാണ് അദ്ദേഹം. ചലച്ചിത്രങ്ങൾക്കു പുറമേ, ടെലിവിഷൻ പരമ്പരകൾക്കായും സംഗീത ആൽബങ്ങൾക്കായും ശ്രീകുമാരൻ തമ്പി ഗാനരചന നടത്തിയിട്ടുണ്ട്.[1][2]
ചലച്ചിത്രരംഗത്തെ നിരവധി പുരസ്കാരങ്ങൾക്ക് അർഹനായിട്ടുള്ള ശ്രീകുമാരൻ തമ്പി, ചലച്ചിത്ര-സാഹിത്യരംഗത്തെ സംഘടനകളുടെ നേതൃസ്ഥാനങ്ങളിലും പ്രവർത്തിച്ചിട്ടുണ്ട്. മലയാള സിനിമാരംഗത്തെ സമഗ്ര സംഭാവനകൾക്കായി നൽകപ്പെടുന്ന ജെ.സി. ഡാനിയേൽ പുരസ്കാരത്തിന് ശ്രീകുമാരൻ തമ്പിയെ തെരഞ്ഞെടുത്തിരുന്നു. അഞ്ചുലക്ഷം രൂപയോടൊപ്പം ഫലകവും പ്രശസ്തിപത്രവുമടങ്ങുന്ന പുരസ്കാരം 2018 ആഗസ്റ്റ് 18 നു തിരുവനന്തപുരത്ത് നടന്ന സിനിമാ അവാർഡ് ദാനച്ചടങ്ങിൽ അദ്ദേഹത്തിനു സമർപ്പിക്കപ്പെട്ടു.[3] സംസ്ഥാന സർക്കാർ നൽകുന്ന ഏറ്റവും വലിയ പുരസ്കാരമാണിത്.
വ്യക്തിജീവിതം
[തിരുത്തുക]പരേതരായ കളരിക്കൽ പി.കൃഷ്ണപിള്ളതാങ്കളുടെയും കരിമ്പാലേത്ത് ഭവാനിയമ്മതങ്കച്ചിയുടെയും അഞ്ചു മക്കളിൽ മൂന്നാമനായി 1940 മാർച്ച് 16-ന്‌ ആലപ്പുഴ ജില്ലയിലെ ഹരിപ്പാട് പുന്നൂർ കൊട്ടാരത്തിന്റെ ശാഖയായ കരിമ്പാലേത്ത് ആണ് ശ്രീകുമാരൻ തമ്പി ജനിച്ചത്. പ്രശസ്ത നോവലിസ്റ്റ് പരേതനായ പി.വി. തമ്പി (പി. വാസുദേവൻ തമ്പി), പ്രമുഖ അഭിഭാഷകനും മുൻ ഡയറക്ടർ ജനറൽ ഓഫ് പ്രോസിക്യൂഷൻസുമായിരുന്ന പരേതനായ പി.ജി. തമ്പി (പി. ഗോപാലകൃഷ്ണൻ തമ്പി) എന്നിവർ അദ്ദേഹത്തിന്റെ ജ്യേഷ്ഠന്മാരായിരുന്നു. ഇവരെക്കൂടാതെ തുളസിബായി തങ്കച്ചി എന്നൊരു അനുജത്തിയും പ്രസന്നവദനൻ തമ്പി എന്നൊരു അനുജനും അദ്ദേഹത്തിനുണ്ടായിരുന്നു. അദ്ദേഹത്തിന്റെ മൂത്ത അമ്മാവൻ ശ്രീ കരിമ്പാലേത്ത് പദ്മനാഭൻ തമ്പി ശ്രീമൂലം പ്രജാസഭ അംഗം ആയിരുന്നു. ഹരിപ്പാട്ട് ഗവ. ഗേൾസ്‌ സ്കൂൾ, ഗവ. ബോയ്‌സ്‌ ഹൈസ്‌കൂൾ, ആലപ്പുഴ സനാതനധർമ കോളജ്‌, തൃശ്ശൂർ എഞ്ചിനീയറിങ്ങ്‌ കോളജ്‌ , മദ്രാസ് ഐ.ഐ.ഇ.റ്റി., എന്നിവിടങ്ങളിലായി വിദ്യാഭ്യാസം പൂർത്തിയാക്കി. പഠനകാലത്തുതന്നെ സാഹിത്യപരിഷത്ത്‌, കൗമുദി വാരിക, ഓൾ ഇൻഡ്യാ റേഡിയോ എന്നിവയുടെ കാവ്യരചനാമത്സരങ്ങളിൽ സമ്മാനം നേടിയിരുന്നു. ഇരുപതാമത്തെ വയസ്സിൽ ആദ്യത്തെ കവിതാസമാഹാരമായ ഒരു കവിയും കുറേ മാലാഖമാരും[4] പ്രസിദ്ധപ്പെടുത്തി.[1][2]
എഞ്ചിനീയറിംങ് ബിരുദധാരിയായ തമ്പി മദ്രാസിൽ എഞ്ചിനീയറിംഗ് മേഖലയിൽ പ്രവർത്തിച്ചുകൊണ്ടിരിക്കെ കഥകളും കവിതകളും രചിച്ചു. 1966-ൽ കോഴിക്കോട്ട്‌ അസിസ്‌റ്റന്റ്‌ ടൗൺ പ്ലാനറായിരിക്കെ ഉദ്യോഗം രാജിവച്ച് പൂർണ്ണമായും കലാസാഹിത്യരംഗത്ത് മുഴുകി.
