സി.കെ. ഹരിശ്ചന്ദ്രൻ നായർ

ഇംഗ്ലീഷ് വിലാസം

https://ml.wikipedia.org/wiki/C.K._Harichandran_Nair

സി.കെ. ഹരിശ്ചന്ദ്രൻ നായർ
കേരള നിയമസഭയിലെ അംഗം
ഓഫീസിൽ ഫെബ്രുവരി 9 1960 – മേയ് 24 1962
മുൻഗാമി	തോപ്പിൽ ഭാസി
പിൻഗാമി	എം. രവീന്ദ്രനാഥ്
മണ്ഡലം	പത്തനംതിട്ട
വ്യക്തിഗത വിവരങ്ങൾ
ജനനം	(1926-06-00)ജൂൺ , 1926
മരണം	24 മേയ് 1962(1962-05-24) (പ്രായം 35)
രാഷ്ട്രീയ കക്ഷി	പി.എസ്.പി.
കുട്ടികൾ	5
മാതാപിതാക്കൾ	വള്ളിക്കോട് ഞാഴപ്പള്ളിൽ ഗോവിന്ദൻ നായർ (അച്ഛൻ) ചിറ്റൂർ വീട്ടിൽ ലക്ഷ്മിയമ്മ (അമ്മ)
As of നവംബർ 5, 2020 ഉറവിടം: നിയമസഭ

കേരളത്തിലെ ഒരു രാഷ്ട്രീയ പ്രവർത്തകനും മുൻ നിയമസഭാംഗവുമായിരുന്നു സി.കെ. ഹരിശ്ചന്ദ്രൻ നായർ (ജീവിതകാലം: ജൂൺ 1926 - 24 മേയ് 1962). വള്ളിക്കോട് ഞാഴപ്പള്ളിൽ ആർ. ഗോവിന്ദൻ നായരും ചിറ്റൂർ വീട്ടിൽ ലക്ഷ്മിയമ്മയുമാണ് മാതാപിതാക്കൾ. പത്തനംതിട്ട നിയമസഭാമണ്ഡലത്തിൽ നിന്നും രണ്ടാം കേരളനിയമസഭയിലേക്ക് പി.എസ്.പി.യുടെ പ്രതിനിധിയായി ഇദ്ദേഹം തിരഞ്ഞെടുക്കപ്പെട്ടിട്ടുണ്ട്. 1926 ജൂണിൽ ജനിച്ചു, അഞ്ച് കുട്ടികളുണ്ട്. 1959-ൽ അഭിഭാഷകനായി എൻറോൾ ചെയ്തു പത്തനംതിട്ടയിൽ പ്രാക്ടീസ് ആരംഭിച്ചു. നായർ സർവീസ് സൊസൈറ്റിയുടെ ഡയറക്ടർ ബോർഡംഗമായിരുന്നു. നിയമസഭാസാമാജികനായിരിക്കെ 1962 മേയ് 24ന് അന്തരിച്ചു. കോന്നിയിലെ ചിറ്റൂർ കുടംബത്തിലെ ഇദ്ദേഹത്തിന്റെ സഹോദരന്മാരും രാഷ്ട്രീയത്തിൽ സജീവമായിരുന്നു. 1952ൽ തിരു-കൊച്ചി നിയമസഭയിലേക്ക് നട‌ന്ന തിരഞ്ഞെടുപ്പിൽ വള്ളിക്കോട് മണ്ഡലത്തിൽ നിന്ന് ചിറ്റൂർ രാജഗോപാലൻ നായർ മത്സരിക്കാൻ നാമനിർദേശ പത്രിക നൽകി പ്രചാരണം തുടങ്ങിയിരുന്നെങ്കിലും എതിർ സ്ഥാനാർഥിയായിരുന്ന മന്നത്ത് പദ്മനാഭന്റെ അഭിപ്രായം മാനിച്ച് പത്രിക പിൻവലിച്ചു. ഇദ്ദേഹത്തിന്റെ ജ്യേഷ്ഠസഹോദരനായ ചിറ്റൂർ ശശാങ്കൻ നായർ 1987-ൽ കോന്നിയിൽ നിന്നും എൻ.ഡി.പി. സ്ഥാനാർഥിയായി വിജയിച്ചിട്ടുണ്ട്. ഇദ്ദേഹത്തിന്റെ മറ്റൊരു സഹോദരനായിരുന്ന സി.പി. രാമചന്ദ്രൻ നായർ 1991-ൽ കോന്നിയിൽ നിന്നും മത്സരിച്ചെങ്കിലും സി.പി.എമ്മിലെ എ. പത്മകുമാറിനോട് പരാജയപ്പെട്ടു.