ജയൻ

ജയൻ
ജയന്റെ പ്രതിമ
ജനനം	ഓലയിൽ കൃഷ്ണൻ നായർ 1939 ജൂലൈ 25(1939-07-25) കൊല്ലം കേരളം, ഇന്ത്യ
മരണം	1980 നവംബർ 16(1980-11-16) (പ്രായം 41) ചെന്നൈ, തമിഴ്നാട്, ഇന്ത്യ
ദേശീയത	ഇന്ത്യ
മറ്റ് പേരുകൾ	ബേബി
തൊഴിൽ	നേവി ഓഫീസർ, ചലച്ചിത്രനടൻ.
സജീവം	1974-1980

പ്രമാണം:JayanHelicopterStunt.jpg

ഇംഗ്ലീഷ് വിലാസം

https://ml.wikipedia.org/wiki/Jayan

കൃഷ്ണൻ നായർ (ജൂലൈ 25, 1939 - നവംബർ 16, 1980) ഒരു പ്രമുഖ ഇന്ത്യൻ നടനും നാവിക ഓഫീസർ, സ്റ്റണ്ട് നടനും, 1970 കളിലെ കേരളത്തിൻറെ സാംസ്കാരികചിഹ്നവും ആയിരുന്നു. 120-ലധികം മലയാള ചിത്രങ്ങളിൽ അഭിനയിച്ചു. തന്റെ സിനിമാ ജീവിതകാലത്ത് അദ്ദേഹം പ്രാഥമികമായി ഒരു ആക്ഷൻ താരം ആയിരുന്നു. അദ്ദേഹം തന്റേതായ പൊരുഷഭാവങ്ങൾക്കും അതുല്യമായ അഭിനയ ശൈലിയ്ക്കും പ്രശസ്തനായിരുന്നു. അതിസങ്കീർണ്ണമായ ഫൈറ്റ് സീനുകളിൽ അതിന്റെ അപകടസ്വഭാവം ഗൌനിക്കാരെ തന്മയത്വയായ പ്രകടനം കാഴ്ചവയ്ക്കുന്നതിൻ അദ്ദേഹം അത്യധികം ശ്രദ്ധിച്ചിരുന്നു. 1970 കളുടെ അന്ത്യപാദങ്ങളിൽ മലയാള സിനിമയിലെ ഏറ്റവും ജനപ്രിയനായ നടനായി പ്രശസ്തി നേടിയ അദ്ദേഹത്തിൽ മലയാള സിനിമയിലെ ആദ്യ ആക്ഷൻ നായകനെന്ന വിശേഷണം അദ്ദേഹത്തെ തേടിവന്നു.ഇദ്ദേഹത്തിന്റെ യഥാർഥ പേര് കൃഷ്ണൻ നായർ എന്നായിരുന്നു. കേരളത്തിലെ യുവാക്കൾക്കിടയിൽ വേഷവിധാനത്തിലും ശൈലിയിലും മറക്കാനാവത്ത ഒരു തരംഗം സൃഷ്ടിച്ച അഭിനേതാവായിരുന്നു ജയൻ.

1970-കളിൽ നിരവധി ചിത്രങ്ങളിൽ ആക്ഷൻ ഹീറോയായി അഭിനയിച്ച് വളരെ ചുരുങ്ങിയ സമയം കൊണ്ട് അഭിനേതാവായി ഉയർന്നുവന്ന കാലയളവിനു മുമ്പ് ജയൻ ഇന്ത്യൻ നാവികസേനയിലെ മാസ്റ്റർ ചീഫ് പെറ്റി ഓഫീസർ ആയിരുന്നു. 41 വയസിൽ തന്റെ പ്രശസ്തിയുടെ ഉത്തുംഗത്തിലായിരിക്കെ ഒരു ഹെലിക്കോപ്റ്റർ അപകടത്തിൽ അദ്ദേഹം മരണമടഞ്ഞു. ഒരു ഹെലികോപ്ടർ ഉൾപ്പെടുന്ന രംഗത്തെ അത്യന്തം അപകടം പിടിച്ച ഒരു ഫൈറ്റ് സീൻ ഷൂട്ട് ചെയ്യുന്ന സമയത്താണ് ഇതു സംഭവിച്ചത്. പറന്നു പൊങ്ങിയ ഹെലിക്കോപ്റ്റിൻറെ ലാന്റിംഗ് പാഡിൽ തൂങ്ങി ഫൈറ്റ് സീൻ ചിത്രീകരിക്കുന്ന വേളയിൽ ഹെലിക്കോപ്റ്റർ തകർന്നുവീഴുകയായിരുന്നു.  കാലത്തിന്റെ തിരശീലയ്ക്കു പിന്നിൽ മറഞ്ഞുവെങ്കിലും പൌരുഷത്തിന്റേയും സാഹസകതയുടേയും പ്രതീകമായി ഇന്നും ജനമനസുകളിൽ സ്ഥാനം ലഭിക്കുന്ന എന്നത് ഇന്ത്യൻ സിനിമയിൽ ജയനു മാത്രമാണ് സാധിച്ചിട്ടുള്ളത്.

2011-ൽ കമ്പ്യൂട്ടർ ഗ്രാഫിക്സിന്റെ സഹായത്തോടെ ജയനെ പുനർനിർമ്മിച്ച് അവതാരം എന്ന ചിത്രത്തിൽ നായകനായി അവതരിപ്പിക്കുകയുണ്ടായി.

