അമൃതവർഷിണി
കർണാടക സംഗീതത്തിലെ അറുപത്തിആറാമത്തെ മേളകർത്താരാഗമായ ചിത്രാംബരിയുടെ ഒരു ജന്യരാഗമാണ് അമൃതവർഷിണി.(സംസ്കൃതം: अमृतवर्षिणि, തമിഴ്: அம்ருதவர்ஷிணி)
ആരോഹണം : 'സ ഗ മ പ നി സ'
അവരോഹണം : 'സ നി പ മ ഗ സ'
ഈ രാഗത്തിൽ മുത്തുസ്വാമിദീക്ഷിതരുണ്ടാക്കിയ 'ആനന്ദാമൃതവർഷിണി' എന്നാരംഭിക്കുന്ന കീർത്തനമല്ലാതെ മറ്റൊരു ഗാനവും പ്രചാരത്തിലില്ല. ദീക്ഷിതർ ഒരിക്കൽ ഈ കീർത്തനം പാടി രാമനാഥപുരത്തു മഴ പെയ്യിച്ച്, തദ്ദേശവാസികളുടെ ജലക്ഷാമം പരിഹരിച്ചതായി ഐതിഹ്യമുണ്ട്. [1][2] ഇത് രാഗനാമത്തിന്റെ അന്വർഥതയെ സൂചിപ്പിക്കുന്നു.
