പി.ആർ. കുറുപ്പ്

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
പി. രാമുണ്ണി കുറുപ്പ്
P.R. Kurup.jpg
മൂന്നാം കേരള നിയമസഭയിലെ ജലസേചനം, സഹകരണ വകുപ്പ് മന്ത്രി
In office
മാർച്ച് 6 1967 – ഒക്ടോബർ 10 1969
മുൻഗാമിആർ. ശങ്കർ
Succeeded byഒ. കോരൻ
Constituencyപെരിങ്ങളം
പത്താം കേരള നിയമസഭയിലെ ഗതാഗതം, വനം വകുപ്പ് മന്ത്രി
In office
മേയ് 20 1996 – ജനുവരി 11 1999
മുൻഗാമികടവൂർ ശിവദാസൻ (വനം), ആർ. ബാലകൃഷ്ണപിള്ള (ഗതാഗതം)
Succeeded byഎ. നീലലോഹിതദാസൻ നാടാർ
Constituencyപെരിങ്ങളം
Personal details
Born(1915-09-30)സെപ്റ്റംബർ 30, 1915
Diedജനുവരി 17, 2001(2001-01-17) (പ്രായം 85)
Political partyജനതാദൾ
Spouse(s)കെ.പി. ലീലാവതി
Childrenനാല് ആൺകുട്ടികൾ, നാല് പെൺകുട്ടികൾ
As of ഡിസംബർ 12, 2011
Source: നിയമസഭ

കേരളത്തിലെ മുൻമന്ത്രിയും മുതിർന്ന സോഷ്യലിസ്റ്റ് പാർട്ടി നേതാവുമായിരുന്നു പുത്തൻപുരയിൽ രാവുണ്ണിക്കുറുപ്പ് എന്ന പി.ആർ. കുറുപ്പ് (30 സെപ്റ്റംബർ 1915 - 17 ജനുവരി 2001). മൂന്നും പത്തും കേരളനിയമസഭകളിലായി ഇദ്ദേഹം ജലസേചനം, സഹകരണം, വനം, ഗതാഗതം എന്നീ വകുപ്പുകൾ കൈകാര്യം ചെയ്തിരുന്നു[1]. ഗോവിന്ദൻ നമ്പ്യാരുടെയും കുഞ്ഞുഞ്ഞാമ്മയുടെയും മകനായി 1915 സെപ്റ്റംബർ 30നാണ് പി.ആർ. കുറുപ്പ് ജനിച്ചത്. കെ.പി. ലീലാവതിയാണ് ഭാര്യ, പതിമൂന്നാം കേരള നിയമസഭയിലെ കൃഷി, മൃഗ സംരക്ഷണ വകുപ്പുകളുടെ മന്ത്രിയായിരുന്ന കെ.പി. മോഹനനുൾപ്പടെ നാല് ആൺമക്കളും നാല് പെൺമക്കളും ഇദ്ദേഹത്തിനുണ്ട്.

രാഷ്ട്രീയത്തിൽ[തിരുത്തുക]