ജീവചരിത്രം

1939 ജൂലൈ 25ന് കൊല്ലം ജില്ലയിൽ തേവള്ളി എന്ന സ്ഥലത്താണ് ജയൻ ജനിച്ചത്. തിരുവിതാംകൂർ രാജവംശത്തിന്റെ കൊല്ലം ശാഖയായ തേവള്ളി കൊട്ടാരത്തിലെ വിചാരിപ്പുകാരനായിരുന്നു ജയന്റെ പിതാവ് മാധവവിലാസം വീട്ടിൽ മാധവൻപിള്ള. സത്രം മാധവൻപിള്ള എന്നും കൊട്ടാരക്കര മാധവൻപിള്ള എന്നും ജയന്റെ പിതാവ് അറിയപ്പെട്ടിരുന്നു. മാതാവ് ഓലയിൽ ഭാരതിയമ്മ. സോമൻ നായർ എന്ന അനുജനും അദ്ദേഹത്തിനുണ്ടായിരുന്നു. വീടിനടുത്തുണ്ടായിരുന്ന മലയാളി മന്ദിരം സ്കൂളിലാണ് ജയൻ പ്രാഥമികവിദ്യാഭ്യാസം പൂർത്തിയാക്കിയത്. പിന്നീട് ജയൻ ഒരു ഗവൺമെന്റ് ബോയ്സ് സ്കൂളിലാണ് പഠിച്ചത്. പഠനത്തിലും കലാകായികരംഗത്തും മിടുമിടുക്കനായിരുനു ജയൻ. ചെറുപ്പത്തിലേ ജയൻ നന്നായി പാടുമായിരുന്നു. സ്കൂളിലെ എൻ.സി.സിയിൽ ബെസ്റ്റ് കേഡറ്റായി തിരഞ്ഞെടുക്കപ്പെട്ട ജയന് അതുവഴി നേവിയിലേക്ക് നേരിട്ട് പ്രവേശനം ലഭിക്കുകയായിരുന്നു.

നേവിയിൽ

പതിനഞ്ച് വർഷം ജയൻ ഇന്ത്യൻ നേവിയിൽ സേവനമനുഷ്ടിച്ചിരുന്നു.ഇന്ത്യൻ നേവിയിൽ നിന്ന് രാജിവെക്കുമ്പോൾ ജയൻ ചീഫ് പെറ്റി ഓഫീസർ പദവിയിൽ എത്തിയിരുന്നു.പതിനഞ്ച് വർഷത്തെ നാവികജീവിതം ജയന് ജീവിതാനുഭവങ്ങളുടെ ബൃഹത്തായ ഒരു പുസ്തകമായിരുന്നു.