ചലച്ചിത്രനടനും ഗായകനുമായിരുന്ന വൈക്കം എം.പി. മണിയുടെ മകൾ രാജേശ്വരിയാണ്‌ അദ്ദേഹത്തിൻറെ പത്നി. കവിത, പരേതനായ രാജകുമാരൻ എന്നീ രണ്ടുമക്കൾ.[1] തെലുഗുചലച്ചിത്രരംഗത്തെ ഒരു സംവിധായകനായിരുന്ന രാജകുമാരൻ തമ്പി 2009-ൽ ആത്മഹത്യ ചെയ്യുകയായിരുന്നു.[5] വരദ, തന്മയ, തനയ എന്നിങ്ങനെ മൂന്ന് പേരക്കുട്ടികളും അദ്ദേഹത്തിനുണ്ട്. അദ്ദേഹം ഇപ്പോൾ തിരുവനന്തപുരം കരിമ്പാലേത്ത് വീട്ടിൽ സ്വസ്ഥജീവിതം നയിക്കുന്നു.
ചലച്ചിത്രരംഗം
[തിരുത്തുക]1966-ൽ പ്രശസ്ത സിനിമാ നിർമ്മാണ കമ്പനിയായ മെറിലാൻഡിന്റെ ഉടമ പി. സുബ്രഹ്മ്ണ്യത്തിന്റെ കാട്ടുമല്ലിക എന്ന ചലച്ചിത്രത്തിനു വേണ്ടി ഗാനങ്ങൾ രചിച്ചുകൊണ്ടായിരുന്നു ശ്രീകുമാരൻ തമ്പി സിനിമാലോകത്ത് അരങ്ങേറ്റം കുറിക്കുന്നത്. തുടർന്ന് മൂവായിരത്തിലധികം ചലച്ചിത്രഗാനങ്ങൾ രചിച്ചിട്ടുള്ള[1][2] ശ്രീകുമാരൻ തമ്പിയുടെ തെരഞ്ഞെടുത്ത 1001 ഗാനങ്ങൾ 'ഹ്യദയസരസ്സ്' എന്ന പേരിൽ പ്രസിദ്ധീകരിച്ചിട്ടുണ്ട്.
എഴുപത്തെട്ട് ചലച്ചിത്രങ്ങൾക്ക് തിരക്കഥയെഴുതിയിട്ടുള്ള ശ്രീകുമാരൻ തമ്പി, തോപ്പിൽ ഭാസിക്കും എസ്.എൽ. പുരത്തിനും ശേഷം മലയാളസിനിമക്കുവേണ്ടി ഏറ്റവും കൂടുതൽ തിരക്കഥകൾ രചിച്ചിട്ടുള്ള എഴുത്തുകാരനാണ്. 1974-ൽ ചന്ദ്രകാന്തം എന്ന സിനിമയിലൂടെ അദ്ദേഹം സ്വതന്ത്ര സംവിധായകനായി അരങ്ങേറി. മുപ്പത് ചലച്ചിത്രങ്ങൾ സംവിധാനം ചെയ്തിട്ടുള്ളതിൽ ഗാനം, മോഹിനിയാട്ടം എന്നിവ ഏറ്റവും ശ്രദ്ധിക്കപ്പെട്ടവയാണ്. 22 ചലച്ചിത്രങ്ങൾ നിർമ്മിക്കുകയും ചെയ്തു.[2]
ടെലിവിഷനു വേണ്ടി 6 പരമ്പരകൾ ശ്രീകുമാരൻ തമ്പി നിർമ്മിച്ചു. അന്തരിച്ച പ്രശസ്ത നടി ശ്രീവിദ്യ അവസാനമായി അഭിനയിച്ചതു ശ്രീകുമാരൻ തമ്പിയുടെ പരമ്പരയായ അമ്മത്തമ്പുരാട്ടിയിലായിരുന്നു.
