അസ്തമയം (ചലച്ചിത്രം)

ഇംഗ്ലീഷ് വിലാസം

https://ml.wikipedia.org/wiki/Asthamayam

അസ്തമയം
സംവിധാനം	പി. ചന്ദ്രകുമാർ
നിർമ്മാണം	മധു
രചന	സാറാ തോമസ്
തിരക്കഥ	സാറാ തോമസ്
സംഭാഷണം	സാറാ തോമസ്
അഭിനേതാക്കൾ	മധു ജയൻ, ശാരദ, ജയഭാരതി
സംഗീതം	ശ്യാം
പശ്ചാത്തലസംഗീതം	ശ്യാം
ഗാനരചന	സത്യൻ അന്തിക്കാട്, ശ്രീകുമാരൻ തമ്പി
ഛായാഗ്രഹണം	ആർ. എൻ. പിള്ള
സംഘട്ടനം	ഗോപാലൻ ഗുരുക്കൾ
ചിത്രസംയോജനം	ജി. വെങ്കിട്ടരാമൻ
സ്റ്റുഡിയോ	ഉമ ആർട്ട്സ്
ബാനർ	ഉമ ആർട്ട്സ്
വിതരണം	നവശക്തി റിലീസ്, സിതാര റിലീസ്
പരസ്യം	അമ്പിളി
റിലീസിങ് തീയതി	27 സെപ്റ്റംബർ 1978 (1978-09-27)
രാജ്യം	ഇന്ത്യ
ഭാഷ	മലയാളം

പി. ചന്ദ്രകുമാർ സംവിധാനം ചെയ്ത് നടൻ മധു നിർമ്മിച്ച് 1978-ൽ പുറത്തിറങ്ങിയ മലയാളചലച്ചിത്രമാണ് അസ്തമയം. ചിത്രത്തിൽ മധു, ജയൻ, ശാരദ, ജയഭാരതി എന്നിവർ പ്രധാന കഥാപാത്രങ്ങളെ അവതരിപ്പിക്കുന്നു. ശ്യാമാണ് ചിത്രത്തിലെ ഗാനങ്ങൾക്ക് സംഗീതം നൽകിയത്. ശ്രീകുമാരൻ തമ്പിയും സത്യൻ അന്തിക്കാടുമാണ് ചിത്രത്തിനുവേണ്ടി ഗാനങ്ങൾ രചിച്ചത്.

കഥാസാരം

ഒരു ദിവസം ഡോക്ടർ ബാലകൃഷ്ണനെ കാണാൻ ഏറ്റവുമടുത്ത സുഹൃത്തും സഹപാഠിയുമായിരുന്ന വേണുവിന്റെ അമ്മാവൻ കുറുപ്പും അദ്ദേഹത്തിൻ മകളായി കുറുപ്പും ശാന്തിയും എത്തി. അസഹ്യമായ വയറുവേദനയിൽ നിന്നും മോചനം നേടാൻ വേണ്ടി വേണുവിന്റെ ഒരു കത്തുമായി വന്നതാണ് കുറുപ്പ്. ഒരു ഓപ്പറേഷനിലൂടെ മാത്രമേ രോഗം മാറ്റാൻ കഴിയൂ എന്നറിഞ്ഞപ്പോൾ കുറുപ്പു ഭയന്നു. തനിക്കെന്തെങ്കിലും അപകടം സംഭവിച്ചാൽ മകൾ ശാന്തി അനാഥയാകുമല്ലോ എന്നായിരുന്നു കുറുപ്പിന്റെ പേടി. ബാലകൃഷ്ണൻ അവർക്കു ധൈര്യം നൽകി. പേവാർഡ് ലഭിക്കുന്നതു വരെ കുറുപ്പും ശാന്തിയും ഡോക്ടറുടെ വീട്ടിലാണ് താമസിച്ചത്. അസുഖം മാറി തിരിച്ചു പോയ കുറുപ്പിന്റെ ഒരു കത്തുമായി ചേട്ടൻ വന്നു. ശാന്തിയെ ബാലകൃഷ്ണനെക്കൊണ്ട് വിവാഹം കഴിപ്പിക്കാനായിരുന്നു കുറുപ്പിന്റെയും ചേട്ടന്റെയും ശ്രമം. ആദ്യം എതിർത്തെങ്കിലും അവസാനം ബാലകൃഷ്ണൻ അവരുടെ നിർബന്ധത്തിനു വഴങ്ങി.വിവാഹം നടന്നു. അവർക്കൊരു പെൺകുട്ടി ജനിച്ചു. സന്തോഷപൂർണ്ണമായ ദിവസങ്ങൾ ബാലകൃഷ്ണനെ കൂടുതൽ ഉന്മേഷവാനാക്കി. ഒരു ദിവസം ഹോസ്പിറ്റലിൽ വെച്ചു അയാളെ കാണാൻ പ്രഭ എന്എന്ന പെൺകുട്ടി എത്തുന്നു. പഠിക്കുന്ന കാലത്ത് താൻ ജീവനേക്കാളുപരി സ്നേഹിച്ചിരുന്ന ഒരു പെൺകുട്ടിയായിരുന്നു അത്. തുടർന്നുള്ള സംഭവങ്ങളിലൂടെ സിനിമ വികസിക്കുന്നു.

