ഇ. അഹമ്മദ്

വിക്കിപീഡിയ, ഒരു സ്വതന്ത്ര വിജ്ഞാനകോശം.
ഇ. അഹമ്മദ്

E. Ahamed

പാർലമെന്റംഗം
നിയോജക മണ്ഡലം പൊന്നാനി ലോകസഭാമണ്ഡലം
ജനനം (1938-04-29) 29 ഏപ്രിൽ 1938 (വയസ്സ് 79)
കണ്ണൂർ, കേരളം
മരണം 01 ഫെബ്രുവരി 2017
ന്യൂഡൽഹി
ഭവനം കണ്ണൂർ
രാഷ്ട്രീയപ്പാർട്ടി
മുസ്ലീംലീഗ്
ജീവിത പങ്കാളി(കൾ) പരേതയായ സുഹറ അഹമ്മദ്
കുട്ടി(കൾ) 2 പുത്രരും 1 മകളും
വെബ്സൈറ്റ് http://eahamed.com/

മുൻ കേന്ദ്ര വിദേശകാര്യ സഹമന്ത്രിയും, പതിനഞ്ചും പതിനാറും ലോകസഭകളിൽ മലപ്പുറത്തെ പ്രതിനിധീകരിച്ച അംഗവും, മുസ്ലീംലീഗ് ദേശീയ പ്രസിഡന്റുമായിരുന്നു എട്ടിക്കണ്ടി അഹമ്മദ് എന്നഇ. അഹമ്മദ്(ജനനം 29 ഏപ്രിൽ 1938 - മരണം 1 ഫെബ്രുവരി 2017). പതിനാലാം ലോകസഭയിലെ കേന്ദ്ര വിദേശകാര്യ സഹമന്ത്രിയായിരുന്നു. പതിനഞ്ചാം ലോകസഭയിലും കേന്ദ്ര സഹമന്ത്രിയായി സത്യപ്രതിജ്ഞ ചെയ്തു.[1] 2017 ഫെബ്രുവരി ഒന്നിന് പുലർച്ചെ രണ്ടേകാലോടെ ഡൽഹിയിലെ സ്വകാര്യ ആശുപത്രിയിൽ വച്ച് അദ്ദേഹം അന്തരിച്ചു.[2]

ജീവിതരേഖ[തിരുത്തുക]

1938 ഏപ്രിൽ 29-ന്‌ കണ്ണൂർ ജില്ലയിലെ കണ്ണൂർ സിറ്റിയിൽ ജനിച്ചു. തലശ്ശേരി ഗവൺ‌മെന്റ് ബ്രണ്ണൻ കോളേജ്, ഗവൺ‌മെന്റ് ലോ കോളേജ് തിരുവനന്തപുരത്തുമായി വിദ്യാഭ്യാസം. ഇ.അഹമ്മദ് 5 തവണ കേരള നിയമസഭയിലേക്ക് തെരഞ്ഞെടുക്കപ്പെട്ടിട്ടുണ്ട്(1967-1991).1982-1987 കാലത്ത് കേരള വ്യവസായ മന്ത്രിയായിരുന്നു.1991 ൽ ആദ്യമായി ലോക്സഭയിലേക്ക് തെരഞ്ഞെടുക്കപ്പെട്ടു.1995ഇന്ത്യൻ യൂണിയൻ മുസ്ലീം ലീഗ് ജനറൽ സെക്രട്ടറിയായി.2004വിദേശകാര്യ സഹമന്ത്രിയായി.2009റയിൽവേ സഹമന്ത്രി. 2011 ൽ വീണ്ടും വിദേശകാര്യ സഹമന്ത്രിയായി ചുമതലയേറ്റു.[3]

2004ലെ ലോക്സഭാ തിരഞ്ഞെടുപ്പിൽ കേരളത്തിൽ നിന്ന് ജയിച്ച ഏക യു.ഡി.എഫ്. അംഗം അഹമ്മദായിരുന്നു. എൽ.ഡി.എഫ്. ചരിത്രവിജയം നേടിയ തിരഞ്ഞെടുപ്പിൽ പൊന്നാനി മണ്ഡലം സ്വന്തം കൈപ്പിടിയിലൊതുക്കി അഹമ്മദ് യു.ഡി.എഫിന്റെ മാനം കാത്തു. 2009, 2014 വർഷങ്ങളിൽ മലപ്പുറത്തുനിന്നും തിരഞ്ഞെടുക്കപ്പെട്ടു.