ഇരുപത്താറാം വയസിൽ സ്വന്തമായി കൺട്രക്ഷൻ കമ്പനി തുടങ്ങി സാമ്പത്തിക ഭദ്രത നേടിയ ..വ്യക്തിതാത്പര്യങ്ങൾക്കു വേണ്ടിയോ, സാമ്പത്തികലാഭത്തിനു വേണ്ടിയോ സ്വന്തം സ്യഷ്ടികളെ മാറ്റിമറിക്കാൻ വിസമ്മതിക്കുന്ന[6] ശ്രീകുമാരൻ തമ്പി ഇക്കാരണത്താൽത്തന്നെ വിമർശനവിധേയനായിട്ടുണ്ട്. സന്ധി ചെയ്യാനാകാതെ, സ്വന്തം ആദർശങ്ങളെ മുറുകെ പിടിച്ചു നില്ക്കുന്ന വ്യക്തിത്വമാണ് ശ്രീകുമാരൻ തമ്പിയുടേത്. ശ്രീകുമാരൻ തമ്പിയുടെ ആദ്യ നോവലായ 'കാക്കത്തമ്പുരാട്ടി' ചലച്ചിത്രമാക്കിയപ്പോൾ അതിലെ സ്ത്രീ കഥാപാത്രത്തെ പുനർവിവാഹം കഴിപ്പിക്കുന്ന രീതിയിലേക്കു കഥയിൽ മാറ്റമുണ്ടാക്കണമെന്ന നിർമ്മാതാവിന്റെ ആവശ്യം പാടേ നിഷേധിച്ചതിനാൽ അന്നു സിനിമയാകാതിരുന്ന ആ കഥ പിന്നീടു പി. ഭാസ്കരനാണു ചലച്ചിത്രമാക്കിയത്. നേരത്തേ ചിട്ടപ്പെടുത്തിയ സംഗീതത്തിനനുസരിച്ചു ഗാനങ്ങൾ രചിക്കുന്ന ഇന്നത്തെ രീതിയോടു എതിർപ്പു പ്രകടിപ്പിക്കുന്ന ശ്രീകുമാരൻ തമ്പി ഇതിനെതിരായി സിനിമയ്ക്കായി ഗാനരചന നിർത്തിയിരുന്നു.[2] കൂടാതെ അദ്ദേഹത്തിന്റെ പല ഗാനങ്ങളും വയലാർ, പി. ഭാസ്കരൻ, ഒ.എൻ.വി. കുറുപ്പ് എന്നിവരുടെ പേരുകളിൽ അടിച്ചിറക്കിയിട്ടുമുണ്ട്.[അവലംബം ആവശ്യമാണ്] ജയൻ, മമ്മൂട്ടി, മോഹൻലാൽ പോലെ പല പ്രശസ്തരായ സിനിമ താരങ്ങൾക്കും പ്രാധാന്യമുള്ള കഥാപാത്രങ്ങളെ അവതരിക്കാനുള്ള അവസരമൊരുക്കിയതു ശ്രീകുമാരൻ തമ്പിയാണ് [7]
പുരസ്കാരങ്ങൾ
[തിരുത്തുക]ശ്രീകുമാരൻ തമ്പിയുടെ സിനിമ-കണക്കും കവിതയും എന്ന ഗ്രന്ഥം, മികച്ച ചലച്ചിത്രഗ്രന്ഥത്തിനുളള ദേശീയ അവാർഡു നേടിയിട്ടുണ്ട്. 1971-ൽ മികച്ച ഗാനരചയിതാവിനുളള കേരളസംസ്ഥാന ചലച്ചിത്രപുരസ്കാരം ലഭിച്ചു. വിലയ്ക്കു വാങ്ങിയ വീണ എന്ന ചിത്രത്തിലെ "സുഖമെവിടെ ദുഃഖമെവിടെ" എന്ന ഗാനത്തിനാണ് ഈ പുരസ്കാരം ലഭിച്ചത്. ഫിലിം ഫാൻസ് അവാർഡ്, ഫിലിം ക്രിട്ടിക്‌സ്‌ അവാർഡ്, മികച്ച സംവിധായകനുളള ഫിലിംഫെയർ അവാർഡ് എന്നിങ്ങനെ നിരവധി പുരസ്കാരങ്ങൾ ശ്രീകുമാരൻ തമ്പിക്ക് ലഭിച്ചിട്ടുണ്ട്. ശ്രീകുമാരൻ തമ്പി സംവിധാനം ചെയ്ത ഗാനം എന്ന ചലച്ചിത്രം 1981-ലെ ജനപ്രീതിയാർജ്ജിച്ച ചിത്രത്തിനുള്ള കേരളസംസ്ഥാന ചലച്ചിത്രപുരസ്കാരം നേടിയിട്ടുണ്ട്. മികച്ച ഗാനരചയിതാവിനുള്ള 2011-ലെ കേരളസംസ്ഥാന ചലച്ചിത്രപുരസ്കാരം, ആശാൻ പുരസ്ക്കാരം[8] എന്നിവ ഇദ്ദേഹത്തിനു ലഭിച്ചു[9]. നാടക ഗാനരചന, ലളിതസംഗീതം എന്നിവയിലെ സമഗ്രസംഭാവനയ്ക്കുള്ള കേരള സംഗീത നാടക അക്കാദമിയുടെ പുരസ്കാരം 2015 ൽ അദ്ദേഹത്തിനു ലഭിച്ചു. 2023 ൽ 'ജീവിതം ഒരു പെൻഡുലം' എന്ന ആത്മകഥയ്ക്ക് 47ാമത് വയലാർ അവാർഡ് അദ്ദേഹത്തിന് ലഭിച്ചു.[10]
