പി. ലീല

ഇംഗ്ലീഷ് വിലാസം

https://ml.wikipedia.org/wiki/P._Leela

പി. ലീല
പി. ലീല
പശ്ചാത്തല വിവരങ്ങൾ
ജന്മനാമം	പൊറയത്ത് ലീല
ജനനം	(1934-05-19)മേയ് 19, 1934 ചിറ്റൂർ, പാലക്കാട്, ബ്രിട്ടീഷ് ഇന്ത്യ
മരണം	ഒക്ടോബർ 31, 2005(2005-10-31) (പ്രായം 71) ചെന്നൈ, ഇന്ത്യ
വിഭാഗങ്ങൾ	കർണാടക സംഗീതം, ചലച്ചിത്രഗാനങ്ങൾ
തൊഴിൽ(കൾ)	ഗായിക
ഉപകരണ(ങ്ങൾ)	ഗായിക
വർഷങ്ങളായി സജീവം	1949–2005

പി. ലീല പ്രശസ്തയായ ദക്ഷിണേന്ത്യൻ പിന്നണിഗായികയായിരുന്നു. മലയാളം, തമിഴ്, തെലുങ്ക്, കന്നഡ തുടങ്ങിയ ഭാഷകളിലായി ആയിരക്കണക്കിന് ഗാനങ്ങൾ അവർ ആലപിച്ചിട്ടുണ്ട്. 1933-ൽ പാലക്കാട് ജില്ലയിലെ ചിറ്റൂരിൽ ജനിച്ചു.

സംഗീതപഠനം

ചെമ്പൈ വൈദ്യനാഥ ഭാഗവതരുടെ കീഴിൽ സംഗീതപഠനം നടത്തിയിട്ടുണ്ട്‌.

ആദ്യചിത്രം

1943-ൽ തമിഴ് ചിത്രത്തിൽ പാടിക്കൊണ്ടാണ് പിന്നണിഗായികയായി തുടക്കം കുറിച്ചത്. നിർമ്മല എന്ന സിനിമയിൽ ആണ് മലയാളത്തിൽ ആദ്യമായിട്ട് പാടിയത്.

വ്യക്തിവിശേഷം

സിനിമാ ഗാനങ്ങൾക്ക് പുറമേ ലീല പാടിയ ഹിന്ദു ഭക്തിഗാനങ്ങളായ നാരായണീയവും ജ്ഞാനപ്പാനയും ഭക്തർക്കിടയിൽ കേൾവികേട്ടതാണ്‌. ദക്ഷിണേന്ത്യൻ ഭക്തിസംഗീതത്തിൽ പി.ലീലയ്ക്ക് വളരെ പ്രധാനമായ സ്ഥാനമാണുള്ളത്. അവരുടെ ശബ്ദത്തിൽ റെക്കോർഡ് ചെയ്ത നാരായണീയവും ജ്ഞാനപ്പാനയുമാണ് ഗുരുവായൂർ ക്ഷേത്രനട തുറക്കുന്ന സമയത്ത് ഇപ്പോഴും കേൾക്കാൻ സാധിയ്ക്കുക.

പ്രമുഖ കച്ചേരികൾ

-->

പുരസ്കാരങ്ങൾ

പിന്നണിഗായികയ്ക്കുള്ള ആദ്യത്തെ കേരളസംസ്ഥാന അവാർഡ് 1969-ൽ കടൽപ്പാലത്തിലെ "ഉജ്ജയിനിയിലെ ഗായിക" എന്ന ഗാനത്തിനു ലഭിച്ചു. 1992-ൽ തമിഴ്നാട് സർക്കാരിന്റെ കലൈമാമണി പുരസ്കാരവും അവർക്ക് ലഭിച്ചു. 2003-ലെ ജന്മാഷ്ടമി പുരസ്കാരവും അവർക്ക് ലഭിച്ചിരുന്നു. 2006-ൽ മരണാനന്തര ബഹുമതിയായി പത്മഭൂഷണും ലീലയ്ക്ക് ലഭിച്ചു.

വീട്ടിലെ കുളിമുറിയിൽ തെന്നിവീണ് പരുക്കേറ്റ് ചികിത്സയിലായിരുന്ന ലീല, 2005 ഒക്ടോബർ 31-ന് പുലർച്ചെ ഒരുമണിയോടെ തന്റെ 71-ആം വയസ്സിൽ ചെന്നൈയിലെ ശ്രീ രാമചന്ദ്ര ആശുപത്രിയിൽ വച്ച് അന്തരിച്ചു.

പുറത്തേയ്ക്കുള്ള കണ്ണികൾ

• http://www.hindu.com/2005/11/01/stories/2005110108140400.htm Archived 2007-06-13 at the Wayback Machine.
• http://www.raaga.com/channels/malayalam/artist/P._Leela.html