പി. അബ്ദുൾ മജീദ്

അബ്ദുൽ മജീദ് എന്ന വാക്കാൽ വിവക്ഷിക്കാവുന്ന ഒന്നിലധികം കാര്യങ്ങളുണ്ട്. അവയെക്കുറിച്ചറിയാൻ അബ്ദുൽ മജീദ് (വിവക്ഷകൾ) എന്ന താൾ കാണുക.

പി. അബ്ദുൽ മജീദ്


രണ്ടാം കേരളനിയമസഭയിലെ അംഗം.
ഔദ്യോഗിക കാലം 1960 – 1964
മുൻഗാമി	കെ.വി. മുഹമ്മദ്
പിൻഗാമി	സി.എച്ച്. മുഹമ്മദ്കോയ
മണ്ഡലം	മങ്കട

വ്യക്തിഗത വിവരണം
ജനനം	1921 മാർച്ച് 3 ആലങ്കോട്
മരണം	26 ഒക്ടോബർ 2011(2011-10-26) (പ്രായം 90) കേരളം
രാഷ്ട്രീയ പാർട്ടി	മുസ്‌ലിം ലീഗ്
പങ്കാളി	എ. ഐഷാ ബീവി
മക്കൾ	രണ്ട് ആൺകുട്ടികൾ, രണ്ട് പെൺകുട്ടികൾ
As of ജൂൺ 15, 2020 ഉറവിടം: നിയമസഭ

രണ്ടാം കേരള നിയമസഭയിൽ മങ്കട നിയോജക മണ്ഡലത്തെ പ്രതിനിധീകരിച്ച എം.എൽ.എയായിരുന്നു പി.അബ്ദുൽ മജീദ്.(ജനനം: നവംബർ 20,1920 - മരണം: ഒക്ടോബർ 26,2011^[1])

ജീവിതരേഖ[തിരുത്തുക]

1920 നവംബർ 20ന് തിരുവനന്തപുരം ജില്ലയിലെ ആറ്റിങ്ങൽ ആലങ്കോട് പക്കിർ കണ്ണ് മുഹമ്മദ് മീര ഉമ്മാൾ ദമ്പതികളുടെ മകനായി ജനനം. അലിഗഢ് മുസ്ലിം സർവകലാശാലയിൽ നിന്ന് നിയമത്തിൽ ബിരുദവും ബിരുദാനന്തര ബിരുദവും നേടി. ഗവൺമെന്റ് പ്ലീഡറും പബ്ലിക്ക് പ്രോസിക്യൂട്ടറുമായി സേവനമനുഷ്ടിച്ചു. 1949 മുതൽ തിരുവനന്തപുരത്ത് വക്കീലായി സേവനമനുഷ്ടിച്ചു. 1958 ൽ മഞ്ചേരിയിലേക്ക് താമസം മാറി.^[2] 1960ൽ 4306 വോട്ടുകളുടെ ഭൂരിപക്ഷത്തിന് മങ്കടയിൽ നിന്നും നിയമസഭയിലേക്കു തിരഞ്ഞെടുക്കപ്പെട്ടു.^[3] മലപ്പുറം ജില്ല എന്ന ആശയം ആദ്യമായി കേരള നിയമസഭയിൽ അവതരിപ്പിച്ചത് ഇദ്ദേഹമായിരുന്നു.