മറ്റ് സിനിമാ പുരസ്കാരങ്ങൾ
[തിരുത്തുക]- 1974 - കേരള ഫിലിം ഗോയേഴ്‌സ് അവാർഡ് (സിനിമ - ചന്ദ്രകാന്തം)
- 1976 - കേരള ഫിലിം ഫാൻസ് അവാർഡ് (സിനിമ - മോഹിനിയാട്ടം)
- 1976 - മദ്രാസ് ഫിലിം ഫാൻസ് അവാർഡ് (സിനിമ - മോഹിനിയാട്ടം)
- 1976 - സിനിമാ മാസിക ട്രോഫി (സിനിമ - മോഹിനിയാട്ടം)
- 1981 - മദ്രാസ് ഫിലിം ഫാൻസ് സ്പെഷ്യൽ അവാർഡ് (സിനിമ - ഗാനം)
- 1996 - കേരള സർക്കാരിന്റെ വെറ്ററൻ സിനി ആർട്ടിസ്റ്റ് അവാർഡ്
മറ്റ് ലൈഫ് ടൈം അച്ചീവ്മെന്റ് അവാർഡുകൾ
[തിരുത്തുക]- 2002 - പ്രേം നസീർ ഫൗണ്ടേഷൻ അവാർഡ് - ലൈഫ് ടൈം അച്ചീവ്മെന്റ് അവാർഡ്[11]
- 2006 - ദുബായ് പ്രിയദർശിനിയുടെ ലൈഫ് ടൈം അച്ചീവ്മെന്റ് അവാർഡ്
- 2007 - രാഗലയ (മുംബൈ) ചലച്ചിത്ര സംഗീതത്തിലെ ആജീവനാന്ത നേട്ടത്തിനുള്ള അവാർഡ്.
- 2009 - സ്വാതി ലൈഫ് ടൈം അച്ചീവ്മെന്റ് അവാർഡ്
- 2010 - സംഗം കലാ ഗ്രൂപ്പ്, ന്യൂഡൽഹി ചാപ്റ്റർ ലൈഫ് ടൈം അച്ചീവ്മെന്റ് അവാർഡ്
- 2011 - ജി.ദേവരാജം മാസ്റ്റർ പുരസ്കാരം (ദേവദാരു)
- 2012 - യു.എ.ഇ ദേവരാജൻ ഫൗണ്ടേഷന്റെ ലൈഫ് ടൈം അച്ചീവ്മെന്റ് അവാർഡ്
- 2012 - സിനിമയിലെ ആജീവനാന്ത നേട്ടത്തിനുള്ള മുതുകുളം രാഘവൻ പിള്ള സ്മാരക അവാർഡ്
- 2012 - സിനിമ, ടെലിവിഷൻ, സാഹിത്യം എന്നിവയിലെ ആജീവനാന്ത നേട്ടങ്ങൾക്കുള്ള എപി ഉദയഭാനു മെമ്മോറിയൽ അവാർഡ് (വരദ അവാർഡ്)
- 2012 - സൂര്യ ടിവി (സൺ നെറ്റ്‌വർക്ക്) ഇന്ത്യൻ സിനിമയിലെ ലിവിംഗ് ലെജൻഡ് അവാർഡ്
- 2012 - സിനിമയിലും സാഹിത്യത്തിലും ആജീവനാന്ത നേട്ടങ്ങൾക്കുള്ള പാർവതി പത്മം പുരസ്കാരം
- 2013 - സിനിമയിലെ ആജീവനാന്ത നേട്ടത്തിനുള്ള അമൃത ടിവി ഫിലിം അവാർഡ്
- 2014 - ചലച്ചിത്ര സംഗീതത്തിലെ ആജീവനാന്ത നേട്ടത്തിനുള്ള റേഡിയോ മിർച്ചി (ടൈംസ് ഓഫ് ഇന്ത്യ) അവാർഡ്
- 2014 - സിനിമയിലെ ആജീവനാന്ത നേട്ടത്തിനുള്ള എസിവി (ഏഷ്യാനെറ്റ് കേബിൾ വിഷൻ) അവാർഡ്
- 2014 - വയലാർ സാംസ്കാരിക വേദി ഏർപ്പെടുത്തിയ വയലാർ രാമവർമ്മ സംഗീത പുരസ്കാരം - ലൈഫ് ടൈം അച്ചീവ്മെന്റ് അവാർഡ്
- 2014 - സിനിമയിലെ ആജീവനാന്ത നേട്ടത്തിനുള്ള തിലകൻ ഫൗണ്ടേഷൻ അവാർഡ്