സിനിമാജീവിതം

1974-ൽ ശാപമോക്ഷം എന്ന ചിത്രത്തിലൂടെയാണ് ജയൻ സിനിമയിൽ അരങ്ങേറ്റം കുറിച്ചത്. പിന്നീട് ചെറിയ വേഷങ്ങൾ ജയന് ലഭിച്ചുതുടങ്ങി. ഇവയിൽ പലതും വില്ലൻവേഷങ്ങളായിരുന്നു. ജയഭാരതിയാണ് ജയനെ ചലച്ചിത്രരംഗത്തു പരിചയപ്പെടുത്തുന്നത്. ജയന്റെ അമ്മാവന്റെ മകളായിരുന്നു ജയഭാരതി. പിന്നെ അവസരങ്ങൾ ജയനെ തേടി എത്തുകയായിരുന്നു. അഭിനയത്തിലെ പ്രത്യേക ശൈലികൊണ്ട് കഥാപാത്രങ്ങളെ ശ്രദ്ധേയമാക്കുവാൻ ജയനു കഴിഞ്ഞു. മിന്നിമറയുന്നത് ഒരു സീനിലാണെങ്കിൽ പോലും ജയന്റെ കഥാപാത്രം പ്രേക്ഷകശ്രദ്ധ പിടിച്ചു പറ്റി. ഭാവാഭിനയത്തിൽ മികവു പുലർത്തിയിതോടൊപ്പം ശരീരത്തിന്റെ കരുത്തും വഴക്കവും അഭിനയത്തിൽ സംക്രമിപ്പിച്ച് ജയൻ അവതരിപ്പിച്ച സ്റ്റൈലൈസ്ഡ് ആക്ടിംഗ് പ്രേക്ഷകർ ആവേശപൂർവ്വം നെഞ്ചിലേറ്റി. സംഭാഷണത്തിൽ വളരെയധികം സ്വാഭാവികതയുണ്ടായിരുന്ന ജയന്റെ ശബ്ദം അതുവരെ മലയാള സിനിമയിലെ നായകൻമാർക്കില്ലാതിരുന്ന തരത്തിൽ ഗാംഭീര്യമുള്ളതായിരുന്നു. ജയന്റെ മനസ്സിലെ സാഹസികതയോടുള്ള പ്രണയം തുടക്കത്തിൽ തന്നെ തിരിച്ചറിഞ്ഞ സംവിധായകർ ജയനുവേണ്ടി അതുവരെയുണ്ടായിരുന്ന മലയാള സിനിമയുടെ കഥാഗതിയെപ്പോലും തിരുത്തിയെഴുതി. സിംഹത്തോടും കാട്ടാനയോടും ഏറ്റുമുട്ടാനോ ക്രെയിനിൽ തൂങ്ങി ഉയരങ്ങളിലേക്ക് പൊങ്ങിപ്പോകാനോ കൂറ്റൻ ഗ്ലാസ് ഡോറുകൾ തകർത്തു മുന്നേറാനോ വലിയ കെട്ടിടത്തിൽ നിന്നു താഴേക്ക് ചാടാനോ ജയന് ഒട്ടും ഭയമുണ്ടായിരുന്നില്ല. തനിക്കു ലഭിക്കുന്ന കയ്യടികൾ തൻറെ അദ്ധ്വാനത്തിനു കിട്ടുന്ന പ്രതിഫലമായിരിക്കണമെന്ന് അദ്ദേഹം ആത്മാർ‌ത്ഥമായി ആഗ്രഹിച്ചു. ജയന്റ അസാധ്യമായ പ്രകടനങ്ങൾക്കൊപ്പം നിഴലുപോലെ സഞ്ചരിച്ചിരുന്ന മരണം ഒടുവിൽ ജയനെ കീഴ്‌പെടുത്തി. പതിറ്റാണ്ടുകൾ കഴിഞ്ഞിട്ടും ജയനെ ജയിച്ചെന്നു കരുതുന്ന മരണത്തെ ആരാധക ഹൃദയങ്ങളിലെ കെടാത്ത സാന്നിധ്യമായി നിന്ന് ജയൻ തോല്പിച്ചുകൊണ്ടേയിരിക്കുന്നു. ജീവിതാഭിനയത്തിന് വളരെ ചെറുപ്പത്തിൽ തന്നെ അപകടം തിരശ്ശീല വീഴ്ത്തിയെങ്കിലും പൗരുഷത്തിന്റെയും സാഹസികതയുടെയും പ്രതീകമായി ഇന്നും ജനമനസ്സുകളിൽ സ്ഥാനം ലഭിക്കുന്നു എന്നത് ഇന്ത്യൻ സിനിമയിൽ ജയനു മാത്രം സാധ്യമായ അപൂർവ്വതയാണ്. ചെറിയ വില്ലൻവേഷങ്ങളിൽ നിന്നു പ്രധാന വില്ലൻവേഷങ്ങളിലേക്കും ഉപനായകവേഷങ്ങളിലേക്കും അവിടെ നിന്ന് നായക വേഷങ്ങളിലേക്കുമുള്ള ജയന്റെ വളർച്ച വളരെ പെട്ടെന്നായിരുന്നു. ഹരിഹരൻ സംവിധാനം ചെയ്ത ശരപഞ്ജരമാണ് അദ്ദേഹത്തിനു നായകപദവി നൽകിയ ആദ്യവേഷം. 1974 മുതൽ '80 വരെ കേവലം ആറ് വർഷങ്ങൾകൊണ്ട് "പൂട്ടാത്ത പൂട്ടുകൾ" എന്ന തമിഴ്ചിത്രമുൾപ്പെടെ നൂറ്റിപതിനാറ് ചിത്രങ്ങളിൽ ജയൻ വേഷമിട്ടു. ശാപമോക്ഷം മുതൽ കോളിളക്കം വരെ ജയന്റെ മുദ്ര പതിഞ്ഞ 90 ശതമാനം ചിത്രങ്ങളും ഹിറ്റുകളും സൂപ്പർഹിറ്റുകളും ആയിരുന്നു. ജയനെ ജനകീയ നടനാക്കിത്തീർത്തത് അങ്ങാടി ആയിരുന്നു. ഗൃഹലക്ഷ്മി പ്രൊഡക്ഷൻസിന്റെ ബാനറിൽ ഐ.വി ശശി സംവിധാനം ചെയ്ത ഈ ചിത്രം മുൻകാല കളക്ഷൻ റെക്കോർഡുകൾ തിരുത്തിക്കുറിച്ചു.

അങ്ങാടിയിലെ ഒരു അഭ്യസ്തവിദ്യനായ ചുമട്ടുതൊഴിലാളിയുടെ വേഷത്തിൽ ജയൻ ഗർജ്ജിക്കുമ്പോൾ ആ സ്വരഗാംഭീര്യത്തിൽ കോരിത്തരിച്ച് ആംഗ്ലേയഭാഷ വശമില്ലാത്തവർ പോലും കയ്യടിച്ചു. സാഹസികത നിറഞ്ഞ അഭിനയമുഹൂർത്തങ്ങളോട് ജയന് വലിയ താൽപര്യമായിരുന്നു. കഠിനമായ പരിശ്രമത്തിലൂടെയാണ് മലയാളത്തിൽ സ്വന്തമായൊരു സിംഹാസനം ജയൻ തീർത്തത്. മറ്റ് നായകനടന്മാർക്കുവേണ്ടി ഡ്യൂപ്പുകൾ അടികൂടുമ്പോൾ ജയൻ അത് സ്വന്തമായി ചെയ്യുകയായിരുന്നു. അതിരുകടന്ന സാഹസികതതന്നെയാണ് ഒടുവിൽ ജയന്റെ ജീവനെടുത്തത്.