തിരഞ്ഞെടുപ്പുകൾ[തിരുത്തുക]

തിരഞ്ഞെടുപ്പുകൾ
വർഷം മണ്ഡലം വിജയി പാർട്ടി മുഖ്യ എതിരാളി പാർട്ടി
2014 മലപ്പുറം ലോകസഭാമണ്ഡലം ഇ. അഹമ്മദ് മുസ്ലീം ലീഗ്, യു.ഡി.എഫ് പി.കെ. സൈനബ സി.പി.എം., എൽ.ഡി.എഫ്.

പുസ്തകങ്ങൾ[തിരുത്തുക]

  • One Foreign Journey and Numerous Memories
  • A Story of Renaissance of Indian Muslims
  • The Leaders I Know

പതിനഞ്ചാം ലോകസഭ[തിരുത്തുക]

പതിനഞ്ചാം ലോകസഭയിലേക്കുള്ള തെരഞ്ഞെടുപ്പിൽ മലപ്പുറം ലോകസഭാമണ്ഡലത്തിൽ നിന്ന് 1,94,739 വോട്ടുകളുടെ ഭൂരിപക്ഷത്തോടെ വിജയിച്ചു. തുടർന്ന് 2009 മെയ് 28-ന് അദ്ദേഹം കേന്ദ്ര വിദേശകാര്യ സഹമന്ത്രിയായി സത്യപ്രതിജ്ഞ ചെയ്തു.

മരണം[തിരുത്തുക]

2017 ഫെബ്രുവരി ഒന്നിന് പുലർച്ചെ രണ്ടേകാലോടെ ഡൽഹിയിലെ രാംമനോഹർ ലോഹ്യ ആശുപത്രിയിൽ വച്ചാണ് അഹമ്മദ് അന്തരിച്ചത്. തലേന്ന് ഉച്ചയ്ക്ക് തുടങ്ങിയ ബജറ്റ് സമ്മേളനത്തോടനുബന്ധിച്ച് രാഷ്ട്രപതിയുടെ നയപ്രഖ്യാപനപ്രസംഗം കേട്ടുകൊണ്ടിരിക്കേ പെട്ടെന്ന് ഹൃദയാഘാതം വന്ന് കുഴഞ്ഞുവീണ അഹമ്മദിനെ ഉടനെ ആശുപത്രിയിലെത്തിച്ചു. വിദഗ്ദ്ധചികിത്സകൾ നടത്തിയെങ്കിലും ഒന്നിന് പുലർച്ചെ രണ്ടേകാലോടെ ഡോക്ടർമാർ മരണം സ്ഥിരീകരിച്ചു. മൃതദേഹം ആദ്യം ഡൽഹിയിലെ വീട്ടിൽ പൊതുദർശനത്തിന് വച്ചശേഷം നാട്ടിലെത്തിക്കുകയും, പിറ്റേന്ന് ഉച്ചയ്ക്ക് പൂർണ ഔദ്യോഗികബഹുമതികളോടെ കണ്ണൂർ സിറ്റി ജുമാ മസ്ജിദിൽ കബറടക്കുകയും ചെയ്തു. അഹമ്മദിന്റെ ഭാര്യ സുഹറ 1999-ൽ വാഹനാപകടത്തിൽ മരിച്ചു. രണ്ട് ആണ്മക്കളും ഒരു മകളുമടക്കം മൂന്ന് മക്കളുണ്ട്.