- 2014 - സിനിമയിലും സാഹിത്യത്തിലും ആജീവനാന്ത നേട്ടങ്ങൾക്കുള്ള പരബ്രഹ്മ ചൈതന്യ അവാർഡ്
- 2015 - വോയ്സ് ഫൗണ്ടേഷൻ, വൈക്കം ഏർപ്പെടുത്തിയ വി. ദക്ഷിണാമൂർത്തി സംഗീത സുമേരു അവാർഡ്
- 2015 - കുവൈറ്റ് കല (കേരള ആർട്സ് ലവേഴ്സ് അസോസിയേഷൻ), വി. സാംബശിവൻ അവാർഡ്
- 2015 - സാമൂതിരി രാജയുടെ മേക്കോട്ടു ദേവി അവാർഡ്
- 2015 - മന്നം പ്രതിഭാ പുരസ്കാരം - ലൈഫ് ടൈം അച്ചീവ്മെന്റ് അവാർഡ്
- 2015 - സൗപർണിക ലൈഫ് ടൈം അച്ചീവ്മെന്റ് അവാർഡ്
- 2015 - മയൂരം ലൈഫ് ടൈം അച്ചീവ്മെന്റ് അവാർഡ്
- 2015 - വിശാരദ് ദക്ഷിണാമൂർത്തി പുരസ്കാരം - ലൈഫ് ടൈം അച്ചീവ്മെന്റ് അവാർഡ് 2015 - ചലച്ചിത്ര സംഗീതത്തിലെ ആജീവനാന്ത നേട്ടത്തിനുള്ള ശരത് ചന്ദ്ര മറാട്ട് അവാർഡ്
- 2015 - FOMA അവാർഡ് (ഫോറം ഓഫ് മീഡിയ പീപ്പിൾ ഓഫ് മുംബൈ) - സിനിമയിലും സാഹിത്യത്തിലും ആജീവനാന്ത നേട്ടങ്ങൾക്കുള്ള അവാർഡ്.
- 2015 - നാടക ഗാനരചന, ലളിതസംഗീതം എന്നിവയിലെ സമഗ്രസംഭാവനയ്ക്കുള്ള കേരള സംഗീത നാടക അക്കാദമിപുരസ്‌കാരം.
- 2016 - ഭരതൻ ട്രസ്റ്റിന്റെ ഭരതമുദ്ര അവാർഡ് - ലൈഫ് ടൈം അച്ചീവ്മെന്റ് അവാർഡ്
- 2016 - ആജീവനാന്ത നേട്ടത്തിനുള്ള സാമൂതിരി രാജയുടെ കൊടിക്കുന്ന് ദേവി അവാർഡ്
- 2016 - ദേവരാജൻ സ്‌കക്തിഗധ അവാർഡ് - ലൈഫ് ടൈം അച്ചീവ്മെന്റ് അവാർഡ്
- 2016 - സ്വരലയ കൈരളി യേശുദാസ് അവാർഡ് - ലൈഫ് ടൈം അച്ചീവ്മെന്റ് അവാർഡ് 2016 - തിരുവല്ലം പരശുരാമ സ്വാമി ക്ഷേത്ര പുരസ്കാരം
- 2017 - സംഗീതിക, തിരുവനന്തപുരം ഏർപ്പെടുത്തിയ സംഗീത സപര്യ അവാർഡ് - ലൈഫ് ടൈം അച്ചീവ്മെന്റ് അവാർഡ്
- 2017 - പയ്യന്നൂർ തപസ്യ സ്കൂൾ ഓഫ് മ്യൂസിക് അവാർഡ് 2017 -ജെ.സി.ഐ. കൊടുങ്ങല്ലൂർ ഏർപ്പെടുത്തിയ ഭീഷ്മാചാര്യ പുരസ്കാരം
- 2017 - ജി. ദേവരാജൻ മാസ്റ്റർ നവതി അവാർഡ് - ചലച്ചിത്ര സംഗീതത്തിലെ ആജീവനാന്ത നേട്ടം
- 2017 - രാകേന്ദു സംഗീത പുരസ്കാരം - ലൈഫ് ടൈം അച്ചീവ്മെന്റ് അവാർഡ്
- 2017 - ആക്റ്റ് അവാർഡ്
- 2018 - സ്വാതി തിരുനാൾ സംഗീതവേദി ഗുരുശ്രേഷ്ഠ പുരസ്കാരം - ലൈഫ് ടൈം അച്ചീവ്മെന്റ് അവാർഡ്
- 2018 - ജന്മഭൂമി അവാർഡ് - ലെജൻഡ്‌സ് ഓഫ് ഇന്ത്യ - ലൈഫ് ടൈം അച്ചീവ്മെന്റ് അവാർഡ്
- 2018 - സത്യൻ ഫൗണ്ടേഷൻ ഏർപ്പെടുത്തിയ സത്യൻ ദേശീയ അവാർഡ് - ലൈഫ് ടൈം അച്ചീവ്മെന്റ് അവാർഡ്
- 2018 - മലയാള സിനിമാരംഗത്തെ സമഗ്ര സംഭാവനകൾക്കുള്ള ജെ.സി. ഡാനിയേൽ പുരസ്കാരം.