മരണം

കോളിളക്കം എന്ന സിനിമയിലെ ഒരു സാഹസികരംഗത്തിന്റെ ചിത്രീകരണത്തിനിടയിലുണ്ടായ ഒരു ഹെലിക്കോപ്റ്റർ അപകടത്തിലാണ് 1980 നവംബർ 16-ന് ജയൻ അകാലമൃത്യുവടഞ്ഞത്. 41 വയസ്സേ അദ്ദേഹത്തിന് അപ്പോൾ ഉണ്ടായിരുന്നുള്ളൂ. തമിഴ്നാട്ടിലെ ചെന്നൈക്കടുത്തുള്ള ഷോളാവാരത്ത് ചിത്രത്തിന്റെ ക്ലൈമാക്സ് രംഗം ചിത്രീകരിക്കുന്നതിനിടെയായിരുന്നു സിനിമാലോകത്തെ ഞെട്ടിച്ച ഈ സംഭവം ഉണ്ടായത്. സംവിധായകൻ ഈ രംഗത്തിന്റെ ആദ്യ ഷൂട്ടിൽ സംതൃപ്തനായിരുന്നു എന്നു പറയപ്പെടുന്നു. ഈ രംഗത്തിന്റെ മൂന്നു ഷോട്ടുകൾ എടുത്തിരുന്നു. എന്നാൽ തന്റെ പ്രകടനത്തിൽ അസംതൃപ്തനായിരുന്ന ജയനായിരുന്നു മറ്റൊരു ഷോട്ട് എടുക്കാൻ സംവിധായകനെ നിർബന്ധിച്ചത് എന്ന് കോളിളക്കത്തിന്റെ നിർമാതാവ് പറയുന്നു. റീടേക്കിൽ ഹെലിക്കോപ്റ്റർ നിയന്ത്രണം വിട്ട് ഇടിക്കുകയായിരുന്നു.

ജയന്റെ മരണസമയത്ത് ഹിറ്റായി ഓടുകയായിരുന്ന ചിത്രമായ "ദീപ"ത്തിൽ ജയന്റെ മരണവാർത്ത ചേർത്തു. ഈ ചിത്രം കണ്ടുകൊണ്ടിരുന്ന ലക്ഷക്കണക്കിന് ആരാധകർ പൊട്ടിക്കരഞ്ഞു തിയേറ്ററിന്റെ പുറത്തേക്ക് ഓടി. ചിലർ വിശ്വസിക്കാൻ കഴിയാതെ അമ്പരന്ന് നിന്നു. മറ്റ് ചിലർ ഇതു വിശ്വസിക്കാൻ തയ്യാറാവാതെ വരാൻ പോകുന്ന ചലച്ചിത്രത്തിന്റെ ഒരു പരസ്യമാണ് എന്ന് കരുതി സിനിമ കാണുന്നത് തുടർന്നു.

ജയന്റെ മൃതദേഹം ചെന്നൈയിൽ നിന്ന് പ്രത്യേക വിമാനത്തിൽ നാട്ടിലെത്തിച്ചു. തുടർന്ന് മൃതദേഹം വിലാപയാത്രയായി അദ്ദേഹത്തിന്റെ വീട്ടിലെത്തിച്ചശേഷം വീട്ടുവളപ്പിൽ അച്ഛന്റെ അന്ത്യവിശ്രമസ്ഥാനത്തിനടുത്ത് പൂർണ ഔദ്യോഗിക ബഹുമതികളോടെ സംസ്കരിച്ചു. അനുജൻ സോമൻ നായരാണ് ചിതയ്ക്ക് തീ കൊളുത്തിയത്. നിരവധി ആളുകളാണ് അദ്ദേഹത്തെ അവസാനമായി കാണാനെത്തിയത്. ജനക്കൂട്ടത്തെ നിയന്ത്രിക്കാൻ പോലീസിന് വളരെയധികം ബുദ്ധിമുട്ടേണ്ടിവന്നു. ജയന്റെ മരണത്തോടെ തകർന്നുപോയ അദ്ദേഹത്തിന്റെ അമ്മ ഭാരതിയമ്മ തുടർന്ന് കിടപ്പിലാകുകയും രണ്ടുവർഷങ്ങൾക്കുശേഷം അവരും മരിക്കുകയും ചെയ്തു.

ജയന്റെ മരണസാഹചര്യങ്ങൾ ഒരു ഗൂഢാലോചനയെക്കുറിച്ച് കഥകൾ പുറത്ത് വരാൻ ഇടയാക്കി. ഇതിനു കാരണമായത് കൂടെ ഹെലിക്കോപ്റ്ററിലുണ്ടായിരുന്ന സഹനടനായിരുന്ന ബാലൻ കെ നായരും പൈലറ്റും സാരമായ പരുക്കുകളൊന്നുമേൽക്കാതെ അത്ഭുതകരമായി രക്ഷപെട്ടു എന്നതാണ്. പക്ഷേ ഈ അപകടം ഒരു ദുരൂഹതയായി ഇന്നും അവശേഷിക്കുന്നു.

മരണത്തിന് ശേഷം

ജയന്റെ മരണത്തിന് ശേഷം അദ്ദേഹത്തിന്റെ ജന്മ സ്ഥലമായ കൊല്ലം 'ഓലയിൽ' എന്ന സ്ഥലത്തിന് ജയൻ നഗർ എന്ന് പേര് നൾകുകയും അദ്ദേഹത്തിന്റെ പേരിൽ ഒരു ക്ലബ് രൂപികരിക്കുകയും ചെയ്തു. ജയൻ മെമ്മോറിയൽ ആർട്സ് & സ്പോർട്സ് ക്ലബ്. എല്ലാ വർഷവും ജയന്റെ ജന്മ ദിനത്തിൽ സമൂഹ സദ്യയും ആദ്ദേഹം അഭിനയിച്ച ചിത്രങ്ങളുടെ പ്രദർശനവും നടന്നു വരുന്നു.

2013 ആഗസ്റ്റ് മാസം ജയന്റെ പ്രതിമ പ്രശസ്ത സിനിമ താരവും കൊല്ലം സ്വദേശിയുമായ മുകേഷ് അനാച്ഛാദനം ചെയ്തു.

