എം.എസ്. വിശ്വനാഥൻ

വിക്കിപീഡിയ, ഒരു സ്വതന്ത്ര വിജ്ഞാനകോശം.
എം.എസ്. വിശ്വനാഥൻ
M.s.v.JPG
എം.എസ്. വിശ്വനാഥൻ
ജീവിതരേഖ
ജനനനാമം മനയങ്കത്ത് സുബ്രമണ്യൻ വിശ്വനാഥൻ
അറിയപ്പെടുന്ന പേരു(കൾ) എം.എസ്.വി
സ്വദേശം കേരളം, ഇന്ത്യ
തൊഴിലു(കൾ)

ചലച്ചിത്രസംഗീതസംവിധായകൻ,

music director
ഉപകരണം വായ്പ്പാട്ട്, ഹാർമോണിയം, പീയാനോ
സജീവമായ കാലയളവ് 1945-2015
റെക്കോഡ് ലേബൽ മെല്ലിസൈ മന്നർ
വെബ്സൈറ്റ് http://www.msvtimes.com
സംഗീതോപകരണ(ങ്ങൾ)
ഹാർമോണിയം

എം.എസ്. വിശ്വനാഥൻ (എം.എസ്.വി.) (ജൂൺ 24, 1928 - ജൂലൈ 14, 2015) തെന്നിന്ത്യയിലെ പ്രശസ്തനായ സംഗീതസം‌വിധായകനാണ്‌. അൻപത് വർഷത്തിലേറെ നീണ്ട സംഗീതസപര്യയിൽ തമിഴ്, തെലുങ്ക്, മലയാളം എന്നീ ഭാഷകളിലായി ആയിരത്തിലധികം സിനിമകൾക്ക് സംഗീതസം‌വിധാനം ചെയ്തിട്ടുണ്ട്. ലളിത സംഗീതത്തിന്റെ രാജാവ് എന്ന അർത്ഥത്തിൽ മെല്ലിസൈ മന്നർ എന്നും അറിയപ്പെടുന്നു. ഇതു കൂടാതെ സിനിമകളിൽ അഭിനയിക്കുകയും അഞ്ഞൂറിലേറെ ഗാനങ്ങൾ ആലപിക്കുകയും ചെയ്തിട്ടുണ്ട്.

ജീവ ചരിത്രം[തിരുത്തുക]

1928 ജൂൺ 24-നു പാലക്കാട് എലപ്പുള്ളിയിൽ മനയങ്കത്തു വീട്ടിൽ സുബ്രമണ്യൻ-നാരായണിക്കുട്ടി (നാണിക്കുട്ടി) ദമ്പതികളുടെ മകനായി മനയങ്കത്ത് സുബ്രഹ്മണ്യൻ മകൻ വിശ്വനാഥൻ എന്ന എം.എസ്. വിശ്വനാഥൻ ജനിച്ചു. അദ്ദേഹത്തിന് നാലുവയസ്സുള്ളപ്പോൾ അച്ഛൻ സുബ്രഹ്മണ്യൻ മരണമടഞ്ഞു. ദാരിദ്ര്യം സഹിക്കവയ്യാതെ അമ്മ മകനോടൊപ്പം ആത്മഹത്യ ചെയ്യാൻ തീരുമാനിച്ചെങ്കിലും, മുത്തച്ഛൻ വിശ്വനാഥനെ രക്ഷിച്ചു. ആദ്യം തിരുച്ചിറപ്പള്ളിയിലും പിന്നീട് കണ്ണൂരിലും അദ്ദേഹം വളർന്നു. ചെറുപ്പകാലത്ത് സിനിമാശാലയിൽ ഭക്ഷണം വിറ്റു നടന്നിരുന്ന എം.എസ്.വി. കണ്ണൂരിലെ നീലകണ്ഠ ഭാഗവതരിൽ നിന്നും സംഗീതമഭ്യസിച്ചു. പതിമൂന്നാം വയസ്സിൽ തിരുവനന്തപുരത്ത് ആദ്യത്തെ കച്ചേരി നടത്തിയ ഇദ്ദേഹം പിന്നീട് തമിഴ് സിനിമാലോകത്തെ പ്രശസ്തനായ സംഗീതസം‌വിധായകനായിത്തീർന്നു. 1952-ൽ പണം എന്ന ചിത്രത്തിനു സംഗീതസം‌വിധാനം ചെയ്തു കൊണ്ട് അരങ്ങേറ്റം കുറിച്ച എം.എസ്.വി അറുപതുകളിലും എഴുപതുകളിലും തെന്നിന്ത്യൻ സിനിമാസംഗീതലോകത്തെ പ്രഭവശക്തിയായിരുന്നു. ആദ്യകാലത്ത് മറ്റൊരു പ്രധാന സംഗീതജ്ഞനായിരുന്ന ടി.കെ. രാമമൂർത്തിയ്ക്കൊപ്പം വിശ്വനാഥൻ-രാമമൂർത്തി എന്ന പേരിലാണ് അദ്ദേഹം പ്രവർത്തിച്ചത്. നൂറോളം ചിത്രങ്ങൾ ഇവർ ഒന്നിച്ച് ചെയ്തു. കണ്ണദാസനാണ് ഇവരുടെ ഗാനങ്ങൾ അധികവും എഴുതിയത്. 1965ൽ ഇവർ പിരിഞ്ഞു. പിന്നെയും ഒരുപാട് ചിത്രങ്ങൾക്ക് എം.എസ്.വി. ഈണം പകർന്നു. ഇക്കാലത്തുതന്നെ അദ്ദേഹം മലയാളത്തിലും ഒരുപാട് ഗാനങ്ങൾ ചെയ്തു. ഒട്ടേറെ പുതുമുഖപ്രതിഭകളെ പരിചയപ്പെടുത്തിയതു കൂടാതെ സിനിമാസംഗീതത്തിനു പുത്തൻ മാനങ്ങൾ നൽകാൻ ഇദ്ദേഹത്തിനു കഴിഞ്ഞു. വിവിധ ശൈലികളിലുള്ള ഗാനങ്ങളും ഓർക്കസ്ട്റേഷൻ സം‌വിധാനങ്ങളും ഇന്ത്യൻ സംഗീതത്തിനു പരിചയപ്പെടുത്തുന്നതിനു ഇദ്ദേഹം ഒരു പ്രധാന പങ്കു വഹിച്ചു. തമിഴ്‌നാടിന്റെ ഔദ്യോഗികഗാനമായ നീരരും കടുലതയുടെ (തമിഴ് തായ് വാഴ്ത്ത്) സം‌ഗീത സം‌വിധാനം നിർ‌വഹിച്ചത് ഇദ്ദേഹമാണ്‌. 2015 ജൂലൈ 14ന് തന്റെ 87ആം വയസ്സിൽ അദ്ദേഹം ഈ ലോകത്തോട് വിട പറഞ്ഞു. മൃതദേഹം പൂർണ ഔദ്യോഗിക ബഹുമതികളോടെ ചെന്നൈയിൽ സംസ്കരിച്ചു.