- 2019 - തിരുവൈരൂരപ്പൻ പുരസ്കാരം
- 2020 - ആറ്റുകാൽ ഭഗവതി ക്ഷേത്രം അംബ പുരസ്കാരം
- 2020 - സിനിമയിലെ ആജീവനാന്ത നേട്ടത്തിനുള്ള ആദ്യത്തെ കെ. രാഘവൻ മാസ്റ്റർ ഫൗണ്ടേഷൻ അവാർഡ്
- 2021 - ആദ്യ അർജുനൻ മാസ്റ്റർ അവാർഡ് - മലയാള ചലച്ചിത്ര വ്യവസായത്തിന് നൽകിയ സംഭാവനകൾക്കുള്ള അർജുനോപഹാരം.[12]
- 2022 - രവീന്ദ്രൻ മാസ്റ്റർ മെമ്മോറിയൽ ട്രസ്റ്റ് ഏർപ്പെടുത്തിയ രവീന്ദ്ര പുരസ്കാരം.
സാഹിത്യ പുരസ്കാരങ്ങൾ
[തിരുത്തുക]2003 - കവിതാ പുസ്തകത്തിനുള്ള രേവതി പട്ടത്താനം കൃഷ്ണഗീതി അവാർഡ് - അച്ഛന്റെ ചുംബനം
2004 - പ്രവാസ കൈരളി സാഹിത്യ അവാർഡ് (ബഹ്റൈൻ) കവിതാ സമാഹാരത്തിന് - അച്ചന്റെ ചുംബനം
2005 - മഹാകവി മുള്ളൂർ കവിതാ പുരസ്കാരം - ശീർഷകമില്ലാത്ത കവിതകൾ
2008 - അച്ചന്റെ ചുംബനം എന്ന പുസ്തകത്തിന് മഹാകവി ഉള്ളൂർ അവാർഡ്
2009 - ശ്രീ പത്മനാഭ സ്വാമി ബാലസാഹിത്യ അവാർഡ് - ഓമനയുടെ ഒരു ദിവസം
2010 - ഓടക്കുഴൽ അവാർഡ് - അമ്മക്കൊരു താരാട്ട് എന്ന കവിതാ പുസ്തകത്തിന്[13]
2012 - സാഹിത്യത്തിനുള്ള കോഴിശ്ശേരി ബാലരാമൻ അവാർഡ്
2012 - ആശാൻ സ്മാരക കവിതാ പുരസ്കാരം ചെന്നൈയിലെ ആശാൻ മെമ്മോറിയൽ അസോസിയേഷൻ നൽകുന്നത്.[14]
2015 - മൂല്യാധിഷ്ഠിത കവിതയ്ക്ക് നൈമിഷാരണം ശോഭനീയം പുരസ്കാരം
2015 - ഏറ്റുമാനൂർ സോമദാസൻ സ്മാരക പുരസ്കാരം
2016 - വള്ളത്തോൾ അവാർഡ്.[15]
2016 - സാഹിത്യത്തിനുള്ള മയിൽപീലി അവാർഡ്[16]
2016 - ഡോ. സുകുമാർ അഴീക്കോടിന്റെ സ്മരണാർത്ഥമുള്ള തത്വമസി പുരസ്കാരം
2016 - ഇ. വി. കൃഷ്ണപിള്ള സ്മാരക പുരസ്കാരം
2017 - കലാ-സാംസ്കാരിക പ്രേമികളുടെ കൂട്ടായ്മയായ 'കണ്ണൂർ വേവ്സ്' ഏർപ്പെടുത്തിയ സുകുമാർ അഴീക്കോട് സ്മാരക അവാർഡ്
2017 - കാര്യവട്ടം ധർമ്മശാസ്താ ക്ഷേത്ര ശാസ്താ പുരസ്കാരം
2018 - കവയിത്രി ബാലാമണി അമ്മയുടെ പേരിൽ കൊച്ചി അന്താരാഷ്ട്ര പുസ്തകോത്സവ സമിതി ഏർപ്പെടുത്തിയ ബാലാമണി അമ്മ അവാർഡ്
2018 - കൊട്ടാരത്തിൽ ശങ്കുണ്ണി സ്മാരക ട്രസ്റ്റ് ഏർപ്പെടുത്തിയ കൊട്ടാരത്തിൽ ശങ്കുണ്ണി സ്മാരക അവാർഡ്.