കൊല്ലം 'ഓലയിൽ' നാണി മെമ്മോറിയൽ ഹോസ്പിറ്റലിനു മുൻവശം സ്ഥാപിച്ച പ്രതിമ കാണനും കൂടെ നിന്നു ചിത്രങ്ങൾ എടുക്കാനും സിനിമ താരങ്ങളും, സിനിമയിൽ പ്രവർത്തിക്കുന്നവരും, അദ്ദേഹത്തിന്റെ ആരാധകരും കൊല്ലം ഓലയിൽ ജയൻ മെമ്മോറിയൽ ക്ലബിൽ എത്താറുണ്ട്.

അഭിനയിച്ച ചിത്രങ്ങൾ

No.	വർഷം	സിനിമ	കഥാപാത്രം	സംവിധായകൻ	ഒപ്പം അഭിനയിച്ചവർ
1	1974	ശാപമോക്ഷം		ജേസി	ജയന്, ഷീല, അടൂര്ഭാസി, ജോസ്പ്രകാശ്
2	1974	പൂന്തേനരുവി	Dr. John	J. Sasikumar	പ്രേംനസീര്, ജയന്, നന്ദിതാബോസ്
3	1975	ടൂറിസ്റ്റ് ബംഗ്ലാവ്		എ.ബി.രാജ്	പ്രേംനസീര്, സോമന്, ജയന്, ജയഭാരതി
4	1975	സൂര്യവംശം		എ.ബി.രാജ്	പ്രേംനസീര്, ജയന്, ജയഭാരതി
5	1975	ഉല്ലാസയാത്ര		എ.ബി.രാജ്	ജയൻ, രവികുമാർ, ഷീല, ലക്ഷ്മി
6	1975	ധര്മ്മക്ഷേത്രേ കുരുക്ഷേത്രേ		കുഞ്ചാക്കോ	പ്രേംനസീര്, ജയഭാരതി, സോമന്, ജയന്
7	1976	പിക്പോക്കറ്റ്		ശശികുമാര്	പ്രേംനസീർ, ജയന്, വിധുബാല
8	1976	മധുരം തിരുമധുരം		Dr. ബാലകൃഷ്ണൻ	സോമന്, റാണിചന്ദ്ര, ജയന്, ഉണ്ണിമേരി, വിന്സന്റ്
9	1976	രാജാങ്കണം		ജേസി	സോമന്, ഷീല, ജയന്, സാധന
10	1976	അഗ്നിപുഷ്പം		ജേസി	കമലഹാസന്, ജയന്, സോമന്, ജയഭാരതി, സുധീര്, റീന
11	1976	മല്ലനും മാതേവനും		കുഞ്ചാക്കോ	പ്രേംനസീർ, ജയന്, ഷീല, ഉണ്ണിമേരി
12	1976	പാൽക്കടൽ		TK Prasad	സോമന്, ജയന്, രാഘവന്, ഷീല, ശാരദ, പ്രേമ
13	1976	പഞ്ചമി	ജോൺ	ഹരിഹരൻ	പ്രേംനസീർ, ജയൻ
14	1976	കാമധേനു	മാധവൻ	ശശികുമാര്	പ്രേംനസീര്, ജയന്, ജയഭാരതി, ശ്രീവിദ്യ
15	1976	യൌവ്വനം ദാഹം
16	1976	അമൃതവാഹിനി	മോഹൻ	ശശികുമാർ	പ്രേംനസീര്, ശാരദ, ജയന്, ശോഭ, റീന
17	1976	ലൈറ്റ്ഹൌസ്	വില്ലന്	എ.ബി.രാജ്	പ്രേംനസീര്, ജയന്, ജയഭാരതി
18	1977	സ്നേഹയമുന		AT Raghu	സോമന്, ജയന്, ലക്ഷ്മി
19	1977	മകം പിറന്ന മങ്ക		NR Pillai	സോമന്, ജയന്, ജയഭാരതി. ഉഷാറാണി
20	1977	ആശീർവാദം		I. V. ശശി	കമലഹാസന്, സോമന്, ജയന്, ഷീല, ശ്രീദേവി
21	1977	മനസ്സൊരു മയിൽ		P Chandrakumar	വിന്സന്റ്, ജയന്, ജയഭാരതി, രാഘവന്
22	1977	തോൽക്കാൻ എനിക്കു മനസ്സില്ല		ഹരിഹരന്	പ്രേംനസീര്, ജയന്, ജയഭാരതി, സോമന്
23	1977	ആദ്യപാഠം		അടൂര്ഭാസി	കമലഹാസന്, ജയന്, ഷീല, ശ്രീദേവി
24	1977	അപരാജിത		ശശികുമാര്	പ്രേംനസീര്, ശാരദ, ജയന്, ജയഭാരതി
25	1977	ഇവനെൻറെ പ്രിയപുത്രൻ		ഹരിഹരൻ	പ്രേംനസീര്, ജയന്
26	1977	ശുക്രദശ		Anthikkad Mani	ജയന്, ജയഭാരതി, രാഘവന്
27	1977	കാവിലമ്മ		N Sankaran Nair	മധു, ജയന്, ഷീല, മല്ലികസുകുമാരന്
28	1977	അഭിനിവേശം	Gopinath	I. V. ശശി	സോമന്, ജയന്, രവികുമാര്, സുമിത്ര, പത്മപ്രിയ
29	1977	അവൾ ഒരു ദേവാലയം		എ.ബി.രാജ്	പ്രേംനസീര്, ജയന്, ഷീല, ജയഭാരതി
30	1977	അഞ്ജലി		[[I. V. ശശി]] ||പ്രേംനസീര്, സോമന്, ജയന്, ശാരദ
31	1977	രാജപരമ്പര		Dr. Balakrishnan	ജയന്, ജയഭാരതി, രാഘവന്, ശോഭ, റീന
32	1977	രതിമന്മഥൻ		ശശികുമാർ	പ്രേംനസീർ, ജയൻ
33	1977	രണ്ടു ലോകം	ബാബു	ശശികുമാർ	പ്രേംനസീർ, ജയൻ
34	1977	ഓർമ്മകൾ മരിക്കുമോ	പ്രഭാകരൻ	K. S സേതുമാധവൻ	കമലഹാസൻ, ജയൻ, ശോഭ
35	1977	ഇതാ ഇവിടെ വരെ	വള്ളക്കാരൻ	I. V. ശശി	മധു, ജയൻ
36	1977	അച്ചാരം അമ്മിണി ഓശാരം ഓമന	സുധാകരൻ	അടൂർ ഭാസി	പ്രേംനസീർ, ജയൻ, ഷീല (ഡബിള്)
37	1977	കണ്ണപ്പനുണ്ണി	Hidumban	കുഞ്ചാക്കോ	പ്രേംനസീർ, ജയൻ, ഷീല, ജയഭാരതി
