ആർ.കെ. ശേഖർ

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
ആർ.കെ. ശേഖർ
R. K. Shekhar.jpg
ജീവിതരേഖ
സ്വദേശംചെന്നൈ
തൊഴിലു(കൾ)സംഗീത സംവിധായകൻ, Music Arranger
ഉപകരണംഹാർമോണിയം
സജീവമായ കാലയളവ്1964 – 1976

രാജഗോപാൽ കുലശേഖർ (ആർ.കെ. ശേഖർ; 1933 ജൂൺ 21 – 1976 സെപ്റ്റംബർ 30) മലയാളത്തിലെ പ്രശസ്ത ചലച്ചിത്രസംഗീത സംവിധായകനായിരുന്നു. 23 മലയാളചിത്രങ്ങൾക്കും നിരവധി തമിഴ് ചിത്രങ്ങൾക്കും അദ്ദേഹം ഈണം പകർന്നിട്ടുണ്ട്. ഇതിനു പുറമേ നൂറുകണക്കിന് ചിത്രങ്ങൾക്ക് മ്യൂസിക് കണ്ടക്ടറായും അറേയ്ഞ്ചറായും പ്രവർത്തിച്ചു. ലോകത്തിലെ ഏറ്റവും പ്രഗല്ഭ സംഗീതജ്ഞനായി വിലയിരുത്തപ്പെടുന്ന എ.ആർ. റഹ്‌മാൻ മകനാണ്.[1]

ജീവിതരേഖ[തിരുത്തുക]

ചെന്നൈക്കടുത്ത് കിഴാനൂരില് 1933 ജൂൺ 21ന് ജനിച്ചു.[2]‍ മൈലാപ്പൂർ ക്ഷേത്രത്തിലെ ഭജന പാട്ടുകാരനായിരുന്നു ശേഖറിന്റെ പിതാവ്. മലയാള നാടകങ്ങൾക്കു സംഗീതം നിർവ്വഹിച്ചുകൊണ്ടാണ് ശേഖർ കരിയർ ആരംഭിക്കുന്നത്. മ്യൂസിക് കണ്ടക്ടറും അറേയ്ഞ്ചറുമായി ചലച്ചിത്രരംഗത്തും സജീവമായി. ഇന്ത്യയിലാകെ പ്രശസ്തനായിരുന്നിട്ടും ശേഖർ ആദ്യം ഈണമിട്ടത് മലയാളത്തിൽ. 1964ൽ പഴശ്ശിരാജയിൽ. കുഞ്ചാക്കോയുടെ ഈ ചരിത്രസിനിമയിലെ എല്ലാ ഗാനങ്ങളും സൂപ്പർ ഹിറ്റുകളായി.[3] പിന്നീടങ്ങോട്ട് 22 സിനിമകൾ. ഇവയിൽ ആയിഷ, ടാക്സികാർ, യുദ്ധഭൂമി, തിരുവാഭരണം, താമരഭരണി എന്നീ ചിത്രങ്ങളിലെ ഗാനങ്ങൾ ഏറെ ശ്രദ്ധിക്കപ്പെട്ടു. ഗാനങ്ങളെക്കാൾ ഹോളിവുഡ് നിലവാരം പുലർത്തിയ പശ്ചാത്തലസംഗീതമാണ് അദ്ദേഹത്തെ ശ്രദ്ധേയനാക്കിയത്. 1977ലെ ചോറ്റാനിക്കര അമ്മയായിരുന്നു അവസാന സിനിമ. ഈ സിനിമ റിലീസായ ദിവസം തന്നെയായിരുന്നു ശേഖറിന്റെ മരണം,[അവലംബം ആവശ്യമാണ്] നാൽപ്പത്തിമൂന്നാം വയസിൽ. പ്രശസ്തിയുടെ കൊടുമുടിയിൽ നിൽക്കുമ്പോഴായിരുന്നു ഇത്. ആകസ്മികമായ ഈ മരണത്തെ ചുറ്റിപ്പറ്റി അനവധി കഥകളും പ്രചരിച്ചു. എതിരാളികൾ ദുർമന്ത്രവാദം നടത്തിയതുമൂലമാണ് അദ്ദേഹം മരിച്ചതെന്ന് പറയപ്പെടുന്നു.[4]

കുടുംബം[തിരുത്തുക]

മുപ്പത്തൊന്നാം വയസിൽ വിവാഹം. ഭാര്യ കസ്തൂരി. റഹ്‌മാനുൾപ്പെടെ നാലു മക്കൾ. മൂത്ത മകൾ എ. ആർ. റയിഹാനയും ഗായികയും സംഗീതസംവിധായികയുമാണ്. ശേഖറിന്റെ മരണശേഷം ഇസ്‌ലാം മതം സ്വീകരിച്ച കസ്തൂരി തന്റെ പേര് കരീമാ ബീഗം എന്നാക്കി. ദിലീപ് എന്നായിരുന്നു ഇസ്ലാം മതം സ്വീകരിക്കും മുമ്പ് റഹ്മാന്റെ പേര്.

അവലംബം[തിരുത്തുക]

  1. "The 2011 Oscar Race: TIME Picks the Winners"
  2. "ഒരച്ഛൻ വിജയിച്ചുകൊണ്ടേയിരിക്കുന്നു"
  3. "Pazhassiraja 1964"
  4. "Rahman: I was forced to become a musician"



"https://ml.wikipedia.org/w/index.php?title=ആർ.കെ._ശേഖർ&oldid=3224691" എന്ന താളിൽനിന്ന് ശേഖരിച്ചത്