എം. കുഞ്ഞിക്കണ്ണൻ നമ്പ്യാർ

ഇംഗ്ലീഷ് വിലാസം

https://ml.wikipedia.org/wiki/M._Kunhikannan_Nambiar

എം.കെ. നമ്പ്യാർ
കേരള നിയമസഭയിലെ അംഗം
ഓഫീസിൽ ഫെബ്രുവരി 9 1960 – സെപ്റ്റംബർ 10 1964
മുൻഗാമി	സി. കുഞ്ഞിക്കൃഷ്ണൻ നായർ
പിൻഗാമി	യു.പി. കുനിക്കുല്ലായ
മണ്ഡലം	കാസർഗോഡ്
വ്യക്തിഗത വിവരങ്ങൾ
ജനനം	മാവില കുഞ്ഞിക്കണ്ണൻ നമ്പ്യാർ (1916-07-27)ജൂലൈ 27, 1916 കാഞ്ഞങ്ങാട്
മരണം	ഓഗസ്റ്റ് 6, 1992(1992-08-06) (പ്രായം 76) കാഞ്ഞങ്ങാട്
രാഷ്ട്രീയ കക്ഷി	കോൺഗ്രസ്
പങ്കാളി	സാവിത്രിനമ്പ്യാർ
കുട്ടികൾ	കെ. വേണുഗോപാലൻ നമ്പ്യാർ
മാതാപിതാക്കൾ	കോടോത്ത് കുഞ്ഞമ്പുനായർ (അച്ഛൻ) മാവില കുഞ്ഞിമാണിക്യം (അമ്മ)
വസതി	കാഞ്ഞങ്ങാട്
As of നവംബർ 24, 2020 ഉറവിടം: നിയമസഭ

കേരളത്തിലെ ഒരു കോൺഗ്രസ് പ്രവർത്തകനും മുൻ നിയമസഭാംഗവുമായിരുന്നു എം.കെ. നമ്പ്യാർ എന്നറിയപ്പെട്ടിരുന്ന എം. കുഞ്ഞിക്കണ്ണൻ നമ്പ്യാർ. കാസർഗോഡ് നിയമസഭാമണ്ഡലത്തിൽ നിന്നും കോൺഗ്രസ് സ്ഥാനാർഥിയായി വിജയിച്ചാണ് ഇദ്ദേഹം രണ്ടാം കേരളനിയമസഭയിൽ അംഗമായത്. 1951ലാണ് സജീവ രാഷ്ട്രീയത്തിലേക്ക് പ്രവേശിച്ചത്. സൗത്ത് ഇന്ത്യ കോ-ഓപ്പറേറ്റീവ് ഇൻഷുറൻസ് കമ്പനിയുടേ ഡയറക്ടറായിരുന്നു. കെപിസിസി, എഐസിസി, കോൺഗ്രസ് നിയമസഭാ പാർട്ടി എക്സിക്യൂട്ടീവ് എന്നിവിടങ്ങളിൽ അംഗമായിരുന്ന ഇദ്ദേഹം കണ്ണൂർ ഡിസിസിയുടെ ഖജാൻജിയുമായിരുന്നു.

ജീവിതരേഖ

1916 ജൂലൈ 27 ന് കാഞ്ഞങ്ങാട് ആയിരുന്നു ജനനം. കോടോത്ത് കുഞ്ഞമ്പുനായർ, മാവില കുഞ്ഞിമാണിക്യം അമ്മ എന്നിവരാണ് മാതാപിതാക്കൾ. മംഗലാപുരത്തായിരുന്നു പഠനം. എം.ബി.ബി.എസിനു ചേർന്നെങ്കിലും കോഴ്സ് പൂർത്തിയാക്കിയില്ല. കൃഷിക്കാരനായി പ്രവർത്തിച്ചുവരവേ, 1951 മുതൽ സജീവരാഷ്ട്രീയത്തിലേർപ്പെട്ടു. ഉദുമ നിയോജക മണ്ഡലത്തിൽ നിന്നുള്ള എം.എൽ.എ ആയിരുന്ന എം. കുഞ്ഞിരാമൻ നമ്പ്യാരും മാവില മാധവിയമ്മ, മാവില മീനാക്ഷിയമ്മ എന്നിവരും സഹോദരങ്ങളായിരുന്നു.

സാവിത്രിനമ്പ്യാരായിരുന്നു സഹധർമ്മിണി. സാമൂഹികപ്രവർത്തകനും കാഞ്ഞങ്ങാട് ദുർഗ്ഗ ഹയർസെക്കണ്ടറി സ്കൂൾ മാനേജരുമായ കെ. വേണുഗോപാലൻ നമ്പ്യാർ ആതുരശുശ്രൂഷാമേഖലയിലുള്ള കെ. വിനോദ്കുമാർ എന്നിവർ മക്കളാണ്.