38	1978	പാവാടക്കാരി		Rochy Alex	ജയന്, വിന്സന്റ്, ഉണ്ണിമേരി, സാധന
39	1978	ഹേമന്ദരാത്രി		P Balthasar	ജയന്, ജയഭാരതി, സോമന്, രാഘവന്
40	1978	അവകാശം		എ.ബി.രാജ്	സോമന്, ജയന്, ജയഭാരതി
41	1978	അനുഭൂതികളുടെ നിമിഷം		P Chandrakumar	ജയന്, സോമന്, ശാരദ, സീമ
42	1978	അവൾ കണ്ട ലോകം		M. Krishnan Nair	ജയന്, സീമ, രവികുമാര്
43	1978	അനുമോദനം		I. V. ശശി	കമലഹാസന്, ജയന്, സോമന്, സീമ, വിധുബാല
44	1978	രണ്ടു പെൺകുട്ടികൾ		മോഹൻ	മധു, ശോഭ, സുകുമാരന്, ജയന്, വിധുബാല
45	1978	സ്നേഹിക്കാൻ സമയമില്ല.		Vijay Anand	മധു, ജയന്, റീന, വിജയലളിത
46	1978	വിശ്വരൂപം		Narayanan P V & Vasudevan T K	സോമന്, ജയന്, വിധുബാല, വിന്സന്റ്
47	1978	ഓർക്കുക വല്ലപ്പോഴും		S. Babu	ജയന്, ജയഭാരതി, സോമന്
48	1978	മദനോത്സവം	Dr. Sukumar	N. ശങ്കരൻ നായർ	കമലഹാസൻ, ജയൻ, സറീനാവഹാബ്
49	1978	മിടുക്കിപ്പൊന്നമ്മ		AB Raj	ജയന്, ജയഭാരതി
50	1978	ശത്രുസംഹാരം		J. Sasikumar	പ്രേംനസീര്, ജയന്, പ്രവീണ, ഉണ്ണിമേരി
51	1978	അടിമക്കച്ചവടം	Ponnamma's (Shubha) lover	ഹരിഹരന്	സോമന്, ജയന്, ജയഭാരതി, ശുഭ
52	1978	പട്ടാളം ജാനകി		Crossbelt Mani	ജയന്, രവികുമാര്, വിജയലളിത, ഉണ്ണിമേരി
53	1978	അസ്തമയം		P. ചന്ദ്രകുമാർ	മധു, ജയൻ, ശാരദ, ജയഭാരതി.
54	1978	കൽപ്പവൃക്ഷം	Gopi	ശശികുമാർ	പ്രേംനസീർ, ജയൻ
55	1978	കന്യക	Ayyappan	ശശികുമാർ	മധു, ജയന്, ഷീല, ജയഭാരതി.
56	1978	ഏതോ ഒരു സ്വപ്നം		ശ്രീകുമാരൻ തമ്പി	ജയന്, ഷീല, സുകുമാരന്, കനകദുഃര്ഗ്ഗ
57	1978	തച്ചോളി അമ്പു	Bappu and Kutty	അപ്പച്ചൻ	പ്രേംനസീർ, ശിവാജിഗണേശന്, ജയൻ(ഡബിള് റോള്)
58	1978	സൂത്രക്കാരി		Rochy Alex	ജയന്, സുകുമാരന്, ഉണ്ണിമേരി, സീമ
59	1978	മറ്റൊരു കർണ്ണൻ		ശശികുമാർ	ജയന്, ജയഭാരതി, സോമന്, പ്രവീണ
60	1978	കാത്തിരുന്ന നിമിഷം	Venu	ബേബി	ജയന്, ജയഭാരതി, കമലഹാസന്, സുകുമാരന്
62	1978	ജയിക്കാനായ് ജനിച്ചവൻ		ശശികുമാർ	പ്രേനസീര്, ജയന്, ഷീല
63	1978	ഇതാ ഒരു മനുഷ്യൻ	Prabha	I. V. ശശി	മധു, ജയന്, ഷീല, ജയഭാരതി
64	1978	ഇനിയും പുഴ ഒഴുകും	Nambiar	I. V. ശശി	ജയന്, സോമന്, വിധുബാല, ലക്ഷ്മി.
65	1978	ഈ മനോഹര തീരം	Sahadevan	I. V. ശശി	മധു, ജയന്, ജയഭാരതി, സീമ, വിധുബാല
66	1978	അടവുകൾ പതിനെട്ട്		Vijayanand	ജയൻ, കനകദുർഗ്ഗ
67	1978	ആനപ്പാച്ചൻ		A. വിൻസൻറ്	പ്രേംനസീര്, ജയന്
68	1978	മുക്കുവനെ സ്നേഹിച്ച ഭൂതം	Krishnankutty	ശശികുമാർ	ജയന്, സോമന്, ഉണ്ണിമേരി
69	1978	കടത്തനാട്ടു മാക്കം		Navodaya Appachan	പ്രേംനസീര്, ജയന്, ഷീല, ജയഭാരതി.
70	1978	ലിസ	Suresh	Baby	പ്രേംനസീർ, ജയൻ
71	1979	രാത്രികൾ നിനക്കു വേണ്ടി
72	1979	കല്ലു കാർത്ത്യായനി		PK Joseph	ജയന്, പ്രമീള
73	1979	പിച്ചാത്തിക്കുട്ടപ്പൻ		P. Venu	പ്രേംനസീർ, ജയൻ
74	1979	ശിഖരങ്ങൾ		ഷീല	ജയൻ, ഷീല
75	1979	പുഷ്യരാഗം		സി. രാധാകൃഷ്ണന്	മധു, ജയന്, ശാരദ, ശ്രീവിദ്യ
76	1979	സന്ധ്യാരാഗം		P ഗോവിന്ദൻ	ജയന്, സുകുമാരന്, വിധുബാല
77	1979	പെണ്ണൊരുമ്പെട്ടാൽ
78	1979	ഒരു രാഗം പല താളം		M. Krishnan Nair	മധു, ജയന്, ശ്രീവിദ്യ
79	1979	സായൂജ്യം	രാജൻ	G. Premkumar	എം.ജി.സോമന്, ജയന്, ജയഭാരതി
80	1979	ശരപഞ്ജരം	രാജശേഖരൻ	ഹരിഹരൻ	ജയൻ, ഷീല
81	1979	വെള്ളായണി പരമു	ജംബുലിംഗം	ശശികുമാർ	പ്രേംനസീർ, ജയൻ