ഡൽഹി റാംമനോഹർ ലോഹ്യ ആശുപത്രിയിൽ എത്തിയ സോണിയ ഗാന്ധിക്കും കോൺഗ്രസ് ഉപാധ്യക്ഷൻ രാഹുൽ ഗാന്ധിക്കും അഹമ്മദിനെ കാണാനുളള അനുമതി ആശുപത്രി അധികൃതർ നിഷേധിചിരുന്നു. ബജറ്റ് പ്രഖ്യാപനം കാരണമാണ് ആരെയും ആശുപത്രിക്കകത്തേക്ക് കടത്തി വിടാത്തതെന്ന് ആരോപണമുയർന്നു. ഓപ്പൺ ഐസിയുവിലായിരുന്ന അഹമ്മദിനെ ട്രോമ കെയറിലേക്ക് മാറ്റിയ ശേഷമാണ് എംപിമാരായ വയലാർ രവി, ഇ.ടി മുഹമ്മദ് ബഷീർ, എം.കെ രാഘവൻ, പി.വി വഹാബ് എന്നിവർക്ക് സന്ദർശനത്തിന് അനുമതി ലഭിച്ചതും. ആശുപത്രി അധികൃതരുടെ നടപടിക്കെതിരെ ഇ. അഹമ്മദിൻറെ മക്കൾ പൊലീസിൽ പരാതി നൽകിയിട്ടുണ്ട്.ഇ അഹമ്മദ് അന്തരിച്ചതിനെ തുടർന്ന് മലപ്പുറം ലോക സഭ മണ്ഡലത്തിൽ നടന്ന തെരഞ്ഞെടുപ്പിൽ പി.കെ. കുഞ്ഞാലിക്കുട്ടി 171038 വോട്ടുകൾക്ക് വിജയിച്ചു [4]

അവലംബം[തിരുത്തുക]

  1. "59 കേന്ദ്രമന്ത്രിമാർ സത്യപ്രതിജ്ഞ ചെയ്‌തു" (ഭാഷ: മലയാളം). മാതൃഭൂമി. മേയ് 28, 2009. ശേഖരിച്ചത് മേയ് 28, 2009. 
  2. http://www.manoramaonline.com/news/just-in/former-union-minister-e-ahmed-passed-away.html
  3. http://www.manoramaonline.com/news/just-in/e-ahmed-unwell-parliament.html
  4. Malappuram Election Result 2017

പുറമെ നിന്നുള്ള കണ്ണികൾ[തിരുത്തുക]



പതിനഞ്ചാം ലോകസഭയിൽ കേരളത്തിൽ നിന്നുള്ള അംഗങ്ങൾ 100px-കേരളം-അപൂവി.png
പി. കരുണാകരൻ | കെ. സുധാകരൻ | മുല്ലപ്പള്ളി രാമചന്ദ്രൻ | എം.ഐ. ഷാനവാസ് | എം.കെ. രാഘവൻ | ഇ. അഹമ്മദ് | ഇ.ടി. മുഹമ്മദ് ബഷീർ | എം.ബി. രാജേഷ് | പി.കെ. ബിജു | പി.സി. ചാക്കോ | കെ.പി. ധനപാലൻ | കെ.വി. തോമസ്| പി.ടി. തോമസ് | ജോസ് കെ. മാണി | കെ.സി. വേണുഗോപാൽ | കൊടിക്കുന്നിൽ സുരേഷ് | ആന്റോ ആന്റണി | എൻ. പീതാംബരക്കുറുപ്പ് | എ. സമ്പത്ത് | ശശി തരൂർ


പതിനാറാം ലോകസഭയിൽ കേരളത്തിൽ നിന്നുള്ള അംഗങ്ങൾ 100px-കേരളം-അപൂവി.png
പി. കരുണാകരൻ | പി.കെ. ശ്രീമതി | മുല്ലപ്പള്ളി രാമചന്ദ്രൻ | എം.ഐ. ഷാനവാസ് | എം.കെ. രാഘവൻ | ഇ. അഹമ്മദ് | ഇ.ടി. മുഹമ്മദ് ബഷീർ | എം.ബി. രാജേഷ് | പി.കെ. ബിജു | സി.എൻ. ജയദേവൻ | ഇന്നസെന്റ് | കെ.വി. തോമസ്| ജോയ്സ് ജോർജ് | ജോസ് കെ. മാണി | കെ.സി. വേണുഗോപാൽ | കൊടിക്കുന്നിൽ സുരേഷ് | ആന്റോ ആന്റണി | എൻ.കെ. പ്രേമചന്ദ്രൻ | എ. സമ്പത്ത് | ശശി തരൂർ
"https://ml.wikipedia.org/w/index.php?title=ഇ._അഹമ്മദ്&oldid=2583343" എന്ന താളിൽനിന്നു ശേഖരിച്ചത്