എം എസ് വിശ്വനാഥൻ സംഗീതം നൽകിയ ഗാനങ്ങൾ[തിരുത്തുക]

ഗാനം ചിത്രം
ഈശ്വരനൊരിക്കൽ... ലങ്കാദഹനം
തിരുവാഭരണം ചാർത്തി വിടർന്നു ലങ്കാദഹനം
സ്വർഗ്ഗനന്ദിനീ ... ലങ്കാദഹനം
നക്ഷത്രരാജ്യത്തെ... ലങ്കാദഹനം
സുപ്രഭാതം സുപ്രഭാതം... പണിതീരാത്ത വീട്
കണ്ണുനീർത്തുള്ളിയെ സ്ത്രീയോടുപമിച്ച... പണിതീരാത്ത വീട്
ഹൃദയവാഹിനീ ഒഴുകുന്നു നീ... ചന്ദ്രകാന്തം
ഉദിച്ചാൽ അസ്തമിക്കും... ദിവ്യദർശനം
രാജീവനയനേ നീയുറങ്ങു... ചന്ദ്രകാന്തം
സ്വർണ്ണ ഗോപുര നർത്തകീ ശിൽപ്പം... പണിതീരാത്ത വീട്
ആ നിമിഷത്തിന്റെ നിർവൃതിയിൽ... പണിതീരാത്ത വീട്
അഷ്ഠപതിയിലെ നായികേ... ജീവിക്കാൻ മറന്നുപോയ സ്ത്രീ
ദൈവം തന്ന വീട്... അവൾ ഒരു തുടർക്കഥ
എന്റെ രാജ കൊട്ടാരത്തിനു... വേനലിൽ ഒരു മഴ
സ്വർഗമെന്ന കാനനത്തിൽ... ചന്ദ്രകാന്തം
സത്യനായകാ... ജീവിതം ഒരു ഗാനം
പുലരിയോടോ സന്ധ്യയോടോ... സിംഹാസനം
ചലനം ജ്വലനം... അയ്യർ ദ ഗ്രേറ്റ്
ജനിച്ചതാർക്കു വേണ്ടി അറിയില്ലല്ലോ... സിംഹാസനം

ചിത്രങ്ങൾ[തിരുത്തുക]

അവലംബം[തിരുത്തുക]


"https://ml.wikipedia.org/w/index.php?title=എം.എസ്._വിശ്വനാഥൻ&oldid=2362268" എന്ന താളിൽനിന്നു ശേഖരിച്ചത്