2019 - തകഴി സാഹിത്യ പുരസ്കാരം[17]
2019 - ഓച്ചിറ ശങ്കരൻ കുട്ടി സാഹിത്യ പുരസ്കാരം
2020 - പത്മപ്രഭ സാഹിത്യ അവാർഡ്[18]
2023 - തെക്കനപ്പൻ പുരസ്കാരം.
2023 - തിരുവിതാംകൂർ ദേവസ്വം ബോർഡും (ടിഡിബി) കേരള സർക്കാരും സംയുക്തമായി ഏർപ്പെടുത്തിയ ഹരിവരാസനം അവാർഡ്.
2023 - 'ജീവിതം ഒരു പെൻഡുലം' എന്ന ആത്മകഥയ്ക്ക് 47ാമത് വയലാർ പുരസ്കാരം[10]
പദവികൾ
[തിരുത്തുക]ശ്രീകുമാരൻ തമ്പി സംവിധാനം ചെയ്ത മോഹിനിയാട്ടം എന്ന സിനിമ, മലയാളത്തിലെ ആദ്യത്തെ സ്ത്രീപക്ഷസിനിമ എന്ന പേരിൽ ഏറെ ചർച്ചചെയ്യപ്പെടുകയും 1977-ലെ സാൻഫ്രാൻസിസ്കോ ചലച്ചിത്രമേളയിൽ പ്രദർശനത്തിന് തിരഞ്ഞെടുക്കപ്പെടുകയും ചെയ്തിരുന്നു.[1][2]
കേരള സാഹിത്യ അക്കാദമി, കേരളസംഗീതനാടക അക്കാദമി എന്നിവയുടെ ജനറൽ കൗൺസിലിലും സൗത്ത്‌ ഇന്ത്യൻ ഫിലിം ചേംബർ ഒഫ്‌ കോമേഴ്‌സിന്റെ ഭരണസമിതിയിലും ശ്രീകുമാരൻ തമ്പി അംഗമായിരുന്നിട്ടുണ്ട്. മലയാളചലച്ചിത്രപരിഷത്ത്‌, മലയാളം ഫിലിം പ്രൊഡ്യൂസേഴ്‌സ്‌ അസോസിയേഷൻ എന്നിവയുടെ വൈസ്‌ പ്രസിഡന്റ് സ്ഥാനം വഹിച്ചീട്ടുണ്ട്. ദേശീയ ഫീച്ചർ ഫിലിം ജ്യൂറിയിൽ മൂന്നു പ്രാവശ്യം അംഗമായിരുന്നു.[1]
പ്രവർത്തന മേഖലകൾ
[തിരുത്തുക]| സംവിധാനം | : | 30 |
|---|---|---|
| നിർമ്മാണം | : | 22 |
| തിരക്കഥ | : | 78 |
| നോവൽ | : | 2 (കാക്കത്തമ്പുരാട്ടി, കുട്ടനാട്) |
കവിതകൾ
[തിരുത്തുക]- എഞ്ചിനീയറുടെ വീണ
- നീലത്താമര
- എൻ മകൻ കരയുമ്പോൽ
- ശീർഷകമില്ലാത്ത കവിതകൾ
- അമ്മയ്ക്കൊരു താരാട്ട്
- കവിയും മാലാഖമാരും
- അച്ഛന്റെ ചുംബനം
ചലച്ചിത്രപ്രവർത്തനം
[തിരുത്തുക]
അവലംബം
[തിരുത്തുക]- 1 2 3 4 5 6 7 "ശ്രീകുമാരൻ തമ്പി - പുഴ.കോമിലെ വിവരണം". പുഴ.കോം. Archived from the original on 2012-09-27. Retrieved 2012 ജനുവരി 14.
{{cite web}}: Check date values in:|accessdate=(help) - 1 2 3 4 5 6 7 നിസാർ മുഹമ്മദ് (2010 ഏപ്രിൽ 11). ""ഹൃദയഗീതങ്ങൾ" എഴുപതല്ല, എഴുന്നൂറ്..." കണിക്കൊന്ന.കോം. Archived from the original (ലേഖനം) on 2011-06-30. Retrieved 2014 ഏപ്രിൽ 6.
{{cite web}}: Check date values in:|accessdate=and|date=(help) - ↑ "ശ്രീകുമാരൻ തമ്പിക്ക് ജെ.സി. ഡാനിയേൽ പുരസ്കാരം".
- ↑ "'അവരെന്നെ കൊച്ചുമാഷ് എന്നു വിളിച്ചു; എന്നെക്കാൾ തടിമിടുക്കുള്ള കുട്ടികൾ സ്‌കൂളിലുണ്ടായിരുന്നു'". Archived from the original on 2018-09-04.