82	1979	പുതിയ വെളിച്ചം	വേണു	ശ്രീകുമാരൻ തമ്പി	ജയൻ, ശ്രീവിദ്യ, ജയഭാരതി.
83	1979	പ്രഭു		Baby	പ്രേംനസീർ, ജയൻ, സീമ
84	1979	മോചനം		തോപ്പിൽ ഭാസി	ജയന്, ജയഭാരതി, ഉണ്ണിമേരി
85	1979	മാമാങ്കം	മൂസ	അപ്പച്ചൻ	പ്രേംനസീർ, ജയൻ
86	1979	ഇവിടെ കാറ്റിനു സുഗന്ധം	ജയദേവൻ	P. G. വിശ്വംഭരൻ	ജയന്, ജയഭാരതി, ശ്രീവിദ്യ
87	1979	സർപ്പം		ബേബി	പ്രേംനസീർ, ജയൻ, സീമ
88	1979	ഇരുമ്പഴികൾ	ബുള്ളറ്റ് ബാബു	എ.ബി.രാജ്	പ്രേംനസീർ, ജയൻ, ജയഭാരതി, കെ.പി.ഉമ്മര്
89	1979	വേനലിൽ ഒരു മഴ		ശ്രീകുമാരൻ തമ്പി	മധു, ജയൻ, ശ്രീവിദ്യ
90	1979	കഴുകൻ		A. B. രാജ്	ജയന്, ശുഭ
91	1979	ചുവന്ന ചിറകുകൾ		N. ശങ്കരൻ നായർ	ജയന്, ജയഭാരിതി, ഷര്മ്മിള ടാഗോര്
92	1979	അവനോ അതോ അവളോ	പ്രകാശ്	ബേബി	ജയന്, കനകദഃര്ഗ്ഗ
93	1979	അനുപല്ലവി		ബേബി	ജയൻ, ശ്രീവിദ്യ
94	1979	അങ്കക്കുറി		വിജയാനന്ദ്	ജയന്, ജയഭാരിതി, സീമ
93	1979	ആവേശം	Gopi/Ravi	Vijayanand	ജയൻ (ഡബിൾ റോൾ), ഷീല
95	1980	ശക്തി	Vijayan/Rajan Varma	വിജയാനന്ദ്	ജയൻ, സീമ, ശ്രീവിദ്യ,
96	1980	ചന്ദ്രഹാസം	അപ്പു	ബേബി	പ്രേംനസീർ, ജയൻ, ജയഭാരതി
97	1980	തീനാളങ്ങൾ	രാമു	ശശികുമാർ	ജയൻ, സീമ
98	1980	പാലാട്ടു കുഞ്ഞിക്കണ്ണൻ	Vanchiyoor Surasu	ബോബൻ കുഞ്ചാക്കോ	പ്രേംനസീർ, ജയൻ
99	1980	ഇത്തിക്കരപ്പക്കി	അടിമക്കണ്ണ്	ശശികുമാർ	പ്രേംനസീർ, ജയൻ
100	1980	നായാട്ട്	ഇൻസ്പെക്ടർ വിജയൻ	ശ്രീകുമാരൻ തമ്പി	പ്രേംനസീർ, ജയൻ, സറീനാവഹാബ്
101	1980	കാന്തവലയം		I. V. ശശി	ജയൻ, സീമ
102	1980	അങ്ങാടി (film)	Babu	I. V. ശശി	ജയൻ, സീമ
103	1980	കരിമ്പന	മുത്തൻ	I. V. ശശി	ജയൻ, സീമ
104	1980	ഇടിമുഴക്കം	ഭീമൻ	ശ്രീകുമാരൻ തമ്പി	ജയൻ, ശോഭന (old-ചെമ്പരുത്തി ഫെയിം), രതീഷ്.
105	1980	മീന്	രാജൻ	I. V. ശശി	മധു, ജയൻ, സീമ
106	1980	കരിപുരണ്ട ജീവിതങ്ങൾ		ശശികുമാർ	പ്രേംനസീർ, ജയൻ, ജയഭാരതി
107	1980	അന്തഃപുരം	വാസു	K. G രാജശേഖരൻ	പ്രേംനസീർ, ജയൻ, അംബിക, സീമ
108	1980	ലവ് ഇൻ സിംഗപ്പൂർ	സുരേഷ്	ബേബി	പ്രേംനസീർ, ജയൻ, ലത, മാഡലിൻ ടോ.
109	1980	ചാകര	സേതുമാധവൻ	P. G. വിശ്വംഭരൻ	ജയൻ, ശ്രീവിദ്യ
110	1980	പൂട്ടാത്ത പൂട്ടുകൾ	Uppuli	മഹേന്ദ്രൻ	തമിഴ് സിനിമ
111	1980	ബെൻസ് വാസു		ഹസൻ	ജയൻ, സീമ
112	1980	ദീപം	Ajaykumar	പി. ചന്ദ്രകുമാർ	മധു, ജയൻ, ശ്രീവിദ്യ, സീമ
113	1980	മൂർഖൻ	വിനോദ്	ജോഷി	ജയൻ, സമലത
114	1980	മനുഷ്യമൃഗം	Babu/Gopi	Baby	ജയൻ (ഡബിൾ റോൾ), സീമ
115	1981	തടവറ	രാജൻ	P. ചന്ദ്രകുമാർ	ജയൻ, സീമ
116	1981	കോളിളക്കം	Babu	Vijayanand	മധു, ജയൻ, സോമൻ, സുകുമാരൻ
117	1981	ആക്രമണം		ശ്രീകുമാരൻ തമ്പി	മധു, ജയൻ, ശ്രീവിദ്യ, ജയഭാരതി
118	1981	അഭിനയം	രഘു	Baby	ജയൻ, വിധുബാല
119	1981	അഗ്നിശരം		A. B. രാജ്	ജയന്, ജയഭാരതി
120	1981	സഞ്ചാരി	ഭാർഗ്ഗവൻ	ബോബൻ കുഞ്ചാക്കോ	പ്രേംനസീർ, ജയൻ, മോഹൻലാൽ
121	1981	അറിയപ്പെടാത്ത രഹസ്യം	രഘു	P.വേണു	പ്രേംനസീർ, ജയൻ, ജയഭാരതി
122	1981	ഗര്ജ്ജനം		C. V. Rajendran	രണ്ടു ഗാനരംഗങ്ങള് ഉള്പ്പെടെ ചിത്രം പകുതിയോളം പൂര്ത്തിയാക്കിയിരുന്നു. ചിത്രം പിന്നീട് പൂര്ണ്ണമായി രജനീകാന്ത് അഭിനയിച്ച് റിലീസ് ചെയ്തു
123	1982	കോമരം		ജേസി
124	1982	എന്റെ ശത്രുക്കൾ		S. Babu
125	1983	അഹങ്കാരം		സുരേഷ്
126	1983	പഞ്ചപാണ്ഡവർ (Black & White - പൂര്ത്തിയായെങ്കിലും റിലീസ് ചെയ്തില്ല)		A. Natarajan	ജയന്, സൌമിനി, രാഘവന്