അധ്യാപകവൃത്തിയിൽ ഏർപ്പെട്ടിരിക്കേ തന്നെ അധ്യാപകപ്രസ്ഥാവുമായ ബന്ധപ്പെട്ട സമരങ്ങളിലും എസ്റ്റേറ്റ് തൊഴിലാളികളുടെ സമരങ്ങളിലും ഇദ്ദേഹം സജീവ പങ്കാളിയായിരുന്നു. രാഷ്ട്രീയ പ്രവർത്തനം നടത്തിയതിന്റെ പേരിൽ 1945-ൽ ഇദ്ദേഹത്തേ സർവീസിൽ നിന്നും പിരിച്ചു വിട്ടു. 1935-ൽ കോൺഗ്രസ് പാർട്ടിയിൽ പ്രവേസിച്ച പി.ആർ. കുറുപ്പ് സോഷ്യലിസ്റ്റ് ആശയങ്ങളിൽ കൂടുതൽ ആകൃഷ്ടനായതിനാൽ സോഷ്യലിസ്റ്റ് പാർട്ടിയിൽ അംഗമായി. ഒന്നാം കേരള നിയമസഭയിലേക്ക് നടന്ന തിരഞ്ഞെടുപ്പിൽ പ്രജാ സോഷ്യലിസ്റ്റ് പാർട്ടിയുടെ പ്രതിനിധിയായി കൂത്തുപറമ്പിൽ നിന്നും മത്സരിച്ച് ആദ്യ കേരളനിയമസഭയിലംഗമായി. രണ്ടാം കേരള നിയമസഭയിലും പ്രജാസോഷ്യലിസ്റ്റ് പാർട്ടിയെ പ്രതിനിധീകരിച്ച് കൂത്തുപറമ്പിൽ നിന്ന് വീണ്ടും ഇദ്ദേഹം കേരള നിയമസഭയിലേക്ക് തിരഞ്ഞെടുക്കപ്പെട്ടു. മൂന്നാം കേരള നിയമസഭയിൽ സംയുക്ത സോഷ്യലിസ്റ്റ് പാർട്ടിയുടെ (എസ്.എസ്.പി) പ്രതിനിധിയായും അഞ്ചാം നിയമസഭയിൽ കോൺഗ്രസ് പ്രതിനിധിയായും, എട്ടാം നിയമസഭയിൽ ജനതാപാർട്ടി പ്രതിനിധിയായും, പത്താം നിയമസഭയിൽ ജനതാദൾ പ്രതിനിധിയായും പെരിങ്ങളം നിയമസഭാമണ്ഡലത്തിൽ നിന്നും ഇദ്ദേഹം തിരഞ്ഞെടുക്കപ്പെട്ടിട്ടുണ്ട്.[2]

മൂന്നാം കേരള നിയമസഭയിൽ ഇ.എം.എസിന്റെ നേതൃത്തത്തിലുള്ള മന്ത്രിസഭയിൽ ജലസേചനം, സഹകരണം എന്നീ വകുപ്പുകൾ 1967 മാർച്ച് 6 മുതൽ 1969 ഒക്ടോബർ 21 വരെ കൈകാര്യം ചെയ്തത് കുറുപ്പാണ്. പത്താം കേരള നിയമസഭയിൽ നായനാർ മന്ത്രിസഭയിലും മന്ത്രിയായിരുന്ന ഇദ്ദേഹത്തിന് 1996 മേയ് 20 മുതൽ 1999 ജനുവർ 11 വരെ വനം, ഗതാഗതം എന്നീ വകുപ്പുകളുടെ ചുമതലയായിരുന്നു.

തിരഞ്ഞെടുപ്പുകൾ[തിരുത്തുക]

തിരഞ്ഞെടുപ്പുകൾ [3] [4]
വർഷം മണ്ഡലം വിജയിച്ച സ്ഥാനാർത്ഥി പാർട്ടിയും മുന്നണിയും പരാജയപ്പെട്ട മുഖ്യസ്ഥാനാർത്ഥി പാർട്ടിയും മുന്നണിയും
1960 കൂത്തുപറമ്പ് നിയമസഭാമണ്ഡലം പി. രാമുണ്ണി കുറുപ്പ് പ്രജാ സോഷ്യലിസ്റ്റ് പാർട്ടി
1957 കൂത്തുപറമ്പ് നിയമസഭാമണ്ഡലം പി. രാമുണ്ണി കുറുപ്പ് പ്രജാ സോഷ്യലിസ്റ്റ് പാർട്ടി

പ്രസിദ്ധീകരണങ്ങൾ[തിരുത്തുക]

  • എന്റെ നാടീന്റെ കഥ എന്റേയും
  • ആഞ്ജനേയ സന്ദേശം

കുടുംബം[തിരുത്തുക]

ഭാര്യ - കെ.പി. ലീലാവതി, മകൻ - കെ.പി. മോഹനൻ

അവലംബം[തിരുത്തുക]

"https://ml.wikipedia.org/w/index.php?title=പി.ആർ._കുറുപ്പ്&oldid=3110610" എന്ന താളിൽനിന്ന് ശേഖരിച്ചത്