- ↑ "Telugu Film Director Raj Aditya Thambi Found Dead In Hotel Room". ടോപ്ന്യൂസ്.ഇൻ. 2009 മാർച്ച് 22. Retrieved 2012 ജനുവരി 14.
{{cite web}}: Check date values in:|accessdate=and|date=(help) - ↑ "താരങ്ങളുടെ താളത്തിന് തുള്ളാത്ത സംവിധായകർക്ക് വീട്ടിലിരിക്കേണ്ട ഗതികേട്: ശ്രീകുമാരൻ തമ്പി". ഗൾഫ് മാധ്യമം. മാധ്യമം. 2011 ജൂലൈ 10. Archived from the original on 2011-12-10. Retrieved 2012 ജനുവരി 14.
{{cite web}}: Check date values in:|accessdate=and|date=(help) - ↑ Mammootty First Film
- ↑ പ്രശസ്തരായ സാഹിത്യകാരന്മാർ ( ഡോ.കെ.രവീന്ദ്രൻ നായർ)
- ↑ "ദിലീപ് നടൻ, ശ്വേത-നടി, ഇന്ത്യൻ റുപ്പി മികച്ച ചിത്രം". Archived from the original on 2014-03-05. Retrieved 2012-07-19.
- 1 2 "ഈ വർഷത്തെ വയലാർ അവാർഡ് ശ്രീകുമാരൻ തമ്പിയ്ക്ക്; പുരസ്കാരത്തിന് അർഹനാക്കിയത് ആത്മകഥ".
- ↑ "Sreekumaran Thampi wins this year's Padmaprabha Literary Award". English.mathrubhumi.com. 3 Nov 2020. Archived from the original on 2021-08-05. Retrieved 2023-10-17.
- ↑ "Arjunan Master award for Sreekumaran Thampi". The New Indian Express. 7 February 2021. Archived from the original on 7 February 2021.
- ↑ "Sreekumaran Thampi wins this year's Padmaprabha Literary Award". English.mathrubhumi.com. 3 Nov 2020. Archived from the original on 2021-08-05. Retrieved 2023-10-17.
- ↑ "Sreekumaran Thampi wins this year's Padmaprabha Literary Award". English.mathrubhumi.com. 3 Nov 2020. Archived from the original on 2021-08-05. Retrieved 2023-10-17.
- ↑ "Vallathol prize". The Hindu. 12 September 2016. [പ്രവർത്തിക്കാത്ത കണ്ണി]
- ↑ "Sreekumaran Thampi wins this year's Padmaprabha Literary Award". English.mathrubhumi.com. 3 Nov 2020. Archived from the original on 2021-08-05. Retrieved 2023-10-17.
- ↑ "Poet-lyricist Sreekumaran Thampi bags Thakazhi Award". 3 Jan 2020. Archived from the original on 2021-08-05. Retrieved 2023-10-17.
- ↑ "Sreekumaran Thampi wins this year's Padmaprabha Literary Award". English.mathrubhumi.com. 3 Nov 2020. Archived from the original on 2021-08-05. Retrieved 2023-10-17.
- ↑ "ശ്രീകുമാരൻ തമ്പി". മലയാളസംഗീതം ഇൻഫൊ. Archived from the original on 2020-07-26. Retrieved 2018-10-31.
{{cite web}}: Cite has empty unknown parameter:|5=(help)
 |
ജീവചരിത്രവുമായി ബന്ധപ്പെട്ട ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക. സഹായത്തിനു ഈ ലേഖനത്തിന്റെ ഇംഗ്ലീഷ് പതിപ്പും കാണുക. |
- Pages using infobox person with multiple parents
- Articles with dead external links from ഒക്ടോബർ 2026
- 1940-ൽ ജനിച്ചവർ
- ജീവിച്ചിരിക്കുന്നവർ
- മാർച്ച് 16-ന്‌ ജനിച്ചവർ
- മലയാളചലച്ചിത്രസംവിധായകർ
- മലയാളചലച്ചിത്രഗാനരചയിതാക്കൾ
- മലയാളകവികൾ
- മികച്ച ഗാനരചയിതാവിനുള്ള കേരളസംസ്ഥാന ചലച്ചിത്രപുരസ്കാരം ലഭിച്ചവർ
- മലയാളതിരക്കഥാകൃത്തുക്കൾ
- ആലപ്പുഴ ജില്ലയിൽ ജനിച്ചവർ
- ഓടക്കുഴൽ പുരസ്കാരജേതാക്കൾ
- സമഗ്ര സംഭാവനയ്ക്കുള്ള കേരള സംഗീത നാടക അക്കാദമി പുരസ്കാരം ലഭിച്ചവർ
- വള്ളത്തോൾ പുരസ്കാരം ലഭിച്ചവർ
- പത്മപ്രഭാ പുരസ്കാരം ലഭിച്ചവർ
- അപൂർണ്ണ ജീവചരിത്രങ്ങൾ