ചിത്രങ്ങൾ

• HelicopterRemainsAfterAccident.jpg

  അപകടത്തിന് ശേഷം ഹെലിക്കോപ്റ്ററിന്റെ

• 

  ജയന്റെ ശവസംസ്കാരം.

• 

  ജയൻ ഉപയോഗിച്ചിരുന്ന സിറ്റീസൺ വാച്ച്.

• 

  ജയന്റെ ഒരു പ്രതിമ.

• Chandhu.jpg

  ജയന്റെ പ്രതിമ

• Chandhuc.jpg

  ജയന്റെ പ്രതിമ നിർമ്മിക്കുന്നു

• Jayankollam.jpg

  ജയന്റെ ജന്മ ദിനം

പുറമെ നിന്നുള്ള കണ്ണികൾ

• Jayan Nostalgia homepage in Manorama Online portal
• ഇന്റർനെറ്റ് മൂവി ഡാറ്റാബേസിൽ നിന്ന് Jayan

ഇതിഹാസ നായകന് ഓർമ്മ പ്പൂക്കൾ http://epathram.com/cinema-2010/11/16/154156-actor-jayan-remembering-37th-death-anniversary-commemoration-day.html

• ജയൻ മെമ്മോറിയൽ ആർട്സ് & സ്പോർട്സ് ക്ലബ് കൊല്ലം