അഭിനേതാക്കൾ

ക്ര.നം.	താരം	വേഷം
1	മധു	ഡോ. ബാലകൃഷ്ണൻ
2	ശാരദ	ശാന്തി
3	ജയൻ	വേണു
4	ജയഭാരതി
5	തിക്കുറിശ്ശി സുകുമാരൻ നായർ	വേണുവിന്റെ അമ്മാവൻ
6	ശങ്കരാടി	ഹിമാലയസ്വാമി
7	ബഹദൂർ	കുട്ടൻ പിള്ള (അറ്റന്റർ)
8	കുഞ്ചൻ	രോഗി
9	മാള അരവിന്ദൻ	ഗുഹരാജ്
10	ജോസ് പ്രകാശ്
11	വീരൻ
12	ടി പി മാധവൻ
13	മണവാളൻ ജോസഫ്
14	പൂജപ്പുര രവി	സാമി
15	ആര്യാട് ഗോപാലകൃഷ്ണൻ
16	മഞ്ചേരി ചന്ദ്രൻ
17	സുകുമാരി	അലമേലു
18	അംബിക
19	വിജയകുമാർ
20	രാജാരാമൻ നായർ
21	ബാലചന്ദ്രൻ
22	എൻ എസ് വഞ്ചിയൂർ
23	കെടാമംഗലം അലി
24	ആർ വി എസ് നായർ
25	ധന്യ
26	ബേബി യാമിനി
27	അമ്പിളി

ഗാനങ്ങൾ

• ഗാനരചന:സത്യൻ അന്തിക്കാട്, ശ്രീകുമാരൻ തമ്പി
• സംഗീതം: ശ്യാം

നമ്പർ.	പാട്ട്	പാട്ടുകാർ	രചന	രാഗം
1	അസ്തമയം അസ്തമയം	കെ ജെ യേശുദാസ് ,കോറസ്‌	ശ്രീകുമാരൻ തമ്പി	ചക്രവാകം
2	പാൽ പൊഴിയും മൊഴി	പി ജയചന്ദ്രൻ,വാണി ജയറാം	ശ്രീകുമാരൻ തമ്പി	രാഗമാലിക (ഹേമവതി ,യദുകുലകാംബോജി ,മോഹനം )
3	ഒരു പ്രേമഗാനം പാടി	കെ ജെ യേശുദാസ്	സത്യൻ അന്തിക്കാട്
4	രതിലയം രതിലയ	കെ ജെ യേശുദാസ് ,എസ്. ജാനകി	സത്യൻ അന്തിക്കാട്

പുറത്തേക്കുള്ള കണ്ണികൾ

• അസ്തമയം (1978) വിഡിയോ യൂട്യൂബിൽ
• അസ്തമയം on IMDb